一生懸麵

營業中

休息中

🇭🇰一生懸麵 ·呢間我哋想食好耐㗎喇 不過旺角嗰間實在太多人排隊啦 所以一路都食唔到🫢上次黎開九龍灣呢邊就決定試吓排牛頭角呢間分店 之後好好彩係佢開門前少少黎到 唔使點等就有得入去食😈😈·野菜山拉麵$75 l 叉燒$15 l 特濃豚骨沾麵$79我自己覺得呢間嘅拉麵好食過沾麵 因為佢個麵質係粗身啲 比較彈牙嗰種嚟嘅 所以我自己覺得沾麵無咁入味 食落無咁爽 反而佢個拉麵就麵質彈牙之餘入味啲🍜而且唔知係咪野菜山拉麵呢一個湯底多野菜 佢食落好清甜 食落好舒服 我自己好鍾意😌😌之後因為我哋之前喺其他拉麵舖嘅經驗 我哋以為野菜山拉麵會冇叉燒 所以我地另外再追加左份叉燒 所以最後碗拉麵超多叉燒😂😂佢呢度既叉燒係偏肥少少既 但係因為佢炙燒過 所以食落好香 唯一係真係肥少少🐷🤣·#rbyeat#rby日本菜 #rby拉麵#rby牛頭角 #rby旺角 #rby荃灣·📍牛頭角牛頭角道3號得寶商場地下121號舖📍旺角通菜街73號地下📍荃灣眾安街68號荃灣千色匯1期3樓3012號舖

平日經過得寶都見到啲人排長龍食拉麵，昨晚咁啱等阿女落堂，一個人無聊於是行過去望吓，大約下午6點45分，唔洗等位，於是就坐低試試佢！叫咗碗野菜拉麵加叉燒加流心蛋，食咗第一啖已經覺得呢碗嘢無得輸好耐無食過咁好味嘅叉燒同拉麵喇！湯底唔會太咸或太漏，一啖麵一啖湯，十分回味火炙叉燒厚切，肥瘦均勻，非常入味，入口香淋足料牙菜椰菜生蒜大葱呢碗麵重燃咗我對拉麵嘅熱愛！以前拍拖嘅時候兩個人周圍搵好味嘅拉麵食，好多都食完不外如是，極少上呢度寫食評，今日都要分享一下！

下午4:00左右非常小人但有小小的店非常有日本的特式拉麵有軟硬之分而且叉燒係厚厚嘅豬腩肉，燒得香口非常啱我呢D食肉獸你地知道嗎日本係飲凍水的呢到都係地道得黎我又思鄉了

餐廳環境好有feel，主要坐bar枱食☺️店員幾好態度🤭，食物味道款式都算多，價錢合理，今日要止下拉麵癮😛牡蠣沾麵🦪 $128呢款期間限定沾麵，濃郁足料，每條麵都掛到湯汁，十分鮮味😚 牡蠣有輕輕煎一煎過，又香又肥美，仲有一塊厚切叉燒，同樣炙燒過，肉嫩易咬，半熟蛋浸落湯度味道更加濃郁😋海老拉麵🦐🍜 $85拉麵鋪滿櫻花蝦，湯底甚有鮮味，加上兩塊肥叉燒、半隻溏心蛋，賣相豐富，味道亦佳🤩章魚燒🐙 $28每碟有五粒，章魚肉彈牙，幾有驚喜😋一生懸麵牛頭角牛頭角道3號得寶商場地下121號舖@issyoukenmen #一生懸麵 #拉麵 #沾麵 #九龍灣 # 牛頭角 #得寶商場 #牡蠣拉麵 #海老拉麵 #章魚燒 #hkfoodieclub

今日收工約咗個friend去淘大戲院睇戲，咁就簡單去食碗拉麵先啦，本來以為呢間拉麵舖係淘大附近，點知都有啲距離。雖然有啲啲距離，但都唔算太遠，其實行8分鐘左右就係戲院、donki果啲熱門地方。最近中咗拉麵病毒，一入冬天就好想食拉麵，咁呢間拉麵舖都幾旺，我哋等咗5分鐘就有座位，坐低我就叫咗碗「白湯豚骨拉麵」標準軟硬度，咁等碗麵上菜大約10分鐘左右，都合理嘅收單先做麵，唔算太耐，可以接受！見到個麵上碟個樣、叉燒燒得唔錯，肥瘦適中咬落都幾林；個湯底白湯其實最重要係個滑度，湯飲落唔油又好creamy幾順滑，雖然唔係做到極致，但呢個$69價錢嚟講，係幾出色、cp值一流；個麵係用細麵，幾吸湯汁，唔錯！粒蛋就正正常常，無乜特別。總括來說，我都俾到好高評價呢碗拉麵，下次會都再encore!埋單仲唔需要加一服務費，好ok

📍一生懸麵 (牛頭角)✨試試屋企附近嘅💛拉麵🍜。本身係想食🍦雪糕拉麵，原來係夏日限定🥲。🍜海老沾麵$85加紫菜 $10湯頭表面鋪滿櫻花蝦乾。蝦乾嘅鹹香完全融入湯頭，味道濃郁鮮味。湯頭油份唔算多，食完都唔太膩。🍜魚介豚骨沾麵 $101加玉子 $12加竹筍 $10湯頭同海老湯完全唔同，有些少酸味幾開胃。味玉半熟有流心黃。加咗一份筍結果多到鋪滿半份麵。🥟燒餃子$28餃子皮唔算香脆，不過多肉汁又有啲蔬菜甜味。🐙章魚燒$28香脆又有少少彈牙嘅章魚🐙。🍗雞軟骨棒$28免治雞肉加雞軟骨，爽脆又juicy。

之前經過見到好多人排隊，今次走過中午見有位就走黎試下。白湯豬骨拉麵呢到係再加份叉燒嘅份量，本身叉燒大細同份量都可以嘅，但美中不足嘅就係食到叉燒入面有豬騷味，個人比較唔鍾意。另外，個人覺得呢個湯底都比較油。海老拉麵 櫻花蝦分量好多月，呢款都有兩塊叉燒，溫泉蛋整得好好。因為個人口味係比較偏淡，所以食到一半後係覺得有少少鹹，要飲飲水中和一下。食開濃味嘅朋友應該就冇呢個問題。章魚燒千祈唔好試❗入面得一粒章魚粒，入口成口面漿。份量黎講係實惠嘅，但味道就一般般啦，就係果句，求其一餐夠飽肚。

牛頭角得寶商場嘅拉麵小店❣️一生懸麵❣️成日都人頭湧湧，一直都想試下😳難得下午茶時段人唔太多，就拿拿臨入去。之前見到好多人介紹期間限定雪糕拉麵已經好吸引😋 今期換成牡蠣沾麵，點可以唔試下🤎必食推介🔥 ㊙️期間限定 牡蠣沾麵留意到Menu竟然有牡蠣湯既沾麵！上枱後基本操作即刻飲啖湯，真心不得了！😳好鮮甜！飲得出用左大量既蠔去製作，啲麵煙韌得黎又掛湯，仲有煎蠔同埋叉燒，諗起都想再食過😋👍 白湯豚骨拉麵越食越肚餓，就試埋呢款拉麵。濃厚豬骨湯一向都我首選，仲有入口即溶既叉燒，係一碗穩定既水準之作。😇

Intro: 之前食過一生懸麵嘅沾麵同雪糕拉麵，都喺荃灣同旺角試過，而今次決定左喺九龍灣再試，呢次就揀左呢到最平嘅白湯豚骨拉麵，只係賣$69，但估唔到更出色！___________________🍽 白湯豚骨拉麵💰 69 ⭐️8.5/10✍🏻 白湯豚骨湯底好香濃，仲幾creamy✍🏻 拉麵係幼麵，好夾湯底之餘，夾埋木耳絲食落特別爽口✍🏻 配菜份量唔少，有竹旬木耳絲✍🏻 糖心蛋嘅賣相今次麻麻地，但口感味道都唔錯___________________🏠一生懸麵📍 九龍灣牛頭角道3號得寶商場地下121號鋪📍 荃灣眾安街68號荃灣千色匯1期3樓3012號舖📍 旺角通菜街73號地下⭐️8.5/10 （拉麵）___________________

ℕ𝕘𝕒𝕦 𝕋𝕒𝕦 𝕂𝕠𝕜 牛頭角 • 𝕀𝕤𝕤𝕪𝕠𝕜𝕖𝕞𝕖𝕟 一生懸麵 🍜📍牛頭角牛頭角道𝟛號得寶商場地下𝟙𝟚𝟙號舖🔍牛頭角、旺角、荃灣:::::::::::::::::::::::::::::: 以雪糕拉麵打響名堂的 @issyoukenmen，適逢牡蠣盛產的冬季，推出全新限定的牡蠣沾麵 ✨🦪 牡蠣沾麵 $128以被稱為「海中牛奶」的日本廣島蠔🦪入饌，肥美帶焦香，配火炙叉燒、溏心蛋、燒洋蔥，湯底蠔味濃郁，質地濃稠，拉麵有咬口且掛湯，整體偏膩但十分推介。🦐 海老拉麵 $85海量櫻花蝦味道香口，滿滿的夾雜在每一啖拉麵中，厚切叉燒入口軟腍，🍗 小食方面比較推介雞軟骨棒，口感爽脆伴京蔥及沙律醬。

【九龍灣 •CP值極高の日本拉麵】一生懸麵📍得寶商場👅8.8 /10白湯豚骨拉麵 ＄68幼麵黎講都夠硬，保持著麵條應有的彈性和煙韌度. 麵條都好掛湯，啖啖都食到香濃豚骨湯！大大件叉燒口感軟淋，燒到微焦，尤其香口！特濃豚骨沾麵$78湯底係拉麵嘅濃郁版本，更香更濃又唔會過鹹( ´▽｀)個麵好有特色，上面有一點點既小麥，寧舍彈牙😬

📍一生懸麵之前因為雪糕拉麵排晒隊 過咗呢個熱潮我終於去試返一生懸麵 我會話係CP值極高普通一碗拉麵都係70至80幾蚊 仲要有半隻蛋，同兩塊大叉燒🥹🥹❤️❤️豚骨湯拉麵 $69個湯幾濃郁 面係幼麵嚟嘅，都算係幾掛湯 叉燒真係好出色☺️又厚又大塊 仲有半隻糖心蛋🤩呢個價錢真係冇得再挑剔 真係絕對係對得起個價錢 海老拉麵$85櫻花蝦個份量超澎湃 上嘅時候真係嚇親 櫻花蝦會令到成個面口感再豐富啲唔知本身有跟蛋 所以額外再加左一隻最後飽到傻咗🤣🤣 之後我仲加左椰菜 諗住健康啲😗烏龍茶$15波子汽水$15

之前好hit嘅🍦雪糕拉麵，原來轉咗季已經🙈下架了… 試下其他沾麵/拉麵係咪都係咁堅先😏，最平70蚊左右就食到碗拉麵🍜，性價比高。哩度嘅麵條可以選擇軟硬度，沾麵嘅湯頭則可選擇凍或熱湯🥣。·🐖特濃豚骨沾麵 HKD$79 (+$15叉燒)麵條屬較闊身同煙韌😚，掛湯力唔錯，沾上十分濃郁嘅豚骨味湯汁💦，鹹度恰到好處，唔會濃得來得個死鹹👍🏻，湯頭裡仲食到粒粒豚角肉；叉燒肥瘦適中，半熟流心蛋🍳流下流下好吸睛。·🦐海老拉麵 HKD$85 (+$10竹筍)係海量嘅櫻花蝦呀🤩！仲有加咗1份竹筍，份量又係海量咁多，$10好抵啊👍🏻。海老湯底具鮮蝦的鮮味，香氣滿滿且不見油膩。拉麵麵條較沾麵嗰款幼身，會更容易掛湯呢。·🍢雞軟骨棒 HKD$28個人好喜歡😻! 啖啖肉之餘中間仲食到粒粒軟骨😙，口感軟綿且層次豐富。·🥟煎餃子 HKD$28內餡充滿肉汁😋，餃子皮煎得好香口。·📍一生懸麵牛頭角道3號得寶商場地下121號鋪

.一生懸麵近排有款期間限定既牡蠣沾麵，好似幾吸引咁😍同老公去左試，另外叫左碗櫻花蝦拉麵🍜牡蠣🦪沾麵 ($128)好濃郁足料既牡蠣湯，唔會太稠或太稀，🦪味重，每條麵都掛到湯，味道咸咸地。牡蠣有煎過，好香口亦夠肥美juicy，仲有一塊半肥瘦厚切叉燒，同樣燒得好香，叉燒肉嫩易咬。半熟蛋浸落湯到吸哂精華，好食😋海老🍤拉麵 ($85)櫻花蝦湯超級濃郁，又香又多櫻花蝦，味道偏咸但係好味😋叉燒同樣係半肥瘦，有油脂香👍🏼麵既硬度可以自己選，我地通常都揀標準。可以走荀、多蔥、走蔥等等選項。我地食過好幾間出名既拉麵店，只有一生既竹荀係冇臭味👍🏼👍🏼👍🏼好耐冇飲波子汽水，我地都叫左支飲😆配拉麵幾正。店舖既空間雖然唔算好大，但裝修有日本拉麵店風格😍當自己返左鄉下啦😆.

雪糕拉麵？🍦🍜|冰與火之歌❄️🔥|係中伏定有驚喜?😨🤩｜一生懸麵「如果我們不曾相遇，我會是在哪裡」本人一向係拉麵愛好者，前排終於去試咗近排話題度幾高嘅雪糕拉麵，餐廳本身都做開拉麵同沾麵，我自己都會間唔中幫襯，餐廳走傳統日式拉麵設計，設有吧枱及少量4人枱，定價性價比高，我自己通常都會追加佢嘅叉燒。-花生雪糕拉麵 4.1/5⭐️拉麵上枱非常吸睛，成枝雪糕插咗係拉麵碗上，其他仲有叉燒，荀，糖心蛋同花生碎。首先單獨試一試個雪糕，仲好凍好實，好香花生味，之後再飲一啖湯，對於平時只係食開十小辣嘅我嚟講，佢辣度應該有五小辣嘅程度，非常之有驚喜就係雪糕融咗之後有中和番個湯底辣度，同埋一啖冰凍雪糕一啖熱辣辣個感覺幾新鮮，至於佢另一賣點就係佢嘅灸燒叉燒，啖啖肉兼夾半肥瘦，全部入口即溶，非常滿足，次次都會額外追加一份。至於荀同糖心蛋都係正常發揮。–總結:餐廳平時主打沾麵同拉麵，定價唔高之餘材料豐富，走開性價比路線，一向已經係高人氣嘅拉麵店，近排亦創新推出花生雪糕及柚子雪糕拉麵，相信大家都係抱住試伏心態去幫襯，但試完之後出奇地唔差，餐廳係有嘗試配搭兩種食材令佢地融和，帶到新鮮感比客人，又兼顧鐘意傳統拉麵沾麵嘅客人