影片
更多
2024-05-08
26 瀏覽
杭州西湖有個好多人去既景點三潭印月，遊客就咁坐係度，就可以欣賞一幅好似藝術品咁嘅自然風景。呢間鋪頭個名都同哩個明星景點好相似。事實上，坐係鐵板燒枱，睇住師傅行雲流水嘅料理，其實都係一種藝術。 🍖午餐時段，我點左佢地既輕型午餐，前菜喺開胃嘅火龍果沙律，配柚子醬汁，連入邊嘅荷蘭豆都幫我拆開，方便易食。 🍖主菜可以係好多種類之中選擇，而我就選擇左厚切嘅紐西蘭肉眼扒。師傅一邊燒牛肉，一邊炒菜。睇住師傅放左菜，加牛油，加水，調味料，然後快速兜炒，由硬變林，清變香，青綠變翠綠，只不過係係個一兩分鐘之間，非常治癒。 🍖另一方面，牛肉嘅烹煮，按壓，翻轉，切割，好似不加思考，時間拿捏非常準確，睇住上枱已經切好嘅一粒粒肉塊，同肉呈現嘅色澤，正正就係我要求嘅medium。完成時間同青菜炒好嘅時間完全吻合，所以整碟上枱，成個碟都係熱辣辣。 ✨️先小結一下以上，要做到以上菜式行雲流水，必須要讚賞係，鐵板夠熱，刀夠鋒利，材料夠好。但係呢d準備功夫，都比唔上師傅既經驗老到，手法純熟。咁先成就一碟看似簡單，其味無窮嘅牛肉鐵板燒。 🍖當然我地唔可以唔提個炒飯同埋甜品啦。我嘅感覺係炒飯冇用到隔夜飯炒。但係當然唔需要應用中式
🍖午餐時段，我點左佢地既輕型午餐，前菜喺開胃嘅火龍果沙律，配柚子醬汁，連入邊嘅荷蘭豆都幫我拆開，方便易食。
🍖主菜可以係好多種類之中選擇，而我就選擇左厚切嘅紐西蘭肉眼扒。師傅一邊燒牛肉，一邊炒菜。睇住師傅放左菜，加牛油，加水，調味料，然後快速兜炒，由硬變林，清變香，青綠變翠綠，只不過係係個一兩分鐘之間，非常治癒。
🍖另一方面，牛肉嘅烹煮，按壓，翻轉，切割，好似不加思考，時間拿捏非常準確，睇住上枱已經切好嘅一粒粒肉塊，同肉呈現嘅色澤，正正就係我要求嘅medium。完成時間同青菜炒好嘅時間完全吻合，所以整碟上枱，成個碟都係熱辣辣。
✨️先小結一下以上，要做到以上菜式行雲流水，必須要讚賞係，鐵板夠熱，刀夠鋒利，材料夠好。但係呢d準備功夫，都比唔上師傅既經驗老到，手法純熟。咁先成就一碟看似簡單，其味無窮嘅牛肉鐵板燒。
🍖當然我地唔可以唔提個炒飯同埋甜品啦。我嘅感覺係炒飯冇用到隔夜飯炒。但係當然唔需要應用中式炒飯概念啦。珍珠米本身就有個種有彈性嘅特質，所以新鮮煮好再去炒，保持到米本身嘅優點，仲因為炒過而特別香。仲有個甜品，我揀左焦糖多士，勁就勁在都係喺鐵板上一條龍整好，喺多士底面，都加上砂糖，唔洗用火燒，直接將用高熱嘅鐵板燒至焦香，大開眼界。
🍖見到隔離枱食龍蝦，下次晚餐過黎我知道要食乜啦，好似仲有的折扣優惠幾抵咁！
張貼
