Mata Japanese Cuisine

營業中

休息中

今日去左荔枝角食日本菜。我哋去到餐廳已經係晚飯時間，所以座無虛席，我哋坐在吧檯位，望住師傅精心為我哋炮製每樣食物，未食已經很滿足。Passion Tea: 我哋揸左車，所以無試特色清酒，無酒精飲品選擇都有幾款，師傅介紹我哋這個熱情果茶，酸酸甜甜，很開胃。鱈魚片：微微烤熱左，令魚片變得很脆，加埋伴碟既沙律醬一齊食，份外滋味。炸雞皮：手工菜，師傅人手起皮，逐寸肥膏抽絲剝繭，所以炸左之後都完全唔會覺得油膩，超邪惡，但又超級好食。梅醬燒豬腩肉：師傅為配合香港人口味，特別用上腐乳來醃製，令肉味更顯突出。大阪燒茄子：有別於一般大阪燒，蛋漿唔會煎得太厚，加上鋪滿大量既木魚絲、大阪燒醬、沙律醬，很惹味。花生酥：人手製，很鬆化，入口即溶，很香花生味。整體來說，餐廳製作認真，食物材料新鮮，師傅又會同我哋傾下計，了解下我哋既口味，好互動，下次會再嚟食其他野。