YAKINIKU KAKURA (黃埔天地聚寶坊)

營業中

休息中

最近食咗幾間燒肉，呢間暫時最好食。店舖有種高級感，地理位置方便，座位私穩度高，店員友善，食物新鮮美味。好適合情侶/朋友慶祝。 ✦ 大判燒 黑毛和牛西冷上枱大大塊薄切，顏色鮮艷、紋理清晰、油花分佈均勻。店員主動幫忙燒，手勢熟練，好快食得。食落重焦香油香，口感柔嫩，幾乎入口即溶。 ✦ 鹿兒島和牛他他和牛他他顏色同樣鮮艷，肉質相對有彈性，配搭鮮蛋黃、醬油、紫菜、洋蔥、蔥花一齊食，口感更豐富。 ✦ 椿 有齊塩味牛舌、和牛腹柳小排、和牛赤身、特上牛胸腹肉、 若雞雞胸柳、牛腸、若雞雞腿、海老，拼盤賣相精美，材料新鮮。最喜歡牛舌爽彈、小排肉汁充沛、牛腸乾淨焦香有嚼勁。 整體好滿意嘅一餐。