世界各地嘅奇珍料理都匯聚喺香港呢個美食之城內，呢度曾經日夜都係燈火璀璨，無論幾夜都總能夠喺街度搵到嘢食。可惜呢幾年受疫情影響，加上多項防疫措施令到呢個美食之城，變成冰封之城。要將冰封之城再次燃亮，除咗靠業界努力外，最重要都係靠大家嘅支持，集合力量燃起「美食之火」！6月29日，一人一票，完成任務，喚醒美食之城！投票支持心水熱店後，更有機會贏取獎品總值超過30萬！
尖沙咀區幾時都係飯局嘅熱點，齊集多國菜式，無論你想尋覓日、韓、台、西、泰等等任何一個地方嘅味道，都幾乎可以喺呢度搵到。今年10間入圍地區組別（尖沙咀）嘅餐廳，就夠晒多元化喇。
傳統印尼菜 峇里堂 
呢間印尼菜餐廳開業逾40年，近年喺出林道重開，換上新裝，裝潢變得時尚，繼續深受食客歡迎。餐牌以傳統印尼菜為主，必食招牌巴東牛展肉金貝飯，即係黃薑飯，用上6小時製作，帶有淡淡椰香同香料味。巴東牛肉除咗配飯，仲可以用嚟做牛角包餡，香濃惹味。
異國風值 ✈✈✈✈
歡聚值 🎊 🎊 🎊 🎊
打卡富士山 婆婆珈琲屋
圖：以富士山為創作主題嘅日式輕食料理，有好多款菜式造型都成座富士山咁，好鬼靚。好似有富士山飯糰啦，富士山牛乳布甸啦、富士山飲品啦等，全部都好啱打卡。特別推介昭和紅日富士牛乳布丁，口感香滑，牛乳味濃，仲會震下震下好過癮。
異國風值 ✈✈✈✈✈
歡聚值 🎊 🎊 🎊 🎊
泰越風味 Cambo ขุนทอง
圖：性價比唔錯嘅泰越菜餐廳，最吸引嘅一定係泰式大蜆煲，湯底酸酸甜甜，大蜆又清甜，仲有索晒湯底精華嘅粉絲，充滿泰式風味。另外甜品芒果糯米飯亦係人氣選擇，椰汁香甜，糯米煙韌。
異國風值 ✈✈✈✈
歡聚值 🎊 🎊 🎊
輕鬆小聚 The Blind Pig
圖：呢間體育主題酒吧餐廳，裝修型格，仲有室外座位，菜式以豬肉為主，比較特別嘅有脆卜卜嘅招牌豬手脆條，外脆得嚟個心又有少少煙韌咬口，蘸埋泰式甜辣醬，送酒好夾。另一樣佐酒菜有楓糖黑啤醬燒豬肋骨，肉質腍身，仲真係食到淡淡嘅黑啤麥芽甜香。
異國風值 ✈✈✈
歡聚值 🎊 🎊 🎊 🎊
藝術茶飲 茶墨
圖：飲茶都係一種藝術。呢間位於商場內嘅茶飲店，杯杯嘢飲都成幅水墨畫咁，一個字，靚。芝麻烏龍麻糬鮮奶以台灣高山烏龍茶沖調，混入芝麻醬都唔算話太甜，但就好香，搭埋有嚼勁嘅麻糬粒粒，輕易成為人氣飲品。舖頭另外仲有蛋糕同雪糕供應。
異國風值 ✈✈✈
歡聚值 🎊 🎊 🎊
另外5間入圍嘅西餐仲包括驚安燒肉商店、福岡漢堡扒、鬼金棒、Goobne Chicken同DAMA，揀啱就快啲去投票啦，投票有機會獲得豐富獎品，要知道，你哋每個人嗰票都好重要，係喚醒美食之城嘅重要力量！是次投票分為兩個階段進行，共四個投選組別。每完成一組投票/回答問題(簡稱「任務」)皆可取得火炬，累積滿4枝火炬或以上即有機會可獲$100 OpenRice現金券獎賞！完成所有任務並累積滿6枝火炬，更有機會贏取豐富獎品！
想支持心水餐廳，記得注意返投票日期：
菜式組別： 2022年 6月15日 - 6月28日
地區組別： 2022年 6月29日 - 7月12日
外賣自取及訂座組別：2022年 6月15日 - 7月12日
