影片
開飯介紹
佐賀人氣燒肉店登陸香港，由日本直運九州產的A5黑毛和牛，當中的稀少部位更加鮮嫩美味。座位闊落，環境舒適，適合和家人或朋友聚餐。
繼續閱讀
營業時間
今日營業
12:00 - 22:30
星期一至四
12:00 - 22:00
星期五至日
12:00 - 22:30
公眾假期
12:00 - 22:30
公眾假期前夕
12:00 - 22:30
以上資料只供參考, 請與餐廳確認詳情
有關獎賞計劃
相關文章
餐廳：YAKINIKU KAKURA地點：紅磡黃埔天地聚寶坊菜式：來自佐賀既日式燒肉，賣點係由日本直運九州產既A5黑毛和牛。餐牌：午市有燒肉定食，可以選唔同肉類組合12選1，配白飯，沙律，餐湯，小食，甜品，餐飲。另外都有8款午餐定食。落單掃QR code。黑毛和牛大判燒拼US牛板腱肉 $258 另加一招牌黑毛和牛大判燒係一大塊薄切黑毛和牛西冷，全塊燒好快食得，同溫泉蛋一齊食可降溫同有壽喜燒風味。和牛西冷算嫩口，個燒肉汁真係好好味。US牛板腱肉一客4片，夠厚身又嫩口，口感唔錯啖啖肉。伴有四片南瓜。牛舌盛合 $148 另加一牛舌盛合有鹽味牛舌5片同蔥鹽味牛舌5片，牛舌夠厚身又彈牙，鹹香十足。蔥鹽味牛舌就加左蔥花，另上京蔥條同檸檬，味道唔會太鹹，已經好夠味。 每個餐可以追加一款燒肉，價錢唔貴。US牛腹柳小排 加$58 另加一腹柳小排一客四片，唔會太肥，但係都好易咬開，口感好好，呢個價錢超抵食。餐配白飯，沙律，餐湯，小食，甜品，好豐富。沙律係沙律雜菜加車厘茄，加上少少酸汁調味。小食係辣青瓜條。白飯分量唔會太多，好有米香又有口感，送燒肉一流。餐湯係昆布湯，加有蔥花同白芝麻粒，味道都唔錯，唔會太鹹。甜品（跟餐）甜品係好滑溜既杞子杏仁豆腐同雲呢拿雪糕糯米糍，兩樣放係個精緻盒入面，杞子杏仁豆腐份量少少，超滑而杏仁味香濃，外圍口感好彈牙。雲呢拿甜品雪糕糯米糍都唔錯，令人超滿足。Coke Zero （跟餐）餐飲可選檸檬茶，檸檬水，咖啡，汽水，可加錢升級至綠茶，烏龍茶或者乳酸梳打。凍冰冰汽水配有獨立包裝飲管。若鷄雞腿 $78 另加一另外喺主餐牌點多份肉，若鷄雞腿一客5件連皮伴有檸檬一件，我叫左走鹽走黑椒。 醬汁枱上面有三款醬汁，左至右分別係燒汁，辣汁，酸汁，不過燒肉本身都夠味，唔洗點都得。餐廳環境舒適，食完唔會成身油烟味。呢餐食得好開心，呢度燒肉質素永無失望，而午餐價錢抵食。
繼續閱讀
《YAKINIKU KAKURA - 紅磡》呢排狂食燒肉🥴上星期同Pu媽 @pu.pu.purinn 收咗工去黃埔花園飲杯嘢順便食飯，由於我哋兩個都係燒肉愛好者，所以我就推薦佢去呢一間我成日都幫襯嘅燒肉店試吓佢哋嘅牛腸👍🏻咁多間分店入面其實我最鍾意黃埔呢一間，成個餐廳嘅感覺好有私隱度同埋更有日式嘅氛圍感🥰連日本通嘅Pu媽都話冇介紹錯💁🏻♀️檸檬威士忌梳打 $58我既最愛，呢度既價格唔算貴，威士忌既濃度飲落都幾高，飲一杯已經hyper hyper 啦😜啱晒我呢啲酒鬼，加入咗檸檬嘅清爽，用嚟送燒肉最好不過💁🏻♀️Suntory 生啤 $48生啤呢一個價錢真係唔貴㗎，同埋佢係1 pint 嘅價格，抵過出去酒吧飲💁🏻♀️大判燒！黑毛和牛西冷 $178每次介紹朋友都一定會叫呢一款和牛西冷，食落焦香有油花，點埋溫泉玉子嘅蛋汁一齊食特別滋味，我個人推薦至五成熟就剛剛好啦👍🏻💁🏻♀️日本蠔 $38呢一個蠔一客兩件，用蒜蓉牛油烹調，成個錫紙兜放入個網度燒滾就食得，蠔肉都幾鮮甜同大粒😍 $38幾抵食💁🏻♀️鹽燒牛舌 $98喺厚牛舌同薄牛舌之間揀，最後今次都係揀咗食薄嘅鹽燒牛舌，烤牛舌當然係食佢嘅軟嫩同埋口感啦，但係薄牛舌其實味道會比較香濃同埋彈牙，配鹽醬其實已經好好食，我個人覺得可以再點少少檸檬汁調味，同埋薄切牛舌食多幾片都冇咁膩吖嘛💁🏻♀️牛腸 $58我哋兩個都鍾意食內臟，牛腸係食佢嘅油脂感，一邊煙煙韌韌另外一邊就油香味十足👍🏻驚太過油膩嘅話可以落少少檸檬汁調味，配埋白飯食一流💁🏻♀️黑毛和牛上肋骨中肉 $198呢一個牛肋骨中肉之前都介紹過，食落軟腍腍同埋好濃濃郁嘅果香味，應該係喺醃肉嘅時候落咗水果汁落去調味，個人覺得大件夾抵食，平均一大條都切到八至九件㗎💁🏻♀️黑毛和牛内橫膈膜 $188最後就係呢個牛內橫膈膜肉，筋膜嘅部份帶有咬口，脂肪都十分平均，入口有溶化既感覺💁🏻♀️佐賀紫菜飯 $48除咗燒肉之外，我覺得呢一個紫菜飯都係重點推介的，因為食咗咁多肉，配返啲白飯相對嚟講冇咁油膩，佢呢度嘅紫菜飯落咗特色醬油同埋大量紫菜碎，一啖飯一啖燒肉特別好食
繼續閱讀
最近食咗幾間燒肉，呢間暫時最好食。店舖有種高級感，地理位置方便，座位私穩度高，店員友善，食物新鮮美味。好適合情侶/朋友慶祝。 ✦ 大判燒 黑毛和牛西冷上枱大大塊薄切，顏色鮮艷、紋理清晰、油花分佈均勻。店員主動幫忙燒，手勢熟練，好快食得。食落重焦香油香，口感柔嫩，幾乎入口即溶。 ✦ 鹿兒島和牛他他和牛他他顏色同樣鮮艷，肉質相對有彈性，配搭鮮蛋黃、醬油、紫菜、洋蔥、蔥花一齊食，口感更豐富。 ✦ 椿 有齊塩味牛舌、和牛腹柳小排、和牛赤身、特上牛胸腹肉、 若雞雞胸柳、牛腸、若雞雞腿、海老，拼盤賣相精美，材料新鮮。最喜歡牛舌爽彈、小排肉汁充沛、牛腸乾淨焦香有嚼勁。 整體好滿意嘅一餐。
繼續閱讀
-YAKINIKU KAKURA🍽️-🥢 大判燒！黑毛和牛西冷 $178招牌黑毛和牛大判燒係一大塊薄切黑毛和牛西冷，店員會幫手燒，叫左5成熟😆燒得岩岩好入口即溶🤤嫩滑得嚟啱啱好嘅油脂比例，配埋溫泉蛋一齊食，口感更加豐富💕-🥢 黑毛和牛腹柳小排 $148/壼漬KAKURA 牛胸腹肉 $138/黑毛豚無骨小排 $88/黑毛和牛上肋骨中肉 $198佢全部肉類都好高質！份量較多同抵食必定係壼漬一大條肉🥩食落軟腍腍同埋好濃濃郁嘅果香味，應該係喺醃肉嘅時候落咗水果汁落去調味，個人覺得大件夾抵食，平均一大條都切到八至九件㗎🤣另外個兩款都係和牛所以油脂分布都較好入口即溶😋-🥢 辣冷麵佢個辣冷麵好有韓國個款水冷麵feel食燒肉食到膩食呢個辣冷麵就正又涼又解膩😋仲可以揀細碗唔洗驚太飽！-🥢 醃鱈魚胃袋 $58第一次食胃袋我估應該係魚卜d frd😂個口感好特別好似咬緊d好爽口既野🤣-🌟評分:🏅🏅🏅🏅🏅📍地址: 紅磡黃埔天地聚寶坊(第11期)地下G1及G3號舖
繼續閱讀
前日去食燒肉午餐，燒肉店位置喺黃埔站附近，C2出口行大概5分鐘左右就到。呢間人氣燒肉店中午有午餐定食/午市特惠燒肉定食。大判燒～黑毛和牛西冷係餐廳重點推介，海外店限定。餐廳會根據牛嘅唔同部位，切成不同厚薄，務求保留和牛最原始嘅風味同口感。和牛西冷油脂豐富均勻，切成大大片，每邊輕輕燒一燒，好快就可以食，肉質鮮嫩而且牛肉味濃，再加埋溫泉蛋汁，口感更嫩滑。牛板腱肉牛板腱肉脂肪比例相對較少，肉質紮實得黎又唔會韌，而且肉味重。壺漬 KAKURA牛胸腹肉用一個大壺上，裏面放入一塊用壺漬處理過嘅厚切牛胸腹肉，肉塊比手掌還要大。上面撒咗蔥花，下面放咗洋蔥。燒好之後再切返細細件食，保留中間嘅肉汁，肉嫩又juicy。個人覺得走汁食，淨係落少量鹽同胡椒都好夠味。牛肉壽喜燒烏冬呢個係lunch set，包埋飲品，小食同沙律；壽喜燒烏冬嘅牛肉同配料份量足，讚岐烏冬超彈牙，好食！😋😋😋飲品檸檬威士忌梳打～味道微酸清爽，好易入口白桃乳酸梳打~酸酸甜甜似果汁，識合愛甜人士餐後仲有甜品送，係杏仁奶凍同雪糕泡芙，食完甜品令呢餐午餐更加圓滿。
繼續閱讀