976
99
49
| 餐廳: | Odelice! (The ONE) |
|---|---|
| 優惠: |
於此國泰夥伴餐廳用餐賺里 ! 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
影片
開飯介紹
菜式多元化、走巴黎小酒館風格的法式連鎖店，以傳統法國菜食譜為基礎，創作一系列融入亞洲風味的家庭式法國料理。
繼續閱讀
營業時間
今日營業
11:00 - 22:00
星期一至日
11:00 - 22:00
公眾假期
11:00 - 22:00
以上資料只供參考, 請與餐廳確認詳情
有關餐廳
有關獎賞計劃
優惠
| 餐廳: | Odelice! (The ONE) |
|---|---|
| 優惠: | 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
相關文章
最近同屋企人去咗尖沙咀依間「ÔDELICE」食晚飯，新晚市套餐Menu係可以任意自選2人餐至4人餐中嘅Appetiser或Dessert同Main Courses，仲有唔同菜式可以加配，額外Order多2杯飲品加個甜品真係超Perfect。*此餐廳收取加一服務費。晚市套餐二人餐（跟餐$673），原隻烤龍蝦，龍蝦肉質爽口，食落有鮮味，配以芥末荷蘭醬汁、檸檬汁食用，味道微辣帶酸，更意想不到嘅係，龍蝦鉗肉肉汁更加豐富，味道更加鮮甜，配菜包括有火箭菜，表面鋪有巴馬臣芝士碎。阿根廷安格斯牛脊肉（跟餐$55），五成熟，表面鋪有岩鹽、香葉，牛脊肉肉質嫩滑，牛味濃厚，配以鴨肝砵酒醬汁食用，食落帶有酒香味道，配菜包括有蘆筍、燒薯粒。法式點心拼盤（跟餐$30），蟹肉他他迷你撻，蟹肉食落好Juicy，味道鮮甜，配以青瓜、洋蔥、香草食用，味道清新；番茄紅甜椒芝士蘸醬，口感濃稠，配以櫻桃蘿蔔食用，味道清甜；菠菜芝士迷你蛋批，食落蛋香味濃；炸煙肉忌廉芝士球，表面鋪有黑松露醬，底部帶有辣味沙律醬，口感酥脆，內有大量煙肉、洋蔥，味道鹹香；西班牙火腿，肉質半肥瘦，味道鹹香。空運黑青口（跟餐$25），此菜式出色在於廚師將黑青口煮到剛剛好熟透，所以黑青口口感好嫩口，加上黑青口肉質飽滿，而且食落好新鮮，配以白酒煙肉忌廉汁食用，味道更佳。2碗餐湯（跟餐$0），椰子甘筍湯，表面鋪有香草、乾蔥，口感Creamy，味道清甜。2份小法包（跟餐$0），口感外香脆內軟硬適中，配以海鹽牛油食用，味道更佳，但個人比較推薦蘸湯食用。香蕉船（單點$95），表面鋪有草莓、花生、紅桑子醬、朱古力醬、忌廉，花生經過烤焗之後，食落更加香口，法式可麗餅經過烤焗之後，口感香脆，配以XTC雲呢拿雪糕、XTC士多啤梨雪糕食用，冰火交融，味道酸甜。Punch Fruité Mocktail（單點$65），採用菠蘿汁、西柚汁、小紅莓汁、薑味汽水製作，內有櫻桃，略嫌小紅莓汁味道偏向藥水味道、西柚汁味道苦澀。Mad Mango Smoothie（單點$52），採用芒果汁、熱情果、椰奶製作，飲落好清爽。
繼續閱讀
一聽到法國餐廳，只會聯想到要食細細份精緻但唔飽的貴價野，但係呢間法國餐廳卻完全相反，竟然出咗個親民價晚市雙人套餐$528，而且主菜選擇都唔少，又真係幾值得去食。首先裝潢環境都幾雅致，用藍色作主調，仲有好靚嘅吊燈同窗框，充滿歐陸風格。套餐的餐湯好好飲，小法包雖然未算好香脆但內裏柔軟都好食，前菜我們選了法式點心拼盤(需另加$30)，呢個絕對值得一讚，樣樣小食都好精緻，有西班牙火腿、吞拿魚他他、迷你蛋批、煙三文魚蘸醬配香脆手指餅，但最好食的是炸黑松露蘑菇球，超重松露味。主菜可選兩款，有帶子燴飯、燉牛面頰、海鮮鍋、烤龍蝦等等，我們則選了煎鴨肝及油封鴨腿意粉，還有阿根廷安格斯肉眼牛扒 (各需另加$35)。意粉一上桌即聞到鴨肝的香氣，鴨肝一咬入口已感到飽滿的油分，好肥美，鴨肉同樣油香豐富，加上卡邦尼意粉一齊食，每一啖都齒頰留香，不過真係要同食伴share，因為如果一個人食晒整碟意粉的話就會覺得太膩。至於牛扒亦煎得不錯，牛肉味香濃，中間肉質鮮嫩，薯條好多則炸得好香脆。套餐只包甜品沒有包飲料，不過可以八折優惠價點選酒類飲品，甜白葡萄酒$60口感出乎意料的細膩，友人點的果汁Gold Coast Juice$48亦都好清爽開胃。最後登場的甜品是火焰橙酒可麗餅，店員即席加熱橙酒將火焰倒在雪糕及可麗餅上，打卡一流，可麗餅皮薄有蛋香，雲呢嗱雪糕加了橙酒後變得更甜，呢種冰火兩重奏都幾有趣。
繼續閱讀
一間用藍色作裝潢主題的法國餐廳，大理石花紋的餐桌配上吊燈和綠色植物清新又不失高雅。而下午茶層架用上法國巴黎鐵塔造型，加上搶眼的桃紅色野餐墊配合主題，散發着浪漫的法式味道呢～我們剛好可以坐到窗邊卡位位置，玻璃窗開揚，採光很好。服務方面，職員友善，還主動幫我們拍照📷•法國鄉村凍肉醬多士剛看外表誤以為是鵝肝，但原來是凍肉醬來的呢！凍肉醬口感濕潤，咬下去口腔充滿肉香味道，加上酸瓜更添風味。•吞拿魚他他迷你撻吞拿魚他他的魚香味加上爽脆的青瓜，味道清新。•煙三文魚蘸醬由煙三文魚加上芝士等調製而成的醬，好滋味～配上迷你版的法包，整件事可愛又很「法國」啊！•炸黑松露蘑菇球外皮炸成金黃色，包裹住黑松露蘑菇餡料，味道香濃creamy～•西班牙白毛豬火腿甘香火腿味道，口感細膩。•焦糖餅乾口味芝士蛋糕蛋糕口感軟腍，中間是流心，不會過於甜膩。•士多啤梨迷你撻這個下午茶的撻皮都做得不錯，軟硬適中，這款撻配上士多啤梨粒，吃下陣陣果香味。•紅桑子馬卡龍很怕吃一味甜到膩的馬卡龍，而這款馬卡龍不會太甜外，還有紅桑子的果甜味道。•棒子朱古力迷你撻這款甜點是這個下午茶中甜度最高的了，棒子朱古力味道好像金莎朱古力，味道濃郁且幼滑。🥂飲品方面我們各點了一杯鮮奶咖啡和一壺花茶。花茶有三種分別是有舒緩、排毒、抗壓功效，我們選了舒緩功效的，有菩提樹、接骨木莓、罌粟花、薄荷、士多啤梨乾、蘋果乾，花茶用料也不少，即使職員幫我們加了水，味道仍然很濃郁。💰$258 for 2✔️餐廳設加一服務費
繼續閱讀
這間餐廳在The one,和朋友在尖沙咀行逛後來到這間餐廳吃晚餐，地點很就腳。店舖燈光比較幽暗，比較有氣氛，亦充滿法國風情🇫🇷𝓢𝓸𝓾𝓹｜忌廉蘑菇湯+迷你法棍蘑菇湯十分濃郁，充滿蘑菇🍄🟫的香氣，迷你法棍🥖配蘑菇湯很Match!𝓐𝓹𝓹𝓮𝓽𝓲𝓼𝓮𝓻｜法國田螺法國田螺很精緻 ，醬汁充滿橄欖油香氣🤩𝓜𝓪𝓲𝓷｜原隻烤龍蝦🦞配芥末荷蘭醬汁及薯條🍟龍蝦烤得恰到好處，芥末荷蘭汁濃郁而不膩，比一般芝士焗優勝 😊｜阿根廷🇦🇷安格斯牛脊肉牛脊肉選擇了店員推介的medium rare, 內裏十分粉嫩🎀另外配菜也很多：蘆筍，燒薯粒，另外值得一讚的鴨肝砵酒醬汁，令整個菜式昇華🤩𝓓𝓮𝓼𝓼𝓮𝓻𝓽｜法式蘋果批剛焗好的蘋果批配雪糕🍦，冰火二重奏🤭𝓓𝓻𝓲𝓷𝓴｜White wine｜檸檬茶Odelice! (The ONE) (尖沙咀)尖沙咀彌敦道100號The ONE 4樓L407號舖
繼續閱讀
餐廳座落在the one提供家庭式法國料理環境充滿歐陸風情⛴️套餐的價錢親民合理能讓食客悠閑舒適地品嚐法式地道菜餚🥘🥗凱撒沙律新鮮既沙律菜仲有蕃茄仔, 外面前菜都少見既牛油果做基底鋪上厚一層鹹香芝士粉令人開胃🍝紅酒燉牛面頰意粉兩大塊牛面頰燉到好冧又嫩滑， 好似一咬就溶加上經典的紅酒汁唔經唔覺就食曬啲意粉🥩阿根廷安格斯肉眼配薯條無咩筋又油脂豐富既肉眼煎得外焦內嫩5成熟恰到好處切面仍舊係粉紅色, 剩返中間係血紅汁保留肉汁配上黑松露醬汁 十分滋味🍫朱古力合桃布朗尼配雲呢拿雪糕熱x冷既組合濃郁朱古力蛋糕, 口感鬆化撞上香滑既雲呢拿雪糕邪惡但係我鍾意😈
繼續閱讀