一生懸麵

營業中

休息中

朋友成日話好掛住一生懸麵,講咗好耐一於約埋去試下。星期六下午2點左右，前面大概有5個人等緊，不過都只係等左10分鐘左右就入得。相信好多人見過呢間鋪嘅打卡拉麵(雪糕🍦拉麵), 不過第一次黎都係想試最original 嘅款式。-海老拉麵 超濃蝦湯底上鋪滿曬櫻花蝦，雖然湯濃但唔會油膩喎，可以飲曬個湯。出色！叉燒表面有輕輕燒過，係香嘅，但如果肥豬肉位置可以入口即化就更好了，宜家稍為嫌肥豬肉位未算好鬆化。糖心蛋流心處理得好，但蛋味唔夠濃。-白湯膠骨拉麵 🐷🍜正常發揮嘅膠骨拉麵湯底，好食嘅👍🏼

<一生懸麵>同<想甜嚐甜> @sweetddhk 合力研發出的雪糕拉麵，每日限量數十碗。小編平日七點左右到達朝聖，隱約聽到只剩下三碗雪糕拉麵，當然要試試看！★ 雪糕拉麵 $98這個拉麵界的打卡新寵兒，其實是辛辣豚骨拉麵加上半個花生醬雪糕甜筒。花生醬雪糕比一般軟雪糕硬，攪拌後中和辛辣湯的辣味，變成較淡的擔擔面嘅感覺！值得一試～ ★魚介豚骨沾麵 $78 令人驚喜的叉燒！叉燒經過火炙處理，有焦香味。加上肉質鬆軟肥美，嫩滑多汁，入口即溶！魚介豚骨沾麵湯底濃郁，麵條掛汁力高。性價比高，相比起雪糕拉麵，小編更喜愛魚介豚骨沾麵！

今日又去食拉麵👏🏻👏🏻👏🏻👏🏻位於牛頭角得寶花園嘅一生懸面，我想去食好耐，不過夾唔到時間😣😣今日終於可以去到喇🤤🤤🤤我當然選擇返最鐘意食嘅沾面啦，呢間重要有辛辣味👍🏻👍🏻👍🏻整體感覺幾好，個辣比我想像中辣咗少少～但我都食到嘅！佢本身一碗面，都已經有叉燒，蛋同埋筍，對於我來講已經夠食，如果大家覺得唔夠就可以再另外加！另外我都叫咗餃子同章魚燒，個餃子唔錯，章魚燒都系正常表現❤️

今日經過一生懸麵就同屋企人入咗去食。我就嗌咗白湯豚骨拉麵，佢嘅配菜都幾多例如有:紫菜、溏心蛋、豚肉、筍同埋木耳。我覺得佢嘅湯底比一般拉麵有啲太過濃厚，食落去會有啲濟， 但係個豚肉值得讚，個豚肉雖然好厚但係好淋。 整體上都ok!我屋企人就嗌咗辛辣沾麵同埋魚介豚骨沾麵，我食咗一啖覺得呢間嘅沾麵比起拉麵更加好食，因為佢嘅麵質好似用咗燕麥去做，食落去有啲口感好得意，加上如果鍾意食辣嘅朋友都應該會好鍾意辛辣沾麵， 因為佢其實都幾辣，而魚介沾麵嘅湯底好濃郁! 值得推薦。另外我哋仲嗌咗兩款小食有煎餃子同埋章魚燒， 我覺得佢個煎餃煎得幾香脆而裏面嘅肉都好大，好多汁所以我覺得幾好味。而章魚燒我就覺得嗰章魚太過細粒， 唔係幾食得出章魚，但係個調味方面都ok，所以有興趣嘅朋友可以不妨試一下!

11:50已經到步 12點先開門已經有人排隊我一如以往都係揀辣拉面湯底唔會死辣 仲食到個底味之前期間限定無花生醬雪糕拉面無試到 今次係夏日新出既柚子雪糕拉面女朋友一路食一路讚 湯底好香柚子味雪糕好好食 又好夾個湯 真係估佢唔到兩個人兩碗面兩個野飲 $205埋單又好食性格比極高 一定會定期再幫襯不過唯一一樣美中不足太熱啦真係 冷氣唔係幾夠好彩有風扇仔🤭

已經係個幾月之前發生嘅事，今日又經過唸起，都係覺得要po出嚟先得。上一次同我frd一齊去一生食拉麵，都排咗好耐，差唔多有半個鐘。出邊有個妹妹仔幫我地掃code，收咗我地預先填好嘅落單紙，安排我地入座。當時我地坐咗係最靠近收銀處嘅吧檯度，入面發生咩事其實我都見到。我明明見到嗰位妹妹仔拎咗我地兩張落單紙比入邊個位戴眼鏡阿嬸，係我地未坐低之前就已經拎走咗，約莫十分鐘之後我地先至可以坐低。但坐咗好耐，隔離左右遲過我地入座嘅都已經食緊，我地連張埋單紙都冇。我就問點解我地未有麵，妹妹仔就入去問阿嬸，睇佢地個表情應該係整唔見咗我地兩張落單紙，我即刻火滾。明顯係嗰位阿嬸整唔見咗，但係由始至終嗰位阿嬸都冇出嚟解決過呢件事，反而推個妹妹仔出嚟同我地溝通，係咪過分咗？其實個阿嬸又唔係好忙，就企係度落下單收下錢，完全冇做過其他嘢，兩個妹妹仔就忙到做唔切。呢啲都算，整唔見我張單係咪要你自己親自出嚟同我地講翻句sorry？郁都冇郁過因為太嬲所以直接走人，搞咗差唔多成個鐘，乜都冇食到，仲要激到成肚氣。之後我地再望翻open rice嘅評價，發現戴眼鏡阿嬸已經比人投訴過服務態度好差，仲要做嘢唔係好好，整唔見落單紙都得

一生懸麵已經食過好幾次，今次再嚟係為咗想試雪糕拉麵，始終之前嘅味道咁hit. 今次因為夏天轉左柚子味雪糕拉麵，而且亦都加碼變咗原枝雪糕。拉麵一上嚟飲咗第一啖湯，少少酸，但又飲到好濃嘅豬骨味，第一下比到好大驚喜我！！不過整溶咗雪糕之後..成碗麵酸到黐線😂佢嘅雪糕係柚子味乳酪雪糕，本身已經好酸，湯底有少少酸味之餘佢仲有比一粒青檸。味道越食越酸，好唔balance….如果有得揀我會就咁食個拉麵而唔加個雪糕落去🥲

𖡁 一 生 懸 麵 | 牛 頭 角⋯雪糕拉麵就無緣了..但總算是嚐過她們的拉麵平日晚飯時段到訪都需要排隊入座海老拉麵濃郁，海量櫻花蝦因此鮮味十足，幼身拉麵很能掛湯，額外加了一顆玉子，所以共有3顆半開溏心蛋呢～～魚介豚骨沾麵，湯底濃稠有厚度，選了冷的粗麵底質感爽且彈牙⋯ 𝙊𝙍𝘿𝙀𝙍𝙀𝘿＊海老拉麵加玉子⁹⁷＊魚介豚骨沾麵⁷⁹＊章魚燒²⁸⋯@issyoukenmen 🪧牛頭角牛頭角道3號得寶商場地下121號舖

超級濃郁的海老拉麵( ̀⌄ ́)🔸海老拉麵+黑木耳 $85+10密鋪平面的櫻花蝦( ̀⌄ ́)櫻花蝦湯底好香湯底濃稠 超級掛湯~可以自選麵嘅硬度(˶‾᷄ ⁻̫ ‾᷅˵)附兩大片厚切叉燒 好香口 夠嫩唔韌( ̀⌄ ́)有半隻溏心蛋 份量好大碗加$10有大量黑木耳絲好爽口( ̀⌄ ́)🔸 海老拉麵+半熟蛋 $85+12本來已有半隻溏心蛋再加$12有多一隻溏心蛋超飽 完全吃不下(´▽｀)不要貪心🔸煎餃子 $28似急凍餃子 一般(｡ ́︿ ̀｡)較硬身

好耐之前食過一次，印象一般，最近佢聯乘想甜嚐甜推出雪糕拉麵，又掀起一陣打卡熱潮🤳🏻·<雪糕拉麵> ʜᴋᴅ 98雪糕筒切半放喺面，估唔到連筒入都fill咗雪糕🤭趁雪糕未溶食幾啖先😛好香濃嘅花生味，我好滿意🥜辛辣湯底就咁飲會較鹹，豚骨味亦唔明顯，但將雪糕同湯底攪勻之後就中和咗鹹同辣味，似花生味淡啲嘅擔擔麵🍜拉麵粗身非常好掛湯，仲有啲煙韌😚叉燒兩小片，都煮得夠軟腍入味😉·雪糕拉麵每日限量發售，當日去嘅牛頭角分店每日有30碗，但晚市時間7點幾去都仲有得食🤭

這間日式的拉麵餐廳，入面餐牌有推出新的拉麵叫雪糕拉麵，雪糕拉麵湯底是辛辣味較好，另一個是花生和豚肉再加上流心蛋的特徵。雪糕混合拉麵，好多人說雪糕拉麵覺得好奇怪的拉麵，所以要嘗試雪糕拉麵的味道比較淡又甜的，這個拉麵湯底辣一定要吃雪糕🍦🍦🍦🍜🍜🍜。 餐廳服務態度一般^_^^_^；餐牌比較日本feel，好像去日本餐牌用紙給食客填寫自己喜歡選擇不同的拉麵味道。✍️✍️✍️✍️這間餐廳比較一般的。

上網見到雪糕拉麵，一直都好想試，今日終於搵到機會收工去試一試😋😋男朋友去拎位，要人齊先可以入位。驚要排隊，跑住去😆叫左個雪糕拉麵同魚介豚骨沾麵，等緊拉麵期間，後面已經排滿曬客人。雪糕拉麵個雪糕雪到冰一冰，要浸一浸先可以溶得曬個雪糕。個拉麵都幾辣，雪糕溶左有陣花生奶味，都幾夾，但唔太特別喇。另外叫沾麵，個湯好濃，麵條叫左硬嘅口感，咬落彈牙，唔錯👍🏻👍🏻個人比較鐘意沾麵，個雪糕拉麵就好適合打卡🥰

朋友帶我去食拉麵，完全冇講到間餐廳有咩特別，九點幾去到，排隊排咗10至15分鐘左右，就入得去啦。一入到去見到個個食雪糕拉麵，我就十分驚訝，點解食雪糕咁神奇嘅？！係完全冇睇過OpenRice之下，叫咗個雪糕拉麵，我仲以為係雲呢拿雪糕味道，點知係花生醬味，真係好神奇！知雪糕仲要係得半支，好搞笑！令人感覺好有新鮮感，打卡一流！仲以為淨係得賣相吸引，點知味道真係真材實料，性價比高，叉燒好肥美，入口即溶，好正

-野菜山拉面揀呢個面嗰陣以為會有extra芽菜同椰菜，最後只係比其他面多小小，同埋無荀，不過就多咗好多蒜粒同䓤花，令到個湯鮮甜好多，加埋本身個湯已經好濃，岩曬用尼送拉麵，每條麵都好咬口好掛湯，仲有兩舊叉燒都半肥瘦入口即溶，成個拉麵都食得好滿意，如果大家怕口臭記得唔好食埋蒜粒，不過夾埋其他配菜索曬d湯汁會忍唔住食曬再飲埋個湯，成個拉麵食曬連埋湯飲會好飽，建議大食都可以唔洗加底，最尾記得加荀片就可以了-辛辣拉麵拉麵筋道彈牙有咬口，湯底好濃厚，但係咁飲都唔覺膩，超好味。雖然話辛辣但其實辣味適中，啱啱好可以刺激味蕾，令到胃口大開！一碗有兩塊叉燒，一半瘦一半帶點肥，叉燒經灼燒後香味十足，而且入口即化，一啲都唔難咬！拉麵裏面嘅荀帶鮮甜，一啲都唔會老非常嫩，唔會啲纖維多到咬唔到。溏心蛋好入味，而且個蛋黃半熟恰到好處，下次經過都一定會再食-綠茶汽水覺得好特別，從未見過就叫黎試吓，同普通可樂有少少分別，帶點茶味甘甘地，除此之外都係一樣。

雪糕拉麵？聽落伏伏地咁喎！所以一開始我同我男朋友一樣都唔係太想試，但又覺得好新奇，所以就本着冒險嘅精神試一試！雪糕唔係軟雪糕，幾硬生，浸咗陣都未融晒。我將佢同d啲湯，麵一齊食，口腔內係冰火交融嘅感覺！個湯本身有啲辣，加埋雪糕嘅凍就啱啱好中和啦！除咗湯底岀色，個叉燒都畀我預期中好食！唔會太肥令人覺得滯✅成個麵份量十足，好似食極都仲有咁🤣食到好飽好飽！味道同份量都好滿意！今次嘅冒險十分成功，係會再encore！