今晚朋友帶我去灣仔獵奇😆😆話有間好有特色好創新嘅Fusion菜🤩餐廳有啲隱世😛喺船街嘅盡頭，門外見到已經好有特色😍餐廳分上下兩層，裝修都好有格調，夜晚同朋友嚟chill chill都幾正😝 🐙香煎章魚鬚 ($148) 好足料嘅頭盤😍有兩大條嘅章魚鬚，粗身又軟熟，一啲都唔靭👍🏻下面係羽衣甘藍，淋上用八珍甜醋特調嘅沙律汁🥗酸酸甜甜之餘仲帶點果香😌完美地去除羽衣甘藍嘅草青同苦澀🤩少有地會令我鐘意食羽衣甘藍嘅沙律😙😙😙 🍗千層脆窩夫油封鴨脾 ($298) 油封鴨脾都唔細隻😆外皮煎得香脆，加上半熟蛋嘅蛋汁令肉質更嫩滑🤤配菜好多🫢有好惹味嘅原粒焗蒜🧄又有經牛油輕微煎香嘅配菜蘆筍、甘荀、翠肉瓜同雜菌🥕仲有非常酥脆嘅千層脆窩夫🧇不論視覺、味覺定口感都好豐富🥰 🧀特色卡邦尼意粉 ($238) 特色卡邦尼到底有幾特色😏原來係中式卡邦尼😆用咗金華火腿同臘肉代替煙肉🥓仲只用蛋黃唔加忌廉🤭果然係九唔搭八fusion菜🤣🤣但出奇地夾😲臘肉嘅鹹香同意粉嘅香滑配合得好好😌面頭仲灑滿芝士粒🧀好香好好食😋 🥨Crispy Churros ($78) 新鮮熱辣，即叫即整😁上枱時仲熱辣辣，咬落去脆卜卜😋雖然望似好幼身好細條，但都保質外脆內軟，好高質👍🏻

終於嚟到星期五😫辛苦咗一星期要搵朋友好好食餐飯傾吓偈🥰今次去咗間無論服務定食物質素都唔錯嘅cafe☺️就好似店員見我哋拎住一袋二袋，就算餐廳唔算好多空位，都主動比多一張二人枱我哋，等我哋坐得舒服啲💕 最後同朋友不知不覺坐咗差唔多兩個鐘😆坐到人哋就快打烊都冇趕我哋走🤣🤣🤣果真貫徹cafe嘅宗旨「慢活」😌當忙碌完一星期，過嚟chill吓享受吓Me Time都唔錯🥰🥰 🍅魷魚蕃茄醬長螺絲粉 ($135) 雖然叫蕃茄醬🥫但嗰醬汁絕唔係得蕃茄醬咁簡單😆勁多蕃茄粒，食落勁新鮮蕃茄味🍅香香辣辣勁惹味😋長螺絲粉仲比平時嘅更長勁掛汁😌 🥘黑菌露牛肝菌意大利飯 ($118) 一上枱已經聞到好香嘅黑菌露香🤤意大利飯嘅濕潤度同軟硬度都啱啱好👍🏻加入雜磨菇、蘆筍同西芹頭口感豐富😋店員話意大利飯雖然好夠味但並冇加入雞湯，素食人仕推介😆😆 🍰Day of the cake ($58) 今日係whisky chocolate cake🍫最初有啲看輕咗佢😆因為外表較平實，但食落有驚喜🫢Mousse口感幼滑濕潤，一入口就感到濃郁嘅朱古力味😋細味後whisky味就慢慢滲出嚟😌酒香甘醇，一啲都唔嗆喉，唔好酒嘅都會欣賞呢個cake☺️ ☕️London fog ($48) 細睇先知原來係Earl grey latte😆平時好少見，一定要試😍😍真係好香😌飲落好舒服，大推👍🏻👍🏻👍🏻 🍵Hojicha latte ($55) 好可愛嘅拉花🥰焙茶味濃但唔會苦澀😁而且仲好滑，唔會有平時飲到有渣嘅感覺🥰呢度嘅飲品都好有水準😙

荃灣必食嘅爆餡糯米糍最近竟然出咗新口味🤩除咗本身嘅豆沙、芝麻同花生味之外，仲有最新嘅開心果味❗️限量發售😍😍平日下晝三點幾去到，雖然唔洗排隊，不過見到數量都唔係剩返好多，如果想試吓開心果味就唔好太晏去🤭 🏅開心果糯米糍($12) 🖤芝麻糯米糍($6) 🥜花生糯米糍($6) 糯米糍大約手掌心咁大，餡嘅比例都幾多，一切開即刻爆晒餡🤤🤤🤤不過餡料側埋咗一邊，包得唔係好平均，會有一邊好厚一邊好薄嘅情況😅但糯米皮勝在柔軟煙靭，完全滿足到煙靭控嘅要求😍 餡料方面，爆餡就眾所周知😌但幾欣賞佢嘅甜度控制得幾好，唔會太甜得來，厚皮果一邊又唔會話覺得唔夠味道😂 喺未出開心果味之前，花生味同芝麻味一直係我心目中並列No. 1🥇今日食完開心果味之後，就被開心果味追過咗了🤭香濃嘅開心果味，仲食得出粒粒開心果果碎好正😋😋

今晚嚟到旺角食晚飯😛心思思想食酸菜魚😌就嚟咗呢間裝修好有特色，又大又好坐，仲好適合打卡嘅正宗川菜試下😋 🦐茘枝蝦球 ($108) 勁啱打卡🤩一粒粒好似荔枝嘅蝦球掛喺樹上邊，再加埋乾冰噴哂煙😍荔枝要自己摘落嚟食，儀式感十足😆令人驚喜嘅係荔枝面脆得嚟唔油膩，配合埋彈牙嘅蝦球，再點上甜甜酸酸嘅醬汁好開胃😋 🍞炸饅頭 ($58) 大推炸饅頭👍🏻又一打卡必食🤣外表炸到金黃酥脆，饅頭質地軟熟綿密，再沾上大量煉奶🤭又香又甜😋食到停唔到口🥹🥹 🌶酸菜魚 ($268) 酸菜魚可以自己揀辣度、麻度同酸度☺️魚片新鮮爽脆，配上菇、萵筍、芽菜、豆卜同粗薯粉，配料吸哂啲湯底，好入味😋 🍡黑糖脆炸糍粑 ($58) 身為煙韌控一見到糍粑已經好期待😍外面微微炸脆，外脆內煙靭，沾上黑糖漿同黃豆粉，香甜好食😚 🍋手打檸檬鴨屎香茶 ($38) 濃郁清香嘅鴨屎香手打檸檬茶，食完酸酸辣辣嘅酸菜魚解渴一流☺️☺️

同朋友喺深水埗食完飯後，有啲意猶未盡想食個糖水😆其實深水埗嘅甜品店選擇都幾多，今次就揀咗連續兩年入選米芝蓮推薦街頭小食嘅深深甜品😋比佢嘅紫薯同埋芋圓吸引咗😍😍 🍠冰烤紫薯雪糕系列-仙草紫草園 ($39) 一見到幅圖已經好想食🤤紫薯雪糕入面食到一粒粒嘅紫薯肉，好出色😍😍😍仲有我最愛嘅芋圓，煙靭有咬口😋下層係仙草配黑糖水晶、蜜紅豆🤤成個甜品都好出色，但糖水可能落得有啲多🤔對我來講有啲太甜🫣所以最後淨係揀哂啲料嚟食就算😂😂 🍨叁元豆花 ($38） 叁元係豆腐花配芋圓、地瓜圓、黑糖珍珠、紫薯西米同香草雪糕🤗好多配料😮豆腐花好好好滑，芋圓同地瓜圓都好煙靭好食😋黑糖珍珠同埋香草雪糕就正常發揮，而紫薯西米唔太食到有紫薯味😂😂

今晚喺九龍城食完晚飯，心血來潮想食多個糖水😝行咗好一輪都係揀呢間低糖少甜糖水專門店😋 🥥桃園燕 ($60) 呢個稱之為鎮店之寶，果然係名副其實🤩非常滋潤嘅糖水😍有雪燕、桃膠、芋圓同清心丸😊配以椰汁底，最底下仲有椰皇燉蛋白🥰蛋白嫩滑清甜，配搭咁多配料口感豐富😆最特別係清心丸，爽彈得嚟又有啲煙靭，好正😙 🍇巨峰奇緣 ($48) 天氣熱最啱食冰😛今次呢個係巨峰綿綿冰😋巨峰味味道清甜👍🏻配料仲好多款😆有水晶球、椰果、麻糬、雪糕同忌廉🍨最特別係士多啤梨粿子🍓煙靭，士多啤梨味又好出，好想食多幾粒🤣🤣

屯門近期都開咗好高質嘅餐廳😙今晚食呢間就係住附近嘅朋友大力推介😆估唔到區內都有間咁有氣氛嘅餐廳😍室外位置走田園風🍀而室內又幾有情調幾chill🥰🥰 🥩烤美國牛柳伴香煎鵝肝 ($368） 香煎鵝肝帶微微焦香，入口即溶，好邪惡🤤牛柳有兩大件，都幾厚身🤭煎得半生熟啱啱好，軟熟冇筋👍🏻👍🏻 餐廳平日嘅晚餐set已經包湯、頭盤同飲品，仲可以加錢叫甜品🍮 🥖黑糖麵包 餐包都好高質，好香濃黑糖味😋熱辣辣又外脆內軟既黑糖包沾上cream cheese，簡正係絶配👍🏻 🫕椰菜花湯 今晚嘅餐湯係椰菜花湯，椰菜花打成蓉，入口香甜，味道濃郁🥰 🥗八爪魚沙律 頭盤係八爪魚沙律，相對少見八爪魚魚配沙律🐙都幾特別😆八爪魚都幾多，醬汁酸酸甜甜好開胃😚 🧀黑松露忌廉野菌意大利飯 ($138） 除咗叫晚餐，我哋另外叫多個意大利飯🍚意大利飯上面灑上大量芝士，混合黑松露同野菌，又香又惹味😋 🍫Tiramisu (+$30) 甜品幾有驚喜，cream cheese 夠滑，質地軟熟得來又唔會太濕😙咖啡味同酒香都好夠😌

每次去親尖沙咀食飯都覺得人頭湧湧，好難搵位😅今次食咗間唔錯嘅木系cafe，食物質素唔錯之餘地方都幾大，重點係無限時，幾啱成班friend吹水gathering👭🏻👭🏻👭🏻 👫🏻 𝒮𝑒𝓉 𝒟𝒾𝓃𝓃𝑒𝓇 𝒻𝑜𝓇 𝓉𝓌𝑜($688) 🫕紅菜頭忌廉湯 欣賞個湯唔會blend得太碎🥰入面仲有好多粒粒紅菜頭，幾好咬口😆味道甜甜地，連本身唔鍾意紅菜頭嘅我都覺得幾好飲😂 🧈香草蒜蓉包 蒜蓉包大大塊，香濃蒜蓉同牛油味，烘得香脆又唔會太硬🥰 🍟黑松露芝士薯條 新鮮炸起嘅薯條又香又脆，份量都幾多，配上芝黑松露醬簡直係絕配😋 🍖炭燒法式豬鞍架伴紅桑子汁 法式豬鞍帶炭香，肉質軟腍帶少少脂肪邊🤤🤤紅桑子汁好出色，酸酸甜甜好清新開胃🍒用嚟沾晒成個豬鞍，再配埋啲薯仔，成功清碟😚 🦪牛油香煎帶子鮮蠔汁意大利飯 一上枱就聞到好香濃嘅海鮮味，原來係個鮮蠔汁🤤意大利飯充滿鮮蠔肉同蠔汁，好足料😋大大粒帶子肉質軟嫩，滿滿嘅牛油焦香☺️ 𝒟𝑒𝓈𝓈𝑒𝓇𝓉 𝑜𝒻 𝓉𝒽𝑒 𝒹𝒶𝓎 🍰藍莓芝士蛋糕 芝士味濃，口感細滑，美中不足係太少唔夠喉🤣🤣 🧊海鹽雪糕 藍色嘅海鹽雪糕，香濃嘅牛奶中加入海鹽，甜中帶咸味，幾特別👍🏻 𝒟𝓇𝒾𝓃𝓀𝓈 🫖洋甘菊茶 🍹凍檸檬茶

今次跟開心果關注組搵食😙之前bookmark咗呢間開心果醬西多士好耐，終於有機會試吓😛星期六中午去到好彩唔算好多人排隊，等咗15分鐘就有得食☺️ 小店主打天然無添加堅果醬🥜有花生、杏仁、核桃、腰果、榛子、開心果嘅配搭😇小食可以配多士、西多士同埋素窩夫🧇仲有甜品、飲品同埋可以買走堅果醬😋 🥪開心果醬西多士($58) 西多士係蛋奶素，用咗法式西多士嘅做法🤓兩片麥包中間夾住開心果醬，吸滿蛋漿先再用牛油煎香🧈再切成小塊，表面淋上焦糖煉奶，同灑上開心果碎🤩口感比較港式西多士重蛋香同濕潤🤤食落口感會比較淋身，如果追求脆口啲嘅可以揀多士😉

講起沙嗲王，唔知大家會唔會好似我咁😏第一時間諗到嘅並唔係沙嗲😌😌而係白咖喱😆正因為佢白咖喱咁出色，最近仲成為沙嗲王嘅副線餐廳嘅主打👏🏼 🐷白咖喱香茅豬扒飯 ($65) 宜家嘅白咖喱飯可以配嘅餸多咗好多選擇😍除咗以往成日食嘅豬扒，仲有煎雞扒、吉列豬扒同魚柳🤩不過揀來揀去都係想重拾以往嘅味道😌揀返香茅豬扒😋值得一提嘅係仲可以加$13將白飯轉做椰菜花粒粒飯，減低罪惡感😈 🥩自家製漢堡扒滑蛋蓋飯 ($78) 原本係設定係法式牛扒汁🥩但一場嚟到當然要轉白咖喱汁🍛自家製漢堡好厚，勁多肉汁🤤漢堡調味唔會太咸，配搭白咖喱食啱啱好☺️☺️ 🐙和風紫菜墨魚餅 (+$24) 🥕飲品+ 溫野菜 (+$18) 🧄飲品+ 蒜蓉牛油雞翼 (+$22) 🍋凍青檸柑梅蜜 (+$8) 🧊番石榴梳打 (+$8)