Mata Japanese Cuisine

營業中

休息中

好少來呢頭,但行行下街想食下野,見呢間價錢都相宜,都幾靚就黎左啦!一黎到就有熱茶飲,點左個炸豬排擔擔面,似中國同日本菜既混合版,豬排炸到金黃酥脆,上菜方式冇咁油膩,擔擔面有好多花生醬,好食。食完再食個花生酥,真係完美。擔擔面就食得多,咁樣既配搭就少見。碟好精緻,係日本風!咁樣食完只係百幾蚊,都算抵食。同埋店員會簡單介紹下個菜式咁。見下午有人專程係度飲野,座係吧檯飲酒或咖啡都好有FEEL,下次都可約朋友來。

好耐都冇嚟長沙灣廣場竟然喺3樓發現呢間新開嘅以日式居酒屋為主題嘅餐廳入邊嘅裝飾非常之日式，有少少昏暗嘅燈光令到成個氣氛好放鬆餐廳除咗有日式小食之外仲會做埋午市價錢亦都相當相宜鍾意飲酒嘅朋友，亦都可以試吓佢嘅酒類望落嘅配搭非常之多由於食飽冇耐，所以喺到時有幾個小食，當食個下午茶鱈魚片當小食真係最好不過非常之脆口加上有個沙律醬調味完全係食過唔停之後亦都嗌咗串燒雞肉大蔥串雞肉超多肉汁，係即叫即燒飲品就叫咗cucumber squas 入口非常之清新，仲帶有薑味係咁凍嘅天氣飲凍飲，喉嚨都仲會有暖暖地嘅感覺最後就梗係要試吓佢嘅自家製甜品叫咗一個宇治抹茶紅豆焦糖燒布甸同埋花生酥成個燒布甸唔會覺得過甜，下面仲會有粒粒嘅紅豆花生酥花生味超級濃郁我好似食咗成羹花生醬落肚咁，超級正

位於長沙灣廣場竟然有一間裝修別字，環境恬靜嘅居酒屋，經過門口差少少發現唔到，但入到去好似去咗個世外桃源嘅地方非常舒服。話明居酒屋，當然要有酒同串燒啦～我同朋友今次就唔試到佢嘅燒酒，而係揀咗兩杯Cocktail 。呢度嘅Cocktail都好特別，雖然明明係Cocktail，但係會以一個清酒🍶去上，俾人一種非常日式嘅感覺。怪味枝豆，其實就係麻辣花椒枝豆，調味出色，作為一個鍾意食枝豆嘅人來講覺得佢係我食過最好食嘅枝豆，唯一可惜之處係份量好少。雞皮餃子，邪惡之選，皮香脆，餡料Juicy，好食。厚揚炸豆腐，脆卜卜，好似食緊零食咁，好食，但如果要挑剔就係太乾身會想飲水。牛舌味噌煮，相較其他嘢食，呢樣食物就比較平凡，但佢煮得好琳，亦都冇牛舌嘅怪味。花生酥，好好食！配咖啡酒一流。

長沙灣廣場多左好多餐廳質素好似都唔錯 見到呢間居酒屋 又好耐冇食 就試下 餐牌雖然細細 但都好多選擇去居酒屋都要飲sake 配小食但見到佢Flagon Cocktall 好特別 叫左aoi 黎試下 有Vodka greenapple pineapple wasabi 飲落又幾fresh 雖然飲到wasabi 但唔會搶晒味小食叫左 雞皮餃子 脆卜卜 去居酒屋必叫 吉列豬扒炸到熱辣辣 食到用新鮮既豬扒整 食落會淋d 但新鮮肉既彈性牛蒡山店員推介 話用新鮮牛蒡刨皮 炸起後再加少少糖 送酒一流 食落少少似薯片 但比薯片薄 送酒勁快食晒煎湯丸有6粒 煎完後加糖漿 同糖粉 比一般滾湯丸又係唔同既感覺 最後店員比左兩件花生酥我地試下 花生酥 冇出面咁脆但係花生味既濃 勁香 我地都買左幾盒番去送禮 店員仲話配chairo 好夾 Vodka balleys kalhua coffee milk 即係咖啡酒 試完又真係幾夾唔會搶左大家既味道 今餐真係食得好滿足呀

今日去左荔枝角食日本菜。我哋去到餐廳已經係晚飯時間，所以座無虛席，我哋坐在吧檯位，望住師傅精心為我哋炮製每樣食物，未食已經很滿足。Passion Tea: 我哋揸左車，所以無試特色清酒，無酒精飲品選擇都有幾款，師傅介紹我哋這個熱情果茶，酸酸甜甜，很開胃。鱈魚片：微微烤熱左，令魚片變得很脆，加埋伴碟既沙律醬一齊食，份外滋味。炸雞皮：手工菜，師傅人手起皮，逐寸肥膏抽絲剝繭，所以炸左之後都完全唔會覺得油膩，超邪惡，但又超級好食。梅醬燒豬腩肉：師傅為配合香港人口味，特別用上腐乳來醃製，令肉味更顯突出。大阪燒茄子：有別於一般大阪燒，蛋漿唔會煎得太厚，加上鋪滿大量既木魚絲、大阪燒醬、沙律醬，很惹味。花生酥：人手製，很鬆化，入口即溶，很香花生味。整體來說，餐廳製作認真，食物材料新鮮，師傅又會同我哋傾下計，了解下我哋既口味，好互動，下次會再嚟食其他野。

平時經過開長沙灣廣場都只見快餐和酒樓，今次發現到一間居酒屋，見到menu 有好多不同嘅cocktail,就被佢吸引入嚟。這裡有好幾種用顏色分辨的cocktail ,店主推介下試了Orenji 和Aoi這兩種，前者是烏龍茶底，再加上橙汁和Gin,味道非常清新，很適合配上濃厚味道的食物。另外一款青色的Aoi是混有Wasabi和青蘋果汁的伏特加，Wasabi的酒還是第一次飲，想不到這個配搭是非常有趣，越飲越醒神。我點了個牛舌味噌煮及腐乳豬肉串，兩款小食都非常入味，尤其是牛舌煮，送酒一流。另外這裡的雞皮餃子，也是很少見，雞皮來包着雞肉，外面炸得香脆，裡面的雞肉也鮮味。蟹膏味噌也是另一款必定要試的小食，用芝士烤蟹膏再配上麵包多士，賣相與味道都滿分。這間店舖的特別之處，就是有自製的甜品。今次我們吃的是柚子朱古力慕絲，柚子減輕了一點朱古力的甜膩，令到這款甜品變得更出色。這種有心研製菜式的小店不常見，價錢也公道，可以多多支持啦。

居酒屋形式的店舖 是一個非常適合把酒言歡的落腳點，Bartender同埋廚師都十分好客， 咁岩我地黎既時間唔算多人， 所以佢地可以同我地傾下計， 令我地體驗到日本居酒屋老闆/員工同客人之間交流既文化。 同佢地傾下計， 都學左好多好多野。 佢地真係好專業 也對飲食呢行好有熱忱。1️⃣cocktail Aoi 主要係蘋果 菠蘿 Wasabi 加vodka 你冇睇錯 我冇講錯 係wasabi ，邊個會諗到wasabi可以加係杯cocktail入口有濃濃嘅蘋果汁味，之後就係vodka嘅酒味，最後就係好特別既Wasabi味！ wasabi味不重！十分有趣！ 必試！2️⃣雞皮餃子上菜既時候是熱噴噴的， 外皮好趣香脆， 入邊是香香的雞肉， 應該有啲菜同其他配料， 令其口感好多層次。 3️⃣怪味枝豆在日本居酒屋體驗四川口味的豆豆， 有點輕輕的麻辣， 芝麻的香味及香蒜。 十分有特色， 雖然佢有啲辣，但係唔係好食得辣嘅我都可以接受到！☺️4️⃣鳕魽片熱的脆脆的，好似新鮮的薯片。 好得意！ 是100分的下酒菜！5️⃣Chairs由vodka+ Bailey+ coffee酒+牛奶組成，味道十分有層次！喜歡飲coffee的朋友必

今日同朋友喺附近市集行完，覺得有少少肚餓，唔熟路就行左入長沙灣廣場，見到新開左3樓。見到門廉半開，啲嘢食都幾吸引，一於就呢間啦！入到去原來係有bar枱，店員話佢地有做sake bar😌同朋友感覺即時興之所至，喂飲番杯啦不如！於是我地點左啲幾樣佐酒菜，同埋兩款cocktail😛點左Aoi 同 Chairo兩款Aoi: 清清地易入口嘅青蘋果味，仲有一種辣辣地嘅後勁，過癮😛嚟個 汁煮雞肝，咬落去熱辣辣，好岩醒一醒個胃。我自己就最鐘意呢碟厚炸豆腐，口感好鬆脆。雞肝嘅醬料好入味，啖啖都有feel到肝嘅質地喺個口度溶開。同行朋友就最鐘意呢個明太子翠玉瓜，話食係食哂一條都食到，正呀😄鋪頭原來有甜品😋花生酥意想唔到咁好食呀！我同朋友都即場買左盒走，配埋角落頭果杯chairo 咖啡酒，真係好盡興😎睇番Menu，下次仲想試埋其他燒物😆 估唔到喺長沙灣會遇到咁啱食嘅餐廳😜

我之前完全無去過長沙灣廣場，今日我因Mata Japanese Cuisine而踏入長沙灣廣場。餐廳室內面積比較细，不過亦有其他座位係走廊，我地坐係吧枱位置，Bartender不斷同客人傾計，氣氛非常好👍🏻餐牌係手寫，字體幾靚🤣- 雞皮餃子外皮金黃酥脆，入面餡料豐富多汁，更難得係外型同餃子好似樣👍🏻- 紫菜味炸魚翅今日貢獻左人生第二個既第一次😝，就係食炸魚翅，外脆內軟，有少少煙韌口感，佐酒一流。- 炒芽菜芽菜炒得好乾身爽口，唔會出好多水。- 關東煮牛肋條關東煮湯底清澈鮮甜，入面材料有主角牛肋條、蒟蒻、麻糬豆皮包、魚餅同蘿蔔。蘿蔔鮮甜無渣而且索滿湯汁，牛肋條肉質軟稔，食完非常暖胃🥰- 花生酥我未食過咁鬆化既花生酥，入口即化，中間有一粒原粒花生。因為老闆以前賣花生酥，開實店賣花生酥要拎食牌，所以決定以居酒屋形式經營。餐廳既日式cocktail非常有驚喜，Aoi酒底係vodka，入口會飲到青蘋果既香甜，然後慢慢滲透wasabi既辣味，而且感覺越嚟越強烈，特別之餘又好飲😋試完Aoi返唔到轉頭，我地即刻叫左另一款日式gin-based既cocktail－Aiiro，味道有少少似檸檬茶，花香味幾突

唔行都唔知原來e 個商場三樓好似翻新左，而家d 餐廳同環境都幾有特色。今日食嘅依間餐廳坐位分開左兩邊。鋪頭開門冇耐我地就到左，唔洗等位，但半個鐘後就已經坐曬人🤣🤣🤣真誇張lunch 主打係set menu, 已經有埋前菜，甜品個d泡菜黑豚肉配飯主食份量好足！除左黑臉肉之後，菜嘅份量都唔少，主打白菜。辣度係微辣，岩撈飯食。白蘿蔔甜酸甜酸，胡麻味四季豆都幾有特色。店員仲專登提我地記得試個花生酥。花生酥的口感唔硬，更多似係用舌頭就可以壓碎嘅個種幾特別朋友另外叫左明太子意粉佢有枝七味粉比客人隨意加。明太子本身已經撈均左落意粉度，令每條意粉都沾上一d我食左少少，意粉有咬口得黎又唔會好生硬，幾唔錯整體價錢唔貴，服務又好（全程都會幫我地加水），值得一試

一家新嘅餐廳， 裝修高雅整潔， 價錢實惠， 自然吸引不少人幫襯 ，我們也來趁熱鬧一試。 日式餐廳， 裝修自然是日本風格， 木製的枱櫈屏風， 簡潔明亮。 楓樹裝飾擺在門外， 顯得特別高雅。🍁🍁我們點了兩個套餐🍱🍱， 店員熱情招待， 奉上熱茶🍵， 廚房是開放式 ，爐具廚具光潔如新， 店員做事 一絲不苟， 碗筷洗完都要用乾淨嘅布認真抹乾， 連我哋用嚟分享食物嘅碟都特別精緻，好似水晶碟一樣。 兩個套餐先後送到， 一個是泡菜豚肉飯， 另一個是明太子意粉， 餐盤上有精緻嘅配菜， 柚子醋醃蘿蔔 ，芝麻醬四季豆 ，仲有鎮店之寶花生酥 。套餐非常實惠58蚊同68蚊 ，每一樣食物都認真炮製 ，柚子醋醃蘿蔔， 爽脆清香 ，除咗柚子味仲有啲香草嘅味道 ，分外醒神。 芝麻醬四季豆 ，更是特別的配搭， 令平凡的四季豆變成了上品 。鎮店之寶花生酥更令到整個餐升華不少， 簡直是畫龍點睛之效。 店員介紹花生酥是用日本材料炮製， 特別受人客歡迎， 一試之下果然不同凡響 ， 濃沃嘅花生味， 入口鬆軟香滑 ，是特別推介的食物。👍👍

咁啱嚟開附近，發現長沙灣廣場3樓多左啲新食肆，鍾意食日本野嘅我見到呢間餐廳d set幾多選擇同幾抵食，所以就揀左呢間食～坐低左之後可以用QR code落單，我同屋企人分別揀左B同C餐！每份餐都會配埋前菜、小食同埋甜品：🥢 前菜 - 柚子漬蘿蔔柚子漬好香，酸酸甜甜好開胃☺️🥢 小食 - 胡麻四季豆胡麻味好香！係比我expect嘅更香，聽職員講係用左日本產嘅胡麻嚟整嘅～🥢 B - 明太子意粉份量好多，意粉同埋紫菜都係！明太子分佈得好均勻，食每一啖意粉都食得到，調味都唔會太鹹🙆🏻‍♀️🥢 C - 日式大蔥雞肉串燒配白小町米飯有得揀配拉麵或者飯，屋企人比較鍾意食飯所以揀左後者～ 個大蔥雞肉串燒有兩大條，燒得唔錯唔會話過火！雞肉好滑，大蔥吸左雞味同埋燒烤香味、而且仲無草青味&juicy!滿意⭐️⭐️⭐️⭐️⭐️🥢 甜品 - 花生酥呢個十分之有驚喜！未食嘅時候有少少擔心會唔會係好實的的、好硬嗰啲酥；咬左一啖就完全知道自己多慮左。嗰花生酥非常鬆化，花生味好濃郁，食嘅時候亦都食到有少少花生碎！真係比到我同屋企人suprise✨😋發現原來嗰花生酥係可以一盒咁樣買，一盒有8塊，好啱送禮，甚至可以做散水餅。另外仲有芝麻味

#fafafoodblog日本菜 #fafafoodblog荔枝角🍴小食芝麻枝豆 🌿枝豆夠爽口 仲有 用左九倍芝麻汁整 芝麻味香 同枝豆意想不到甘 match 🍴醃漬蘿蘿蔔醃得好爽口 帶 d甜香 加埋 d柚子汁好味🍴雞皮餃子48 蚊🥟雞皮餃子個雞皮好香脆 而且厚度適中 好適合知餃子皮 入面既豬肉夠 juicy . 雞皮完全封住入面既餃子餡 包得好好🐥🍴原揚炸豆腐 68 蚊🔥炸豆腐 有少少似臭豆腐 外面好香脆 入面有 d鬆軟口感 點辣醬同甜醬都好正🍴味椒鹽鮑魚 88 蚊 🐟🔥個鮑魚味 整得好香 椒鹽味恰到好處 好入味 配粒蒜片帶出鮑魚鮮味🍴煎湯丸 48 蚊🔥湯丸煎過好香 帶少量香脆 湯丸蛋牙 入味芝麻味香 好食 🍴aka 98 蚊 vodka mix berries ginger ale 🍸佢呢個 cocktail係有一 set 唔同顏色 我就揀左日文紅色 aka . 佢有陣好香既薑味 配以酸酸既雜莓汁 仲有日本 gin酒 好香 gin酒味 正🍴青色既係 aoi 98 蚊用左 pineapple greenapple vodka最特別係有 wasabi個味超襯 估佢唔到 wasabi

近排都喺長沙灣道返工,每日食晏都會同同事出去食lunch,今日喺長沙灣廣場試咗一間新開嘅日本菜,真係好好食,價錢又合理,即刻喺度推介一下。Mata Japanese Cuisine 地址喺長沙灣道833號長沙灣廣場3樓308號舖。餐廳嘅裝修好有格調,望落去好整潔好乾淨,門口一大個黑板寫住今日嘅菜式每樣嘢都係幾十蚊性價比好高。牛舌配白小町米飯 98元, 配菜有漬蘿蔔,四季豆,四片厚切嘅牛舌,牛舌非常入味,食落去牛肉味好香濃,口感比一般牛舌軟淋,配埋秘製嘅醬汁真係好好食,白飯飯味好香,蘿蔔酸酸甜甜特別開胃。日本吉列豚肉配擔擔麵 98元,呢個餐係我極力推介,首先吉列豬扒炸到金黃色,外面炸到好酥脆,而入邊嘅豬扒仲係好嫩滑好多肉汁,比一般日式炸豬扒店做得更加出色,一啲都唔會鞋口。另外擔擔麵都係出色之作,無論湯底同麵身都做得好好,麵食落去有咬口唔會太淋,湯底味道清香,整體配搭得啱啱好,成碗湯畀我飲曬。另外送咗塊曲奇餅又香又酥脆, 超級香濃嘅花生醬味道唔夠食仲可以外賣，$108 有8 塊幾十蚊嘅價錢食到咁好味嘅餸菜,我真係好欣賞,呢間餐廳我一定會經常幫襯。

📍 Mata Japanese Cuisine (荔枝角)荔枝角長沙灣道833號長沙灣廣場3樓308號舖📍食後感：😍😍味覺上既沖擊，第一次去居酒屋，原來酒同食物可以咁夾，想係香港感受日本居酒屋小食，呢間幫到你。小店服務態度好好，原來師傅有15年煮食經驗，以前重係尖沙咀、中環開店，因舖租關係，依家黎左長沙灣開店。位置真係超級方便呀。用餐感覺愉快，同師傅有傾有講。🥳🥳味道：炸雞皮（$68）：用了小小鹽同七味粉調味，入口鬆脆唔油膩，因為雞皮既皮下脂肪已經片走左😍😍食多幾塊都唔覺肥卜卜獅子狗（$68）：好似炸蒜片咁薄既獅子狗，入口脆卜卜，香脆得黎有小小咸甜味，食唔停口呀🥰🥰滷水雞腎（$88）：燒味店既滷水有時藥材味太重，依間調味岩岩好，不過咸，不太甜，淡淡滷水味又有小小咬口。👍🏻👍🏻味椒鹽鮑魚（$88）：鮑魚夠滑，配上蒜味，非常好味。腐乳豬豚串（$48）：新鮮熱辣辣豬肉串，好juicy😋招牌炒飯（$108）：豬油渣洋蔥蛋炒飯：洋蔥好香口好甜，炒飯夠乾身不油膩。飲品：Orangi :小小橙味甜甜地，好易入口既酒Aoi: 青蘋果wasabi 甜酒，酒味偏淡，味道甜過orangi ，飲後有wasab