三日月

營業中

休息中

見到呢間餐廳OpenRice幾多好評，lunch有個九道菜嘅set，星期六日都有，係比較優惠嘅價錢，仲要係鐵板燒。咁啱又喺尖沙咀出沒，咁就去試吓啦。鮮活澳洲龍蝦然後走到重頭戲之一嘅澳洲龍蝦！本身龍蝦上鐵板嗰陣，仲係未死嘅，所以食落更加新鮮。主廚會直接喺個客面前將隻龍蝦放上鐵板度整，首先將個龍蝦連殼咁整熟少少，之後再將嗰啲龍蝦肉拆出嚟，淋上牛油調味，最後再組裝返上個盤度。本身個龍蝦殼同埋龍蝦肉都會放上碟度，而龍蝦肉就會再加上特製龍蝦膏，成件事更加昇華！美國Prime肉眼薄燒卷另一個鐵板燒嘅主菜就係呢個肉眼博燒，用嘅係美國嘅牛，個主廚會首先問客人個牛係想食幾成熟，然後再跟返客人嘅偏好處理返個牛。主廚先會將一啲菇同埋蔥整好，然後再放上牛肉薄片上，捲埋一齊之後就會上鐵板㗎啦！.我自己食呢個嗰陣覺得，雖然睇落唔係話最靚嘅牛肉薄燒，但係佢係有驚喜嘅，唔知係咪因為佢揀嘅係美國牛，食落油香十足，即使唔試唔使點任何調味料，已經好夠味。鐵板炒飯另外佢個鐵板炒飯都係有落少少心機嘅，佢建議客人先食一半原味嘅炒飯，之後再將一個鰹魚湯撈埋變成一個茶漬飯，食落係兩種完全唔同嘅風味。