Surasang 수라상

營業中

休息中

Surasang 수라상, 有規模的韓國餐廳, 面積大, 用餐座位多, 西式設計, 有大型水吧, 沒有韓國傳統模式. 服務員安排座位, 送上餐單及 前菜.前菜有五小碟:  泡菜, 露筍, 尤魚, 大豆芽菜, 菠菜等等. Makgeolli  馬格利濃酒, 每人一碗, 微溫含荔枝味, 入口濃醇甘甜.   用餐前先飲, 增加開胃感.  先送上  韓式柑橘炸雞,  炸得香脆, 帶濃厚柑橘味, 甜甜辣辣, 非常可口.店員奉上火具, 及一盆  神仙雪龍湯牛肉鍋, 擺設美觀,  外圍是韭菜, 金菇,  正中是薄牛肉及冬菇. 店員在我們面前烹煮, 先點火, 加湯.  把食材混合. 滾完之後, 便請我們自助分嚐.   牛肉好嫩滑, 加上冬菇, 金針菇, 韭菜一起食, 好滋味. 海鮮煎餅 ~ 熱騰騰送上,  煎得好香脆, 配上醬汁, 可由加添. 煎餅多料, 內有魷魚, 帆立貝粒, 魚仔, 中間軟糯, 外側香脆.顆泡菜黑毛豬五花肉鍋配泡菜,  店員又再奉上火具, 及一鍋泡菜加黑毛豬五花肉.  這塊五花肉好巨型, 店員在我們檯前烹煎, 差不多用了 20 分鐘才完成烹 煎工作, 再把五花肉切成小件, 好細心.

呢日同朋友去咗圓方呢間韓國餐廳食dinner，呢間餐廳非常高水準，環境、食物質素、服務態度方方面面都非常高質！今次點咗好多好正嘅菜式啊！首先打頭陣嘅係水刺床刺身盛合，呢個刺身盛合好豐富，有三文魚子、醬油醃製過嘅帶子、生牛肉、蝦同埋海膽，食之前將佢撈勻，每一啖都係精華！另外仲點咗牛肉魚籽釜飯，我哋仲加配咗海膽，牛肉味非常香濃，飯上面仲有生蛋黃，撈飯食一流。韓牛大蔥卷係用一塊塊佈滿好靚雪花紋嘅韓牛包住大蔥拎去燒，侍應全程都會幫手燒，好貼心。最後仲點咗海鮮煎餅，好惹味。Cocktail都好正！

家人生日，有藉口試試這家高級韓食，超幸福🥹跟住網上推薦的點無誤，大家都一致讚好，有值回票價的感覺😚餐廳空間感足，卡位像半個包廂，燈光有情調，私隱度高 服務也很好，用餐體驗👍👍👍✿ 前菜 $0多款前菜任食😋 個人最喜歡菠菜，很嫩而且調味輕柔👍 ✿ 水刺床刺身盛合 $528又是Google時間：“水刺” 在韓文是指古代朝鮮宮廷御膳料理，而”床” 則是指桌子，所以水刺床是指擺放御膳的桌子，象徵著待客如君，為客人獻上有如宮廷御膳般的頂級料理實物和名字一樣氣派👸各項刺身，包括牛肉他他、海膽等，全部已經調味，帶出鮮甜，而完全沒有腥味!配上紫菜脆脆，我想一人獨食整份🥹 ✿ 韓牛大蔥卷 配生蛋黃飯 $880不用動手，有職員幫忙燒，還可以確保成品是最佳狀態😋韓牛的油花分佈超美，一路燒，一路飄落油脂香，未吃先流口水🤤口感不負眾望，軟嫩得輕嚼數下就化在口中配了兩碗生蛋黃飯，很滿足很滿足 ✿ 海鮮煎餅 $215海鮮分量肉眼可見的誇張，鋪滿彈牙鮮味的配料餅底微脆，最難得的是很乾爽! 即使放涼後，也不覺油膩，高分之作٩(♡ε♡ )۶ ✿ 牛肉魚籽釜飯 $295• 加配海膽 +$68外表豪華，內裡還有香噴噴的飯焦😎

今日要大推一間位於圓方Element「水區Water Zone」嘅韓式居酒屋- Surasang 수라상，餐廳室內設計採用咗深木色調同木系裝飾營造出幾何感。同時運用燈嘅光暗營造出舒適嘅用餐氛圍。而餐廳亦係韓國直送食材到港，所以保證食物新鮮，而要High light嘅點係，每樣食物份量都好大，最啱一班朋友一齊分享!點菜前，職員已經遞上豐富嘅前菜，先有一大碟嘅泡菜，泡菜味道係微辣偏酸，非常開胃，再嚟一碗芽菜同菠菜，仲辣魷魚、魚餅同蒜芯苗! 係等上菜嘅時候，已經食唔停咀水刺床刺身盛合 $528賣相100分嘅菜色，佈滿極新鮮嘅刺身，包括海膽、魚子、帶子、生牛肉、生蝦，將所有食材放上紫菜脆米餅上面，一啖擺入口，真係超幸福韓式安東燉雞 $385以熱鍋呈上，每啖雞肉都滑嫩，而家醬汁好入味，配上紅蘿蔔同薯仔做配菜，可以一解油膩感! 最最最重要就係雞件底層仲有韓式粉絲!!將全部精華吸收哂慶南生蠔珠蔥釜飯 $150打開飯蓋就有2隻漲卜卜嘅生蠔同金黃色嘅蛋絲，鮮紅色嘅醬汁睇落好似好辣咁，但其實佢係成個飯既亮點，大家記得襯熱嘅時候倒入紅油辣醬，之後不停撈勻，令每粒飯都沾上汁，最令我驚喜嘅係每粒飯都做到粒粒分明

上次經過圓方，見到呢間食韓國菜既餐廳已經bookmark左🥰早幾日終於同男朋友訂位去試試👫餐廳位於九龍圓方水區，一出九龍站行幾步路就見到，好方便！餐廳格局高級，裝修得好優雅，配埋柔和既光線，令人好舒服放鬆😌店員既服務亦都係五星級水準🤭除左態度親切，好多時候都會主動問我地要唔要幫忙燒☺️全程表現都好專業💕入座後，店員立即送上前菜，共有六款，包括泡菜、涼拌菠菜、涼拌豆芽、韓式海蜇⋯我個人最鍾意食泡菜✨❤️份量亦都係最多既，酸酸辣辣超開胃😆❥ 韓牛大蔥卷（伴生蛋黃小米飯）店員會幫手燒同埋整小米飯🍚韓牛肉質軟嫩，紋理均勻，中間卷住大蔥💚食落牛味香濃🐮連埋香甜爽脆既大蔥一齊食，口感豐富😍店員燒完韓牛，就會用同一鍋底整小米飯，加入埋生蛋黃，整出黎既小米飯好香口🥰超正！❥ 海鮮煎餅煎餅好有驚喜🖖🏼大大份，好足料！煎餅都幾厚身，外皮煎得好香脆乾爽，唔會好粉😝煎餅上面鋪滿魷魚、帆立貝等等既海鮮，好香口🤤🧡❥ 炙燒雪花牛肉蕈菇釜飯雪花牛經炙燒後，牛肉既香氣帶左出黎🥰另外葷菇既鮮甜同米飯既香氣完美結合！重點仲有流心蛋黃🧡將所有材料撈起黎一齊食，勁香口！❥ 水刺床生牛肉超推介‼️擺盤好靚！生牛肉本身已經調左味😚味道

最近喺九龍站對開嘅圓方，發現一間高質嘅韓國餐廳😍 座位寬敞，坐近窗邊仲可飽覽美景✨綻放的櫻花生牛肉擺盤精緻旁邊擺放佐不同嘅小配料🥰 生牛肉經過醃製調味，味道鮮嫩，配埋天婦羅紫菜一齊食，外脆內嫩🥰，口感相當豐富👍🏻👍🏻✨辣海鮮湯鍋 😍長條型嘅海鮮鍋擺上滿滿配料，賣相澎湃之餘，食材仲相當豐富😋有鮑魚、八爪魚🐙、蝦、青口、大蜆、蘿蔔、金菇、泡菜、豆腐全部都係新鮮現煮🥰 滾起嚟湯底仲好鮮甜👍🏻👍🏻✨海膽牛肉魚籽釜飯😍👍🏻👍🏻牛肉粒肉質軟嫩牛味濃，海膽整齊一排份量多之餘味道甘甜食之前加埋魚籽拌勻，帶點咸香味，成個飯無額外加辣醬🥰都已經好鮮好好味😋😋👍🏻✨海鮮煎餅外層煎得香口薄脆，內層包上滿滿嘅魷魚、銀魚仔、帆立貝、蔥絲，真係非常足料👍🏻食之前再點少少醬汁😋更惹味另外仲點佐兩杯Cocktail✨The Night Beging外層嘅杯面搽上佐一圈鹽飲落鹹鹹地味道幾清新✨Snowing Night 酸酸甜甜👍🏻帶菠蘿香味兩款都非常容易入口

Element 既韓國餐廳수 라 상 空間感十足，枱與枱之間有適當既距離，有啲4人位仲可以拉埋簾半私人地聚會，同埋好多位，邊食邊傾唔使交枱，享受同朋友久違既catch up ! 一坐底就上前菜： 泡菜、辣魷魚、魚糕、 蒜苗、豆芽菠菜，泡菜醃得岩岩好，唔會太咸或者太辣，仲好爽口， 魷魚好入味但建議撈飯食，全部都可以 refill. 綻放的櫻花生牛肉： 擺盤超靚既生牛肉，碟邊點綴左撈埋生牛肉食既蒜蓉，醃菜粒，青瓜粒，梨粒同松子仁，係日化變奏版既生牛肉，味道好溫和，放係紫菜天婦羅上面食仲有一脆一軟既雙重口感。 韓牛大蔥卷配泡菜炒飯 (必點)： 佈滿雪花既韓牛除左甘香仲更有牛味，包住蔥段係鐵板上煎，然後再蘸麻油鹽係最韓國既食法，油香蔥香肉香出晒黎。另外會切碎兩件即場整泡菜炒飯，想香口啲可以叫佢炒耐少少，超入味夠酸開胃，中意。韓國海膽釜飯： 熱辣辣既釜飯鋪滿左蔥粒紫菜海膽， 建議不一啖海膽食咗原味先，係鮮甜的。 之後可以撈埋啲辣醬，前菜嘅芽菜菠菜， 同埋如果有生牛肉， 撈埋係正宗韓國拌飯風味。海鮮煎餅： 完全係海鮮量最大化，充滿魷魚、帶子、蔥，煎得好脆之余冇咩油，送酒一流。SNOWING NIG

之前同朋友去W Hotel staycation，有食過呢間韓國餐廳嘅芝士蛋捲，非常出色！不過今次就唔係staycation，係想嚟Happy Friday Chill吓🤗食吓佢嘅韓牛🤤🤤一樣冇令我失望🥰🥰🥩綻放的櫻花生牛肉 ($280)刺身級嘅生牛肉灑上金箔，擺盤好吸引😍伴隨炸紫菜一齊食，生牛肉柔軟嫩滑，口感豐富，好食😋🥓韓牛大蔥卷 配泡菜炒飯 ($880)油脂感滿滿嘅韓牛卷，包住大葱😋店員會幫手煎香韓牛卷😁牛肉味香濃，包住大葱好Fresh，一咬開油香爆曬燈🤩最後店員仲會將其中兩件剪碎煮成泡菜炒飯，炒飯微辣帶牛香真係好正😋🐙海鮮煎餅 ($215)呢個係海鮮多過煎餅嘅海鮮煎餅🤭😂啖啖都係海鮮😲煎餅面頭鋪滿脆魚仔，入面仲有大量蝦仁同埋魷魚🦑煎到又香又脆，超級邪惡😚🍱海膽牛肉魚籽釜飯 ($295)釜飯色香味俱全，好出色😙牛肉粒肉質軟腍香嫩，釜飯撈埋香甜嘅海膽同脆卜卜嘅魚籽，鮮甜又好食😋釜飯底仲有飯焦😍勁吸引😋🍋Snowing Night ($118)☘️The Night Begins ($108)

一向都幾鍾意約朋友去圓方食飯，除咗地理位置方便大家放工去，仲要啲餐廳都坐得幾舒服，座位之間唔會太密，今次坐個位仲係靠窗望西九個邊，望住天空日落都幾靚㗎～前菜相當豐富，除咗基本泡菜、豆芽，就連魷魚同魚餅都有。💡綻放的櫻花生牛肉一如其名，擺盤相當仔緻又似一朵花，生牛花肉質軟腍，仲細緻到上面有箔作點綴，淡淡肉味，加上旁邊嘅配料吊出鮮味同增加口感，再放去天婦羅紫菜，絕對唔會腥。💡海鮮煎餅見到鋪到密密麻麻都知非常足料，個底煎到焦脆，食落唔會成口粉漿感！💡海膽牛肉魚籽釜飯魚與熊掌不可兼得，但魚鮮與牛肉即可！拌埋韓式辣醬，牛肉彈牙，海膽增加creamy口感，仲有鮮甜味，魚籽令成件事更好玩，又有鹹味，口感都唔悶。雖然落生蛋黃味謊好正，但我好多時怕搞到個飯太濕，呢度有控制好飯嘅水份，撈完剛剛好，底部仲要有飯焦。💡韓牛大蔥配泡菜炒飯韓牛色澤粉嫩粉嫩，誰能不心動！？咬落入口軟腍，油香四溢，大蔥提升咗鮮味同解膩。店員仲問我哋要唔要留兩舊💡Lavender Seoul 127呢一杯相對會適度唔想咁重酒味嘅女仔，係薰衣草嘅香氣同甜甜地嘅味道。💡The Night BeginsThe Night Begins 係食

很多韓國餐廳選擇，但通常較集中食一個系列今次嚟到位於圓方Surasang,食品選擇多，高質，地方也很優雅。五款不同的前菜即時奉上，還可以無限量添加啊！神仙雪龍湯牛肉鍋哇，很澎湃！店員會給時間打卡後再淋上湯底，韭菜，金菇，薄牛肉和湯底。四款看似平平無奇的食材，滾完之後特別d牛肉,入味到直落食道，撈埋啲煮到軟淋淋嘅韭菜金菇一齊食，正正！海鮮煎餅煎得金黃色，脆邊，香口，粉漿底唔會太厚，海鮮料嘅份量也恰到好處。韓國海膽釜飯海膽的份量一點也不吝嗇，流心海膽好新鮮，攞埋D蔥花紫菜，令我哋清曬啲飯。綻放的野花生牛肉名符其實 ，真係可以用綻放嚟形容呢碟牛肉有兩種方式食，用脆紫菜夾住食，或者刺身即食也可，兩種方法都有不同滋味。也有不同酒類提供， 我哋每人飲了一杯cocktailSnowing night清清甜甜lavender Seoul有Mulberry 嘅香味

再訪圓方高級感韓國菜Surasang 수라상 🇰🇷以黑金為主色既裝潢充滿格調，配合雲石花餐桌、灰調座椅等營造滿滿高級感，同一般韓國菜餐廳氣氛截然不同！🔸韓牛大蔥卷配泡菜炒飯一片片油脂豐富韓牛包住大蔥，就咁睇橫切面已經見到韓牛份量幾豐富🤤店員係客人面前用熱鍋逐件烹調，油份慢慢由韓牛釋出，油香四溢；韓牛片入口即溶，脂香濃郁，加上大蔥做到解膩作用，難怪係店內人氣之選！店員之後會用兩件韓牛同熱鍋內油脂即席烹調泡菜炒飯，同樣充滿脂香😍🔸綻放的櫻花生牛肉生牛肉好依靠牛肉質素，呢一道生牛肉新鮮而肉味濃郁，可以將旁邊既酸瓜、蒜粒、松子等同牛肉拌勻，再放上紫菜薄脆上面一齊食，每一口都食到不同食材味道🤤🔸烤風川鰻魚魚釜飯釜飯一開蓋就會見到色彩繽紛既配菜同主角鰻魚！兩大片鰻魚肉厚肥美，食落口脂香同燒汁非常惹味；旁邊有青蔥、紅薑、蘿蔔絲、西蘭花等，帶來不同口感。釜飯容器能保持米飯熱度，底部仲有少量飯焦，可以隨喜好加入辣醬拌勻，調出自己最鍾意既味道🥰🔸魷魚煎餅煎餅裏面有大量魷魚及韭菜，口感帶煙靭而鮮味十足，中間柔軟外側香脆，亦唔怕成口粉漿；沾少少附帶醬汁仲可以加添鹹勁🔸Snowing Night, See Yo

Surasang 수라상尖沙咀柯士甸道西1號ELEMENTS圓方水區1樓1028B號舖去圓方行街就緊係要食好d啦，今次去到一間韓式居酒屋 surasang,今次叫左4樣野食，真係食到好飽呀1. 韓國海膽釜飯：飯粒煮得剛剛好，口感軟糯，搞混一齊，每一粒都融合咗海膽嘅鮮甜味道。仲有魚籽、紫菜同蔥增添層次同豐富度，令人回味無窮。2. 海鮮煎餅：煎餅外脆內軟，餡料十足，每一啖都充滿海鮮味道，海鮮非常之爽口彈牙。煎餅煎到金黃，點埋魚露，真係好鬼惹味。3. 水刺床生牛肉：牛肉非常嫩滑，而且牛味好好，加入調味搞混後先食，非常正4. 辣海鮮湯鍋：呢個辣海鮮湯鍋真係好我大份！入而有青口、蜆、八爪魚、鮑魚、蝦， 湯底夠鮮，而且辣味十足，呢個辣海鮮湯鍋絕對係適合喜歡辣味同海鮮嘅人士！整體黎講，餐廳食物質素高，而且環境舒服，座位夠大，好岩三五知己一齊黎用餐#韓國菜 #韓式居酒屋 #韓國燒烤 #韓國料理 #韓牛 #韓國直送食材 #elegant #highclass #gathering #elements #圓方

去唔到韓國就只好係香港搵靚韓牛食啦，估唔到係圓方入面有間又精緻又高級既韓國餐廳水刺床生牛肉 - 擺盤勁靚～中間係生牛肉，碟邊放左炸紫菜+幾種唔同既材料，可以按自己喜好撈埋生牛肉一齊食增加口感，生牛肉好嫩好唔腥，讚👍🏻魷魚煎餅 - 海鮮煎餅就好多唔同既海鮮，呢個魷魚煎餅雖然淨係魷魚，但都好多魷魚，咬落啖啖都係魷魚，而且個餅都煎到好香脆韓牛大蔥卷 - 成餐最期待，韓牛油脂均勻，花紋勁靚，卷住大蔥擺盤又幾靚。店員仲會幫我地燒埋，油脂滿滿牛味香濃，肉質好嫩滑入口即溶，包住大蔥食就無咁油膩😌燒完韓牛卷之後會用同一個鍋去去炒埋個泡菜炒飯，令個泡菜飯充滿油香🤤海膽牛肉魚籽釜飯 - 海膽魚籽充滿鮮味，牛肉份量又多，個底啲飯焦又香又脆，撈埋蛋黃一齊食超好食🤤

餐廳：Surasang 수라상 (尖沙咀)地址：尖沙咀柯士甸道西1號ELEMENTS圓方水區1樓1028B號舖餐廳環境舒適，服務態度好好。食物選擇多，質素好高👍🏻 賣相亦令人眼前一亮。食完都可以大滿足💁🏻‍♀️。-海膽牛肉魚子釜飯牛肉粒好juicy，肉質好鮮嫩入味。再加上香甜海膽魚子高級食材，整體配合得好好。好香好惹味。真係好食到停唔到口😋-綻放的櫻花生牛肉賣相已經嘩一聲😍📸📸📸。新鮮嫩滑生牛肉，配上金箔。再自由加上碟旁邊的不同配料，好鮮嫩美味🥰👍🏻。-海鮮煎餅煎餅香噴噴，舖上滿滿不同既新鮮粒包括元貝，墨魚粒，魚仔乾，鮮蝦等等。粒粒鮮甜。再配合秘製醬汁。好正👍🏻👍🏻👍🏻-韓牛大蔥卷配泡菜炒飯 係由韓牛卷住大蔥。再由專人喺你面前煮熟。好香好有特色好juicy，向你品嚐美味嘅牛肉卷期間，專人會即時利用煎香咗嘅肉汁味配以泡菜炒飯。完美配合。好驚喜好惹味。好有水準👍🏻 香噴噴令人垂涎三尺。💁🏻‍♀️推介。-飲品：See You and 荔枝梳打❤️👍🏻 See You - 甜度適中，內外兼備。有淡淡的鮮橙香味，加上少量酒。好浪漫。大愛❤️❤️荔枝梳打-完全做到清新透心涼嘅感覺。正👍🏻所有食品飲品都好精彩

原來已經一整年無踏足過圓方，這次平日去到感覺人流比想像中多，走到水區九龍站口附近，發現這間外表頗為高級的韓國餐廳，難得來到又怎能不試試呢😎✏️位置（10/10）：地鐵站扶手梯口，超方便✏️環境（9/10）：裝修瑰麗開揚，有落地大玻璃，感覺舒適✏️服務（9/10）：侍應積極主動，不時幫忙加茶✏️食物（9/10）：食得出新鮮及貴氣，味道相當不錯🌟前菜來到韓國餐廳，自然有幾道佳任添任食的前菜，包括泡菜、大豆芽、豆皮、醬大蒜等等，雖是任食也絕不馬虎☺️🌟綻放的櫻花生牛肉 - $280有七種小配菜伴碟，同時可配上超新鮮的生牛肉及香脆炸紫菜食用，牛肉口感軟滑毫無腥味，和多種不同口感食材一起食，豐富又滿足🥰🌟海鮮煎餅 - $215屬於近來食過比較高質的海鮮煎餅，首先魷魚、鮮蝦及蟹柳等食材鋪滿餅面，煎餅亦炸得脆而不散，口感飽滿美味😘🌟韓牛大蔥卷配泡菜炒飯 - $880作為餐廳的招牌菜，當然不能錯過。首先韓牛肉色鮮艷，充滿雪白油花，一看就知道不是普通牛肉，再用牛肉裹住大蔥成為卷物。侍應會主動幫忙把大蔥卷燒熟，香氣十足，咬下去爆汁鮮甜。另外侍應會留下兩件大蔥卷，再放入炒飯及泡菜，炒出濕潤香口的常美炒飯😍🌟韓國海膽釜