作為中高價位餐廳，我認為服務好要係基本，可惜呢間餐廳連尊重客人都做唔到。 首先，main course等咗足足兩個鐘，中途坐喺度酒都飲曬，餐廳根本唔多客人，但催咗兩三次都冇反應。我地叫服務員比幾杯水我地，佢當場就答我地水要等好耐，之後我地都等咗半個鐘先有水飲。 天光等到天黑終於上菜，我地就角度影緊相既時候，服務員居然叫我地唔好影住，攞開隻腳，唔好阻住佢上菜。實在唔明點解對住客人會係咁既態度。 仲要野食都好普通，tortilla chips淋到已經痴埋一舊。意粉其他等都普普通通。真係唔值得試，希望幫到大家避雷。

第一次嚟既時候試咗西班牙乳豬南瓜risotto，好食到驚為天人！所以約埋朋友嚟聚餐，點知第二次有啲失水準😂 我地叫咗二人餐，加個西班牙乳豬。 二人餐可以揀生蠔或者青口，我地揀咗生蠔。唔算大隻但幾甜幾fresh。龍蝦湯好好味，唔會有龍蝦苦澀味但又好香濃鮮甜🤤 ❣️蒜香牛油田螺酥皮盒 發揮正常，酥皮唔算好酥脆但幾香牛油味。 ❣️香烤牛骨髓伴美國牛柳肉他他 幾好味，牛肉他他撈埋油香四溢既牛骨髓味道豐富好滿足👍配埋薄脆麵包口感加分 ❣️燒西班牙脆皮乳豬 脆皮乳豬配薯片同紅桑子，好得意既配搭！食落口感味道豐富得黎好和諧。但個人覺得上次risotto配既乳豬更好食，可能因為大塊啲同埋唔會比個醬汁同配料搶咗乳豬本身既香味🥹 ❣️慢煮美國威靈頓牛柳 同個酥皮盒一樣，威靈頓牛柳既酥皮唔酥脆，好厚實。蘑菇蓉加埋唔脆既酥皮一齊食，口感麻麻，一patpat咁。牛柳有啲太熟，不過都算淋身有牛肉香味。 ❣️原隻法式龍蝦米多 芝士雜菜焗龍蝦，好大陣青椒味，我真係麻麻🥹唔食青椒朋友要注意‼️ - 甜品我地食咗焦糖燉蛋加apple flan。 焦糖燉蛋發揮正常，脆脆焦糖加creamy燉蛋，好味🤤apple flan都好香口，而且佢既酥皮係脆既！🤣加埋雲呢拿雪糕，一熱一凍好夾。 - 總結：食物質素只可以話不過不失，普普通通。最正係餐廳有live band，氣氛好好。酒精飲品第二杯半價，就近同朋友黎飲杯chill吓都係唔錯既選擇。順帶一提，呢度sangria好大杯，兩人分都冇問題😂😂😂

成日見到呢間雞湯米線大排長龍，決定同朋友試試佢😂我地叫咗兩款米線同啲小食，整體只好普通，冇咩驚喜。 ❣️椰子雞米線 ❣️姬松茸竹笙花膠雞米線 兩款米線既湯實在太淡！特別係椰子雞，只係得淡淡椰子味，雞味都欠奉。松茸雞湯相對濃少少，但湯底都係唔及格，令人失望。 雞肉就幾唔錯，肉質嫩滑得黎唔會好鬆散，而且肥瘦適中，又有雞香味。但個人覺得雞湯米線係湯底更重要，呢方面真係爭啲。 ❣️麻藥蛋 ❣️金磚豆腐 麻藥雞蛋話平唔平，都成十四蚊粒。食呢啲蛋梗係想食流心蛋黃，但一上檯就見到熟得滯，當堂失望咗🥲 金磚豆腐係好食既，豆腐嫩滑熱辣辣，炸皮酥脆。 總結：食物質素好普通，可能係期望太高，真係幾令人失望，店員態度亦麻麻。唔值得為呢間鋪頭再排隊，經過諗住食簡單快餐既時候先會考慮。

如果要我推薦一間韓國餐廳，本家絕對榜上有名！從食物到餐廳裝修、店員服務等，都好有韓國既感覺，唔洗飛就可以食到，機票都慳返😍叫咗個三到四人餐，加一個海鮮煎餅，四個人食到捧腹而歸，勁滿足🥳 生牛肉作為前菜非常開胃，牛肉好鮮嫩，同雪梨條好夾，撈埋生蛋黃口感就更豐富👍 海鮮蔥餅好足料，啖啖都食到海鮮。蔥既香味同韓國煎餅既獨特口感真係絕配🥰就咁食煎餅味道比較淡，重口味星人食既時候記得點多啲汁😂 三至四人餐有兩款韓牛，雪花紋都好靚✨一款肉味更濃，另一款就油脂更香，兩種都勁好食❗️配埋粗粒芥末，完全中和咗油膩感🥰 有店員幫手燒，手殘黨即刻放心😂 醬油蟹當然係今日主角，睇圖就見到滿滿蟹膏超肥美呀！！🥰😍醬油味唔會過濃，食到蟹肉既鮮甜🤤韓國姨姨問咗我地係幾多人食，幫我地分好咗一人一份既蟹膏紫菜撈飯，一路分一路同姨姨傾計，姨姨好fun😂 韓式烤鰻魚一直係我至愛😋本家既烤鰻魚同樣出色✨店員幫我地將鰻魚燒到焦香，過程好治癒！包住醃蘿蔔，點鰻魚醬食，口感同味道都好豐富！鰻魚外焦內軟，肉質緊實，食落好香好好味🥹 店員會將薑絲道入鰻魚醬，唔食薑既朋友記得提早講😂 總結：韓食老店既食物質素自然不在話下，幾個朋友聚餐再叫枝燒酒，真係好似飛咗轉韓國咁🇰🇷🤣推薦比想體驗韓國氛圍既大家❤️

位於活化建築裡面既復古日系cafe，餐廳環境有文青氣息，好靚✨朋友推介呢度既抹茶蒙布朗，所以決定嚟同朋友慶生😋 餐廳食物質素唔錯，賣相都靚，不過份量偏細。服務員態度好有禮貌，仲幫我地同生日既朋友影咗張即影即有📷。惟落單後等咗差唔多九個字先上第一道前菜，用餐體驗扣分。 吞拿魚牛油果他他好清新，醋汁開胃。炸蒜片令味道同口感都更豐富👍 左口魚其貌不揚，但入口滿滿魚油香🤤 充滿住明太子獨有既鹹香味，調味唔錯😋意粉口感軟硬適中👍 雞蛋又香又嫩滑，好正🤤番茄龍蝦汁都好味，不過龍蝦味唔係幾出。炒飯既米飯粒粒飽滿，有牛油香味👍龍蝦肉質緊實味道鮮甜。但份量實在太細😂 抹茶蒙布朗好出色！抹茶味香濃得嚟甜度啱啱好，底下既蛋糕綿密濕潤。抹茶蝴蝶酥非常酥脆，內餡濃郁，好好食🤤 拉花好精緻🥳咖啡帶淡淡焦糖香，幾好飲 總結：雖然性價比不高，但勝在環境服務都唔錯。值得為甜品同咖啡再訪🍰

聽聞新蒲崗有間唔錯既cafe，途經新蒲崗決定試一試佢。可惜食物質素實在欠奉，大家失望而歸。 🤕雞胸肉沙律 雞胸肉幹增增。 🤕龍蝦義大利飯 龍蝦汁冇乜海鮮味，而且太稀。飯粒偏硬，太多汁食落似湯飯。 🤕十六小時慢煮西冷牛扒 塊牛扒好硬，冇乜肉香味。 ❣️流心蛋蜜糖煙肉熱香餅 唯一算唔錯既食物。煙肉同蜜糖熱香餅既配搭奇妙得嚟都幾夾。點蛋黃食味道更香。 總結：雖然價錢幾平，但quality真係唔得。可能輕食類會相對好啲。

好清新既文青cafe✨木系工業風裝修好靚，座位舒服，仲有半露天座位夠曬chill🥳餐廳嘢食都好好食，係近半年食過最滿意既cafe😋大啡菇同豬鞍好有驚喜，推薦！🤩 ❣️牛油果蟹肉他他 好清爽既前菜，味道平衡得非常好👍蟹肉鮮甜，配上番茄同牛油果，加埋酸酸甜甜既黑醋，好開胃😋 ❣️芝士蟹肉焗大啡菇（兩件） 估唔到蟹肉同大啡菇係咁夾！大啡菇熱辣辣又多汁，芝士蟹肉香噴噴，真係好好食😋 ❣️黑松露芝士薯條 上檯聞到好香濃黑松露味，可惜食落就冇咁明顯😂不過不失既薯條。 ❣️炭燒法式豬鞍架伴紅桑子汁 今日既MVP！個人認為豬扒要整得好食其實好難。呢塊豬鞍就非常出色，熟度啱啱好，肉質好嫩，帶小小肥邊既部分更好食，肉味好香🤩紅桑子汁好開胃，非常解膩。就連伴碟既薯仔都好好味🤤 ❣️牛油香煎帶子鮮蠔汁意大利飯 好濃郁鮮甜既蠔汁，懷疑係直接打碎蠔整出嚟😂啖啖都充滿蠔味，仲食到蠔仔，好足料👍朋友嫌太濃味有啲漏，蠔仔愛好者表示好正🤩牛油帶子好軟嫩，有淡淡牛油香。 ❣️西班牙黑毛豬無花果Pizza pizza薄脆既餅底同面頭既芝士好match👍風火腿鹹香，無花果甜甜哋，加埋酸甜既黑醋，味道好和諧幾得意。 總結：近半年最滿意既cafe，除左食物高質同環境唔錯，餐廳服務都非常有加成，店員好親切主動。非常愉快既用餐體驗，一定會再嚟🥰

位於觀塘工廈既隱藏高質西餐廳，我同朋友一齊嚟慶生，試左好多款嘢食，質素都非常唔錯，個人認為CP值非常高✨其中最深刻一定係超大份既吉士焦糖梳乎厘🤤🤤🤤 ❣️15%黑松露帶子蘑菇燴飯 一上臺已經聞到好香黑松露味，燴飯米粒軟硬度適中。香煎帶子鮮甜軟嫩，熟度啱啱好。 ❣️西班牙海鮮燴飯（二人份） 唔好睇佢望落細細碟，其實份量驚人，2-3人share都冇問題👍佢係risotto，唔係乾身薄脆嗰種海鮮飯，醬汁好濃郁，係非常鮮甜既海鮮味，啖啖都食到蟹肉蜆肉，面頭仲有大蝦同帶子等等，非常足料。 ❣️吉士焦糖梳乎厘班戟 梳乎厘好大份，係CP值超高！軟綿綿入口即化，食落真係好幸福🥹面頭有薄薄一層焦糖，令班戟既口感豐富左唔少。吉士醬甜度啱啱好，梳乎厘蛋味又好香，食落輕盈，忍唔住一啖接一啖！ ❣️雜莓沙冰 令人驚喜既沙冰，雜莓味唔會好假，沙冰飲落好香奶味，酸酸甜甜好好飲！ ❣️15%白松露薯條 白松露醬中規中矩，薯條炸得乾身唔油。 ❣️岩鹽燒牛舌芯 好少食到薄切同時好軟嫩既牛舌芯，用岩鹽簡單調味已經好足夠。 有樣嘢要留意返，餐廳雖然可以幫手雪蛋糕，但唔會上碟，而係會連紙盒成個上，唔會收切餅費。不過要自己拆紙盒有啲搞笑😂

同朋友嚟到華小料理屋品嚐精緻和牛壽喜燒🤤鋪頭環境唔錯，位置闊落，坐得好舒服👍 我地揀咗有A5和牛既松阪牛二人盛宴。套餐從前菜到甜品都非常高質，果然係一分錢一分貨，好滿足既一餐，食到捧住個肚走😋 ❣️九宮格前菜 九宮格前菜精緻豐富。除左蔬菜小菜，仲有牛肉他他、三文魚、蟹腳等等，全部都清新開胃。 ❣️蟹味增甲羅燒 甲羅燒蟹味濃郁，蟹膏香醇仲伴有絲絲蟹肉。上檯既時候仲熱辣辣，配埋紫菜脆脆一齊食，口感味道都滿分👍 ❣️席前火炙海膽松阪A5和牛 店員為我地席前烹飪，炙燒過既和牛包裹住米飯同蛋黃，配上海膽同三文魚籽。和牛油香同海膽鮮甜完美融合，味蕾大滿足✨ ❣️松阪A5和牛壽喜燒 嚟到重頭戲既壽喜燒，和牛好靚，望見都流口水🥹 店員為我地烹飪，唔洗擔心咁靚仔既和牛比我煮到老曬😂和牛口感油潤柔軟，肉味好香，經烹飪後，時令野菜既鮮甜清爽中和咗油膩感。點住蛋黃食，超滿足！🥹 ❣️魚湯烏冬 整體普通。魚湯雖然濃，但有少少腥。烏冬係幼烏冬，口感唔錯。 ❣️牛奶布丁 布丁口感細膩，奶味香甜。 總結：有啲奢侈但非常值得！餐廳不論環境定服務都好優質，食物味道亦好好。喺香港都食到日本咁高質既壽喜燒，好幸福！🥰

講起九龍城泰國菜，一定會諗起泰金國，人氣爆棚到好似無時無刻都排緊隊😂我同朋友六點半左右到，等咗十分鐘就有位🤩 ❣️泰式生蝦 生蝦好新鮮好厚肉，肉質結實。配埋蒜片同泰式辣汁一齊食，非常開胃。蝦頭做裝飾賣相好靚。 ❣️燒豬頸肉 豬頸肉厚實爽脆，口感好好。點埋泰式辣汁非常惹味。辣汁都幾辣，食唔到辣既朋友要注意啦。 ❣️燒牛肉 每一檯都會點既馳名神級燒牛肉，我地叫咗五成熟🤩肉味好香好濃，帶少少肥既部分更加好食！醬汁鹹酸口，點嚟食更開胃。非常推薦，願意為佢再排隊🥹 ❣️泰式咖哩炒蟹 見網上冇乜人推薦，冇抱好大期望，但真係有驚喜‼️咖哩有椰香味，裡面有好多舊蟹，大大件仲要爆多膏！蟹膏撈埋咖哩一齊食，勁滿足🥰推薦叫埋蒜蓉包點咖哩食，重口味邪惡之選🥳 ❣️皮蛋炸蝦餅 ❣️泰式肉碎生菜包 呢兩樣相對普通，正正常常。 ❣️椰汁沙冰 大大杯，椰香味十足。記得快啲飲，融得好快會滴到成檯都係😂