Mata Japanese Cuisine

收工過荔枝角搵friend，佢帶咗我上長沙灣廣場3樓試下呢間日本野地點都幾就腳 荔枝角地鐵一出就係靜靜地啱晒兩個人吹吓水舖頭分開咗兩邊一邊係近吧枱另外一邊就係普通飯枱高度我哋拎住一袋二袋就揀咗坐喺飯枱嗰邊坐得舒服啲叫咗幾款串燒同埋小食全部都好有特色好有心思-脆卜卜獅子狗呢個係睇餐牌上面嘅相覺得幾得意而嗌😆食落去有驚喜估唔到獅子狗可以咁樣整-雞胸雞軟骨串同平時食嘅雞軟骨唔同呢個雞軟骨更加爽口雞胸都好軟綿綿 唔乾 送酒正-叉燒和牛串和牛上面搽叉燒醬 幾特別和牛質地好好 肥瘦適中-雞皮紫蘇大蝦蝦包住咗紫蘇葉同埋蝦皮燒到脆卜卜食落去有紫蘇嘅香味提升咗個層次-明太子翠玉瓜話佢係翠玉瓜扒都不為過厚切咬落去口感好好加埋個明太子醬鹹香得來又多汁，配搭得好好香蔥煙燻鴨胸冷麵天氣熱都係想食得涼快啲，所以叫咗個冷麵，煙燻鴨胸好香口，冷麵夠清爽 ，重點係多蔥 正富士山甜甜哋有啲牛奶味泡泡有啲似細個飲嘅忌廉梳打 好味芥末可爾必思梳打好有驚喜，芥末同乳酸嘅味道出奇地配合辣口得來酸酸甜甜，越飲越想飲整體嚟講地點就腳 嘢食質素好又坐得舒服 😌下次約friend嚟都會再嚟試吓其他串燒同埋嘢食…查看更多

長沙灣廣場原來有間性價比高的居酒屋，朋友係附近返工先知有間好野👍🏻首先超近地鐵站🤩1分鐘左右已經到店，店舖裝修燈光柔和舒服🫶🏼座位舒適🥰 超鍾意呢個大大Menu🤩好有心機畫加貼圖🥰好想企過去打卡，但係我唔好意思🙈一坐底，侍應送我們自家製泡菜+自家製醃蘿蔔🫶🏼雖然係免費，但絕不虎🥰原條明太子牛油燒，略為有一點點咸，但勝在夠入味，送飯一流👍🏻鱈魚片，整得啱啱好好夠脆口😋厚多士配吞拿魚蓉海膽🌈係我最喜愛的😍吞拿魚蓉黃瓜撈埋一齊呢個配搭都係第一次食，出奇地好食😍北海道海膽很鮮甜🥰包用我喜歡吃的酸種麵包🥯串燒點了，紫蘇雞，腐乳豚肉串，橫膈膜🍢三樣串燒都好食，食落唔韌，喜歡紫蘇雞🐔腐乳豚肉串也特別🐷用左松板豬燒🐽好少地方用松板豬🐽因為松板豬是很珍貴的🐷明太子意粉🍝福岡名物🇯🇵大量紫菜👍🏻意粉食到尾都依然有紫菜配搭住，明太子醬汁味濃厚，好好味😋但食落一d都唔膩口👍🏻富士山飲品打卡一流🗻朋友還叫了紅色Sake🍶易入口🍶似細個食冰條個種味道👅餐廳最尾依然好窩心地送我們花生酥😋環境舒適，食物唔錯，侍應好好服務，價錢合理🫶🏼值得的性價比👍🏻…查看更多

呢間餐廳最近好多人大推，所以都特登去試吓😋當日係午市時間，得番bar枱位，同店員傾傾吓先知原來呢度係日本廚師整嘅菜式，香港地真係冇乜邊度仲有日本師傅。另外佢仲介紹咗牛舌丼飯，我哋都叫咗嚟試🤓🔹爆蔥慢煮牛舌丼 $108呢個牛舌丼有別於其他餐廳嘅牛舌，佢個牛舌慢煮咗好耐，所以好淰，完全唔覺食緊牛舌，因為佢係淰到入口即溶🤤而且好厚，真係未見過呢個價錢仲可以厚切同埋份量都多🤩佢個汁唔同出面嘅燒汁，而係自家製嘅醬，食落去唔錯，加埋啲蔥一齊食簡直係極品😍🔹明太子意粉 $78呢個明太子意粉簡直係平靚正😍好重海水味嘅明太子，而且份量好多，好掛汁🤤條條意粉都充滿着明太子，超正😋食到咁上下每枱都會有份花生酥嘅甜品，呢個花生酥密度好高，食落去超鬆脆，但食完會好頸渴，一定要飲水，如果唔係就會好黐牙。…查看更多

去到長沙灣廣場樓上嘅 **Mata Japanese Cuisine**，成個感覺真係幾驚喜。地方唔算大，但座位安排得幾貼心，每張凳底下都可以有籃子放袋，女仔嚟用超方便，呢啲小心思俾人覺得幾舒服。環境偏暗黃，但帶點小酒館溫馨感，坐低已經好似準備投入慢活模式。 ---### 飲品先行 今次試咗兩款飲品： 1. **芥辣Calpis** – 一開始聽名以為係搞笑作，點知入口真係有驚喜，先係Calpis嘅甜酸，跟住慢慢滲到少少芥末辣，竟然幾夾，飲完仲幾醒神。 2. **紫色雞尾酒** – 因為太鍾意紫色，所以跟顏色去揀。原來係Ribena base，加少少酒，酸酸甜甜，酒味唔重，成壺上枱好有氣氛。餐牌仲有足足八隻顏色畀人揀，打卡又得。 ---### 前菜小食 餐前送上**柚子蘿蔔**同**豆腐泡菜**，兩款都好爽口又唔會太鹹，做前奏啱啱好，刺激返啲胃口。 ---### 串燒表現 - **雞胸軟骨串**：咬落去啖啖肉之餘仲有軟骨脆感，加上黑椒調味，簡單但唔會悶。 - **紫蘇雞皮大蝦**：今晚最大驚喜之一，雞皮燒到香脆，又有紫蘇清香，同蝦肉彈牙嘅口感疊埋，幾有創意。 - **紫蘇雞皮雞肉串**：同樣配搭，味道依然夠惹味。 - **燒魷魚串**：爽口彈牙，淋住帶甜嘅燒汁，好想再加單。 ---### 主打菜 **腐乳松阪豬**： 真心出色，用腐乳醃過嘅松阪豬面頰燒到外層微焦，入口鹹香好下酒，唯一扣分係份量太少，真係唔夠喉！ **爆蔥味噌牛舌丼**： 餐廳招牌之一，牛舌先用牛骨湯慢煮三個鐘，再味噌燴三個鐘，出嚟嘅效果係軟腍中帶嚼勁，幾層味疊埋上去。配飯一流，食到最後一啖飯都唔捨得流失醬汁。 ---### 甜品收尾 有嚟一份**花生和菓子**，入口似麻糬咁煙韌，但加咗花生醬嘅濃郁味道，好似食緊花生糖軟版，暖笠笠又舒服。 ---### 總結 - **食物質素**：出品認真，無論燒物定主食都見到心機。 - **味覺驚喜**：有創意，例如芥辣Calpis、紫蘇串燒呢啲香港居酒屋少見嘅款式。 - **服務**：店員好有禮，上菜速度唔算快，但食得出「慢工出靚貨」。 - **環境**：舒服，唔迫，坐得耐完全唔覺得辛苦。 消費水平大概人均三百左右，以食物水準同體驗嚟講，係值得嘅，全晚食到又飽又滿足。好老實講，比起日本傳統居酒屋，呢度多啲香港人嘅創意元素，口味啱晒本地人。絕對會再嚟二訪！ 👉 如果下次再去，我一定會追加多兩份松阪豬先。…查看更多

📍 Mata Japanese Cuisine (荔枝角)荔枝角長沙灣道833號長沙灣廣場3樓308號舖 🗻 Fuji mountain😋😋😋😋.8/5造型似座富士山，頂層係滑滑奶泡，下面既soda好fresh ，甜度啱啱好，視覺同味覺都好有驚喜，打卡一流。☕ Flat White😋😋😋😋.8/5奶泡幼滑，咖啡香濃但唔苦，入口順滑，唔會太重手，啱晒慢慢嘆住傾偈，有種澳洲café vibe，飲完心情都靜落嚟。 🐷 腐乳松阪豬😋😋😋😋.8/5松阪豬切得厚薄啱啱好，咬落爽口唔鞋，腐乳味滲晒入肉，鹹香夠惹味，唔使多講，食到停唔到口。🥩橫膈膜😋😋😋😋.8/5橫膈膜燒到微焦，肉汁鎖得靚，咬落有嚼勁但唔韌，醬汁甜中帶鹹，好有層次🍤 雞皮紫蘇大蝦😋😋😋😋.8/5雞皮炸到脆卜卜包住大蝦，紫蘇香味滲晒出嚟，蝦肉彈牙又鮮甜，一啖落去有三重口感，好滿足。🐟 魚柳湯咖喱飯😋😋😋😋.8/5咖喱湯底香濃但唔膩，魚柳炸得脆卜卜，個粉唔會過厚，仲啖啖肉，分開放唔會浸到淋晒，啲飯吸晒湯汁，每啖都夠味！回頭:YESYESYES!!!小店充滿驚喜！每樣食物都食岀心思，見到好多客人同店員都勁frd，就知回頭客勁多！每樣食物都好有驚喜，好味🤤…查看更多