影片
港鐵佐敦站 D 出口, 步行約4分鐘
繼續閱讀
電話號碼
25702266
附加資料
星期一至四午市成人＄98，小童＄78，晚市成人＄148，小童＄128; 星期五午市成人＄98，小童＄78，晚市成人＄178，小童＄158; 星期六、日及節假日初一十五 午市成人＄118，小童＄98，晚市成人＄178，小童＄158
營業時間
今日營業
11:30 - 17:00
18:00 - 22:00
星期一至日
11:30 - 17:00
18:00 - 22:00
*午餐11:30或13:00，下午茶:14:30-16:30, 晚餐:18:00或19:45
以上資料只供參考, 請與餐廳確認詳情
相關文章
尖沙咀健康任食素食位於山林道。收呢個價錢出得嘅嘢食都係高質，唔係求其工廠泵出嚟嗰啲。餐廳比較多人，圍住個食物都好多枱，而且要避人同讓人。我最鐘意喺首先佢啲炸物。如炸鮮奶，炸芋絲。其次嘅喺佢哋嘅集菌菇。跟住就係欖菜炒飯(有雞蛋)。沙律生果吧都唔錯。焗芝士番茄竟然有芝士。咖啡機有次壞咗。試過之後都係飲濃咖啡選。佢哋周末晏晝貴少少$116/90分鐘。周中晏晝$100/75分鐘。下午茶最低食。因為有雞蛋同奶所以唔係齋，而係素食。
繼續閱讀
香港素食餐廳相對唔多, 同埋我係港島人, 無咩事都唔會去九龍, 所以今次食到呢間素食餐廳, 我覺得幾有驚喜. 好耐都無試過喺香港食飯係咁愉快食物種類非常多, 而且樣樣野味道都唔錯. 今晚無影相, 但印象比較深刻嘅有薑醋蛋, 臘味飯, 湯係赤小豆老黃瓜, 我都飲左3碗… 其他嘅就大部分家常小炒咁, 但款式好多, 以香港食素黎講算好好另外收銀嘅我估係老闆, 態度好好, 好友善. 加分不過美中不足係始終小店, 放得多檯, 攞野食嘅地方比較窄. 我今晚係自己一個人所以無咩所謂. 如果想傾計慢慢食的話就唔好咁高期望不過我都會期待下次有野做再過九龍, 必定會再黎
繼續閱讀
原本唔係去這間㗎，因為嗰間装修停咗自助餐諗起之前經過見到未開門都有人等就過嚟試下因為冇訂位只有吧枱位，但都坐得舒服嘅佢嘅款式都幾多，唔係多數炸嘢同唔會好油前菜個青瓜苗好得意，口感就麻麻中西式都有，沙律吧款式多甜品都有好多款，有冷熱飲亦有咖啡機最贊係雪糕呀🤤勁正，唔係好甜又香生果味，香港制造嘅就有海鹽同益力多味星期六晚餐都係每人168，用餐時間90分鐘唔洗加一服務費👍🏻，因為係全自助，食完自己收拾餐具
繼續閱讀
基本上每年都會嚟呢度食自助午餐，多數係食肉朋友提議，因為選擇豐富，提供仿肉食物，加上位處旺區，無論住邊區的三五知己都覺得方便。周六自助午餐$118，免加一，限時75分鐘，食得非常趕，加上今次只訂到1300，午餐1400結束，食到打仗一樣。1300仲未可以正式入座，大約等多咗5分鐘，然後排隊入座。食物種類一如以往都幾豐富，自助餐區唔算大，但因為店內座位唔太多，所以選擇都夠，只係~1300入座，有啲食物未refill。今次一行3人，被安排坐4人檯，感覺鬆動。當然檯與檯間冇太大距離，但一早知道呢度唔係一個傾偈好地方，所以一心嚟食嘢的話，其實冇問題。湯：紅蘿蔔粟米湯冷盤：如涼拌清瓜、木耳、蓮藕、荀、滑豆腐...法律：如火箭菜、紫椰菜、車厘茄、粟米、三色椒、黑豆、枝豆、話梅醃淮山、紅菜頭蘋果粒...炸物：如避風塘粟米...熱盤：奶油津白、炒椰菜花、炒西蘭花、炒菜心、炒菠菜、炒雜菌、炒淮山、奶油南瓜、炒飯、炒麵、合桃咕嚕肉、糖醋蛋/薑醋蛋...甜品：如紅豆沙、迷你班戟、涼粉、紫薯蓉...生果：哈蜜瓜、西瓜、蕉飲品：如即磨咖啡、植物奶、茶、果汁...熱盤食物頗油膩，啱喜歡濃油赤醬人士，清淡選擇甚少。咖啡機同以前一樣都係慢，每次只出50/100ml黑咖啡，要等。呢度的食客幾規矩，冇爭先恐後，但自助餐區地方淺窄，行出行入要避人，要小心啲。餐廳冇收加一，侍應亦冇服務，唔係點睬人，不過佢哋人手的確唔多，餐廳又滿座，自助餐一輪接一輪，係冇咁多時間顧及食客。另外，喺1300呢輪，有啲打工仔嚟外賣自助午餐，餐廳提供飯盒同湯盒各1，自行任選，而呢個安排亦令自助餐區更擠迫。以任食嚟講，只係不過不失，畢竟食材普通，煮法只係家常小炒，食物選擇雖多，但味道偏重而油膩，如果唔講求食得多，外賣會可取啲~
繼續閱讀
年初七去咗佐敦山林道「每日」食素，可能係大年初七，人人生日，比平日多人。間中食吓素都幾好，食肆內佈置簡約。有很多食物可以選擇，分區揀食物，不用迫在一處，揀自己鍾意嘅食物。限時食90分鐘，已經好足夠時間。雖然多人，補充食物都好快。食完啲食具要自己收拾，放在指定嘅地方。
繼續閱讀