一生懸麵

營業中

休息中

今日咁岩又去左九龍灣睇戲，睇完戲有啲肚餓，突然醒起之前食過好高質嘅一生懸麵，所以特登去九龍灣得寶商場醫一醫肚先。  今日好好彩，去到唔見人龍，唔駛排隊直接入坐。 海老拉麵 ($88) + 慢熟豚叉燒-3片(+$20) 海老拉味鋪滿左好多櫻花蝦，湯底係用鮮蝦淆製，每食一啖拉麵都夾雜住櫻花蝦同濃蝦湯，好鮮甜。慢熟豚叉燒好淋好香，又唔怕好似平時啲叉燒咁肥，適合怕肥膩人士。 白湯豚骨拉麵 ($72) + 慢熟豚叉燒-3片(+$20) + 半熟蛋 (+$12) 白湯豚骨拉麵湯底係用豬骨淆製，但湯底唔怕好多油。 章魚燒 ($29) 章魚燒新鮮製造，上檯時仲係熱辣辣。上面鋪滿木魚碎，紫菜同沙律醬，好香好好味。 雞軟骨棒 ($29) 呢個棒有驚喜，雞肉包住搞碎嘅雞軟骨，口感好豐富。 飲品 冷泡茶-桂花烏龍，Coke Zero。 每次食完一生懸麵都好好滿足。無論味道定價錢都勝過好多拉麵鋪，而且唔駛加一。佢間中都會有一啲期間限定嘅拉麵，每次黎都會有新鮮感，值得一試再試。 

呢間好出名嘅拉麵小店，次次都要排隊？究竟有無啲人講到咁好食⁉️🤔今日12點左右去到，坐低之後陸續都keep住有人入座，小店座位唔多所以好快已經要排隊喇🍴白湯豚骨拉麵◽️豚肉半肥半瘦 又唔會太薄，同埋面頭有燒過 食落都幾香，唔錯◽️配有半隻溫泉蛋，但係覺得酒香味唔夠◽️拉麵我揀咗標準，但上枱淋咗少少🤏🏻可能落單揀返(較硬)食落會爽口啲◽️湯底偏咸🫢食完好口渴◾️豚肉可以讚一讚，但整體比較普通，不過價錢相對平民 都可以接受啦~

今日放工約左朋友去九龍灣得寶花園搵野食, 經過一間拉麵店看似不錯就決定試下喇店內氣氛: 充滿日本風氣, 日式裝修白湯豚骨拉麵加紫菜 ($72 + $10 = $82): 豬骨湯味濃郁, 拉麵本身配上兩大塊叉燒, 叉燒肉質鮮嫩多汁, 口感香甜仲有半熟溏心蛋, 帶有些許的甜味和奶油感. 另加的紫菜份量多, 有4至5塊, 夠晒鮮美口感雞白湯拉麵加紫菜, 溏心蛋, 椰菜 ($95 + $10 + $12 + $12 = $129): 相比起豚骨湯底, 雞湯的確比較清淡得黎, 又有點雞肉香氣, 口感柔滑, 有一絲的甜味. 溏心蛋質地非常柔軟. 值得一提的是椰菜, 性價比高, 有一大碗, 食落去夠晒清爽燒餃子 ($29):餃子的皮煎至金黃酥脆, 肉質鮮嫩多汁, 完全感受到餡料的香氣和口感的層次章魚燒 ($29):外層酥脆, 內部蓬鬆, 配合章魚的鮮味與麵粉的香氣相融合簡單一句, 性價比高, 可回頭

旺角分店就食得多啦，第一次去九龍灣呢一間分店估唔到都係好多人流都需要排隊，但係都唔阻止我對佢嘅熱愛坐低嗌咗一碗野菜生拉麵勁多椰菜另外嗰日個湯好好味好夾同個面咁另外嗌咗個白骨豚肉拉麵個湯比椰菜生晒濃少少，但係我覺得就被粗麵好食，而且有兩大塊個豬叉燒超級好食咁但係因為食嘅時候身邊都好多人 所以搞到食到有少少急咁另外仲加咗個餃子煎餃子小食咁都煎得好脆口食落去都唔會好油咁整體都係不過不失，但係我自己都比較鍾意食

之前食過幾次旺角店，最近先知九龍灣有分店。一生懸麵都算出名店，旺角店要排長龍。九龍灣店比較隱世，喺得寶商場入面。白湯豚骨拉麵拉麵係用較幼身嘅麵，麵質有得揀硬/標準/柔，揀咗標準煙韌，口感剛好，有咬口。拉麵嘅白湯比沾麵湯柔身清爽，飲落味道濃郁，配有紫菜/半熟蛋/葱/筍，加左廿蚊要慢熟豚叉燒，都有4/5塊，抵食👍🏻魚介豚骨沾麵 天氣有啲涼，沾麵揀咗熱麵，可以走蔥。沾麵比較粗，個人好鐘意呢個粗度，勁有口感。魚介湯味道突出，比豚骨湯多左份魚鮮味，湯入面仲有幾粒大大粒嘅肥美叉燒粒。配料有兩塊叉燒，火炙後好香口。呢碗都加左慢熟豚叉燒，滿滿嘅肉香，啱晒食肉獸。小食叫左雞軟骨棒同章魚燒，每款都只係29蚊，好抵食，味道都唔錯👍🏻白桃烏龍冷泡茶同有氣茶值得一試7/80港紙就食到一碗高質素拉麵，真係性價比極高。

之前推出花生醬雪糕拉麵，今期夏天更加推出柚子雪糕拉麵，去嘅時候未開門已經有10多人排隊，想食就要早少少去等啦！⭐️柚子雪糕拉麵 $98本身湯底已經係柚子豬骨湯，飲落去比較清爽，加埋柚子雪糕柚子味更重，好啱夏天食！雪糕係用咗想甜嚐甜既柚子雪糕，食落似雪芭，同湯底都幾夾，反而甜筒冇想像中咁容易浸淋，亦都唔似腐皮🤣呢款雪糕拉麵係用咗粗身拉麵，彈牙煙韌！⭐️白湯豚骨拉麵 $69食完柚子雪糕拉麵之後，呢款豬骨拉麵就啱啱相反，湯底濃郁重口味，配上幼身拉麵！亦都鍾意呢度嘅豚肉肥瘦適中！覺得兩款拉麵各有特色，而且都好好食😋

行過呢間小店，外表唔起眼，但係香味撲鼻而出，就知道有好嘢！跟住肚子嘅召喚，率先點咗碟炸雞翼，啱啱好嘅酥脆🍗，外皮炸得金黃又唔油膩，咬落去肉汁四溢，香口得嚟唔會太乾，咸香啱口。轉個頭，又嚟咗碗牛腩麵🍜，啖啖肉嘅牛腩好入味，肉質腍滑，麵條爽口得嚟保持恰到好處嘅彈性，湯頭鮮甜，每一啖都有種暖呼呼嘅家嘅感覺，真係滋潤到心坎入面去。最後，點支甜品—楊枝甘露🥤，甜而不膩，多種水果味道兼容並蓄，每一啖都好似玩緊味覺嘅遊戲，清新舒服。真係飲食界嘅小確幸，使到成個人都暖笠笠嘅。下次再黎，我一定要試埋其他款！呢個地方，真係正！

今日出開九龍灣，老公話有朋友推介呢間拉麵店 。位置喺九龍灣得寶商場地下，大約10個吧枱位+幾張枱仔，星期六午飯時間到，剛好有張二人枱剩🥰坐低就可以劃紙仔點餐😎一人一張喔🍜 野菜山拉麵 $78有椰菜🥬、芽菜、碎蒜，呢款麵係配粗麵，因為尋日胃唔太舒服，特登揀咗較淋嘅麵，上到枱剛好，都不會特別淋paepae😌 另外有兩片厚叉燒，非常軟稔，肥瘦適中 。碎蒜係點睛之選，配埋濃湯多一種層次，亦唔怕野菜太單調🍜白湯豚骨拉麵 $72 + 慢煮豚叉燒 （三片）$20湯底飲落比野菜山稍濃，呢款麵配幼麵，個人覺得比粗麵好食 。豚叉燒本身有兩塊，加左之後有五塊，老公話肉質都唔錯🫶🏻見到隔籬枱叫餃子都好正，下次再嚟試下👍一路食都不斷有人等位同叫外賣，真心唔錯嘅小店💛最尾一張相係2:40左右經過再影嘅門口相，仲有幾個人食緊🥰

係香港想食一碗正宗日式拉麵難，想食一碗性價比高嘅日式拉麵難上加難。為左一碗拉麵，今日走左去九龍灣得寶商場，試一試人人都讚嘅嘅一生懸麵。  可能閒日關係，去到唔駛排隊，直接入坐。  白湯豚骨拉麵 ($72) 拉麵一上檯已經聞到香濃豚骨湯味，第一啖當然要試下佢個湯頭。飲第一啖湯，湯濃而不膩，飲得出唔係平時出面開粉嘅湯底而係真材實料用豬骨煲出黎。之後即刻試埋個麵底，麵條爽彈，唔怕煮到淋晒，值我一讚。最後就試埋日式叉燒同流心蛋，水準完全拍得住日本拉麵鋪。難怪咁多人推薦。  煎餃子-五隻 ($29) 餃子皮煎得好脆，但食落一啲都唔油。入面係傳統日式餃子餡，整體黎講不過不失。 食完呢碗拉麵同呢碟餃子真係好滿足，完全覺得自己置身於日本，有機會一定會再黎試埋其他口味嘅拉麵。 

🇭🇰 #香港 #九龍 🇭🇰一生懸麵 Issyoukenmen (牛頭角)已經食過好多次呢間沾麵湯夠濃味得嚟食得出唔係味精份量唔使加底都夠飽性價比高👍🏻🦐🍜 濃香櫻花蝦沾麵Sakura Shrimp Tsukemen🍜 特濃豚骨沾麵Pork Bone based Broth Tsukemen♡ㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡ🚕 地址주소 :牛頭角牛頭角道3號得寶商場地下121號舖(응아우타우콕 응아우타우콕 로드 3호 TBG몰 121호점)ㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡ💰價錢 가격🦐🍜 HKD$83 • 🍜 HKD$78ㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡ♡🇭🇰 #홍콩 #카우룽 🇭🇰일생 켄멘 (응아우타우콕)🦐🍜 사쿠라에비 츠케멘🍜 돼지고기 츠케멘♡

海老拉麵彈牙海老拉麵中的海老通常經過炒或煮熟，質地具有一定的彈性，咀嚼時有一種彈牙的感覺。新鮮的海老肉質鮮嫩，口感柔軟，入口後能感受到海鮮的鮮美和嫩滑。如果海老在拉麵中以炸的形式呈現，那麼外層會有一層酥脆的口感，增加了食物的口感層次。海老拉麵的湯底通常以海鮮為基礎，具有濃郁的海鮮風味，讓每一口都能感受到豐富的味道。海老拉麵的湯底和麵條通常會與海老的香氣和味道充分融合，使整碗拉麵更加美味，讓每一口都能享受到海老的風味。

有特色的拉麵店花生醬雪糕拉麵 $108：呢碗花生醬雪糕拉麵幾特別，好少可會有雪糕加拉麵呢個組合，麵條彈牙，湯底濃郁，加埋香甜花生醬冰涼雪糕，味道好有層次！又熱又凍幾特別，味道比想像中要夾，不過係有啲辣，唔食得辣可以走辣，值得一試。魚介豚骨沾麵 $82：魚介豚骨沾麵唔錯，湯底濃郁香濃，沾麵汁味道濃厚，偏硬麵質食落煙韌，豚骨湯濃得嚟鹹味適中，叉燒肥瘦均勻油香味十足。💰💰💰人均消費 ～$100💰💰💰地址：旺角通菜街73號地舖牛頭角牛頭角道3號得寶商場地下121號舖荃灣眾安街68號荃灣千色匯1期3樓3012號舖

今日本身諗住去另一間餐廳食dinner不過佢今日原來休息所以見好耐冇幫襯又突然想食拉麵就一於去一生懸麵今晚可能7點鐘太早竟然唔洗排隊可以直接入去我地order咗魚介豚肉沾麵同特濃豚肉沾麵男朋友再另加咗多一份叉燒正常order 會配有半隻溏心蛋、2塊大叉燒同荀沾麵湯底十分濃但又唔會食完好口渴入面會有2塊角切豚肉而麵條煮得剛剛好會不其然想一食再食而且附有小青檸食落就唔會好膩沾麵份量都好足一個人食係食得飽

🥢海老沾麵 $88沾麵湯汁有滿滿的櫻花蝦提升左蝦鮮味👍🏻而且濃而不鹹 唔會越食越口渴✨湯汁裏面有煮得好淋嘅五花腩 正👍🏻麵底有得揀硬度 照顧唔同口味人士唯一不足係跟麵嘅炭烤豚肉我覺得入口係炭燶味而唔係炭烤香😂不過朋友仔就覺得好好食口味呢家嘢真係因人而異🤣***🥢花生醬雪糕拉麵 $108呢款係期間限定雪糕連cone整個浸入湯好特別好吸睛🫣湯底唔係擔擔麵杰撻撻嗰種稀身得黎有濃花生醬香所以冇想像中咁漏👍🏻冰凍嘅雪糕同熱辣辣嘅拉麵冰火兩重天層次豐富😋不過個人覺得嚐鮮可以論好食都係沾麵更勝一籌***🥢波子汽水 $15🥢蘋果桂花有氣茶 $20依家夏天嘅溫度真係唔係人咁品🥹有汽飲品感覺比較消暑不過蘋果桂花有氣茶就唔推薦了茶同汽呢個combination飲落非常奇怪😂

日本菜入面除左刺身 最鐘意就係拉麵🍜🤍雖然雪糕拉麵都興左一排 不過身為拉麵愛好者都要try try٩(˃̶͈̀௰˂̶͈́)و-魚介豚骨沾麵 $82因為本身唔鐘意好淋嘅麵 我揀左硬麵 而麵質好煙韌👍🏼魚介湯底仲有啲叉燒粒 叉燒嘅油脂溶左落湯入面 令到湯底好濃郁味道好豐富 沾麵雖然唔係十分掛汁 但係好夾好出色！！面頭仲有兩塊炙燒過嘅叉燒 好香亦都唔會太dry 而且溏心蛋岩岩好 唔會太生或者太熟🥰-花生醬味雪糕拉麵 $108*湯底本身好辣 辣過譚仔雲南10小辣 如果本身食唔到辣就要注意下～*花生醬雪糕真係好有花生醬味 當佢溶左落湯底就會甜甜地有啲奶香味😆肉好厚好真材實料 但係有少少韌 炙燒左之後好香 而且溏心蛋岩岩好 唔會太生或者太熟🥚湯底本身都唔錯 唔加雪糕都唔會話失色但係加埋花生醬就係出色！！！🍜-冷泡茶 $36