一生懸麵

營業中

休息中

平時經過得寶商場都會想食一生懸麵，但係次次都好多人，今次趁有時間一開門就試期間限定檸檬柚子拉麵🍋，唔洗排隊真好。檸檬柚子拉麵🍜每日限量30碗，12:00/18:00 開始各15碗，想食都要睇時間。呢款拉麵感覺較清新，用豚骨柚子做湯底，配上檸檬，慢煮豚叉燒同雞叉燒，食多啲都唔會膩。我仲另加咗慢煮豚叉燒同叉燒，2款都好淋，叉燒用火灸更香口。湯底酸酸地有柚子香味，同豚骨湯都很夾，味道幾特別。小食試咗煎餃子🥟，外層香脆味道唔錯。另外章魚燒外脆內軟，加上醬汁，一粒一口剛好。飲品我喜歡冷泡茶🍵，解膩又健康。有桂花烏龍/白桃烏龍，茶味清香，很舒緩的感覺。仲有美白肌膚或排毒祛濕功效，2款我都鍾意。