Cambo ขุนทอง (The ONE)

營業中

休息中

今日一支公食lunch，天時熱想食d開胃菜式，就決定黎The ONE既泰越Fusion餐廳Cambo食泰菜。平日午餐時分黎到，Cambo Set 午餐有九款揀，有飯有河粉有湯粉有咖喱鍋，肉類有串燒有海南雞有海鮮有豬等等。價位由$62到$85不等，另收加一，配檸檬茶，奶茶，咖啡。凍咖啡另加$5，特飲另加$8。今日胃口大開，我揀左我最鍾意既Cambo Set午餐之後，再貪心加左個創新招牌菜之一既泰式明爐大蜆鍋同Cambo推介既串燒，一於食餐勁既。泰式明爐大蜆鍋 $96 另加一泰式明爐大蜆鍋真材實料，成個明爐上枱滾住個鍋。個鍋d料多到用唔到個蓋。真係冇扼人，大蜆係大，數過有七隻，唔會太韌又冇沙。至於點解會咁多料呢？係因為原來鍋底有唔少幼滑粉絲，仲有椰菜，草菇，同埋香蔥，大蔥，香茅，蒜片，辣椒，薑片，香茜等調味。泰式湯汁酸酸辣辣，俾d菜吸哂d湯，食到我鼻水長流。如果d硬身唔會食嘅香茅，薑片等，可以易d夾走就更好。串燒雞牛豬半打 $89 另加一比起Cambo Set既串燒（包三串雞牛豬，泰式炒飯同野飲賣$69），主餐牌半打只賣$89，好似抵好多！串燒六大串好多肉，啖啖肉同熱辣辣。雞肉去左皮，雖然

呢排天氣好熱左簡右簡諗起呢種天氣得食泰國菜先有胃口重口味嘅人一定要試吓呢個泰式炒飯因為佢嘅味道炒到好似旅行嘅時候，泰國餐廳果種味道，一粒粒嘅青豆，令到個飯有不同口感，炒飯同我哋平時食嘅飯有啲唔同，佢哋嘅飯好似比較有黏力煙煙unun，辣辣地好惹味青咖喱軟殼蟹有一種特別嘅香味，青咖喱汁唔會好辣，而且甜甜地，越食越開胃，佢嘅法式麵包🥯一條過既法式麵包入口煙煙unin軟殻蟹同法飽一樣外脆內軟有種習慣係每次去到泰式餐廳我都一定會點泰式鳳爪沙津佢哋個龍眼冰，係有成十幾粒龍眼肉係入面，真係唔係間間餐廳會放咁多粒龍眼肉系杯野飲度，重點係杯野飲係$28 起碼比我有種物超所值嘅感覺😌椰汁西米糕最愛

今日放工後到尖沙咀食晚餐，想食泰國菜，選了這間好多客人排隊等候在The One的餐廳。這裡一邊是越南菜、另一邊是泰國菜，我們當然選了泰式的！環境都幾舒服，有餐廳內外邊，坐位都幾多，我們坐外邊的;明亮又別緻的設計，紅色燈飾配上原色木及黑色坐椅，好雅緻！泰式食物都有選擇，前菜、串燒、咖哩、煲仔、海鮮、飯麵等，滿足我們愛泰菜的朋友！我們點了沙嗲串燒3串（牛、豬、雞）：串燒燒得好香，但又唔會乾身；牛肉香濃牛味又軟腍、豬肉薄薄的香軟口感、雞肉我最愛，多汁又香嫩；泰式拼盤（細）：有4種小食，每款3件；炸蝦餅（內面彈牙、外面炸脆口感點上酸甜醬汁）、炸魚餅（香口香草味濃又軟軟的）、蝦春卷（脆卜卜外皮配上原隻蝦在中心）、香葉包雞（香葉同燒滲入了雞肉中、有咬口又多汁）泰式炒椰菜苗：椰菜苗好爽口翠綠，可自選煮法（蒜蓉、清炒、泰式炒等），我們選了最野味香辣的泰式炒）泰式青咖哩軟殼蟹配法包：青咖哩甜香微辣，以火慢慢熱著，另外上的炸軟殼蟹及炸薯仔放入青咖哩中吸收了汁液，好香好正！配有熱辣辣又脆皮法式麵包，好香又吸汁！泰式炒粉：Pad Thai 好大碟好正宗，足料又彈牙金邊粉、豆腐乾、炒蛋、香蔥段、花生粒粒等，炒勻

朋友見我好鍾意食泰國菜，專登介紹左呢間係尖沙咀The One 嘅「Cambo ขุนทอง」比我。放左工梗係急不及代地即刻去食啦🙆‍♀️.係門外窺視，環境不俗，餐廳裝潢以木為主，整齊企理，舒服寫意～.泰式炒飯 ($72)可以係雞/豬/牛三款肉類入面揀一款去炒，我就揀咗雞肉～泰式炒飯嘅配料除咗有雞肉，仲有豆角粒，蛋花，香草葉等，再加入辣椒去爆炒。炒飯粒粒分明，入口香辣又惹味，好岩我呢D中意重口味嘅食辣怪🤣.香葉包雞 ($60)睇落好似一舊舊迷你形嘅粽，其實入面係雞肉🙈雞肉用香茅醃入味，再用班蘭葉包裹住落油炸。雞肉外酥內嫩，香茅味濃郁更帶點斑蘭香，隔離仲有甜酸醬，酸酸甜甜，胃口更開😍.泰式青咖哩軟殼蟹鍋。法包 ($113)呢一Set 分為青咖哩鍋，酥炸軟殼蟹同法包。青咖哩味道濃郁，咖喱香比普通紅咖喱淡少少，亦唔會好辣～火爐仔慢慢燒滾青咖喱，裏面仲有豐富配料，如迷你茄，翠玉瓜，豆角等等。而酥炸軟殼蟹係另上嘅，避免左比醬汁浸林嘅弊處，軟殼蟹入口香脆，一啲都唔會覺得油膩添👍熱辣辣嘅法包沾一沾青咖喱，吸盡青咖喱嘅精華，既脆又軟，超好味🥰P.S.💁‍♀️建議多叫一個法包先會滿足呀😋.椰汁西米糕 （$33）

呢間泰國菜好出名，放假就一於搵朋友一齊黎試下好彩有book定位先，去食晚餐嘅時候都多人排隊我地叫左個泰式炸蝦餅(4件)，炸得好香脆又唔油膩，沾上泰式醬先係最好食!酸酸甜甜的，佢個醬同普通泰式醬唔同，係再甜多少少，不過甜度係剛剛好的泰式青咖哩軟殼蟹鍋配法包 我覺得係最好食的! 一開始用法包點青咖哩食嘅時候覺得好辣，不過其實佢後勁唔大，食多一陣就會習慣左個辣，仲會食到甜甜地嘅味道，用軟殼蟹點一點煮到熱騰騰嘅汁上面食，真係好好味，係絕配仲有啲少少脆身嘅薯仔可以點汁食香芒糯米飯就有少少失望，可能因為唔係芒果嘅季節，啲芒果食落唔甜不過糯米飯同椰汁就好出色，而且上枱嘅時候仲係微熱嘅，我覺得呢點好值得加分我地再叫左兩杯野飲，感覺normal不過整體黎講佢地嘅野食都唔差，係食得過嘅

星期五晚即興去tst食飯，朋友話想食泰國野，早2個月黎combo食過都幾好味一於今晚再黎啦。2個人嗌得唔多，朋友仔好細食，所以只係嗌左青咖哩軟殼蟹配法包，泰式鳳爪同埋生菜包...生菜包好惹味，豬肉好香，肥膏唔多，睇落細細份，但每人都可以包到3份鳳爪份量多，味道適中，唔算太辣...今次我無將軟殼蟹浸響咖哩度，比上次更好味happy meal

上回造訪了The One 的Le Viet，超級好味與地道的越式料理，發現旁邊有一家泰式料理，上網查詢了一番，原來是同一個集團的餐廳阿，因為對Le Viet的評價實在太好了，炎炎的夏日，快到下班時刻，同事問了晚上哪裡用餐，夏天總是讓人想食個泰式料理阿，第一個直覺就是想到了這家泰式料理阿!!!原來，不只我這樣想，週三的晚餐，還好我們放工時快馬加鞭的抵達餐廳，看看這人潮，就知道大家都想來享用"泰"美味。雖然是商場的樓上店，但店家很有心的設計了室內與戶外的場景，就好像來到泰國Maenam Chao Phraya河岸旁的餐廳用餐似的，因今天有比較早到餐廳，店家安排了室內但可以眺望高樓景窗邊旁，窗邊有一個小檯面，可以放置公事包、袋子等，可以好輕鬆自在的翻閱菜單，選擇今晚的泰式佳餚阿~菜單上的選擇真的好多樣，泰式酸辣沙律、泰式燒烤、Hot Pot、Seafood、小食、泰式炒粉/飯/湯粉、泰式海南雞、蔬菜、甜品與飲料，應該說想的到的泰式料理，這裡全都可以吃的到今天的點餐清單:泰式小食拼盤：鳳尾蝦春捲、香葉包雞、泰式炸魚餅、泰式炸蝦餅炸蝦春捲吃的到厚實的蝦肉，雖然是炸物，但完全沒有油味感，搭配泰式酸

平時會黎尖沙咀The One shopping，今日就黎Cambo呢間餐廳食晚餐。門口紅色的Cambo招牌一望就好搶眼，牆上都有充滿泰國特色的裝飾。入面D枱凳以木製，令人感覺好整潔乾淨。餐廳掛住紅色燈籠，同埋MENU上既燈籠，有D似越南會安既感覺，好靚！朋友到咗就揀野食。MENU上面主要都係泰國菜。泰式青咖喱軟殼蟹鍋（配法包） ＄88青咖喱、軟殼蟹、法包，分開咁上，貼心！個青咖喱係一鍋咁上，下面會有個爐，燒住鍋青咖喱，真係燒到滾哂，成餐飯都keep到成鍋青咖喱係熱既，特別好味！軟殼蟹炸得香脆，咬落去唔會話好硬，而且食落去好香口，再淋上青咖喱，味道好match，好好味！底下仲有薯仔，表面脆身，用黎配青咖喱食，味道又係一流！青咖喱唔辣，充滿椰汁既香味，感覺就咁淋落白飯上面都好好味，應該會食到幾碗。青咖喱鍋入面食落有茄子、瓜、豆等配菜，每一啖都充滿青咖喱，美味得令人唔停口係咁食。法包內裏好軟，點住青咖哩黎食，真係好正！直情嫌唔夠法包食tim啊！呢個泰式青咖喱軟殼蟹鍋（配法包），十個讚！菠蘿焗飯 ＄88本人非常鍾意食甜菠蘿，所以黎到泰國餐廳通常都會點菠蘿炒飯。可惜唔係間間都炒得好味...

Cambo餐廳位於尖沙咀鬧市中心，商場對面便是巴士站和地鐵站，位置方便。晚上七時許來到，門口已有一條長長人龍，看來不少人是慕九龍城老店金寶泰國菜館之名而來。幸好有事先網上訂座，等待侍應清理桌面後便能入座。餐廳走年輕簡約路線，整潔舒適，配以堂皇泰國擺設。沙爹串燒 (豬,雞,牛) $52/3串豬、雞、牛各一串，一次過滿足三個願望！每串都啖啖肉，燒得香而不乾；最愛雞肉，仍能保持肉質嫩滑。沙爹醬惹味，如能辣一點更佳。椒鹽軟殼蟹 $138一端上便傳來一陣香辣椒鹽味～令人食指大動。炒香了的蒜茸、黑胡椒碎和紅辣椒粒堆得高高，裹著一件又一件軟殼蟹，非常足料。軟殼蟹炸得酥脆惹味，啖啖蟹肉充滿蒜香椒香，十分入味；連蟹爪也照吃無誤，香脆可口。大蝦菠蘿焗飯 $88賣相吸引，原隻菠蘿鋪了三隻新鮮大蝦，配金黃色的炒飯，香氣噴鼻。大蝦鮮甜爽口，廚師更用心地去了中間的蝦殼，方便進食；炒飯口感比想像濕潤，內有菠蘿粒、紅腸粒、雜豆；飯粒吸收了菠蘿肉的清甜，面層的肉鬆更是畫龍點睛，拌飯吃倍添惹味。龍眼冰 $28清甜解膩，消暑解渴，原粒龍眼肉居然比冰塊更多！絕不欺場。餐牌

同舊同事相聚，想食下泰菜，就去咗 The One 既 Cambo. 雖然門口排大隊，但由於之前有訂枱，一去到就有得入座，唔使等👍🏻海南雞幾入味，最鍾意佢去骨，食時好方便活蝦刺身都幾新鮮，喜歡辣嘅朋友，可以連埋紅椒一齊食。佢有多款蔬菜，可以選擇泰式炒、蒜蓉炒、鹹魚炒、或青炒。我哋選擇蒜蓉炒，都幾香，幾好味椰青焗飯雖然原個椰青上，但賣相一般。勝在海鮮夠多，但食落有啲滯…飲品冇咩特別，同一般餐廳差不多，而且我覺得比較甜。

今晚豬先生同豬小姐去食素來少食嘅泰國菜泰國菜既普及化又受歡迎 惹味得尼令人開胃 係老少咸宜都會喜愛嘅選擇「Cambo」位於尖沙咀The One 地點易搵方便book左晚上七時半 店員準備一下就可以入座了環境全用和諧感重嘅木色原料 採用落地大鏡 視覺上令環境更大更寬敞 天花板上一字排開嘅紅燈籠 很有「泰」味道先試「本店推介」的泰式青咖哩軟殼蟹鍋 會跟埋法包用明火爐仔配上青咖哩鍋 青咖哩椰味濃香 質感奶滑 帶小辣 加入幾款泰式蔬菜伴食 熱辣辣咁食 還不錯主角表現令人滿意 可惜做配角就失色了點法包表層硬實難以咀嚼 未能做到外脆內軟之感軟殼蟹酥脆感低 旁邊的薯粒卻很讚 調味足夠 微脆口 唔點青咖哩都已經很正泰式炸蝦餅算是水準之作 四大粒蝦餅炸至漲卜卜 很厚身 賣相已很吸引食落又香口又鬆脆 沾上旁邊那甜絲絲的甜酸醬汁 很配！咸魚炒通菜卻只有咸魚數粒 調味適中 可惜咸魚香欠奉 味道反而比較似蒜蓉炒通菜炒菜方面 大家可以揀泰式炒/蒜蓉炒/咸魚炒/清炒可能泰式炒會比較惹味岩口味泰式炒粉亦既泰式炒金邊粉 這味是豬小姐食泰菜必點的！炒粉份量夠哂大碟 色澤橙紅 基本材料 芽菜 豆乾 韭菜 蛋絲 蝦仁 紅蝦仔

啫喱太好鍾意食泰國菜😍，今日啫喱先生就訂左位帶我去左食一間泰越輕食連鎖店----Cambo ขุนทอง 。地點超方便,，係尖沙咀The One上到四樓電梯口就見到有一行人係度排緊隊，好在有訂位，等左幾分鐘就有位坐了。餐單有好多野都好想食，一心想試海南雞．．．但係我七點半去到竟然賣晒！係賣晒！😱😱😱有冇攪錯呀，佢賣行廣告咁大熱既海南雞竟然係晚餐時段就賣晒！！勁失落.....於是唯有叫左：活蝦刺身 $95有7隻（啫喱先生唔食生野既，所以每一次都係啫喱太我一人獨享！)--- 呢一見到佢上枱已經好開心！個生蝦好新鮮，蝦肉晶瑩剔透....配上巨量既辣椒,蒜粒, 酸辣醬。好辣又係好惹味!不過真係堅辣...好在佢個底仲有椰菜絲比你中和番個辣味。生菜豬肉包 $62 ---呢個我覺得麻麻，豬肉有點嚡...味道都冇乜特別，得香料味，我唔會再嗌串燒牛豬(半打) $85 ---- 嘩!呢個真係好味!!首先佢唔嚡，唔會難咬，外表燒得岩岩好, 唔會太燶。就咁睇都已經見到肥瘦分明，每部份都有少少肥肉係度，最好味就係呢d !!!而且牛同豬都一樣好Juice!!我覺得唔駛點沙嗲醬都好好味!泰式豬頸肉濕炒河$68 ---

為迎接星仔嫁來香港，最近都在物色床褥，今日就打算到The One試床褥。試完床褥就順便在The One吃午飯。已經好一段時間沒有在The One搵食，見到原來金寶都有分店在這裡，就決定入內。＊＊＊＊＊＊＊＊＊＊＊＊＊＊＊＊＊＊＊＊金寶採開放式設計，加上一整排落地玻璃和統一的木桌木椅，感覺非常整潔明亮，與九龍城泰菜店較陣舊的裝潢剛好相反。活蝦刺身($95)泰式生蝦一客有七隻，上面鋪上蒜頭和辣椒，雖然下面沒有墊冰塊，也沒有另外附上泰式生蝦醬，但入口微涼，而且味道都夠。蝦肉結實爽彈，微辣中帶點酸香，非常好吃。泰式炸蝦餅($64)泰式烤蝦餅一客有4件，附上甜酸醬。蝦餅炸粉不厚，肉質結實，跟甜酸醬可謂絕配。冬陰大蝦湯粉($59)由於來到正值午飯時間，所以還可以點午餐。食泰菜怎可以不飲冬陰功湯，見到午餐有這個冬陰大蝦湯粉正可以順便飲冬陰功湯，一舉兩得！河粉是屬於幼身，不會過厚，內有三隻大蝦，蝦肉同樣結實，冬陰功湯酸辣度適中，非常好吃。但由於河粉會吸湯，所以建議要盡快吃。龍眼冰(跟餐+$8)午餐普通凍飲加$5，但見龍眼冰原價$28，跟餐都只是加＄8，當然選特飲。龍眼冰內都有幾粒龍眼肉，但龍眼味不太突