Cambo ขุนทอง (The ONE)

營業中

休息中

收工好想食下泰國菜，就約埋老友黎到尖沙咀The One, 呢間有質素嘅Cambo餐廳開餐囉，冇預訂的關係，都要稍等一會方可入座。冬蔭功青咖喱軟殼蟹鍋配薄餅，軟殼蟹跟炸薯分碟上，軟殼蟹炸得金香酥脆，連同薄餅輕沾點些香辣嘅青咖喱，一併食很正，咖喱煲內尚有茄子同翠肉瓜，營養均勻。泰式去骨海南鷄飯（加$10轉髀），雞肉去晒骨啖啖肉，食得方便。雞皮爽滑，雞肉嫩滑多汁，配合酸辣醬汁，令人食得開胃！墊底仲有好多椰菜，亦係配搭得健康嘅菜式。泰式鴨肉湯粉，鴨肉有咀嚼感，尚有Q爽鴨血，湯粉亦滑溜，湯底帶甜充滿泰式風味。Singha Beer🍻 爽口凉快，巧正啊！