Mata Japanese Cuisine

營業中

休息中

紫菜味炸魚翅初初都以為炸魚翅會好硬，估唔到佢嘅口感係比較似魷魚🤣咬落有少少軟骨嘅感覺，配搭埋旁邊嘅沙律醬，送酒一流～蔥吞拿魚蓉丼丼飯上面鋪滿左蔥花同埋天婦羅脆，再加上滿滿嘅吞拿魚蓉，撈勻之後一啖食晒好有滿足感🤩味椒鹽鮑魚鮑魚表面有一層薄薄嘅脆漿，添加口感之餘鮑魚亦都煮到非常軟，唔會好似一般嘅鮑魚咁難咬開🤤配搭埋椒鹽味道好香口Cocktail - green聽店員介紹呢杯Cocktail用咗青蘋果汁、菠蘿汁同埋vodka製作而成，特別之處係加埋wasabi😆初初都驚會好攻鼻，但出奇地淨係會喺after taste感受到佢嘅存在🤣亦都唔會喧賓奪主🥰非常有驚喜另外我哋仲叫咗其他小食，埋單total 人均 $250😗以餐廳嘅環境同埋服務質素，絕對值得encore😌下次想搵個靜靜地嘅地方聚餐再嚟👍🏻

好耐冇去長沙灣廣場 原來翻新左3樓 開左幾間餐廳 我同朋友今日揀左間居酒屋黎試 我地揀左吧枱坐 環境舒服 好岩同朋友傾計 食物都好多選擇 店員都好nice咁同我地推介特色ge酒同招牌菜 voka greenapple wasabi ＄98好鍾意綠色 所以揀左呢個 好有層次好特別 入口先有青蘋果味 最後飲到wasabi味 炸日本明蝦＄78呢個炸蝦配酒一流 好香脆 明太子翠玉瓜＄58估唔到明太子同翠玉瓜係咁夾 燒到好香 芝士甲羅燒蟹肉意粉＄168朋友同我都鍾意食蟹 呢個意粉好好味 超足料好多蟹膏 好鮮甜三色燒蠔＄1183個味道：炭燒，明太子，OX醬， 3款都好好味 炭燒原汁原味，明太子超鮮，OX醬都好味 花生酥呢個真係冇介紹錯 入口即溶 超香 正呀 gin marashino iced tea oj ＄98易入口 果香味 very good Overall 好高質 環境舒服 同朋友傾計岩晒 店員好nice 食物又多款又好食 一定會再幫襯

今日係D2place行完街，心血來潮想食日本野，見到附近長沙灣廣場最近有間新開日式居酒居，所以同朋友決定去試吓。間餐廳係長沙灣廣場3樓，上到3樓轉左就已經見到餐廳好大塊黑板menu，好特別。因為見係居酒屋，我地就點左酒精飲品試下。呢個叫黃嘅cocktail 係用左rum酒、蛋酒同菠蘿調配。飲落口好似益力多同時多左果香又唔似益力多咁甜，好好飲同好易入口！佢地上菜速度都好快，飲左一杯酒之後，前菜已經ready。我地叫左烤鱈魚片、揚炸豆腐同三色烤蠔。鱈魚片脆卜卜、好香口，而且一啲都唔腥。點埋個沙律醬更滋味油揚豆腐都比預期中出色蜂巢豆腐炸到外脆內軟，甜醬同豆瓣醬同炸豆腐都係非常之夾三色烤蠔係指鹽烤，明太子醬同XO醬由左至右，淡到濃味咁食，呢個配搭好新鮮特別。食完前菜，我地仲叫左個大蔥烤雞串配拉麵。雞串用左雞髀肉串埋大蔥一齊烤，火喉岩岩好。雞串仲係好多汁而且大蔥係甜香而不辣。拉麵湯底係豬骨湯，會飲到濃厚骨膠原果種黏口感，加埋個拉麵個口感爽口彈牙，係十分推薦！最後店家送左兩塊手工花生酥比我地試，一入口好鬆化，有濃郁花生醬味，花生醬迷必食。佢仲有花生酥禮盒裝，好日式嘅設計，而且每埋酥有獨立包裝，好岩

喺長沙灣廣場入邊，以為係港式日式料理，諗住求其快啲食完就算，點知原來有驚喜💓有酒嘅Cocktail 青VodkaGreenapple Pineapple 🍍 Wasabi味道幾特別，飲唔到太重嘅vodka，入口似果汁，偏甜，最後回味嗰吓，有Wasabi味，幾特別，而且口感幾順滑，啱晒唔鍾意太重酒精嘅女士鱈魚片🐟入口脆卜卜，有好重嘅海鮮味道，幾好食😋配少少沙律醬，味道不錯👍🏻😌紫菜味炸魚翅味道似雞泡魚乾，炸至金黃色，幾惹味，配上表面少少紫菜粉，煙韌口感，帶少少甜味大蔥雞肉串雞肉口感十分嫩滑，鎖緊肉汁，咬落去都幾juicy火炙右口魚邊丼飯已經撈好豉油，啱啱好，右口魚邊超好食，魚油感好重，配飯係一流，店舖食材處理不錯🥰自家製花生🥜酥

早兩日約咗同事收工喺長沙灣廣場, 諗住行下同埋搵下有咩食, 行上三樓發現很多新嘅舖頭, 經過呢間居酒屋, 門面都幾吸引同埋特別, 於是我哋兩個就坐低試下.呢度嘅侍應好好禮貌, 仲主動介紹有特色嘅食物畀我哋我們點了青蘋果 Wasabi Aoi , 味道好特別, 好易入口 , 回甘果味及wasabi 好夾！鱈魽片 做得好薄, 好脆, 口感有D似餅乾, 加上一點點沙律醬, 入口有鱈魽嘅鮮味. 佐酒一流！枝豆 配上獨特嘅醬料, 小小辣 ,十分惹味.三色燒蠔明太子, XO醬, 鹽燒 三種味道.本身蠔好新鮮, 厚肉大隻, 唔會燒得太過熟, 入口非常 juicy.芝士甲羅燒意粉賣相十分吸引 , 入口係新鮮香濃嘅蟹膏, 再配埋芝士, 爽口煙靭嘅意粉, 十分 "幸福"最後梗係食埋呢個自家製嘅花生酥, 入口十分鬆化, 滿口花生嘅味道.

朋友介紹呢間新開既日式小店，雖然開係長沙灣廣場，同層有好多半開放式餐廳，但呢間好聰明地用門口既一塊布簾，將餐廳同外面商場分開，加上微黃既燈光，同望住放滿一樽樽酒既吧枱，都幾好feel～～一坐低望左個cocktail list先，我一眼就spot到青色個款，青蘋果+菠蘿+wasabi, 好清新又大膽既配搭！佢用shake cocktail 既沖法，再斟入sake樽，座住冰，逐杯逐杯倒出尼飲，好有儀式感🫶🏻本身驚wasabi放落飲品會好衝擊，飲落佢只係aftertaste慢慢滲出尼，完全唔會攻鼻，仲好開胃～鱈魚片：趁熱食好好味，脆口，好香鱈魚味，一塊接一塊停唔到口炸牛蒡：擺盤好ig-able, 份量不少，沾埋mayo sauce係perfect match, 送酒一流！大葱雞肉串燒：雞肉燒得好嫩滑，大葱都好juicy甲羅燒蟹膏意粉：係我食過TOP3好食既蟹肉意粉，芝士蟹膏撈落意粉，啖啖都食到蟹膏味，食完唔覺得膩，只係$168既dinner set, 抵食啊呢個👍🏻之後試埋啡色cocktail, 係baileys+即磨coffee!睇得出老闆對咖啡係有一份執着😏配埋酥脆既花生酥做甜品，又幾夾

好耐冇黎荔枝角，原來長沙灣廣場3樓開咗好多新餐廳，呢間嘅野食睇落最特別，一於試試佢👅！雞皮餃子$48邪惡嘅雞皮炸到脆卜卜😈，連埋啖啖juicy嘅肉，非常之適合一邊飲酒一邊品嘗！海苔炸魚翅 $88烤手羽先 $48雞翼拆開咗嚟燒，非常之方便食用，燒完都仲係好Juicy，加分！吉烈猪扒配擔擔日式拉麵(Set) $98有驚喜！吉列豬扒，拍得住長沙灣某間吉列豬扒名店，外層炸到好香脆，而豬扒亦都保持到非常嫩滑，食得出有用心控制火候去炸！拉麵亦拍得住拉麵店，湯頭濃香，拉麵掛湯，有口感。而呢個set送嘅前菜、小食、甜品都好食！非常推介💯！青🍶 (Cocktail) $98嚟到居酒屋點可以唔飲返兩杯！呢度嘅Cocktail都好特別，問左店員有咩推介，佢建議我哋試最特別嘅呢款！青？竟然係加左Wasabi！竟然幾好飲，入口係青蘋果同菠蘿嘅果香，而Wasabi嘅辣味係會慢慢滲出來，非常特別，果然冇介紹錯！整體嚟講，食物非常有質素，環境亦都好舒適，下次嚟會想坐喺吧枱嗰邊，價錢以居酒屋黎講相宜，值得一試！👍🏻

今日去左長沙灣廣場睇戲，就喺附近搵下野食，好少喺呢邊食野，咁岩見到有間睇落非常日式既小店，就入去試下啦。餐廳環境好日式呀，我地坐左bar枱嘅位置，望住好靚嘅酒櫃。見到menu有好多唔同顏色嘅cocktail,就揀支綠色黎試下。我地可以親眼睇住店員溝呢個cocktail 出黎，再倒入靚靚既酒壺，非常治癒。忍唔住同支cocktail 影左好多相😍 味道方面都非常易入口，甜甜地，有果汁味，酒味唔算好濃烈，我地呢d唔係好飲酒嘅女仔都飲到，仲幾中意飲添😂食物方面，我地點左炸池魚仔、醬油燒年糕、吉列豬扒、燒三色蠔。炸池魚仔好好味呀，新鮮熱辣爆好，真係內脆外軟，好適合做下酒菜。醬油燒年糕，醬油味咸淡度岩岩好，而且燒得好香。吉列豬扒入面好多肉汁！好鬆脆呀！三色蠔每款都各有特色，我最中意就係明太子味，同個蠔好夾，d蠔好鮮甜。最後仲食左好鬆化嘅花生酥，入口即化，好味！

今日行開長沙灣廣場，發現3樓都有好多新餐廳，就求其搵左間試下，估唔到幾有驚喜😆Lunch menu 選擇唔算多但包小食，叫左一個明太子意粉($68)同味噌煮牛舌配米飯($98)前菜柚子蘿蔔，蘿蔔脆卜卜，食得出的確有柚子既清爽甜味☺️另一款海帶牛脷絲則清新有咬口鹹香既明太子加上大量海苔調味，意粉都算彈牙牛舌十分肥美偏腍，以前冇試過味噌呢種做法但原來都唔錯，比煎既牛舌更鮮嫩；而米飯亦非一般既珍珠米，而係小町米，所以口感更結實，更有嚼口，比較有光澤花生酥細細件但店員介紹係招牌，話好多人鐘意食完會買一盒返屋企🤣，入口發現冇介紹錯，花生味超濃，仲要好鬆化，真入口即溶

今日約咗朋友去長沙灣行街,每次去長沙灣shopping都好開心,行完街上 openrice睇下附近有咩好嘢食,見到長沙灣廣場有一間日式居酒屋都幾吸引,性價比又高即刻去試下👏🏻Mata Japanese Cuisine, 餐廳環境非常優雅,裝修得好有日本風味而且非常整潔,坐喺度食嘢感覺真係好舒適☺️一坐低點咗cocktail, Aoi 第一次試加咗wasabi嘅cocktail ,估唔到味道可以咁清新,酸酸甜甜真係幾好飲,再配埋個鱈魚片,食落去又香口又香脆,用嚟配酒真係一流。主菜芝士甲羅燒蟹肉意大利粉 ,芝士意粉分量好多,加咗少少香草,令到個味道更加有層次,重點就係配埋甲羅燒嘅蟹膏一齊食,除咗食到蟹嘅鮮甜味,仲有蟹膏嘅甘香味,呢個甲羅燒意粉真係一定要試,做得非常出色。大蔥雞肉串,雞肉燒到啱啱好,仲保留到肉汁,肉質非常嫩滑,大蔥燒到有少少焦香,兩樣嘢配埋一齊味道好夾。櫻花蝦餅 蝦餅炸到熱辣辣又香又酥脆,上面加咗啲櫻花蝦,令到口感同味道更加有層次,有少少鹹香味,好正。最後食埋甜品花生酥,店主介紹食花生酥配咖啡酒,兩樣嘢配搭埋一齊味道出奇地正,花生酥好鬆脆,入口好香,咖啡酒帶少少甜,作為結尾真係

朋友介紹話長沙灣廣場3樓開咗好多食店,而且有間炸豬扒好厚切就嚟食下一嚟到就畀門口個大餐牌吸引咗咁就梗係要試下個吉列豬扒配擔擔拉麵豬扒真係好厚切而且幾大塊咬落口裏面肉汁仍然豐富， 脂肪分佈均勻， 有入口即溶 的感覺炸皮厚度適中咬落鬆脆擔擔拉麵有四川擔擔麵花生嘅香濃，又食到日本拉麵彈牙的口感 ，係一個很好的fusion配搭晚餐另外仲配搭咗一個小食同埋一個甜品甜品係花生酥 店家自家製作，食落口有一點像綠豆餅入口即溶， 但係拎上手又唔會散開店長說個是用日本材料製，作所以特別鬆香今次店長推介咗一個cocktail， 這款cocktail有橙汁成份，飲落口有一點伯爵茶的感覺98蚊大大樽，兩個人飲都可以日本宮崎三色燒大蠔 又係一個非常有趣的fusion菜鹽燒、明太子、xo醬真係估唔到xo醬係可以配蠔喺嗰個好大嘅餐牌上面見到有一個雞皮薯片，覺得好特別就叫了一份店長話係從雞髀肉拆下皮， 所以做到鬆脆口感，食落真係好似薯片，微辣，送酒一流另叫咗一份叉燒和牛， 係用叉燒汁醃燒的和牛串燒， 味道口感覺真係好似叉燒，但係又能夠減少和牛的油膩感， 感覺幾特別整體覺得感受到店長廚師的用心製作， 一件甜品、一個前菜都

今日係長沙灣廣場放工，打算同同事食埋晚飯先散band，行行下就見到呢間新開既日本料理。本身我地都幾鍾意食日本菜，所以就決定試下呢間居酒屋啦！入去坐低後感覺呢度既裝修幾有品味，真係有點似置身係日本居酒屋咁👍🏼👍🏼我地坐係吧台前面，調酒師就直接同我地介紹一啲比較有特色既cocktail。七彩顏色既cocktail都幾搶眼，我地就揀左用gin、marashino、iced tea同橙汁調製既橙酒黎試試，清新既橙香味好濃郁，絕對好適合用黎做餐前酒🍸🍸鱈魚片($68)食落口感好鬆脆，配埋沙律醬一齊食咸香味更加突出，當做送酒小食一流！😋😋牛蒡山($88)又係另一道送酒小食，牛蒡炸得好金黃剔透，咬落香脆可口，表面仲有粒粒砂糖，甜甜地又幾開胃！🤤🤤大蔥雞肉串($58)雞肉入面好多汁鎖住左，肉質仲好嫰滑，另外仲有兩舊大蔥可以減低油膩感，唔錯唔錯！👍🏼👍🏼芝士甲羅燒蟹肉意粉($168)份量都幾充足，甲羅燒配上芝士一齊燒，芝香味非常濃郁，而且食完一啲都唔覺得膩口，正！🦀🦀飯後仲有兩塊花生酥，花生味好香濃，咬口都好鬆化！！

好耐都無行過長沙灣廣場，原來呢度3樓開左好多唔同嘅餐廳。行過見到間日式居酒屋，老公就話想食呢間。餐廳分內外兩邊，裡面就比較有氣氛，和式裝修，亦有吧檯。老公叫左個cocktail、佐酒小食、燒物、串燒同主食等。Cocktail：呢度cocktail幾特別，分左唔同顏色，老公就揀左橙色，裡面mix左gin酒、marashino、凍茶同橙汁。酒味唔算太濃，比較甜易入口，帶果香，凍凍地，又幾好飲。鱈魚片：好香魚味，暖暖地，鹹鹹地，咬落脆卜卜，好似餅乾咁脆，用黎送酒啱晒。三色燒蠔：有xo醬、鹽燒同明太子味道，三款味道都幾好。蠔新鮮，帶鮮味，正。芝士甲羅燒意大利粉：甲羅燒蟹膏鹹鹹香香，夠晒味道，另外芝士味濃，意大利粉就用左忌廉汁煮，口感creamy，整體配搭唔錯。大蔥雞肉串：剛燒起，雞肉燒到緊緊熟，口感juicy同嫩，大蔥味滲晒雞肉裡面，幾好食。花生酥：食落鬆脆，好香花生味，甜度剛好。而加仲係新年，黎個中式crossover都幾match。

好難得有all day me time，睇完場好戲做完個靚gym決定食餐好嘅先返屋企，成個荔枝角一去到夜晚基本上都得返D2 Place同埋長沙灣廣場燈火通明。行上去先知原來長沙灣廣場開咗3樓，諗住上去打個白鴿轉再過去D2 Place，咁就帶咗我嚟呢間餐廳餐廳門口有布幕，旁邊牆身寫滿菜式，入到餐廳覺得好舒服氣氛好好。餐廳座位以吧台為主，面對住調酒區，真係令人忍唔住叫杯酒歎下☺️菜式選擇唔算太多，除咗set dinner以外，都有其他精品菜式。今日行單支，叫咗吉列豬扒配擔擔拉麵見到旁邊有其他食客都有叫雞皮餃子，聽到都覺得好邪惡🤤下次都要試下先最後心思思都係叫咗款cocktail🙈有九款分別以唔同顏色區分既cocktail老闆推介青色既青蘋果菠蘿wasabi😳weeeeeeee🙈我暫時想像唔到，所以最後都係揀咗鐘意既藍色試下先，係荔枝利口酒加菠蘿最後成品竟然係少女tiffany blue❤️意想不到既顏色我真係好努力想影出原色，可惜都係fail🥹真實顏色真係好靚入口味道偏甜，有輕微酒味，一直有冰座住，凍飲真係好解膩首先有兩款前菜，分別係柚子蘿蔔同埋海帶牛脷絲。柚子蘿蔔係自家製嘅，同一般醋漬蘿蔔唔

平常都有去長沙灣廣場吃飯，但小編一直不知道有3樓的存在😂😂原來3樓都有不同類型的餐廳，看到有一間居酒屋好像不像就進去嚐嚐。MATA原來是新開業的居酒屋，試業期間更免加一！！居酒屋更設有吧枱，可以一邊看師傅調酒，一邊聊天。這裡有好幾種用顏色分辨的cocktail，店主推介下試了Orenji ，以Gin、maraschino、black tea和orange juice調製而成。味道非常清新，很適合配上濃厚味道的食物。鱈魚片 $68小時候很喜歡叫魷魚絲，更會放進微波爐叮熱食，口感會變得脆口。與鱈魚片的口感很相似，非常之脆口，配沙律醬作調味也不錯。的確是不錯的小吃，吃不停嘴。醬油燒年糕 $28年糕醮上醬油再燒，香氣撲鼻熱辣辣，外層脆卜卜而內裡軟而煙韌韌。味椒鹽鲍魚 $88鮑魚煎得很香，味道鮮甜，吃起來鮑肉軟滑、外皮香脆。大阪燒茄子 $68大阪燒就吃得多，但大阪燒茄子都是第一次吃，菜式創新，非常特別。以蛋做餅底配茄子，加入大阪燒醬、日式美乃滋和鰹魚碎。沒有澱粉質的大阪燒額外健康。可惜小編吃完才記得忘了拍照😅店員非常親切，給了兩件花生酥和chairo讓我地試一下，花生酥的花生味特別濃又香。之後喝