呢間尖沙咀之前都幫親過幾次，今次同港島朋友食就試銅鑼灣分店，環境又幾舒服，連新烤盤都比較大~記得去之前用社交平台訂位，越早越多折，勁抵食😍～💡 鮮花椒BB豆花 海爐魚 (小麻小辣) $308 + 寬粉 $36
每一盤擺盤都好好睇，配菜都好仔細咁放，襯晒色咁真係打卡一流。花椒BB湯底好濃郁，辣味又香又麻。海爐魚好滑好嫩，配上濃味湯底，吸收到湯底又唔會油膩。配菜包括豆花、青瓜、寬粉同芽菜，口感多樣。粉麵嚟講，個人大力推薦寬粉，既唔會太吸收濃味湯底，同時煙煙韌韌好好食。💡避風塘澳洲龍蝦 $198 *試食價*
避風塘嘅蒜香味與辣味、豉味都好平衡，夠味之餘唔會有過龍嘅油膩味同燶味。雖然有貼心俾手套，但本身龍蝦都係切件炒，都唔洗好狼狽咁拆肉。龍蝦品質唔錯，夠新鮮彈牙，又好惹味~趁試食價大家快啲試喇！💡鯰魚魚扣 $88
魚扣其實係魚胃，可能對於本身唔鍾意魚嘅人好難接受，但唔係想像中咁腥，質感仲要好滑好爽。想講一般喺街市都好難買到，唔一定成日有。

💡炸櫻花蝦豆腐 $58
以櫻花蝦做炸皮嘅一部份，係一個幾好嘅組合，櫻花蝦好重鮮甜味，為炸皮提升一個層次。豆腐好滑嫩本身冇咩味，配埋炸皮嘅蝦味就好Balance!
💡流心蛋薯仔沙律 $68
流心蛋嘅蛋黃好香，混埋薯仔沙律就好滑好清新。
💡酒盜炒山藥 $58
我本身喺日本係好討厭食到山藥，因為口感稠密又有陣怪味。但男朋友好鍾意山藥就叫咗，佢試完話我會鍾意。一咬落去竟然係好爽脆，酒釀似乎辟走咗我本身唔鍾意嘅山藥味，味道好開胃。 💡蟹膏帆立貝配最中餅 $88
見到最中飯都係諗起甜品，但配上蟹膏同帆立貝，口感同雪糕又有幾分相似，仲多出咗海鮮鮮甜味，相當有趣！ 💡串燒 雞肉丸 $32 & 雞橫隔膜 $58 串燒燒到好香，外層微焦，雞肉丸內裏juicy，橫隔膜有少少似豬大腸種煙韌感，但冇豬大腸味，有燒汁食落都幾惹味。 💡蟹膏甲羅燒配薄脆 $128
蟹膏質地滑嫩，味道濃郁，單食會太重口味，配薄脆就好夾！ 💡煙肉蠔 $60
煙肉在外層鎖住肉汁，鹹香同蝝嘅鮮味又幾夾！ 💡鵝肝三文魚卷 $158
鵝肝油分令到啲飯都好香滑，仲要有三文魚嘅鮮甜味，真係好好食~ 食個日係星期三，第二日要返工就冇飲酒，但見到佢做緊清酒八周年優惠，好抵飲，大家Happy Friday真心唔好錯過！

💡涼拌皮蛋 $35
涼拌皮蛋既調味料通常包括醬油、醋、蒜末、辣椒和香油等，有豐富既層次和風味。每一啖都感受到醬油的鮮香、醋的酸味和辣椒的微辣。 💡山西剁椒豬頸肉油潑麵 $58
油潑麵偏辣又超級好吃。它主要用豬頸肉、剁椒和刀削麵條來做，麵條彈牙有嚼勁，好有有口感。豬頸肉係都幾嫩唔柴，切成薄片然後炒到香噴噴。 💡金湯酸菜魚刀削麵 $58
湯底酸酸辣辣好開胃，魚片有一定厚度，好滑嫩又索晒啲湯，寬而厚既刀削麵比較有口感。 💡泰式肉碎生菜包 $58
生菜包住辣肉碎，唔會膩之餘，生菜爽脆既口感令到成件事都清新d，肉碎好惹味~ 💡冬陰功湯 $68
總共都有5隻蝦，甜味係自然既蝦甜味，少少辣，一啖又啖飲唔停。

💡豆漿 x 2 $8@1

天后其實好多有特色嘅小店，港島返工嘅朋友仔放工可以去一趟覓食。今次搵到間居酒屋，地鋪有分室內室外，好有日本特色。侍應非常友善，都會推薦下當日新鮮嘅菜式，每道菜都會講多幾句，提客人點樣更好享用到料理。💡海葡萄海藻沙律
係沖繩名物嘅海葡萄，如果本來就好鍾意食蟹籽嘅人唔好錯過，同一樣嘅爽脆口感，但有海水嘅鮮味同清新嘅感覺，配埋。上枱時會配埋豉油，但侍應提我慢慢落再試試，怕會太鹹，個人覺得落少少都好夠。💡刺身拼盤 (金目鯛 $138, 油甘魚 $58 & 赤貝 $58)
金目鯛魚皮表皮輕輕燒一燒，魚油迫出，令到食嘅時候充滿脂香，魚肉鮮味肉嫩。油甘魚厚切質感更好，魚油香溢，質感豐厚。赤貝爽口彈牙，仲食到有海水味，唔係雪藏味。💡火灸煙燻蠔手卷 $48@1
呢個直中我嘅喜好，又愛海膽又愛蝝，放入口中一咬有百花齊開嘅感覺。💡一肝入魂 $198
鍾意內臟嘅朋友必點呢個，包括鰻魚肝、雞肝、鵝肝、牛肝、牛膏，侍應提我先鰻魚肝，凍咗會腥。個人最喜歡係鰻魚肝，蒲汁味好香，質感綿密，略帶甘味。其他串燒都好好食，油香滿分，各有各特別。💡雜錦天婦羅冷烏冬 $17
天婦羅好脆口，冷烏冬嘅沾汁清新，飽肚但唔會好濟。💡雞肉丸野菜鍋
湯底清甜，雞肉丸甜甜地咁，好多好多娃娃菜，仲有苟弱麵，清淡健康，平衡一下口感同味道。

一開頭會有九宮格醬料喺枱面俾你調好醬汁先，唔洗出去行嚟行去，特別推介個沙嗲醬，又香又莣味。 💡 麻辣雞煲 $248
講嘢食之前要講講個設定, 爐係凹入去，周邊有抽氣系統，唔需要怕燻到自己一陣味。雞煲好香，本身就好夠味，雞件唔會柴，麻辣味好香。食完就可以加入雞湯，吸收埋啲精華，湯底依然好濃。 💡手打蟹籽墨魚丸 $88
呢個賣相太吸引了，痴滿蟹籽，一度唔捨得放入火鍋。熟咗之後，仲痴得實，外面有一粒粒蟹籽嘅口感，入面係彈牙嘅墨魚丸，口感同味道都好特別。 💡紐西蘭羊肉片 $138
羊肉片輕輕放一陣就食得，唔算好騷，又唔會柴，點一點沙嗲豉油，非常好味~ 💡紅薯粉 $18
呢隻係扭紋薯粉，呢間嘅放入去滾一滾就食得，有啲店其實要滾好耐先食得，等到要交枱個芯都仲係硬TT

見到隔離枱叫咗椰子火鍋湯底，又真係開個椰子倒新鮮椰水汁落去，聞到好香，下次都想試試。

元祖韓燒過江龍店旺角分店喺瓊華中心，係大家放工之後去食非常方便。旺角分店裝修得幾似高級西餐廳，座位好舒服，油煙管理得好好。一路燒都唔係燻到成身味，而且配料款式多，想點樣同肉類配搭都可以！先會有一份前菜，沙律、黑豆仲有醃菇開胃。💡牛肋骨肉 $150
牛味濃郁，都有咬口又唔韌，用生菜夾埋任食嘅泡菜、豆芽同燒肉汁一齊食，唔會膩之餘，口感又會好豐富💡牛護心肉 $160
去喜來稀肉必試護心肉，雖然脂肪少，但因為咁所以口感結實厚身，完全唔怕會柴，更可以食得出肉嘅味道。💡真雪花牛肉 $228
雪花紋路好靚，燒完好軟身，腍腍地因為有油花非常易入口，口感一流。💡 芝士爐邊蛋
🍳爐邊蛋免費任添，我自鍾意食7成熟，蛋漿未完全熟晒好滑又香，仲拉到芝士絲。

行開APM見到間日本過江龍燒肉店，午市竟然有超抵嘅定食套餐，戒心勁強嘅我都以為應該都係幾塊食唔飽嘅靚肉，但有任食沙律吧同白飯任裝，都一定唔會唔飽。

食完覺得冇伏，仲要覺得以下5方面都做得唔錯！午市套餐真係好抵食～
✅份量 ✅環境 ✅質素 ✅價錢 ✅配菜 半自助餐吧有前菜沙律可以自由砌，仲有水果同甜品。至於海帶湯同白飯可以手機落單，無限任添～ 💡午市燒肉Combo定食 (上級板腱肉+ 迷你辛辣海鮮鍋) + 烏龍茶$139
呢個Combo有得自由選擇牛嘅部位同一款迷你主食，定食嚟講自己度都幾高。🥩板腱肉冇咁多油脂，肉味濃又有咬口。迷你海鮮鍋比想像中大，有蜆、蝦同好多滑滑的豆漿，用石鍋熱上，飲落辣辣地但好開胃。 💡CP值最高午市燒肉定食 (上級牛肋肉) + 檸檬綠茶 $149
份量同圖片一樣，真係有超過10塊，油花仲要都好靚。我自己唔會燒到全熟，點少少燒肉汁，燒肉汁唔算好重口味，覺得點落真係胰剛剛好。用嚟送飯一流，我竟然食咗一碗半飯，就知牛肉同燒肉汁嘅威力了！

朋友推薦香港本土 x 西式嘅Fusion 菜，餐廳位於灣仔船街嘅最盡頭，隱藏到好似跟住地圖去尋寶咁。店內格調好舒服，一共有兩層，靜靜地有種北歐餐廳嘅感覺。💡香煎章魚鬚
呢碟賣相好有氣勢，兩條大章魚鬚一望都唔係橡膠，食落仲有烤嘅香氣，調味唔重手。(唔知點解都常見章魚鬚/八爪魚鬚有調味過鹹嘅問題) 睇得出有俾心機研究調味，仲可以送大大粒魚子填補鹹味，食落係腍身，口感剛好。羽衣甘藍沙律用醬汁有調味，本身仲提唔太鍾意食菜嘅男朋友話會苦苦地，點知佢先食完話好好味，我試完先知係甜甜哋，突出菜嘅鮮甜~💡特式卡邦尼意粉
本身自己就好鍾意卡邦尼，呢度有個Fusion嘅做法，以臘肉同埋金華火腿代替煙肉，本土嘅特色鹹香真係好正，都好夾到個意粉。意粉蛋味出眾，軟硬適中。💡紐西蘭脆皮三文魚
三文魚係可供刺身食用嘅類型，所以見到半生熟都唔洗怕，而今次粉嫩嘅魚肉係剛剛好嘅熟度。醬汁係刁草做，刁草草青味比平時羅勒同百里香強少少，味道，但配上都有啲油份嘅三文魚，平衡返油膩感。

元朗真係好多特色小店，本身就鍾意海南雞，經過見到呢間人流都幾多，仲好多人等外賣。 餐湯係紫菜湯，本身都冇咩期望，通常都係淡淡地用嚟暖下胃。點知飲落好鮮甜，聽老闆講係雞熬出嚟/。對待餐湯都咁有心機，好抵讚。 💡無骨海南雞油飯 $58
招牌真係招牌，望落色水已經好靚，會反光嘅滑嫩感。去骨好徹底，懶人恩物。雞肉好嫩，味道好夠，配上黃薑飯好開胃。 💡豬手飯
豬手切成一塊塊，比較容易送飯，豬手咬落質感好彈牙。仲可以點蒜蓉醋。💡椰汁紅豆冰 ＆ 蜂蜜生薑茶 叫咗兩杯特飲，椰汁紅豆冰椰香同紅豆自然甜味好味，蜂蜜薑茶就算係凍飲都好夠薑味，又甜甜地。

朋友喺銅鑼灣返工，推薦我一個Burger小店，今次得閒就去試一試。餐廳內充滿外國風情，座位唔多，但好快都坐滿晒。 💡 古代漢堡 Combo  包面有烘到少燶，唔只夠香，仲減少因為肉汁搞到麵包索晒水嘅機會。漢堡牛肉味濃，肉汁好夠，夾埋頂屠青醬芝士，係瘋特嘅風味，唔少得番茄加生菜平衡返口感。漢堡處處細節都見誠意，份量控制得剛好。 💡和牛漢堡 Combo  漢堡扒油份夠，食落肉質好嫩。因為夠厚身，口感真係一流。包底塗滿牛油，一路食牛油味真係好香。薯條係幼身嘅，香脆好味，食埋份量剛剛好。細食嘅人可能揀Original唔要薯條就夠。 💡 Peach Tea $35
簡單一杯凍蜜桃茶，香甜解膩。