一生懸麵

營業中

休息中

途經九龍灣，諗住求其搵間餐廳食個快既，醒起前排好出名既雪糕拉麵，就嚟到一生懸麵諗住試下，嚟到先知已經冇賣😂但都想支持下本地小店，所以坐低叫左碗沾麵同一份餃子。整體不過不失，但勝在價格親民，快脆食一餐黎講算唔錯👍❣️魚介豚骨沾麵雖然湯偏重味，但我自己本身鍾意食濃味，再加埋啲青檸汁中和返，整體味道平衡得唔錯，不過魚介味唔係太出，豚骨味就好香濃。如果個湯冇咁多油會更好。麵底軟硬適中，掛湯唔錯，叉燒都燒得幾香口，但偏薄身。❣️煎餃子煎餃子雖然好平，但真係唔推。好普通嗰種急凍餃子feel，個皮煎有啲硬。