影片
港鐵尖沙咀/尖東站 N1 出口, 步行約1分鐘
繼續閱讀
電話號碼
51220223
開飯介紹
菜式精緻富創意，供應中、西、日口味，選擇多元化。裝修採用繽紛的色系，予人清新、年輕的感覺，為食客帶來新的素食體驗。
繼續閱讀
附加資料
繁忙時段用餐時間90分鐘
營業時間
今日營業
11:30 - 21:30
星期一至日
11:30 - 21:30
以上資料只供參考, 請與餐廳確認詳情
有關獎賞計劃
餐廳：慈素小聚地點：尖沙咀麼地道菜式：素食餐牌：點心，小食，主食，湯，沙律，意粉，麵飯，薄餅，飲品，甜品。選擇多元化，寫明有蛋奶等，方便敏感素食人仕。牛油果雜菜沙律 $98牛油果雜菜沙律超大兜，係雜菜沙律底加上新鮮牛油果段同車厘茄切半，用大量香甜黑醋同油調味。味道唔寡，甜甜哋好開胃。香芒天婦羅炸豆腐 $88香芒天婦羅炸豆腐一客6件，賣相似炸大蝦。炸皮薄脆，入面係嫩滑豆腐，而外面加左滿滿芒果汁，味道係天然芒果甜，食落清新香甜，口感外脆内滑！另上一碟芒果汁，唔夠再加！呢道菜非常美味！粟米濃湯佐翡翠苗 $98翡翠苗加喺粟米濃湯度原來係咁正，脆嫩菜苗配甜甜哋嘅粟米湯，味道都夾。粟米湯有好多粟米粒，翡翠苗伴有燈籠椒，添少少新鮮感。雙色厚切多士 $58雙色厚切多士一客兩大件，分別係梛芒同香芋味，熱辣辣上枱。多士非常厚切，口感極度鬆軟！香芋味好香甜，加上大量脆口杏仁片令口感更香口！梛芒係香甜芒果醬同大量梛絲，呢款食落更香甜，係非常滿足既！附上刀叉比你食用。紐約芝士蛋糕 $58呢款甜品係新野，自家製紐約芝士蛋糕，身為芝士蛋糕控一定要試！紐約芝士蛋糕份量好大件，口感軟滑綿密夠濃厚，面頭加上少少金箔，好名貴！伴有藍莓醬令味道口感更豐富，呢個價錢好抵食，而且質素高！花生鹹蛋湯丸 $28花生鹹蛋湯丸用燉盅上枱，一客5粒，滑溜湯丸外皮入面花生鹹蛋餡，花生饀好香，少鹹有少少咬口。底係薑汁，薑味好香，配湯丸好夾。係冬日暖身之選。今餐食物質素唔錯，睇得出餐廳有心將素食整得好食同唔悶，餐廳用綠色配白色裝修，感覺好green。入面大概有七八張枱左右，座位舒適。
繼續閱讀
中秋節將近～提早做節搞搞新意思嚟到尖沙咀食素食～講起素食大多人會諗起酸齋～其實仲有好多選擇～今日為大家介紹下湯：忌廉蘑菇濃湯佐菠菜苗(奶) $98Cream of mushroom soup with baby spinach (daily)聞落去都幾香，忌廉蘑菇個味幾唔錯，creamy～菠菜苗份量十足～小食：琵琶豆腐 $88/5件Stuffed Pipa Shape Fried Tofu香脆可口，口感綿密，蘸埋醋幾好食主菜：北京片皮鴨$128Beijing Sliced Duck with Shredded Vegetable and Sweet Bean Souce, Served with Pancake Rolls像真度甚高，蒙眼食既話都幾似所有配料加埋個醬真係有9成似就係食落無咁油少左鴨既油香😆個皮都幾煙韌～整體口感唔錯四川擔擔麵$68Sichuan Style Dandan Noodles食落少左辣味少左d肉碎口感不過都有花生醬既香麵相對比較清淡飲品：栗子烤奶$38~聞落好香奶味，亦有股甜甜既香氣飲落栗子味好突出，非常有驚喜鳥結糖拿鐵(熱)$38聞落去真係鳥結糖味好新奇飲落反而係微甜好啱我~比喜其實Latte有驚喜環境舒適，座位十分寬敞，店員有禮貌，唔錯下次會想試埋甜品
繼續閱讀
-岩岩過左聖誕，食得大餐多難免會食滯左。就快到新年，又要準備做節食好啲，所以有時食下素菜清下腸胃都唔錯架。呢間素食餐廳之前都有介紹過，食得健康又滋味👍🏻🍲香菇竹笙菜膽翅湯 $68健康養生，湯底帶濃郁菜膽、冬菇鮮味，仲有大大件爽口竹笙，仿翅不論賣相到口感都同真翅近乎一樣🫢相比之前，依加仲加埋圓肉，成個湯更香甜濃郁！ 🥥椰汁雪耳無花果燉湯 $48將椰子切條再燉湯，口感爽脆，味道清新，無花果果香味令椰子味道更突出。雪耳頗為大件，燉至軟滑，每種材料都生津潤肺☺️🍄椒鹽白靈芝菇 $88想食炸物又想食得健康啲？咁就要試下呢道菜式啦。白靈芝菇炸到表面鬆脆，內部保持軟嫩多汁，餐廳自家調製嘅椒鹽鹹香惹味，帶少少辣味，平衡白靈芝菇嘅自然風味😋🍣素食三文魚拼盤 $68打卡一流，玩味十足📸除左因為菜式上枱時煙霧彌漫之外，更大原因係以蒟蒻製成嘅素三文魚同真三文魚好似樣！雖然口感比真嘅會實多少少，不過點左日式醬油同Wasabi之後就更加相似。另外，以豆類製作嘅素鮑片爽滑彈牙，同樣非常相似🤩 🦆北京片皮鴨 $128呢款素片皮鴨以豆類製作，賣相、口感同真嘅片皮鴨都幾相似，相對會軟身少少，而且帶豆香味。配合薄皮、甜醬等，同食緊真嘅差唔多，不過無咁油膩，簡直係素食人士嘅福音😆🥛香芋鮮奶 $38芋泥帶濃厚芋頭香味，香濃幼滑，味道偏甜。但同鮮奶結合之後甜度得以中和，味道更香而且甜而不膩😋🍋百香芒果烏龍茶 $38果味濃郁，混入百香果肉，微酸嘅味道頗為開胃。同時烏龍茶味亦突出，甘潤醇厚唔苦澀。❣️無添加純素酸奶 $28質感濃厚綿潤，有啲似豆腐花。加入檸檬汁製成，味道微酸且帶清香檸檬味。
繼續閱讀
朋友食素，今次揀咗嚟呢間幫朋友慶祝生日知道呢間餐廳嘅甜品有奶，唔啱朋友食所以特登出面訂咗個蛋糕過來慶祝嚟到第一個感覺 好細好迫好似貼住隔籬嗰個人食嘢咁之後落單完 等咗接近50分鐘啲菜先上成間鋪好細，唔明點解上菜咁慢重點來了，食晒嘢起蛋糕拎到過嚟 我個蛋糕一分為二 爛晒職員唔承認係佢哋問題真係嬲到想即刻走 可惜冇證據口同鼻拗，真係冇諗過會遇到呢啲情況之後職員又話附送返店舖嘅芝士蛋糕俾我地但係朋友唔食奶，所以都唔啱佢食。
繼續閱讀
月圓🌕係食齋既好日子，今次去咗尖沙咀樓上鋪慈素小聚食飯，連詹瑞文都有同佢地賣廣告🤩我哋叫咗一啲餐廳嘅招牌菜：北京片皮鴨🦆 $128賣相真心唔錯👍，個素鴨真係鬼斧神工👻，似麵包皮，完全食唔出係乜野食材，真有鴨味🦆，仲有熱辣辣出煙既餅皮，再加埋青瓜絲🥒，黃紅椒絲蘸醬包住，咬落去口感好豐富😋，味道好唔錯👏台式叉燒刈包 $68極力推介🙌，唔單止個賣相滿分💯，個包仲夠軟熟，啲素肉超入味，你同我講係真肉包我都信，絕對係必點🥰日式芥辣蝴蝶蝦🦐 $78炸到金黃色，咬落去外皮卜卜脆，入面彈牙爽口，配埋蜂蜜芥辣醬，真係好有創意✨黑松露蘿蔔糕 $48雖然係齋，同出面 XO 醬蘿蔔糕做法大同小異，但店家配左 3 種唔同既醬，別有一番風味，黑松露醬嘅香味好突出，甜醬，辣醬都相當的 OK👍，熱辣辣上台，真材實料有保證🤗。琵琶豆腐 $88口感好特別，外面脆，入面嘅豆腐好嫩滑，蘸埋醋食，酸味可以中和返豆腐嘅油膩感，好清新🍃粟子烤奶🌰🥛$38好香甜，奶香濃郁，粟子嘅甜味又唔會太嗆，兩者融合得好好🥰，飲落去暖笠笠，好舒服☕慈素小聚嘅菜式真係好有心思🧠，食材新穎🥗，環境舒適🛋，下次一定會再嚟試下其他嘅嘢😁評分：最高為5分治癒度：👩⚕️👩⚕️👩⚕️👩⚕️抵食度：💉💉💉💉翻兜指數：🩺🩺🩺🩺慈素小聚尖沙咀麼地道30號Mody House 8樓📍尖沙咀/尖東港鐵站N1出口1分鐘路程#healingbobo #foodie #hkfoodie #foodiehk #香港 #美食 #尖沙咀好去處 #香港美食 #TsimShaTsui #TST #尖沙咀 #留港消費 #restaurant #素食 #蔬菜 #香港素食 #香港素食餐廳 #hongkongvegan #hkvegan #hkveganfood #hkvegetarianfood #健康 #新式素食 #齋 #veggie #vegan #hongkongfood #hkfoodlover #尖沙咀美食 #尖沙咀素餐廳 #尖沙咀素食 #台式叉燒刈包 #素菜 #慈素小聚 #KindnessVegetarian
繼續閱讀