Surasang 수라상

營業中

休息中

呢晚去ELEMENTS圓方睇戲前食個飯喺水區發現咗一家優雅高檔嘅韓國料理餐廳Surasang 佢啲野食幾吸引，份量都幾大唔怪之得在場多數係三五知己聚餐～ 🥩🌸 《 綻放的櫻花生牛肉 💲280 》生牛肉已有調味，唔腥帶甜味，配有紫菜脆米餅同七款配菜，入口甜中帶脆又有口感，好味喎！🦑🫓 《 海鮮煎餅 💲215 》香脆多料，入口唔會只有麵粉，啖啖魷魚、帆立貝仔、魚仔etc，仲配有煎餅汁好提味～～🐔🍲 《 韓式安東燉雞配泡菜炒飯 💲385 》味道好濃郁，入面有雞件、薯仔、甘荀同韓國寬粉，吸汁入味，愈滾愈辣幾開胃～但雞肉唔算滑. 🐟🍚 《 海膽牛肉魚籽釜飯 💲295 》應該係韓國和牛，牛肉有脂香又有肉味，海膽鮮甜而魚籽帶咸香，拌勻個飯食已經夠味，如加埋韓式辣醬仲香濃，仲有飯焦好香口呀！Cocktails:🍸 《 SNOWING NIGHT 눈내리는 밤 💲118 》加左柚子蜜調製，酒味唔濃易入口，味似柚子氣酒～杯其中一邊抹上鹽，咁入口就可以有兩種口味啦～ 🍹《 SEE YOU 또 봐요 💲108 》係蘋果汁嘅濟州嘅燒酒，甜甜哋易入口咗好多～ 下次飯聚再吸先～

平時好少黎圓方食野 今日屋企人坐高鐵番香港 所以係呢頭食埋飯先番屋企 今日幫屋企人洗塵 一於試下高級韓國菜😋呢間高級韓國料理係正九龍站上面 位置裝潢同服務都一流！一坐低，店員已經率先送上前菜，仲會溫馨提示係免費refill 架！水刺床生牛肉 水刺床係指韓國宮廷御膳料理，所以個擺盤都好靚同精緻！生牛肉有稍為調味 唔會覺得腥 口感嫩滑 配上紫菜天婦羅 同各樣配料一齊食，口感豐富！韓牛大蔥卷 店員會親自為你煎 火候啱啱好 咁就唔會浪費件靚韓牛！韓牛雪花均勻 油脂豐富 肉味香濃 配上爽脆大蔥濃而不膩！店員最後會留起兩件韓牛加入泡菜炒飯一同炒起 好味又暖胃！海膽牛肉魚籽釜飯 魚籽同海膽新鮮甘甜 配上嫩滑牛柳粒同蛋黃 非常鮮味！同埋韓式醬汁攪拌之後又有另一番風味！魷魚煎餅 煎餅有滿滿嘅魷魚鋪喺面 煎得香脆唔油膩！忍唔住食多兩塊！除咗嘢食出色 仲想特別讚一讚兩杯Cocktail- The Night Begins & Snowing Night 非常清新易入口 配重味嘅韓國菜 好幫到手可以解膩！

能夠進駐圓方Elements的餐廳都屬高水準食肆，呢間韓國餐廳正是其一。裝潢偏向優雅時尚，非傳統韓式風格，坐位好闊落，如被安排坐近落地窗則視線更佳，食得更有情調。綻放的櫻花生牛肉 $280擺盤非常精緻，碟邊緣放了七種不同的佐料，包括蒜粒、洋蔥粒、松子仁及櫻花乾等，中間的生牛肉份量頗多，顏色鮮紅超嫩，上面仲有十分矜貴的金箔，入口沒有腥味，而且肉質不韌，配佐料及炸紫菜同食，口感更加豐富。大邱櫻花蝦煎餅 $175煎得不算好脆，食落有點像薄罉，內裡濕潤，有韮菜及蝦米作配料，面層則鋪滿櫻花蝦乾，都算香口。韓牛大蔥卷配泡菜炒飯 $880今餐的重要主角！韓牛牛肉本身已經好食，還要用上最特別的三筋肉，肉質軟嫩具彈性，油花分佈均勻。店員會即場於餐檯上煎香，牛肉加大蔥特有的香氣飄散，未食已經流口水，牛卷完全配得上入口即溶這個形容詞，又嫩又滑，肉味好香濃。店員會留下兩卷用來剪碎，再加入泡菜炒飯當中炒香，炒飯食落既有牛肉香又有泡菜的微辣，夠香口。海膽牛肉魚籽釜飯 $295釜飯上鋪滿鮮甜甘味的海膽、有爆汁口感的魚籽，以及肉質鮮嫩的牛肉，賣相已經夠吸引，跟醬汁及蛋汁拌勻後吃，層次豐富，而且還有少許香口飯焦，正！L

返工咁辛苦放工緊係要食餐好，慰勞下自己😆今次去左圓方食高級韓國菜，坐既位置岩岩好望到個日落🌅🔸綻放的櫻花生牛肉生牛肉略略調味，食到牛肉本身既甜味，則邊有七款配菜，可以加埋落生牛肉入面，增加香味同口感，放上紫菜天婦羅上面，層次豐富😋🔸海鮮煎餅海鮮煎餅真係好足料😍入面有魷魚、帆立貝仔同魚仔等，外賣煎到好香脆，中間軟糯🔸韓牛大蔥卷配泡菜炒飯韓牛既雪花均勻，中間卷住大蔥，店員都幫手燒，可以點麻油鹽一齊食🐃韓牛油脂豐富，略嫌中間既蔥有少少韌，有啲難𡁻🫣留左兩件加落飯到一齊炒，炒飯索左牛既油脂，十分香口🔸 烤風川鰻魚釜飯鰻魚有兩片，仲要係完全無骨🤤飯入面有南瓜肉，又甜又粉，個飯軟硬適中，仲要有飯焦，加埋個秘製醬汁，味道岩岩好🔸Snowing Night酒味唔算好濃，加左柚子蜜調製，果香味十足，有啲似柚子酒🔸Lavender Seoul 127顏色好靚🪻味道甜甜地帶微酸

Surasang 수라상👻女朋友知我鍾意食韓國嘢特登揀咗依間同我慶祝個環境已經好高級入邊啲嘢食更加高質幾推薦可以嚟慶祝吓或者多啲人嚟食share食都好掂😗.🔅綻放的櫻花生牛肉 HKD 280最近做緊櫻花主題先有嘅生牛肉旁邊有好多款唔同嘅配料俾我哋可以夾住啲生牛肉嚟食仲要有個勁脆嘅紫菜脆片將生牛肉放上去一齊食一流生牛肉上面仲要有啲金箔添夠哂高級🫣🔅韓牛大蔥卷HKD 880好出色嘅韓牛大蔥卷店員會幫我哋燒勁細心咁慢慢燒個韓牛油油脂都好充足絕對唔輸俾和牛仲會幫我哋將兩件韓牛配埋炒飯個炒飯有和牛嘅香勁好食🤩🔅海膽牛肉魚籽釜飯HKD 295佢哋呢度signature嘅釜飯因為我太鍾意食海膽就試吓佢海膽Mix魚籽同牛肉啦估唔到都會整到啲飯焦成個飯嘅配搭又幾夾海膽勁鮮味再加上啲牛肉都好好食🥰🔅海鮮煎餅HKD 215係我食過最好食嘅海鮮煎餅一上枱新鮮煎起熱辣辣超級足料仲要勁脆又蝦又魷魚上面仲有啲魚仔呢個真係必食item😛🔅The night begins HKD 108🔅See you HKD 108另外叫咗兩杯Cocktailthe night begins酸酸甜甜菠蘿加lime再配韓國燒酒See

之前同朋友嚟過Elements嘅 Surasang 👍🏻覺得嘢食好高質，所以今次帶男朋友💂🏻嚟鍾意呢度嘅環境，好闊落，坐得好舒服.我哋兩個都鍾意食牛🤤所以揀嘅嘢食都有唔少牛嘅元素，除咗再叫上次叫過都好欣賞嘅食物，仲多咗幾款正嘢想同大家分享😋一齊睇嚟吓我哋食咗啲咩：💗韓牛大蔥卷配泡菜炒飯呢款其實平時係職員幫客人煎，但係我哋想自己試吓😂職員都好細心提醒我哋唔好靠咁近，因為啲油比較多易彈油，我煮開嘢食就唔多驚油彈，親手煎啲韓牛同埋近距離望住+聽住啲韓牛畀自己啲油煎到「渣渣」聲，又係一個特別嘅體驗😍自己煎覺得特別好食👍🏻肉味香濃，面頭仲有少少脆口.💗綻放的櫻花🌸生牛肉🐮呢款咁精緻嘅菜式，淨係望都已經覺得好開心，旁邊有唔同啲配料可以自己調較，啲紫菜天婦羅同生牛肉嘅微甜好夾.💗海鮮煎餅上次都有食呢款，覺得佢整得好好，新鮮熱辣上枱，個邊同面頭都仲好香脆，而且好欣賞廚師嘅細心位，係會切細個煎餅，做到可以一兩啖放晒入口，食得好方便.💗海膽釜飯海膽同埋三文魚籽都係我哋鍾意食嘅食物之一😍同日本嘅海膽丼唔同之處係呢個釜飯係熱嘅，同埋會有紫菜，重點係食嗰陣個底會有少少飯焦，估唔到同滑溜嘅海膽配搭起上嚟又幾特別，

喺九龍ICC見完客，泊咗車喺圓方，見可以消費$200就免費泊車五個租非常划算。於是搵咗間裝修好靚嘅韓國高質餐廳試吓，五個鐘之後可以慢慢食飯。我哋隔籬枱係一對韓國人，相信餐廳一定有返咁上下質素先可以吸引到韓國人嚟食。我哋叫咗韓牛大蔥，啲牛肉係超粉紅色好多雪花紋，而且啲脂肪好平均，睇見都流口水，服務員主動幫我哋燒，佢哋手勢非常好，我哋食落口仲係入口即溶。另外個生牛肉好特別，本身邊見到仲有啲怕，但配左紫菜同唔同配料食相當有驚喜，味道好豐富，係其他餐廳都未見過可以咁食。

九龍站ELEMENTS既高質韓國嘢😍為左去西九同朋友睇聖誕樹，特登搵左啲附近既餐廳食飯。🥰今次就擇左間韓國嘢試下☺️自己本身好鍾意佢既裝修，黑黑地勁高級。同埋環境好大好舒服，啱晒一大班人黎gathering吖！一坐低，店員就比左唔同前菜我地。全部都可以再refill架！值得一讚就係佢啲泡菜真係好好食，我同我個friend都食唔停口啊🤣綻放的櫻花生牛肉🐮（$280）依個其實係牛肉他他，配埋啲炸紫菜夾埋一齊食，真係一個好可口嘅前菜😚海鮮煎餅🦞（$226）勁多料，同埋炸得好可口👍🏻同啲cocktail好夾。我地最後都食唔晒，因為真係好大份🌟韓式安東燉雞🐔（$385）味道好濃郁，啲雞都好鮮甜有啲雞之外仲有啲粉絲，薯仔同埋蘿蔔💕好好食！用嚟送飯一流海膽牛肉魚子釜飯🍚（$295)牛肉煮到啱啱好，入口即溶✨好好食🤤啲海膽大大舊，食落去都唔錯👍🏻Snowing Night ($118)The Night Begins ($108)依兩個係cocktail黎🥰依兩杯cocktail都係佢地新出既，酸酸甜甜好清新容易入口🤤同埋依個特別夾啱啱個個海鮮煎餅🥺我地見好多人都係成班friend黎食，所以大家如果下

適逢朋友生日，特登搵咗呢間高級韓國菜同佢慶祝💕▫️綻放的櫻花生牛肉 ($280)個名好有意境，擺碟亦都好靚🤣碟邊放咗各種材料，可以將生牛肉隨喜好撈埋一齊，我自己就鍾意咩都唔撈就咁食😆第一次食生牛肉係配炸咗嘅紫菜，紫菜好脆牛肉又軟嫩，加埋一齊又幾特別▫️海鮮煎餅($215)外層煎炸至金黃酥脆，海鮮份量好多，最驚艷係上面放咗好多魚乾仔，令成個煎餅都充滿鮮味🤤▫️韓牛大蔥卷配泡菜炒飯 ($880)店員會係我哋面前即煎，一路煎已經香氣四溢。牛味香濃，肉質嫩滑，韓牛充滿油脂，配埋清爽嘅大蔥啱啱好，可以中和牛肉嘅油膩感得嚟又唔會搶咗牛嘅香味。泡菜炒飯加入韓牛碎一齊炒，酸酸辣辣好惹味。▫️海膽牛肉魚籽釜飯 ($295)無留意韓牛大蔥卷已經配咗炒飯，又叫咗個釜飯🙈口感豐富，牛肉軟淋，混合埋海膽同魚籽，鮮味濃郁，未食個飯之前已經飽咗8成都覺得佢好食🤣▫️Snowing Night ($118)用上Seosul Cheongju呢款韓國清酒作為基底，杯邊有少少鹽巴，帶岀橙同青檸嘅酸甜果味，酒味唔重。▫️The Night Begins ($108)呢款就用燒酒、青檸汁、菠蘿汁同蘋果醋調配而成，酒味比Snowing N

綻放的櫻花生牛肉香港食到生牛肉地方都唔多，佢地嘅鮮味真心好味🤤夾埋脆脆地嘅紫菜好鬼正，仲有小小金泊🤩海鮮煎餅我想講超足料，滿滿都是海鮮，煎到脆卜卜好有口感。韓牛大蔥卷配泡菜炒飯牛肉切到薄薄地卷埋蔥，好惹味呀⋯⋯牛肉味又香濃，最後炒埋個泡菜飯，好滿足😌一定一定要食👍🏻👍🏻👍🏻韓國海膽釜飯喂呀…點解咁好味😋好多海膽又鮮甜，紫菜撈飯點會唔好味，仲有小小飯焦，超棒。LAVENDER SEOUL🍹甜甜地好易入口嘅一杯飲品。SEE YOU🍹好香番石榴味，清新得黎唔太甜，好飲呀⋯⋯

位於尖沙咀圓方「Surasang」 係一間韓式居酒屋✨綻放的櫻花生牛肉用金箔點綴生牛肉 配搭小料放在紫菜天婦羅上 口感層次豐富❤️✨海鮮煎餅煎餅香脆酥軟 入口唔會油淋淋✨海膽牛肉魚籽釜飯釜飯上鋪滿海膽、牛肉、魚籽，拌勻黃澄澄的蛋黃🥚飽肚又滿足😋✨韓牛大蔥卷配泡菜炒飯當晚最期待的菜式❤️韓牛大蔥卷 韓牛粉嫩色澤 佈滿均勻油脂 韓牛卷著大蔥 食落無甘油膩 放入口滿滿幸福感🥰 炒飯拌勻兩件韓牛一齊炒 香氣四溢😮‍💨牛脂滲滿飯粒𥚃 秒清

成日見倒大家食韓牛睇到我流哂口水，今日一於黎試下🤤🤤🤤水刺床生牛肉｜生牛肉食法係先混合碟邊既配料，包括松子、洋蔥粒同蔥粒等等，再放上紫菜脆片一齊食！生牛肉好嫩滑，完全無腥味👍🏻配埋紫菜脆片一齊食口感更有層次。韓牛大蔥卷配泡菜炒飯｜店員會幫手先煎香韓牛大蔥卷，一路煎已經聞倒好香，流哂口水🤤韓牛雪花紋理好靚，肉質柔軟細膩，係入口即溶，不過油脂比較多，加埋大蔥一齊食就無咁膩😊泡菜炒飯係用韓牛既牛油去炒，特別香😍海鮮煎餅｜超級足料既煎餅，海鮮多過煎餅🤩煎餅邊位好香脆，內裡濕潤，完全唔似其他餐廳咁入口淨係覺得好多粉。韓國海膽釜飯｜海膽鮮甜，混合文魚籽、紫菜同蔥粒，味道豐富，仲有啲飯焦好有咬口😋The night begins | See You 兩杯cocktail都好易入口，偏重果香味。好清新🥰

高級韓式居酒屋，雖然定價稍高，但物有所值，多啲人嚟食會抵啲！大邱櫻花蝦煎餅 $175做緊大邱櫻花盛宴系列🌸，就叫咗平時係其他餐廳無嘅大邱櫻花蝦煎餅🫓，餅底用返傳統煎餅蒽做Base上面就灑上櫻花蝦，由於本身櫻花蝦、櫻花都係較淡味，所以整體口味較平實。綻放的櫻花生牛肉 $280同樣crossover 櫻花，以配料形式配合主題，選用櫻花漬，鹹鹹酸酸咁，我自己就鍾意就咁配脆炸紫菜食，十分鮮甜，融融口感，超推‼️韓牛大蔥卷配泡菜炒飯 $880主角韓牛大蔥卷配泡菜炒飯，韓牛可謂厚切😍 有10件，每件油花分布平均，店員會幫你燒，但我地要求左自己燒😆幾多熟成自己決定，油脂豐富，包裹大葱可降油膩感，再沾上所配嘅鹽油，滿口幸福🥹 配埋泡菜炒飯，鍾意配韓牛食又得，分開食又得。海膽牛肉魚籽釜飯 $295豪氣地再叫海膽牛肉魚籽釜飯，飯座都可以微保温，放耐咗都仲暖，海膽鮮甜，帶飯焦，牛肉粒略為韌咗少少。THE NIGHT BEGINS $108 / SEE YOU $108兩杯Cocktails都好易入口，THE NIGHT BEGINS 以燒酒配菠蘿汁；SEE YOU就以燒酒配西柚檸檬汁。

一睇個韓牛大蔥卷就知咩餐廳系列！餐廳環境雅致，走高檔路線，主打高級韓國食材。餐牌款式選擇多，豐儉由人，整體味道係唔錯🫶🏻 ✨盛放的櫻花生牛肉 $280 賣相精緻，生牛肉無腥味，主打一個鮮味。旁邊有多款配料作配搭，天婦羅紫菜驚艷到我，雖然稍微會遮蓋咗少許牛肉味，但呢個配搭好有火花，最香最濃！✨海鮮煎餅 $215應該係我食過最好食嘅韓式煎餅😹 一向唔太enjoy食煎餅，好怕嗰種實淨嘅粉團感。而呢份煎餅香蔥味突出，口感較酥脆，鋪滿海鮮，食落去唔覺單調。✨海膽牛肉魚籽釜飯 $295海膽、魚籽同蛋液連成一線，變咗白飯小偷🍚 牛肉切成一口一粒，口感有嚼勁。最鍾意係釜飯嗰種焦香感！✨韓牛大蔥卷 $880適合多人分享，由店員喺席前烹調，韓牛油香豐腴，肉味不算重，而大蔥係溫和嘅蔬菜清甜味，減膩一流。最後剩低兩份牛肉、牛油就會用嚟做泡菜炒飯🍚 ✨Lavender Seoul $127酒精較低，比較甜同Fruity，有少少似提子汁🍇

Surasang 位於圓方，主打高格調韓式料理，餐廳採木系高質裝潢，空間舒適寬敞。入座後很快送上韓式小菜🥂綻放的櫻花生牛肉非常新鮮的生牛肉，混入蔥花櫻花瓣等數種配料，一大匙放在酥炸後的海苔片上，牛肉嚐起來很有彈性，沒有多餘的調味，味道清爽鮮甜，很開胃。🥂海膽牛肉魚子釜飯喜歡食海鮮的朋友可以試試這道釜飯。表面鋪著新鮮的海膽與三文魚籽，還有一粒粒的骰子牛與一整顆生蛋黃。海鮮與牛肉的組合意想不到的搭配，味道很新奇美味，搭配白飯很有飽足感，鍋邊還有酥脆的鍋巴可以品嚐。🥂韓牛大蔥卷本日主角非擁有美豔油花的韓牛大蔥卷莫屬，豪邁地捲起青綠大蔥，一卷卷圍成一圈，放在烤盤上吱吱作響。服務生親自桌邊服務，烤的熟度剛剛好。大口吞下，滿滿的牛肉與大蔥香氣在嘴裡爆開，牛肉好嫩大蔥清脆剛好解牛肉的膩，好滿足，非常享受。還沒結束，服務生還會將兩塊牛肉卷留著，與白飯蛋黃辣醬等一齊完成一道香氣十足的韓式炒飯。米粒很飽滿，吸飽了牛肉香氣，帶點微辣的口感，非常滿足。總體而言，餐廳環境高雅寬敞，食物份量足口味都在水準之上，是三五好友聚會的好地方。