個個都話天后多嘢食，點解我維園event咁多日下來都冇見到既🥹…..
唯有向上搵，卒之比我發現呢間omakase。餐廳8月開幕，午市同晚市都有，今次食既晚市就只有一款$1380既Hotarugari，有19道菜食！唔怪之得夜晚只做一轉，因為要食好耐呀🤣
餐廳行園景設計，簡約得嚟好舒服，有唔少特色擺設同掛畫
omakase點會冇sake🍶我鍾意啲偏甜嘅sake，店員推介咗「伯樂星 純米大吟釀」，非常對味呀❤️酒味唔會太重，入口有米香甜，好啱sake新手或者女仔飲
第一道係北海道大溝貝刺身同裙邊，呢個貝真係第一次聽😳師父係香港較少食到呢款貝，仲要咁大隻💕
新鮮到識郁，師父一拍佢真係成隻彈起😳夠曬新鮮
味道好鮮甜，肉質好有彈性，裙邊更加清脆
第二道係香箱蟹🦀上面佈滿咗香箱蟹既外子同內子，姐係成熟同未成熟既蟹卵，仲有蟹膏，下面就係雪白既蟹肉
蟹卵沙沙口感既配埋蟹膏結實既質地，加埋蟹肉既清甜，一款菜食到成隻蟹既精華🦀💕
第一次食咁厚肉既日本蠔🦪！
岩手縣赤崎蠔就食得多，真係第一次見到咁厚肉咁大隻嘅，同令和怪物有得揮😳
配咗蘿蔔蓉同酸汁啫喱，入口鮮甜不在話下，係果種滿～足～感❤️
壽司第一道係日本象拔蚌，非常厚身同彈牙，而且好甜，果種係會留係口腔裡面既甜，真係要好新鮮先有呢種口感味道
第二道係金目鯛，魚肉好軟糯，而且有味道清甜，我本身mama地金目鯛(可能我唔識欣賞🤪 )都覺得好特別
第三道菜係向右既右口魚，一入座既時候見到另一位師傅喺度起緊條魚，我心諗:乜鬼魚咁大條🥴原來就係佢
壽司由三部分組成，分別係低層既右口魚刺身，中間係右口魚魚肝整成嘅醬，同埋頂層右口魚既魚邊
右口魚基本上係比左口魚更肥美，魚肉更鮮甜。入口魚邊已經即刻融化咗，魚肝同魚油既濃郁味道加埋真係無敵🙊而家諗返起都吞咗啖口水
吸物係清煮白貝，大大隻既新鮮白貝除咗味道鮮甜之外，仲有陣海水既鹹鮮味，加埋海帶同芽蔥既清香，好想嚟多碗呀🥹
西澳龍蝦刺身配上蝦膏同三文魚籽，銀箔增添貴氣🫶🏻龍蝦刺身鮮甜就一定架啦，口感非常爽口彈牙，越嚼就越濃龍蝦味
我最～愛既赤貝貝貝💕
新鮮到師傅切開既花紋都呈散開狀態，佢係我食過最好食最新鮮既赤貝🥹咬每一下都爽口到聽到聲
係拖羅！超～甘甜既大拖羅，我真係好鍾意師傅將每款刺身都厚切💕🤪呢件大拖羅係望得到既厚度，師傅like❤️
和牛刺身係我早幾年先夠膽食既食材，一食就返唔到轉頭🙊🥩
A5既和牛刺身，口感比任何食過既都更軟腍，而且肉味更濃，我要再一次like師傅係兩片牛肉打孖上的！🫶🏻
全晚成餐飯最大既亮點，就係呢條我很醜但我很肥美好吃既沙甸魚🐟
原條燒魚上，意想不到吧
對於一個超級鐘意食魚但唔識食魚既人嚟講，係一個挑戰，我接受🤣
一夾開魚肉已經超juicy，魚肉質感好嫩滑，雖然有好多好幼軟骨但咬到都唔係問題(魚骨敏感者要注意⚠️)
最驚喜係佢既內臟部分，有種甘苦味但好香！我覺得有啲似大閘蟹蟹膏既味，不夠多咗重甘苦味，但超級配清酒！撞埋有種特別既味道，呢個sake pairing有驚喜！
師傅話呢個季節既沙甸魚當造，決定原條燒上，配埋嫩薑同龍珠果，清甜解膩
中國芋頭食得多，日本既石川小芋都係第一次食
同中國嘅芋頭好唔同，佢嘅芋頭味唔算濃，但好～黏口，有種漿口既感覺，係放大咗十倍既芋仔🤣
omakase點可以冇海膽！(至少我唔可以😌
最唔同係，海膽手卷入面唔係飯唔係淨海膽，係銅鈴咁大粒既炸帆立貝😳😳😳
海膽既濃郁加埋炸過更加鮮甜既帆立貝，呢個配搭邊有得輸呀師傅🥹
未完架未完呀🤣我最期待既白子終於要出場啦
全年最期待既季節就係白子當造既時候，簡單直接，酸汁蘿蔔蓉，白子💯
呢度嘅鮟鱇魚肝同我以往食過嘅好唔同，以往既係完熟蛋黃既糯糯口感，呢款鮟鱇魚肝係好似海綿咁鬆化，但魚肝味依舊香濃！
師傅話最後一道菜啦，比個麵我
蛤？麵？
係，真係一個麵🍜
就係個龍蝦既殼去熬既龍蝦湯，加上海量既櫻花蝦配日本生麵，呢個麵點可能唔好食姐！😫
甜品簡簡單單嚟個唔簡單既日本青森縣啤梨，乜日本有啤梨架咩？
有，但唔係想像中既啤梨樣
係❤️嚟架
啤梨口感好幼滑，清甜清甜既啤梨香味，為整餐飯畫上完美句號
超級抵讚係師傅好健談，每樣食材都有加以說明，店員仲會show食材既樣比你睇，互動好好，超like！
人生真係第一次食到omakase係每一道菜都咁好食同埋有記憶(對於bird brain女子嚟講呢個唔容易🤪
