香港人 春夏秋冬都咁鍾意打邊爐🤭 史努比早排就去咗尖沙咀嘅一間日式邊爐放題 佢哋主打熊本牧場直送嘅A5黑樺牛 有兩個set 分別系$368同$438 貴嗰個會多啲海鮮 爸爸👨🏻不嬲鍾意海鮮 咁就揀$438啦~ 👍🏿A4殿品和牛海鮮120分鐘放題 $438/位 用咗昆布湯底嚟蒸海鮮 蒸完之後都可以打邊爐~ 另外仲可以揀多一款湯底 我哋揀咗花雕日本薩摩雞藥膳鍋 不過史努比覺得兩款湯底都比較淡味 分別不大😂 唔緊要啦可以去醬料區自己斟醬 有日式醬油 XO醬 沙茶醬 辣油麻油等任君選擇🤭 . 喺正式打邊爐之前店員先上咗一個精選三層架 一盤海鮮 燉湯以及三款頭盤小食精選三層架 👍🏿手切封門牛柳 7/10 難得切到咁厚都唔會話好韌 牛味幾濃 不錯不錯~ 👌🏿豬梅花 6/10 砌到花花咁形狀 好有心思❤️ 食落有豬味 但肉質偏鞋 👍🏿醉雞件 7/10 連雞皮嘅(當然史努比去皮😂) 有適量嘅雞油 食落夠滑😚 👍🏿雲吞 7/10 見有幾款唔同餡 史努比試咗蝦肉 雲吞皮夠薄而且好滑 蝦肉彈牙調味適中 正常水準啦🤭 🍲燉湯 👍🏿滋潤魚肚燉雞湯 7.5/10 飲落帶少少甜味 飲到花膠嗰種黏稠感覺 幾滋潤😆但平時史努比唔多飲湯 而鍾意飲湯嘅爸爸👨🏻就只系話佢正常發揮姐😬 . 👍🏿麻辣拼盤 7/10 佢個麻辣醬都幾唔錯 香辣而唔系死辣 有牛𦟌牛肉豬耳魚皮等配料 . 👍🏿泰式串燒拼盤 7/10 串燒都正常嘅 調味適中 豬雞夠嫩 但牛就偏韌 . 👍🏿蝦多士 7.5/10 卜卜脆食落又唔會話好淋油 蝦肉都夠彈牙😆 不過呢啲飽肚嘢不宜多食🤣 🦞海鮮(包7款一次性) 👍🏿扇貝 7.5/10 蒸完之後都依然系大大隻冇縮水 裙邊有少少韌 但帶子嘅肉質好嫩 帶少少鮮甜🫶🏿 . 👍🏿青口 7/10 同樣好大隻😆 唔腥唔臭 但冇乜甜味🤔 . 👍🏿鮑魚 7.5/10 大隻實肉 爽口彈牙 但都系爭啲啲鮮味😬 . 👍🏿花甲皇 7.5/10 夠大隻 食到鹹鮮味 但如果多少少甜味就好🤣 . 👌🏿生蠔 4/10 呢個唔太掂…雖然蠔肉脹卜卜夠肥美 但好好好鹹 系浸鹽水嗰種鹹🥺 🔸其他 海蝦爸爸👨🏻話唔夠彈牙 墨魚仔就普通啦 青口 墨魚仔 魷魚 蜆呢啲都系可以任食嘅 👍🏿卜卜蜆 8/10 反而最好食系呢個可以任嗌嘅卜卜蜆 揀咗bb辣 食得出蜆肉嘅鮮甜 帶心微微嘅辣令佢更加香而冇蓋過蜆嘅甜味😚 🐮牛肉 入戲玉啦😂 👍🏿A5黑毛和牛三筋肉 9/10 嗌咗兩轉 第一轉冇咁肥 食落牛味好濃郁 肉質亦好嫩滑😆所以encore 第二轉油花分佈真系超級靚😳不過好肥😂 但真系做到接受入口即融 鍾意肥牛嘅朋友應該超like🤭 👍🏿A5特上霜降牛小排 8.5/10 相信有打開邊爐嘅都知道牛小排嘅質素系最穩陣架啦🤭 睇油花都知實正 嗌咗3轉都一樣咁靚仔 入口隨即成個口腔充滿牛脂香🤤 不過牛味就相對地冇三筋肉咁濃郁 史努比就鍾意三筋肉多啲🤭 👍🏿A5和牛和尚頭 8.5/10 呢款牛味濃而且相對冇咁肥 肉質軟嫩 好似史努比咁鍾意瘦啲嘅牛肉呢款會啱你🥰 . 👍🏿A5和牛肩胛五花 8/10 👍🏿A5和牛牛頸脊 8/10 呢兩款分別不太大 同樣食到明顯嘅牛味 相對瘦少少嘅肉 冇上面嗰啲咁滑但唔鞋口 都食得過🥰 . 👍🏿A5和牛五花肉 7/10 相對史努比覺得冇咁好食 肥膏積聚咗喺邊邊位 食落會有少少膩 但唔系差嘅🤣 . 👌🏿滑蛋牛尾龍 5/10 唯一呢款比較差 切得厚但唔韌 應該系因為用粉乸過龍🥲食落冇晒牛味 同埋調味偏鹹 可skip 🥘火鍋配料 選擇好多但史努比當然試唔晒 揀咗幾款嚟分享 . 👍🏿日本雞蛋 8.5/10 有呢樣嘢提供真系值得大大力咁讚🤭 食和牛點少得蛋汁架! 雖然佢個蛋黃唔系好橙紅色嗰種咁靚 但都食到有蛋香 配和牛食簡直一流😍 . 👍🏿手打爆汁牛根丸 8.5/10 食落彈牙 入面冇任何韌嘅牛根咬唔開 牛味濃郁而且好juicy😆 . 👍🏿台灣鴨血 8.5/10 軟滑Q彈 冇腥臭味👍🏿 . 👍🏿墨魚滑 8/10 👍🏿粟米墨魚餅 7.5/10 兩款都食到粒粒墨魚 爽彈而且有墨魚香 試得過😚 . 🥬蔬菜 7.5/10 選擇好多 有個養生素菜小拼盤幾唔錯😎 有馬蹄 木耳同蓮藕片 馬蹄爽甜真系幾好食🤭 另外特別啲嘅有羽衣甘藍 皇帝菜之類~ 🍨甜品 8/10 用咗香港品牌Victoria雪糕 分別有6種口味 由於佢唔系重點 史努比狠心地唔詳細講😂 本身唔抱期望但估唔到質感幾滑 冇碎冰亦唔系沙沙口感😚 雲尼拿同豆腐就甜度高啲 但幾好食🤭 海鹽鹹鹹甜甜都幾得意 食得過 芒果唔系好假嘅香精味 唯一綠茶少伏 茶味有啲fake🫣 食咗啖遞咗比爸爸👨🏻😂 仲有士多啤梨冇試🤪 . 🍹飲品 7/10 茶飲分別有桃香烏龍 茉莉綠茶 梨山烏龍同四季春 試咗茉莉綠茶唔錯嘅 帶醇茶嘅芳香 另外凍櫃仲有汽水同健康工房嘅紙包飲品~ *另設加一服務費* 整體和牛嘅質素都好穩定 唔會話有一次嚟得特別衰 只系部分一兩碟融雪未系處理得好好 同埋都有出現比錯嘅情況 史努比嗌晒所有肉但有啲重複咗有啲冇嚟 不過見佢哋人手真系好不足 可以體諒🥺 同埋咁忙之下服務態度都依然keep到 令人食得舒服又開心 加上每碟都有個牌清晰寫明系咩肉 個人覺得呢點好抵讚❤️ 史努比覺得可以嗌$368嗰個set 主力食和牛😆 整體評分： 味道: 8/10 環境: 8.4/10 服務: 8.1/10 衛生: 8.3/10 抵食: 7/10

尋日去咗觀塘嘅一間小店食泰式船麵 佢哋可以自選配料 最抵$39就食到🤪 外賣嘅話仲可以-$8😆 不過史努比選擇困難 就冇嗌自選麵 最後喺佢哋精選推介嘅款式入面揀~ 當然會貴少少 不過價錢依舊親民嘅🤭 👍🏿牛船麵 $55 唔鍾意船麵仲有粉絲 檬粉等等嘅粉麵揀 不過史努比想試船麵多啲🤪 嚟到嘅時候見到湯底幾清 帶少少肉嘅香甜🥰 食麵嘅時候都唔覺油膩 抵讚👍🏿 但滷水料味都頗明顯 鍾唔鍾意就見人見智 史努比覺得ok ge~ 呢間船麵用咗金邊粉 滑得嚟質感非常煙韌 好有咬口😆 同埋成碗麵真系好足料😍好多肉😂 有4粒牛丸 3舊都幾厚身嘅牛舌 仲有好多塊肥牛添🤭 On top仲有啲炸豬皮同肉碎🤪 食肉獸必嗌😂😂 平時史努比因為嫌牛舌肥所以唔食 但都試咗啖🤣 估唔到又唔錯喎~ 牛舌肥得嚟帶少少爽彈嘅咬口 而且食到牛脂香 唔錯嘅😆 不過牛丸就有啲失望🫣 味道偏鹹亦冇牛味 同豬肉丸冇乜分別😅 另外肥牛就正正常常 帶適量嘅油脂 食落唔韌唔柴🙌🏿 雖然認知嘅泰式船麵應該系好辣先啱 但今次呢碗又唔系嗰種 只系帶微微嘅辣 系史努比都接受到嘅😚 Overall覺得都唔差嘅 可以一試~ 味道: 7.5/10 性價比: 8/10 串燒原價$14 不過嗌咗主食之後就可以以$10加配😆 史努比試晒豬牛雞 佢哋就一齊上嘅~ 👍🏿牛肉串燒 +$10 串燒上面淋咗啲沙嗲醬 食落花生味濃郁😚都見到有啲粗粒花生 佢唔系話好辣嗰種 反而甜味多少少 Balance得幾好 甜辣適宜 又夠惹味😆 牛肉帶適量嘅油脂 食落軟淋冇筋~ 而且幾juicy😛帶淡淡嘅牛肉香 雖然size唔系好大 但$10串算抵食啦🥰 味道: 8/10 性價比: 8.5/10 👌🏿雞肉串燒 +$10 可能因為雞肉細粒嘅關係 燒完之後比較鞋口 絕對稱唔上滑😗 史努比同爸爸👨🏻爭啲都分唔清佢系豬定系雞🥺 味道: 6/10 性價比: 7.5/10 👌🏿豬肉串燒 +$10 老實講佢同雞嘅分別不大 但都食到有少少豬肉味嘅~ 不過都系嗰句 肉質唔夠滑🫣 雖然平嘅細粒咗啲 mamaday la🫣 味道: 6/10 性價比: 7.5/10 *不設加一服務費* 以平日嘅lunch嚟講 $85/兩個人其實好抵食 不過史努比食量細啲所以平啲 一人一碗麵應該會稍為貴翻少少🤏🏿 但見佢嘅價錢都系合理嘅 Overall史努比覺得唔錯嘅 都食得過😆 各位觀塘友可以諗諗🤭 整體評分： 味道: 7.1/10 環境: 7/10 服務: 7/10 衛生: 7/10 抵食: 8/10

最近見好多人介紹呢間餐廳 環境確實幾靚🤭打卡一流 而且地方大坐得舒服 無論系情侶或者一家大細去都啱🤭 睇完個menu選擇困難症又發作 唔知食乜好🤣 店員見我哋咁耐都唔order就同我哋講話佢哋嘅羊架 忌廉烤雞同海鱸魚都系比較人氣嘅菜式 史努比見到威靈頓羊架咁得意 反正從來都未食過威靈頓 咁就嗌咗嚟試🤪 👍🏿白松露薯條 $78 份量幾足 而且系史努比鍾意嘅粗薯😚 薯條上面雖然加咗啲松露碎 但松露味不大明顯🫢 另外仲有幾片芝士 為佢增添些少鹹香🤪 薯條帶好輕微嘅脆 食落有薯仔味嘅 唔會話好鬆散 Keep到夠乾身唔會話好油膩 另外配咗兩款醬料 茄汁偏甜 史努比會prefer酸啲嘅😂 另外嘅松露蛋黃醬就唔錯 同薯條不嬲都夾🤭 但硬系覺得佢叫得自己做白松露薯條松露味應該更加濃先系🤔 今日呢份就唔算好濃啦~ 味道: 7/10 性價比: 6/10 👌🏿招牌威靈頓羊架 $298 平時見通常都系威靈頓牛柳 威靈頓羊架真系第一次見🤭 Size就唔算好大 但絕對夠飽🤣 酥皮雖然唔系好脆 但都食到一層層layer 味道ok嘅 只系口感比較紥實 唔夠酥化🤔 中間包住磨菇醬 食到幾香濃嘅菇菌味😝 羊架嗌咗5成熟 肉質夠嫩 唔會柴皮 亦唔會覺得好乾 帶少少汁水😚 食落有羊味嘅 但略嫌佢羊羶味有啲重 *羊味同羊羶味系唔一樣架!!* 磨菇醬同羊嘅調味適中 但酥皮表面額外加咗啲鹽 偏鹹咗啲😗 如果唔加其實啱啱好😂 Overall史努比覺得普通啦不過不失 呢個價錢會有更高expectation🙂‍↕️ 味道: 6.5/10 性價比: 5.5/10 👍🏿香脆豬面頰肉意大利松露小雲吞 $158 史努比問爸爸👨🏻想食扁意粉定小雲吞 佢揀咗小雲吞🤭 唔好睇佢細細份 其實好飽肚😂 用咗專系煮carbonara嘅嗰舊豬面頰肉 將豬嘅油分逼晒出嚟去煮 小雲吞個皮煙煙韌韌 入面包住滿滿嘅餡料 唔系好食得出系咩 只系食到好creamy同埋好rich嘅芝士味😝 食得出豬面頰嘅油香 但史努比唔敢就咁食嗰啲豬面頰肉 太肥啦😂 爸爸👨🏻話脆嘅 但稍硬 菠菜煮到入晒味 不過略嫌油咗啲啲 Overall其實味道唔錯嘅 但食多兩啖就覺得好飽好滯🥹 適合多人share~ 味道: 7.5/10 性價比: 7/10 *另設加一服務費* 可以因為見好多人讚佢搞到期望過高 Turns out又未至於好出色 史努比覺得呢個價位嘅西餐有更多選擇🫢 不過環境系真系幾唔錯嘅 好啱打卡🤭 而且服務都唔錯 史努比話想要暖水佢哋都會provide 而且會主動加水 同埋有個哥哥幾好 記得史努比話要暖水🤣 呢點值得加下分🫶🏿 整體評分： 味道: 7/10 環境: 8.9/10 服務: 8.8/10 衛生: 8.9/10 抵食: 6.2/10

好耐之前食過佢觀塘分店 嗰陣覺得好好食有啲驚喜🤭 好可惜佢執咗🥲 相信唔少人都聽過呢間店架啦 隔咗咁耐 今日就等史努比去試下佢鹃木旺角分店如何🤪 順便試下其他嘢🤭 👍🏿日本白桃吉士忌廉法式吐司 $58 之前淨系試咗佢哋嘅teppanyaki sandwich 見到佢個甜品賣相都幾唔錯🤭 一於試試佢🤪 都幾大份 唔好好似史努比咁嗌完佢再嗌咁多嘢😂 吐司好厚身 浸滿蛋液去煎 令吐司更香更鬆軟🥰 上面唧咗白桃味嘅忌廉吉士醬 香甜白桃味自然唔假👍🏿 On top仲有球雪糕同白桃🤭 雪糕就唔系peach味嘅 應該系雲尼拿 雖然佢未算好滑 但都唔錯😆 連埋個toast一齊食味道更豐富 更有層次感😚 最抵讚嘅系佢用嘅白桃都系非常之清甜🥰 唔系嗰啲好假嘅罐頭桃味🤣 估佢唔到又幾好食喎🤭 加上對比起出面賣過百嘅甜品 佢呢個價有呢個質素 絕對值得一試! 味道: 8.5/10 性價比: 8.5/10 👍🏿遊日懶人鐵板三文治 $73 唔知系咪影相影耐咗 第一啖咬落去嘅時候個包完全唔脆🥺 但估計就算即刻食都唔會好脆 因為佢都真系幾淋下🤔 不過佢帶淡淡嘅牛油香 而且質感鬆軟 幫佢加翻啲分😌 中間有舊超大舊嘅吉列和牛 仲有帆立貝 芝士同生菜 帆立貝幾大粒 食落夠嫩~唔錯嘅😆 吉列和牛嘅邊邊帶少少酥脆口感🤪 質感軟淋 非常多汁🤭 入口即刻充滿嘅牛脂香 油分非常之充足 上面仲鋪咗塊半融芝士 超邪惡 史努比覺得佢比較肥膩 雖然加咗生菜同酸酸地嘅他他醬 但比例問題 佢哋都起唔到解膩嘅作用😗 開頭食個啖就覺得幾好食😋 但當食多兩啖就開始漏 比較greasy🥺 史努比覺得兩個人share可以 除非食量大如果唔系唔好自己食一個😂 味道: 7.5/10 性價比: 7/10 👍🏿蝦兵蟹將鐵板三文治 $68 史努比之前就系比佢impressed咗🤭 所以encore~ 同啱先嗰個一樣 麵包已經唔脆😗 中間隻軟殻蟹好似比以前細隻咗 食落軟殻蟹都唔系好脆 不過好彩佢帶少少蟹肉嘅甜味~ 蝦餅真材實料😆 食到粒粒蝦肉 而且夠爽彈😚 配搭青木瓜絲食落比頭先嗰款清爽啲 但明顯地連青木瓜絲都比少咗 餡料冇以前食咁爆咁足🥺 加上佢只系微暖嘅狀態 雖然唔系唔好食嘅 但可能期望太高有少少失望🤏🏿 味道: 7/10 性價比: 7/10 👍🏿脆脆芝士蝦球 $38 食咁多炸物 終於有樣嘢系脆架啦😂 炸粉應該系麵包糠嗰種 食落香脆唔太油膩~ 蝦球就系一層球膠包住芝士 蝦膠夠彈牙😆 但略嫌芝士冇乜鹹香 應該系因為淨系用mozzarella嘅關係🤔 食落就淨系得芝士gooey嘅質感 Overall加埋蝦一齊食又ok ge 但就冇特別💁🏿‍♀️ 呢個價錢得5粒唔太值🤔 味道: 7/10 性價比: 6.5/10 *不設加一服務費* 雖然teppanyaki sandwich有少少失望 但其實佢又唔系差嘅~ 可能因為期望過高啦吓🤔 佢就冇想像中嘅驚喜😗 不過peach toast幾好食🤭 Tea time去食都唔錯 不過以史努比嘅食量咁樣一份食完夜晚都可以慳返😂😂 服務就冇乜嘅 但店員都有禮貌 以朗豪坊呢個地段 唔收加一算系咁啦🤣 整體評分： 味道: 7.5/10 環境: 7.8/10 服務: 7/10 衛生: 8.1/10 抵食: 7.3/10

夏天嚟啦 食多少少雪糕唔過份嘅🤭 今次去咗食喺日本好出名嘅Cremia雪糕 史努比其實系第一次食咋🤪 聽好多人都大讚好食 一於去試試佢😆 👍🏿日本Cremia軟雪糕 $46 仲有朱古力或者雙色揀 不過史努比想試原味🤭 雪糕非常軟滑😍而且牛乳味濃郁 奶味重得嚟食落甜而不膩🥰 最surprise嘅系個cone 有別於平時食開厚硬嘅waffle cone 佢呢款系薄而脆 食到香濃牛油味🤤 帶少少濕潤 有啲似白之戀人隻餅 同呢款牛乳雪糕系絕配呀❤️ 唯一缺點系融得好快 史努比影完相佢都開始融啦😂 但味道真系值好高分! 第一次食Cremia嘅史努比表示好驚喜🤭 雖然喺香港食價錢的確貴啲 但試完絕對會去日本再食🤪 味道: 9.5/10 性價比: 8/10 👍🏿雙色日本軟雪糕(3.5牛乳x巨蜂提子) $29 呢個會隨住唔同季節出期間限定 史努比bookmark佢嘅時候其實睇中咗士多啤梨 點知而家已經轉咗巨蜂😂 Anyway la照樣試下 第一啖已經食到好濃烈嘅提子味🤪 香甜唔假 絕對唔系香精藥水味🤣🤣 不過呢隻雪糕就冇咁滑身 食到有輕微沙沙口感 但又未算好重顆粒感 可以接受啦~ 可能史努比冇咁鍾意果味雪糕 所以佢相對低分🫣 雪糕cone用咗兜兜形狀 微脆 雖然冇乜特別味道 但好user-friendly 融嘅時候都唔會滴得咁 “呢hea”😂 味道: 7/10 性價比: 7.5/10 *不設加一服務費* Cremia雪糕果然名不虛傳 真心好食 但香港好似賣貴好多 都系留返啲quota去日本再食🤪 Btw呢間店入面有立食區亦有啲凳坐下 夏天熱可以入去涼冷氣食雪糕🤭 整體評分： 味道: 8.3/10 環境: 7.6/10 服務: 7/10 衛生: 7.1/10 抵食: 7.7/10

Bookmark咗呢間車仔麵好耐啦 終於都真系去咗🤪 一早聽聞呢間好多人排隊 喺佢開門前3分鐘史努比已經到達😎 呢間小店以叉燒串聞名 佢寫明唔比加單 開頭驚佢會好細串 所以就一次過嗌兩串😛 店員話比住一串先 所以分開咗上 👍🏿招牌蜜汁叉燒串 $34 喺佢未嚟嘅時候史努比都覺得價錢頗貴 但嚟到見到咁大串😳又覺得其實都合理🤣 一串有成5大舊 件件都好厚肉 記得要趁熱食!! 叉燒表面燒到有少少燶邊位非常焦香🥰 佢就唔系甘香油爽嗰種😂 但唔會太肥 唔會食到有肥膏👍🏿 用嘅豬肉本身帶適量嘅油脂~ 所以做到咬落軟淋鬆化嘅效果 而且肉質夠嫩又juicy🤤一啲都唔覺乾😎 表面coat滿咗蜜汁 甜甜地但又唔會令人覺得膩🫶🏿 系幾好食嘅~ 即使$34史努比都覺得值得一試😆 味道: 8.5/10 性價比: 7.5/10 🔸菜底 $13 佢哋車仔麵規定每碗要三餸起~ 史努比去嗰日可以揀菜心或者系生菜 揀咗生菜 份量好足 食落都夠爽脆😆 👍🏿五香牛筋 $17 牛筋有人鍾意食超淋嘅 有人鍾意食淋中帶啲爽口 史努比就prefer兩者中間😂要淋又要有啲咬口 最好系食落漿口嗰啲🤣🤣 不過今日呢間系炆到最淋最淋嗰種😳 唔好講笑佢淋到入口即融 連咬都唔使咬😂 其實都好食嘅 只系唔系史努比最鍾意嗰type 食落惹味 但略嫌佢鹹咗啲啲 不過唔系死鹹嘅~都唔錯 味道: 7/10 性價比: 7/10 👍🏿豬紅 $12 豬紅絕對系史努比去到邊食車仔麵都必嗌嘅配料😆 佢比得好足 起碼有5舊😍 食落淋得嚟唔會冇晒咬口 依然保持Q彈😚 中間仲有啲汁bit出嚟添🥰 調味雖然都系比較重 但正常嘅 畢竟豬紅要有返咁上下調味先可以蓋過豬血腥 系幾唔錯嘅! 味道: 8.5/10 性價比: 7.5/10 👍🏿蘿蔔 $12 蘿蔔都有3大舊 軟淋冇渣😚 欣賞佢唔系喪落糖死甜嗰種 味道帶稍稍清甜🫶🏿 不過似乎佢本身冇乜特別調味🤔 硬系覺得爭咁啲嘢😂 味道: 7/10 性價比: 7/10 升級精選湯底+$17 👍🏿馬來叻沙湯底 呢碗就系媽媽👩🏻嘅 佢最鍾意嗌粉絲 索湯吖嘛🤣 湯底要加$17都幾貴下😳 但佢足料嘅~有四件豆卜 仲有大量芽菜 呢$17就當加咗兩份配料啦🤣 湯底辣度偏低 連史努比都接受到🤪 但味道幾香 微微辛辣 而唔系死辣嗰種 不過如果再多少少椰香咁就好啦😛 🔸粉絲 $13 粉絲索晒啲湯當然好惹味 食落都keep到有啲嚼勁 好食就好食 系肥仔姐😂 味道: 8/10 性價比: 7/10 👍🏿辣味魷魚 $17 辣魷魚分開上 咁啲辣汁就唔會影響咗個湯底 魷魚又唔會因為浸咗落個湯度而變淡味 有心思🥰 魷魚好爽彈 咬落去卜卜脆嘅口感好鬼正🤪 而且煮得好入味 辣得嚟帶花椒麻香 不過對史努比嚟講有啲辣得滯🥵 但系好食嘅! 同埋份量都好足 甚至比出面嘅多一倍😆 味道: 8/10 性價比: 8/10 🔸鹵水大腸 $16 🔸金錢牛肚 $17 史努比不嬲都唔鍾意食呢啲嘢🙈 但媽媽就好鍾意🤣 佢話大腸洗得夠乾淨 而且份量好足😚 但牛肚就相對少啲 兩樣都炆得夠淋 味道唔錯嘅~ *不設加一服務費* Overall嚟講呢間車仔麵系幾好食嘅😆 雖然價錢好似稍貴 但佢真心足料 食到史努比勁飽🤰🏿 樣樣都比好多 At least佢系史努比食咁多間最足料嘅一間🤭 (利申一下史努比唔算食過好多間車仔麵🙈) 同埋叉燒系出色嘅 $34有咁大串價錢都算合理 順帶一提 佢嘅名氣真系唔話得 未開門已經有唔少人排隊 條隊keep住都有人 史努比食完出嚟都仲見到好多人🤣 服務其實唔算好差姐 佢哋都冇啲人講到咁串咁冇禮貌😂 所以呢間都系值得一試嘅😎 整體評分： 味道: 8/10 環境: 7/10 服務: 7/10 衛生: 6.9/10 抵食: 7.6/10

相信好多人都識呢間台灣過江龍麵包85°C 曾經非常之人氣 成日都有人去歎咖啡買包 不過而家香港開咗好多間出色嘅麵包舖🥰 熱潮就漸漸消失🤣 記得史努比細細個都有跟媽媽👩🏻去85°C🤭 媽媽👩🏻話佢嘅海岩咖啡好好飲 不過嗰陣仲細唔飲咖啡 就走咗去食bell😂 事隔多年再同佢相遇 見人潮已消散 到底系味道差咗? 定系太多代替品所以先被遺忘呢?🤔 史努比一向飲開齋啡 仲要系唔濃唔飲嗰隻😂 主要系唔鍾意落糖 但如果飲太多奶又會想嘔 所以不嬲鍾意飲齋啡😆尤其americano🤪 不過媽媽👩🏻以前大讚佢嘅咖啡 出於好奇就飲一啖咁大把😂 👍🏿海岩咖啡(L) $30 中間同大杯其實只系相差$3 最後揀咗大杯 都系$30咋😳 平時求其去間coffee shop如果飲咁大杯起碼$4X-$5X🥺 第一啖飲 因為啲奶蓋泡泡喺頂 同熱嘅咖啡一齊飲做到冰火交融嘅效果🤪 咖啡好滑 奶味頗重🫣 連埋奶蓋飲帶少少鹹香 味道系ok ge但史努比嫌佢甜咗啲 同埋咖啡味唔夠rich😗 可能飲開齋啡嘅關係🤣 好唔習慣有糖同奶嘅咖啡😬 不過以30蚊杯嚟講 佢系幾抵飲嘅~ 味道: 7/10 性價比: 8.5/10 . 跟住嚟講下啲包~ 除咗鮮奶合桃芝士堡之外 其他嘅都用咗焗爐180°C翻熱3-5mins 👍🏿手撕包 $17 Size又系勁大個😍呢個價錢好抵食🤭 賣相好似大型蝴蝶酥咁🤪 用焗爐焗咗約莫5mins 表面焗到微微香脆🤭 舖頭有個牌寫開建議撕開一塊塊咁食 外面酥化 入面鬆軟 牛油味非常香濃 每一啖都充滿住牛油香😈 表面搽咗楓糖 所以食落帶一絲絲香甜 除咗肥仔同埋唔健康之外其實佢冇乜缺點😂 呢個好食! 但史努比嫌佢油咗啲啲 細佬👦🏻就好鍾意🤣佢一個人食飽飯之後即刻食咗半個😂😂 味道: 8.5/10 性價比: 8.5/10 👍🏿紫薯麻薯(3入) $15 表面做到有啲似菠蘿皮麻糬波波咁 食落去都好似😳 焗完之後外面帶微微香脆 真系好微好微🤏🏿😂 食落煙煙韌韌 軟糯得嚟唔系好韌好難咬嗰種 另外仲有啲紫薯蓉 甜味自然唔假🥰 賣相味道都真系好似麻糬波波 只不過變咗長條形 唔系講笑估佢唔到幾好食🤪 味道: 8.5/10 性價比: 8/10 👍🏿醇奶起司球(6入) $16 見到舖頭淨返一袋 即系應該幾好食啦(?🤣 於是乎史努比就買咗最後一袋😚 麵包夠鬆軟 質感綿密唔系空氣包👍🏿 咬落去帶一絲絲香甜 唔會太甜~ 中間唧咗少少醇奶芝士醬 有啲似cream咁嘅狀態 香甜滑溜🥰 淡淡嘅芝士味襯托出濃郁奶香 雖然望落份量好少 但其實咁樣啱架啦 太多會膩 冇咁好食🤭 而家就啱啱好 的確幾好食 唔怪得賣晒😎 味道: 8/10 性價比: 8/10 👍🏿鮮奶合桃芝士堡 $19 即使冇焗翻熱 質感都依舊軟熟😆 大大個有返咁上下重量 切開見到唔系空氣包👍🏿 奶味唔太突出 反而食到淡淡麥香 加咗合桃 食落更香仲多種香脆口感🤪 硬身嘅芝士粒帶出濃郁芝士鹹香 食落幾mild 唔系死鹹嗰種 平時史努比麻麻地呢種包都覺得唔錯幾好食🥰 味道: 7.5/10 性價比: 8.5/10 🔸巴掌芝士 $11 🔸夏威夷果仁白朱古力軟曲奇 $12 呢啲買比細佬嘅🤭冇試 如果搣咗嚟食佢會介意😬冇計啦😌 細個食佢嘅時候覺得佢系貴價麵包舖 但當其他麵包都大幅加價嘅時候 佢嘅加幅算低 而家變咗系間幾抵食嘅麵包舖🤭 細個食佢系咩味真系唔記得 淨系記得好味 嗰陣太細🤣 以而家佢嘅質素 史努比覺得其實幾有水準🥰 價錢算平架啦 性價比都幾高 只系選擇太多 大家遺忘咗佢姐 佢嘅質素依舊喺度😆 經過都可以買嚟試下🤭 . 不過史努比去嗰日兩位店員嘅態度麻麻 好似唔休做咁😬 唔知其他分店系咪咁🤔 整體評分： 味道: 8/10 環境: / 服務: 5/10 衛生: 7.3/10 抵食: 8.3/10

可能好多人都識呢間Gram cafe 佢早幾年喺日本過江龍嚟咗香港 嗰陣排隊排到勁誇張😂😂 事隔多年 網上食評兩極 有人話好正 亦唔少人話佢伏😳 等史努比試試佢先🤭 Menu上面款式確實幾多 有啲都幾特別 除咗甜嘅pancake之外 竟然仲有鹹嘅揀🤪 一於試晒佢! 不過一鹹一甜會唔會生飛滋架🤣 👍🏿蛋沙律巴馬火腿班戟 $98 呢個系香港限定款~ 成份All day breakfast咁🤣都幾有創意嘅🤭 最底部系pancake 味道下面會再細講~ 中間用咗一塊好薄身嘅pancake包住碎蛋沙律 質感正常唔韌 但未至於話好軟綿綿 碎蛋同醬嘅ratio啱啱好 依然keep到有蛋香 唔會太多醬太漏👍🏿 On top就有啲沙律菜同Parma ham 落咗啲沙律醬 食落帶少少酸味 正好refresh下味蕾🤭 Parma ham就略鹹 食落冇乜油香 同pancake一齊食感覺會好啲~ Overall鹹甜鹹甜咁 其實幾過癮😂 佢雖然唔系好好食 但史努比又唔覺好伏嘅 正常啦~ 味道: 7/10 性價比: 6.5/10 👌🏿烤蘋果配紅茶忌廉班戟 $118 而家嚟講下佢哋嘅pancake~ 總共有3塊 食落好似經典美式pancake咁🤔 反而唔太似日式🫣 質感比較厚實 唔夠軟熟😗 有啲dry 系食食下要飲水嗰種dry😅 牛油味非常香濃😳 但略嫌佢有啲太搶🤏🏿 史努比會prefer蛋香重啲嘅🥺 不過好彩甜度唔會太高搞到好膩 上面鋪滿cinnamon apple 肉桂控會好like 但史努比就mama day啦😅 好彩仲有啲烤蘋果 食落爽脆開胃 叫加翻下分🤭 最值得讚嘅系隔離兩pat cream😂 兩款都好滑身 系入口即融嗰種🥰 白色嘅帶淡淡奶香 而啡色則帶伯爵茶嘅香味而冇咁任茶澀味😚 中間仲有球細細球嘅雪糕 雲尼拿味好出 自然唔假😆 但可惜佢嘅質感好似沙冰咁 食落顆粒感頗重😗 史努比覺得整體系不過不失啦 主角雖然失色咗啲 但啲cream好食😂 味道: 6.5/10 性價比: 5.5/10 *另設加一服務費* 史努比覺得佢未去到啲人講到咁伏 但又稱唔上話好好食😅 估計食評兩極原因系有人期望過高 而turns out佢同日式pancake又真系差一段距離~ 史努比冇話抱好大期望 所以亦唔失望🤣 可以話佢系正常水準啦~ 不過呢個質素性價比就偏低啦😗 見好多人話服務好差 但史努比又覺得冇喎 唔會唔show你 亦都有禮貌 正常啦😂 整體評分： 味道: 6.8/10 環境: 7.8/10 服務: 7.3/10 衛生: 8/10 抵食: 6/10

原來億利工業中心都幾多嘢食😆 今次去咗一間幾有feel嘅西餐廳 唔知大家有冇發現 史努比好多時去食西餐都系同爸爸👨🏻一齊🤣 唔好問點解 純粹史努比鍾意😂 好啦唔講咁多廢話 我哋入正題~ 👍🏿餐包 $0 餐包系一間西餐廳比人嘅第一印象 好影響之後嘅食慾 所以史努比從來唔會輕視呢樣嘢🤭 應該系穀物麵包 有烘熱先上枱👍🏿 仲好細心咁喺中間界咗一刀 等你可以好輕易咁將牛油夾入去🥰 不過實不相瞞史努比食餐包一向都唔夾牛油😂 麵包最外面微微脆口 質感比較厚實 雖然就唔系好鬆軟嗰種 但帶啲濕潤 都唔會話硬掘掘咁🤪 食到好明顯嘅麥香 而且有一粒粒嘅穀麥嘅口感 另外仲有啲提子提 帶出一絲絲香甜 令麥包唔會好dry 唔錯嘅~😆 味道: 7.5/10 👍🏿南瓜湯配煙肉泡沫 $68 賣相好精緻🥰 表面注入泡沫 應該系想好似拉麵湯底咁令佢味道更濃郁🤔(呢個史努比估計架姐! 南瓜湯非常順滑 有別於平時飲開好多南瓜蓉嘅 佢似乎已經將南瓜嘅甜味extract晒出嚟 所以飲落味道濃郁 而且更加creamy順喉🥰 撈勻奶泡之後忌廉同南瓜味互相映襯又唔會搶過對方👍🏿 另外仲落咗啲bacon碎 除咗為佢增添口感之如 仲令成個湯更加香~ 確實系幾好飲嘅🥰 味道: 8.5/10 性價比: 7.5/10 👍🏿吞拿魚牛油果他他配柚子沙律汁 $98 吞拿魚蓉嘅份量好足😆 質感軟嫩冇筋 佢唔系拖羅蓉嗰種幼滑入口即融 反而加入切碎咗嘅赤身 令口感同味道都更豐富魚油香從口腔慢慢滲透出嚟 而唔會過份油膩👍🏿 另外仲加咗漬好嘅碎洋蔥粒 爽脆得嚟帶啲酸甜 食落更有層次感😚 配搭酸中帶甜嘅柚子沙律汁 絕對系一流嘅開胃前菜😛 隔離其實有牛油果蓉伴碟 望落好滑 不過史努比唔系好like牛油果😂 所以冇特登去食🤣 味道: 8.5/10 性價比: 8/10 👍🏿雜菌忌廉意大利扁面 $158 史努比一向都鍾意扁意粉多過普通圓形嗰啲 軟硬度適中 做到Al Dante嘅口感🥰 闊而粗嘅形狀令佢更容易掛汁🤪 忌廉味濃郁自然 口感creamy 值得大讚嘅系佢啲雜菌🤭 用咗好幾款菇 其中黑色嗰款(應該系香菇)味道真系特別香 菇味好濃 仲有少少似松露味添🤣 切得夠大粒 質感爽彈好有咬口😆 系幾有驚喜嘅🤭 On top仲有啲原片嘅Parmesan cheese 調出適當嘅鹹香 而唔會話好滯好heavy~ Overall調味系啱啱好嘅 唔會太鹹👍🏿 味道: 9/10 性價比: 8/10 👍🏿法式油浸鴨髀配炒菠菜 椰菜花蓉及洋蔥米 $188 好難影得佢靚😂但呢個好食! 爸爸👨🏻話外面層皮焗到微微香脆 油香十足! ((嗱唔好打我 史努比去咗皮嚟食🤣🤣 但都依然覺得佢好抵讚😚 鴨肉非常之嫩滑 輕輕用刀一界已經可以好容易咁令佢骨肉分離(有啲變態XD😂 調味啱啱好 食到明顯嘅黑椒香 又唔會過鹹~ 連平時唔聲唔聲嘅爸爸👨🏻都覺得有啲驚喜😳 底部嘅炒菠菜索晒鴨髀嘅精華 食落油香十足 爸爸👨🏻好鍾意 但史努比就略嫌佢油咗啲😂 本身以為伴碟嗰啲系薯蓉 但睇清楚原來系椰菜花蓉😳 口感超滑好creamy 但忌廉味稍重 史努比就麻麻 不過爸爸👨🏻都系話好好食🤣 洋蔥米有啲啲似薏米咁嘅口感 幾有咬口 但史努比唔太鍾意隻味😬 簡單嚟講佢個主角鴨髀幾出色 只系伴碟唔太啱口味 所以先扣咗啲分🤭 但鴨髀先系重點吖嘛 佢好食就得啦😆 味道: 8.5/10 性價比: 7.5/10 *另設加一服務費* 最近食咗好幾間餐廳水準都mama day 今次食到間有質素嘅西餐 開心仔~😆 價錢屬中上啦 但絕對系慶祝嘅好地方😚 服務唔錯 會主動幫你加水 前菜轉主菜又會換碟 雖然好似好基本咁 但其實好多餐廳都做唔到 而今日呢間有做絕對值得一讚~ 環境裝修幾靚 只系冷氣有啲大 好似史努比咁怕凍嘅話真系要帶件褸🤣 食物選擇雖然唔算好多 但其實咁仲好 比人嘅感覺系專心做好一樣嘢 史努比appreciate🫶🏿 推薦大家嚟試試佢🤭 整體評分： 味道: 8.4/10 環境: 7.6/10 服務: 8.1/10 衛生: 8/10 抵食: 7.7/10

喺Openrice見到呢間cafe有成1k好評😳 不過大家都知Openrice食評未必準架 咁等史努比試試佢先🤭 環境絕對值好高分嘅 大梳發坐得好舒服 感覺好cozy 另外見到仲有一大堆board game提供 好啱一班frd聚會嚟hea下吹下水😛 同埋佢可以比你坐兩個半鐘 史努比攞埋啲書去做功課溫書都得😂 本身想嗌burger但佢話冇🥲 又想嗌豆腐cheesecake 點知又冇🥹 咁冇計啦唯有嗌其他~ 👌🏿忌廉煙三文魚意粉 $148 份量系足嘅~ 意粉嘅質感較為軟身🤏🏿 佢唔系煮太耐淋咗 只系本身用嗰隻意粉質感麻麻地 佢嘅忌廉就唔系好creamy嗰種 史努比會形容佢為白汁🤣 同埋佢比較稀身 意粉唔系好掛到汁 建議撈勻先食🫣 不過就算撈咗佢本身嘅味道都略為淡 煙三文魚冇乜油香😗質感怪怪地 同埋偏鹹 所以整碎佢撈勻嚟食系啱啱好嘅🤣 味道: 6/10 性價比: 5/10 👌🏿忌廉煙三文魚意粉 $148 份量系足嘅~ 意粉嘅質感較為軟身🤏🏿 佢唔系煮太耐淋咗 只系本身用嗰隻意粉質感麻麻地 佢嘅忌廉就唔系好creamy嗰種 史努比會形容佢為白汁🤣 同埋佢比較稀身 意粉唔系好掛到汁 建議撈勻先食🫣 不過就算撈咗佢本身嘅味道都略為淡 但因為煙三文魚偏鹹 所以整碎佢撈勻嚟食系啱啱好嘅🤣 味道: 6/10 性價比: 5/10 👌🏿烤雞磨菇潤條麵 $138 同頭先嘅一樣 醬汁都偏稀~ 但佢嘅味道冇咁淡🤣 濶條麵比普通意粉淋身啲 同埋濶條麵本身難去hold住啲sauce 所以佢食落都比較plain😬 好彩隔離有啲青椒同洋蔥咬下 多咗啲爽脆口感等食落冇咁dry 同埋雞肉醃得夠入味 而且夠淋😆 味道尚算可以啦~ 味道: 6/10 性價比: 5.5/10 +$25可以加配某幾款小食 另外本身個意粉會送檸茶嘅 +$23就可以轉特飲 👌🏿越式炸蟹餅 +$25 (原價: $52) 可能本身史努比期待過高 Turns out唔系想要嘅嘢😗 入面食到啲蟹柳絲 但佢質感比較似炸魚蛋🤨 食落幾彈😂應該系因為用嘅蟹柳粉感較重 略為偏鹹 雖然佢本身已經好夠味但唔知點解點咗酸甜醬會好食啲🤣 +$25呢個價系正常嘅 但原價嗌就唔太抵啦🥸 味道: 5/10 性價比: 7/10 👌🏿炸薯條 +$25 (原價: $52) 本身想嗌麥樂雞 但史努比手殘寫錯number🫣 用咗波浪型嘅薯條 啱啱嚟到都有微微脆口🤭 入面嘅質感比較蓉同埋粉 偏向似炸薯蓉多過似炸薯條🤔 好彩嘅系鹽嘅份量唔會太多 唔會太鹹👍🏿 點茄汁食就啱啱好 味道: 6/10 性價比: 7/10 🔸楊枝甘露 +$23 (原價: $63) 熟悉史努比嘅都知史努比唔鍾意有糖嘅嘢飲架啦🤣 呢杯就系媽媽👩🏻嘅~ 佢話幾好飲喎🤣 原價就偏貴 但咁樣加錢嘅話就抵好多😆 👍🏿雪糕伴香蕉朱古力厚多士 $88 賣相都唔錯🤭 不過佢就比較普通 呢個價錢稍貴🤏🏿 多士邊邊烘到帶微微香脆 質感非常鬆軟👍🏿 但因為佢厚身嘅關係 食落dry咗啲 食完想飲水😬 連埋雪糕一齊食會好啲~ 但略嫌雪糕嘅朱古力味唔夠rich 好彩佢嘅雪糕冇碎冰 叫做不過不失啦😗 On top有啲香蕉同朱古力醬 Ok嘅overall唔會太甜 史努比覺得佢應該做下午茶多過飯後甜品😂 飯後甜品食佢嘅話dry咗啲🤣 味道: 7/10 性價比: 5.5/10 *另設加一服務費* 呢間個vibe系好cozy嘅 而且冷氣好夠🤣 雖然史努比怕凍😂😂但天氣熱嚟到真系好舒服🤭 感覺佢target對象系一班學生 系嚟吹水嚟hea嘅好地方 但如果系睇重食物quality嘅話呢間未必滿足到你 佢啲嘢食未去到伏嘅 但樣樣都系普通不過不失🤔 所以去唔去真系睇你個人注重啲咩🤣 史努比就一般般啦🫣 整體評分： 味道: 6/10 環境: 9/10 服務: 4.6/10 衛生: 7.9/10 抵食: 6/10