影片
更多
2024-04-01
24 瀏覽
網上見到三日月嘅評價唔錯，而且仲要係日本師傅主理，所以就book左嚟試。餐廳位於尖沙咀，環境優雅而又舒適，好傳統嘅日系風。我地揀左A5宮崎和牛龍蝦鮑魚二人前套餐，菜式好豐富，海鮮款式又多，大滿足。前菜三小點裡面有明太子沙律，麻醬豆腐，煙燻雞肉。明太子沙律好爽口開胃，豆腐好滑，入口即溶，煙燻雞肉好香。火龍果沙律好fresh, 配埋柚子汁好開胃。極上刺身有赤身，油甘魚同甜蝦。刺身好新鮮同鮮甜，魚肉油脂均勻，咬落去每一口口感都好豐富。季節時令生蠔好大隻，肉厚味鮮，淡淡海水味，甜甜又飽滿。呢度嘅茶碗蒸好特別，除左雞蛋嫩滑，表面仲有好鮮甜嘅鰹魚汁，整個味道層次好豐富。師傅用純熟嘅技巧將鮮活南非鮑燒得恰到好處。南非鮑魚用海帶蓋住去煎，唔會太乾，仲有淡淡嘅昆布味，咬落去好爽口，配埋秘製嘅鮑魚汁同新鮮昆布一齊食，味道非常match。另外師傅專登留低鮑魚肝香煎，估唔到鮮味更香更濃郁。鮮活龍蝦肉鮮美彈牙又爽口，龍蝦肉配上以龍蝦膏煮成嘅汁，味道層次更加豐富，更加鮮甜。師傅用紫薯粉將碟邊畫得美侖美奐，除了味覺嘅享受外，仲帶黎視覺上嘅悅目。鹿兒島和牛薄燒卷燒至剛剛好，入口即溶，肉質鮮美，包住切絲嘅香菇，仲有三款
網上見到三日月嘅評價唔錯，而且仲要係日本師傅主理，所以就book左嚟試。餐廳位於尖沙咀，環境優雅而又舒適，好傳統嘅日系風。
我地揀左A5宮崎和牛龍蝦鮑魚二人前套餐，菜式好豐富，海鮮款式又多，大滿足。
前菜三小點裡面有明太子沙律，麻醬豆腐，煙燻雞肉。明太子沙律好爽口開胃，豆腐好滑，入口即溶，煙燻雞肉好香。火龍果沙律好fresh, 配埋柚子汁好開胃。
極上刺身有赤身，油甘魚同甜蝦。刺身好新鮮同鮮甜，魚肉油脂均勻，咬落去每一口口感都好豐富。
季節時令生蠔好大隻，肉厚味鮮，淡淡海水味，甜甜又飽滿。
呢度嘅茶碗蒸好特別，除左雞蛋嫩滑，表面仲有好鮮甜嘅鰹魚汁，整個味道層次好豐富。
師傅用純熟嘅技巧將鮮活南非鮑燒得恰到好處。南非鮑魚用海帶蓋住去煎，唔會太乾，仲有淡淡嘅昆布味，咬落去好爽口，配埋秘製嘅鮑魚汁同新鮮昆布一齊食，味道非常match。另外師傅專登留低鮑魚肝香煎，估唔到鮮味更香更濃郁。
鮮活龍蝦肉鮮美彈牙又爽口，龍蝦肉配上以龍蝦膏煮成嘅汁，味道層次更加豐富，更加鮮甜。師傅用紫薯粉將碟邊畫得美侖美奐，除了味覺嘅享受外，仲帶黎視覺上嘅悅目。
鹿兒島和牛薄燒卷燒至剛剛好，入口即溶，肉質鮮美，包住切絲嘅香菇，仲有三款調味醬汁，分別係酸汁、味噌、胡麻醬。無論原味或者點汁食，都各有各特色，非常好味。配埋蘆筍同野菜，好fresh。
鐵板炒飯入面有木魚、白飯魚、櫻花蝦，再加埋酸梅醬，炒飯粒粒分明，酸梅帶黎酸酸嘅味道，好開胃。侍應建議可以原味先試下味道，之後可以加湯當作茶漬飯咁食，兩種食法都好好味。
龍蝦味噌湯，用煎過嘅龍蝦頭同殼煮成味噌湯，湯底非常鮮甜濃郁，食得唔好嘥。
甜品方面，我地將其中一份甜品升級做焦糖多士。焦糖多士外酥內軟，每一口都係甜甜的。配上紅豆雪糕一齊食，口感更加豐富。
張貼
