影片
開飯介紹
佐賀人氣燒肉店登陸香港，由日本直運九州產的A5黑毛和牛，當中的稀少部位更加鮮嫩美味。座位闊落，環境舒適，適合和家人或朋友聚餐。
繼續閱讀
營業時間
今日營業
12:00 - 22:30
星期一至四
12:00 - 22:00
星期五至日
12:00 - 22:30
公眾假期
12:00 - 22:30
公眾假期前夕
12:00 - 22:30
以上資料只供參考, 請與餐廳確認詳情
有關獎賞計劃
相關文章
日式燒肉店，滿滿黑毛和牛盛宴，隱藏鬧市日式燒肉店日本黑毛和牛，匠心獨運環境設計，店子細節驚艷，彷彿瞬間穿越日本。店內座位設計，盡顯奢華。前菜小吃，主吃和甜品，滿滿選擇高水準要讚揚店子排煙系統！是日本新「無炭火」技術，抽風裝置高水準，吃完後依然清新，顛覆傳統燒肉店之油煙感一場關於和牛華麗交響曲野菜沙律時令野菜，清香新鮮，增添奢華感，特調醬汁酸甜開胃，非常好幻之牛舌和牛的舌根，烤至表面微焦時，內面粉紅色澤。黑毛和牛西冷大理石紋極致，油花分布完美，入口瞬間化開油脂香滿滿大判燒！火焰表演秀，重頭戲登場！和牛大判燒肉片香濃，炙燒香濃，視覺之震撼，肉香混合醬香撲鼻而來，打上卵黃，終極快樂。 佐賀海苔飯放上牛肉和燒肉，吃法味道令人驚喜喔！ 甜品餐點完結濃郁杏仁布丁，甜而不膩。雪糕雪米糍奶香口味，外皮彈，內餡冰涼綿密，為這頓大餐畫上完美總結無可挑剔燒肉體驗，進門那刻起不斷被驚喜轟炸，環境，服務，食物品質也達高級水準。
繼續閱讀
今日我又嚟到黃埔嘅 YAKINIKU KAKURA，🤩 一入去就聞到嗰陣燒肉嘅香味，幾吸引！🍖 我哋叫咗個大判燒，試咗一啖，覺得啲肉幾嫩滑，黑毛和牛西冷嘅味道唔錯！💃 黑毛和牛腹柳小排都幾 juicy！😍海鮮拼盤入面嘅日本蠔都幾新鮮，忍唔住食多幾隻！🦪 另外，七味豆腐鍋嘅味道都幾好，辣辣地幾開胃！🔥KAKURA 牛肉飯嘅份量都幾夠，食完都幾飽肚！🍚 冷麵（大）二人前都唔錯，有啲辣味，又幾 refreshing，整體感覺幾好！😋總括嚟講，YAKINIKU KAKURA 都值得去試下，鍾意食燒肉嘅朋友可以考慮下！👍@chillchill_aloye @YakinikuKakura #黃埔美食 #紅磡美食 #燒肉 #YakinikuKakura #foodiehk
繼續閱讀
Blingbling美食推介✨📍黃埔𝕐𝔸𝕂𝕀ℕ𝕀𝕂𝕌 𝕂𝔸𝕂𝕌ℝ𝔸✨大滿足黑毛和牛燒肉😍‼️💠💠💠💠💠💠💠💠YAKINIKU KAKURA係其中一間我最愛既燒肉店~ 最近食得多壽司刺身，想食下熱野，所以今晚就食我最喜歡的燒肉啦~~~☺️黃埔地點好方便，搭地鐵同揸車都一樣咁方便~ 由於我地好懶，所以就揀左個Set~咩都有😛🌸黑毛和牛二人燒肉套餐 $896（兩位）🥗野菜沙律新鮮沙律菜配酸酸醬汁~好清新開胃🧡🤩前菜盛前菜有d韓式既泡菜、芽菜、菠菜、青瓜同蘿蔔~🥩大判燒！黑毛和牛西冷完全係套餐既highlight😍大判燒會每位跟一隻加左特製醬汁既溫泉蛋，staff幫我地燒完之後直接放上蛋度，沾埋蛋液既黑毛和牛西冷超級嫩滑😍🥩六款燒肉✴️塩味上牛舌牛舌好爽口，一d都唔un~✴️黑毛和牛精選油脂分佈超靚，係睇得見既好味😍✴️黑毛豚脛肉口感好似豬頸肉~一咬就斷👍👍✴️封門柳✴️若鷄雞脛柳✴️鰻魚鰻魚好有驚喜‼️超級厚身😍而且仲有醬汁比我地自己調節落幾多~根據個人口味仲可以加山葵粉💚🍚佐賀紫菜飯（+$28）（每位）本身套餐包白飯，升級後超級大碗😂嚇親我地😂佐賀紫菜飯除左有紫菜，仲有一隻蛋同飯素~ 一啖燒肉一啖飯好好味😂肥死啦點算好😂😂🍨甜品杏仁奶凍 - 杏仁味好濃👍杏仁控一定好開心~而且奶凍超級滑~雪米糍 - 食完燒肉食返d凍野超滿足~係完滿既結尾☺️餐廳環境：💎💎💎💎💎/5服務質素：🌸🌸🌸🌸🌸/5食物味道：😋😋😋😋😋/5性價比：💰💰💰💰💰/5YAKINIKU KAKURA (黃埔天地聚寶坊)@yakinikukakurahk📍紅磡黃埔天地聚寶坊(第11期)地下G1及G3號舖
繼續閱讀
好耐未去我既燒肉飯堂食啦好似每次都係食dinner，而今日難得食lunch 😂佢lunch 除咗有單點，仲有勁多套餐揀！性價比即刻拉高左😻😻😻Daddy 第一次食，所以一定唔少得，要叫個有大判燒既餐比佢！雖然lunch 既價錢平左，不過絕對無將貨就價！🤤🤤依然咁大塊 咁出色！而隔離鹿兒島既和牛！油香，牛味重！平衡得黎，配嗒白飯 🥹🥹 真係舌尖上既日本呀而lunch set 可以追加唔同肉類，海鮮！食到既記得追加！因為又係好抵！我加左份和牛小排！（平時夜晚單點份量差唔多咋！😍）油份重啲 入口有啲化開既感覺！勁正而因為爸爸唔想淨食牛，我哋叫咗set雞！有唔同部位！而且都好嫩，唔會好鞋！基本上，呢間真係無伏😂😂 大推！
繼續閱讀
餐廳：YAKINIKU KAKURA地點：紅磡黃埔天地聚寶坊菜式：來自佐賀既日式燒肉餐牌：賣點係由日本直運九州產既A5黑毛和牛。有套餐，黑毛和牛單點，牛豬雞單點，海鮮單點，蔬菜單點，沙律，涼拌小食，湯同麵飯，飲品有酒類同非酒精飲品。落單掃QR code。涼拌菠菜 $38 另加一涼拌菠菜賣相不俗，鮮嫩菠菜加上大量白芝麻，又嫩又香又有菜味。大判燒！黑毛和牛西冷 $178 另加一大判燒！黑毛和牛西冷係海外店限定。一大塊薄切黑毛和牛西冷好搶眼，燒一陣好快食得。服務員幫我地燒完就將塊牛放係溫泉蛋上面。黑毛和牛西冷好嫩口，個汁好好味。點溫泉蛋食可降溫同有壽喜燒風味。腹前小排 $118 另加一腹前小排一客五片，個樣好靚，切得夠厚，食落好有口感，而且又嫩又多汁又有牛味，個燒肉汁好正！牛板腱肉 $98 另加一牛板腱肉一客五件，非常嫩口。燒肉汁豐富，好味道！鹽味牛舌 $88 另加一鹽味牛舌一客六件，厚度適中，好有咬口，我走左調味，建議可以加枱頭酸汁同食，已經夠嗮味。壺漬 KAKURA牛胸腹肉 $138 另加一壺漬 KAKURA牛胸腹肉係用一個大壺上，面頭大大塊切割好既牛胸腹肉，灑上蔥花，下底係洋蔥圈。餐廳用自家製麵豉醬調味，味道調得唔錯，味道較濃，好惹味。肉質唔會韌，好嫩又少少彈牙。好味道份量又多。燒洋蔥好味吸左d汁。若鷄雞脛柳 $80 另加一若鷄雞脛柳一客五件，口感非常爽脆，燒得脆皮多汁，再點辣醬食好惹味。若鷄雞胸柳 $68 另加一若鷄雞胸柳一客五條，健身人士都可以食燒肉。黑毛豚脛肉 $88 另加一黑毛豚脛肉一客五件，質感非常爽脆，非常多汁，唔算太肥。Kakura 牛肉飯 $98 另加一Kakura 牛肉飯好大碗，濕潤珍珠米加上大量燒肉汁，面頭係好多厚切牛肉，加上洋蔥絲同一隻溫泉蛋，最後灑上白芝麻粒。牛肉啖啖肉，都唔差，個燒肉汁撈飯無得頂，加埋隻溫泉蛋，口感濕潤，又香又滑。枱上面有三款醬汁，包括酸汁，辣汁，燒汁，味道都幾好。好多肉類都有特製紙牌標示係咩肉類，好貼心。落單可揀走汁走煙同走黑椒，我走淨燒汁，我覺得已經好夠味。食完仲有盒甜品送，食完燒肉食返個甜品真係夠refreshing！甜品盒有好滑溜既杞子杏仁豆腐同雲呢拿雪糕糯米糍，兩樣都放係個精緻盒入面，杞子杏仁豆腐份量少少，超滑而杏仁味香濃，好正。雲呢拿雪糕糯米糍都唔錯，個皮夠煙韌。呢間分店座位舒適，上菜快速，食完唔會成身油烟味。呢餐食左好多肉，就算唔係和牛都好好味，真係大大大滿足。
繼續閱讀