影片
開飯介紹
以金寶最受歡迎的菜式做餐牌骨幹，再加入多款泰越地道美食，裝修具時代氣息，構成一間泰越輕食連鎖店。
繼續閱讀
營業時間
今日營業
11:45 - 23:30
星期一至日
11:45 - 23:30
以上資料只供參考, 請與餐廳確認詳情
有關獎賞計劃
相關文章
尖沙咀The One 4樓嘅Cambo，環境清幽又舒適，木系裝潢同柔和燈光，營造出溫馨嘅用餐氛圍，喺繁忙嘅尖沙咀中好似一個小綠洲，仲可以望到街景，感覺輕鬆自在。🌆當晚我試咗幾款招牌菜，首先係泰式明爐烏頭鍋 🐟，真係泰國菜嘅精髓！烏頭魚烤得啱啱好，肉質嫩滑，浸喺濃郁嘅湯底入面，辣中帶香，每啖都係正宗泰式風味。之後試咗原隻菠蘿大蝦炒飯 🍍🍤，賣相同味道都一流！飯粒鬆軟，大蝦爽口彈牙，菠蘿嘅微甜味平衡晒整體味道，令人回味。對於鍾意冒險嘅我，泰式鳳爪 🍗 絕對係亮點。口感軟中帶韌，醬汁酸甜辣兼備，挑戰味蕾之餘又好滿足。飲品方面，我揀咗蘆薈柑橘檸檬 🍋 同鮮椰青椰果 🥥。蘆薈飲品清新開胃，柑橘同檸檬嘅酸味好醒神；鮮椰青則香甜濃郁，椰果粒粒分明，增添口感，同熱辣嘅菜式超搭。整體而言，Cambo將正宗泰國菜同現代風格結合得好好，食物味道濃郁，環境吸引，飲品又係完美嘅點綴。無論你係泰菜迷定想試新嘢，Cambo都係一個值得一遊嘅地方！🇹🇭✨#Cambo #TheOne #TsimShaTsui #泰式料理 #食評 #HongKongFoodie
繼續閱讀
🔥🍢招牌串燒拼盆($188)•雞、牛、雞、雞中翼、魷魚鬚、豬皮、豬頸肉、牛仔骨一上枱啲香烤味超濃！！！款款都燒得好惹味，特別推介豬、雞、雞中翼、牛仔骨呢幾款！豬同雞咬落完全唔韌，肉質鬆軟，而雞中翼同埋牛仔骨上面沈咗好多香茅等等香料，食落去超級香，好想再encore🤤呢個拼盤跟咗三個醬汁，分別係泰式辣醬、泰式辣汁同埋沙嗲醬，個人比較推介泰式辣汁，酸甜開胃⭐️呢個拼盤，而家做緊推廣價，原本係要250up，超抵呀✨🐔海南雞飯 ($75) *Lunch Set•套餐跟湯、油飯、飲品海南雞份量多，而且肉質好滑，就算係雞胸部份都完全唔乾，雞髀雞翼部份更加滑到冇得頂，調味適中，配埋油飯邪惡得你夠惹味，套餐跟埋個湯，非常清甜，中和油膩感✨🐷泰式豬頸肉炒河 ($93)大大碟一睇就知非常多配料，炒河入面有豬頸肉同唔同款式嘅雜菜，呢個炒河味道唔係港式炒河嗰種濃味，反而配咗雜菜嘅清甜，加埋啲泰式調味，除咗乾炒之外，仲可以揀濕炒㗎，包你有款啱✨🍹 龍眼冰 & 青檸七喜
繼續閱讀
尖沙咀The One5樓 一啲都唔難搵餐廳有分內外可以坐 外面雖然比較近商場會比較人來人往 但空間比較闊落 裡面枱與枱係比較距離近一啲舖頭唔算大 燈光比較暗 大枱好似只得一張 落地玻璃可以望街景 最裡面有塊落地大鏡 成幅牆咁大 營造一個好大嘅空間感 非常👍🏻食物好快上枱 侍應細心有禮 (唔係要貶低邊個 而係香港 呢個價錢 已經好難有咁好嘅服務質素 所以真係要勁讚👍🏻👍🏻)叫左三樣野食 *酸辣蜆肉鍋 有大蜆三隻 上枱先點火 等滾就可以食 蜆肉超級肥美 多酸少辣 好醒胃👍🏻 個底仲有粉絲 朔晒啲汁 超級好味😋*蝦蝦蝦菠蘿炒飯 似櫻花蝦 已剝殼 方便食.3. 炒飯乾濕煮到啱啱好 清淡得泥唔會覺得淡而無味*甜品拼盤 全部甜品都有 可以一次過試晒 好有驚喜 會想追住食嘅好味 同埋唔甜!!! 哩個真係好讚👍🏻 個焦糖燉蛋特別好味~ 其次係芒果糯米飯雖然無去過泰國 但成餐飯整體感覺 食物 味道都好好 好relax 食完餐飯感覺去左個快閃旅行咁 絕對冇誇大平日食飯唔限時 ,公眾假期用餐1.5小時 要留意-_- lll寫個食評都要澄清 * 本人沒有享用該公司任何免費食物款待 或同該公司任何負責人 職員有其他交易 *僅此聲明 以上食評 純粹個人用餐後感覺
繼續閱讀
收工好想食下泰國菜，就約埋老友黎到尖沙咀The One, 呢間有質素嘅Cambo餐廳開餐囉，冇預訂的關係，都要稍等一會方可入座。冬蔭功青咖喱軟殼蟹鍋配薄餅，軟殼蟹跟炸薯分碟上，軟殼蟹炸得金香酥脆，連同薄餅輕沾點些香辣嘅青咖喱，一併食很正，咖喱煲內尚有茄子同翠肉瓜，營養均勻。泰式去骨海南鷄飯（加$10轉髀），雞肉去晒骨啖啖肉，食得方便。雞皮爽滑，雞肉嫩滑多汁，配合酸辣醬汁，令人食得開胃！墊底仲有好多椰菜，亦係配搭得健康嘅菜式。泰式鴨肉湯粉，鴨肉有咀嚼感，尚有Q爽鴨血，湯粉亦滑溜，湯底帶甜充滿泰式風味。Singha Beer🍻 爽口凉快，巧正啊！
繼續閱讀
今日嚟到尖沙咀 The One，見到間泰國餐廳，裝修靚靚，又唔會逼，座位好寬敞，真係幾舒服。泰式青咖哩軟殼蟹鍋🦀第一樣叫左咖哩軟殼蟹。軟殼蟹外面脆脆，裡面嫩嫩，口感超正！咖哩醬味道濃郁，好微微辣帶少少甜，真係一口接一口，食到停唔到。蟹肉鮮得來又多汁，搭配咖哩，味道真係好正！大蝦菠蘿焗飯🍍🍤第二樣大蝦菠蘿飯，色香味俱全！菠蘿嘅甜味同大蝦嘅鮮味融合得非常好，米飯吸咗菠蘿嘅香氣，粒粒分明，口感超柔軟。大蝦又大又鮮，食落去真係好享受！香芒糯米飯第三樣香芒糯米飯，食泰國野呢個甜品真係走唔甩！糯米Q彈，口感滑滑，係今次D芒果唔夠甜之外其他都好味！椰汁綠豆冰最後係綠豆冰，呢個消暑必食！綠豆清甜，冰冰涼涼，甜度剛好，唔會覺得膩。價錢又合理，絕對值得一試
繼續閱讀