影片
港鐵中環站 D2 出口, 步行約3分鐘
繼續閱讀
電話號碼
97829283
開飯介紹
這家日本料理餐廳主打廚師發辦、壽司、刺身、稀有部位的和牛串燒和季節性限定清酒。其開放式廚房讓你可邊食邊觀賞師傅烹調菜式。
繼續閱讀
營業時間
今日營業
12:00 - 15:00
18:00 - 22:30
星期一至六
12:00 - 15:00
18:00 - 22:30
星期日
全日休息
公眾假期
全日休息
公眾假期前夕
12:00 - 15:00
18:00 - 22:30
以上資料只供參考, 請與餐廳確認詳情
有關獎賞計劃
家陣晚市喺香港食廚師發辦真係幾抵，唔要求高嘅話好多入門價都唔過$1000。繼上次銅鑼灣食完一間後，今次又嚟到一間位於中環嘅上樓料理店。料理店座落士丹利街一商業大廈高層，佢樓底高，環境舒服，十零個座位左右，好易一大班朋友就可以包場玩。🍣廚師發辦壽司套餐（$880）晚市一共有3款菜單可揀，入場最低就係呢個有前菜、刺身、壽司、串燒、湯同甜品18道菜式嘅壽司套餐。🥗先付三點先嚟三款前菜：蟹膏豆腐配黑松露、螢光魷魚同梅子蒜頭跟大家開開胃🐟鯛の薄切り鯛魚薄切配上蘿蔔蓉，肉質鮮嫩，味道鮮甜🍣握り寿司十貫10款手握壽司包括赤蝦、北寄貝、帶子、魷魚、赤貝、炙燒左口魚、燕鰶、鰤魚、池王魚同三文魚籽。鍾意油脂味較重嘅朋友，阿叔推介你炙燒左口魚、燕鰶同池王魚，油份重之餘，亦真正入口即溶。🍢燒物即叫即燒嘅串燒有蒜香豚肉、雞髀菇同埋阿叔至愛嘅白鱔，鱔嘅表面燒到脆卜卜，但入邊肉質仲保持爽彈。🍨湯品同甜點結尾除有味噌湯暖暖胃外，仲有用最中餅包住抹茶雪糕做甜品，金太郎賣相嘅最中餅好可愛，點都要打過卡先食呢！
繼續閱讀
收工後去中環食廚師發辦，真是一個幾chill嘅享受 。餐廳係26樓，有幾片大落地玻璃窗可以望出去 。開放式廚房設計好有氣氛，師傅可以一邊準備食材再一邊同我地傾計，感覺好親切。今次試咗$880嘅晚市套餐，頭盤明太子沙律同螢光魷魚漬非常清新開胃，鯛魚薄切入口鮮甜 。壽司十貫亦都好豐富，當中赤貝爽脆彈牙，油脂豐富嘅左口魚邊入口軟滑，令人回味。串燒雞頸肉同雞軟骨外脆內嫩，灑上椒鹽，非常惹味，秋葵則清爽解膩。海帶白蘿蔔白麵豉湯濃郁暖胃，平衡返刺身的涼意 。最後用香濃幼滑的抹茶雪糕畫上句號。
繼續閱讀
一緒一番酒場真係一間唔錯嘅餐廳🍣！位於中環Stanley 11 26樓，呢度嘅環境好舒適，服務態度亦都好好👍今次同朋友慶祝生日,簡左佢中意食嘅日本野~~今次黎到緊係食OMAKASE 啦~簡左極上套餐, 有齊前菜,刺身,壽司燒物湯同埋甜品~~仲有好多款酒飲添~~ 不過今晚揸車所以無飲到~~前菜方面，螢光魷魚真係好特別🦑 配埋梅子蒜頭，味道好清新😋。蟹膏豆腐配黑松露，口感滑溜，蟹膏同黑松露嘅香味真係一流🦀池王魚同金目鯛刺身都好新鮮🐟配埋紫蘇葉味道更加突出🌿花竹蝦壽司鮮甜多汁;鰤魚壽司油脂豐富;帶子壽司口感嫩滑;灸燒左口魚壽司有獨特嘅炙燒香味,入口即溶;海膽壽司鮮味十足;北寄貝壽司&活赤貝壽司口感爽彈！燒物有三款 賣相精緻 白鱔燒得好香脆而蒜香豚肉味道濃郁;雞髀菇燒得啱啱好🍄甜品方面 提拉米蘇同抹茶雪糕最中餅都好好味🍰🍵提拉米蘇口感綿密，抹茶雪糕最中餅有濃郁嘅抹茶味真係一個完美嘅結尾🍨總括而言，一緒一番酒場環境好有氣氛好似去左日本東京D鋪頭咁, 而食材全部都係日本空運過嚟，真係好新鮮,抵食~。呢度嘅食物質素高，價錢合理，可以慶祝特別節日去呢間👍
繼續閱讀
呢排成日話地震好多人都唔敢去日本，唯有係香港食日本菜頂住先，餐廳位於中環，全間餐廳都係日系裝修。食物方面除左可以單點之外，仲有omakase豐檢由人。✨️廚師發辦壽司套餐（$880）🧆前菜蟹膏豆腐：入口好輕盈，幼滑得黎仲食到蟹膏既鮮甜味明太子沙律：明太子辣辣地，加上酸酸地既沙律醬，好開胃蒜頭漬：鹹得黎帶少少辣味，口感仲好爽脆🐟池魚王池魚王本身已經鮮甜，師傅巧妙咁用大葉同薑卷住，多左一層大葉既清香同酸薑既酸甜，帶出左池魚王本身的油脂香🍣赤蝦壽司蝦肉彈牙而且好鮮甜🍣北寄貝壽司肉質爽彈，加少少wasabi更加突出到鮮味🍣鮮帶子壽司口感軟糯，愈𡁻愈食到鮮味慢慢滲出黎 🍣紋甲魷魚壽司口感爽脆，師傅𠝹左花令口感更豐富🍣赤貝壽司味道鮮美，帶有一絲獨特既甘甜🍣左口魚邊壽司以豐富油脂取勝，炙燒過後魚油味更濃郁，入口即溶 🍣燕鰶魚壽司即係馬友，鹹魚就食得多，刺身就第一次食，口感同味道都幾特別🍣鰤魚壽司肉質柔嫩得黎又帶d彈性🍣金目鯛壽司屬於高級食材，皮下油脂豐富，食完滿口魚油香🍣三文魚子手卷魚子在口中爆開的瞬間，濃郁的海鮮味席捲舌尖，搭配紫菜既香脆口感，食得好過癮🍡串燒 蒜香豚肉串燒：肉質軟嫩，稔得黎仲充滿肉汁雞頸肉：肉質爽彈有咬口，個人鍾意落少少wasabi一齊食🍵甜品 抹茶雪糕最中餅抹茶香氣濃郁而且帶點微苦，與雪糕的滑順質感形成絕妙平衡，最中餅的脆感更加錦上添花。
繼續閱讀
晚市唔洗$1000 omakase😳?! 晚市十五品套餐包特色前菜、鯛魚薄切、壽司十貫、燒物、湯同甜品，款式豐富，唔洗飛日本都食到高質Omakase!🙋♀️.🔸Omakase Sushi Set $880 pp🔸.🌟特色前菜蟹膏豆腐、明太子沙律、同蒜頭漬，蟹膏豆腐尤其出色，好濃郁嘅蟹膏味加埋豆腐入口即融💛.🌟鯛魚薄切先由淡味刺身開始，清身鮮甜😋.🌟壽司十貫1️⃣甜蝦2️⃣北寄具3️⃣帶子4️⃣紋甲魷魚5️⃣左口魚6️⃣星鰻7️⃣三文魚籽8️⃣赤身9️⃣池魚王🔟金目鯛最深刻係星鰻，口感細緻柔軟，完全冇腥味，反而有淡淡海洋味道😍；池魚王魚油甘香，魚肉味道偏甘甜🤗；最鍾意金目鯛肥美、滑爽嘅口感，次序放係十貫壽司最後令人回味無窮；其他壽司都好新鮮，別具風味👏🌟燒物串燒有雞頸肉、豚肉、雞髀菇，火喉控制得恰到好處🔥🌟一緒特色湯🌟甜品食完壽司飲啖熱湯暖一暖胃，味噌味香濃，再來個抹茶雪糕收尾，係好滿足嘅一餐.✨值得一提就係好少omakase 餐廳會有靚景，呢度有落地大玻璃，可以望到高空開揚景色，身心特別舒暢☺️
繼續閱讀
您可能會有興趣的...