HANA Korean Restaurant

營業中

休息中

突然又凍返，仲落埋雨！Lunch Time即刻想食啲暖笠笠又飽肚嘅食物，經過呢間韓國粥店，主打正宗釜山粥品、韓式餃子同烏冬，韓粥都有 11 款唔同口味可以揀！.➜釜山特色泡菜粥比起食開嘅廣東粥，韓粥除咗水份比較少，配料仲會加入泡菜同鹹魚仔，仲帶有好香嘅芝麻油香味𠻹，而泡菜都唔會因為撈咗落粥變得淡味，仲keep到香辣爽脆嘅口感。.➜鮮蜆烏冬以為係Menu張相先會用筷子掛住烏冬，原來上菜都係咁樣！蜆肉鮮味十足，連湯底都帶有鮮甜味，烏冬煙韌彈牙，除咗蜆肉，仲有海帶、豆腐皮同炸麵衣等配料。.➜韓牛餃子外皮好脆，咬落去係超飽滿嘅牛肉餡料，甜甜哋又唔會太油膩。唔係飽得濟，真係想叫埋其他餃子嚟食！.#msmessypig_food .

今日繼續去尖沙咀度，發掘有啲乜嘢好食嘅韓式料理。今次比我發現咗一間有韓式粥嘅地方，居然係有泡菜粥，對於我呢種平時食開清淡粥嘅廣東人嚟講，真係覺得好衝擊。釜山特色泡菜粥，湯底鮮甜，配上酸辣味道嘅泡菜，味道鮮明。粥煮得綿密，令人感到溫暖同滿足，絕對係一道適合開胃嘅湯粥。依間餐廳除咗粥之外，仲會有烏冬，我叫左鮮蜆鳥冬，鳥冬新鮮嫩滑，配上鮮甜的蜆，鮮味十足。總會用筷子整起啲烏冬，令成件事好適合打卡。佢哋仲會有餃子添 ，我叫左（蒸）韓牛餃子，餃子皮薄餡肉多汁，蒸得剛剛好，保持了肉汁和鮮味。

今日去完理大，打算喺尖沙咀搵食，經過韓國街見到呢一間非常fans好粉紅色嘅舖頭實在太吸引。釜山鮮鮑魚粥熱辣辣嘅鮑魚粥送上枱，仲加左大量嘅瓜菜，多一份清甜。鮑魚一絲絲，口感彈牙。加上大量紫菜舖面，同濃郁嘅麻油香，好味又暖胃。釜山魚糕烏冬一大串魚糕放烏冬面，視覺效果一流！烏冬麵扁身白滑，口感非常幼滑彈牙。湯底係甜甜清淡魚湯，送烏冬一流。主角係一大串各式各樣唔同形狀嘅魚糕，魚糕口感彈牙，魚味香濃，食得出每一款口味都有微妙嘅分別。煎韓牛餃子賣相吸引，你着餃子都脹卜卜，外皮金黃焦脆。牛肉餡料豐富，啖啖肉仲混合咗蔬菜洋蔥甜味，肉汁豐富，輕輕點啖醋加點酸已經好好味。

今次同朋友一齊嚟試吓呢間韓國餐廳HANA 🇰🇷整體體驗幾特別。餐廳嘅環境幾舒服，裝修有韓國風味，坐低傾偈都幾放鬆。服務員態度友善，上菜速度都算快，值得一讚。食物方面，試咗鮑魚粥、泡菜章魚粥同餃子。鮑魚粥嘅味道比較清淡，粥底綿滑，加咗紫菜之後多咗一層口感，適合鍾意簡單口味嘅朋友。泡菜章魚粥就幾有創意，泡菜湯底濃郁，章魚嘅口感幾彈牙，整體感覺似將飯同湯結合，幾特別。至於餃子，外皮幾紮實，餡料飽滿，食落幾飽肚，味道都算OK😋整體嚟講，餐廳嘅菜式有自己嘅風格，都值得一試嘅☺️☺️HANA Korean Restaurant (尖沙咀)📍尖沙咀金巴利街1E號地舖

今日嚟到尖沙咀食韓國餐，有烏冬類，餃子類，粥類可以俾我揀。餐廳裝修舒服，座位算闊落，而一入門口見到有一排招財貓好可愛啊。餃子分為蒸同煎兩種，韓國鮑魚餃子比較特色，但係朋友海鮮敏感，唯有下次再試啦。🥹今次order左煎韓牛餃子，餃子一碟有五件，外皮煎到脆卜卜，咬開入面好多肉汁，小心俾佢噴親。釜山魚糕烏冬，賣相好吸引呀 🤭 魚糕有一大串，魚糕有丸狀，有片狀，滿足到我喜歡吃不同口感魚糕的願望。烏冬除咗賣相特別，都好煙靭冇煮到腍晒。👅人蔘雞粥好大碗👀 同一般廣東嘅粥品唔同，韓式嘅粥底比較杰，而且食落麻油香比較重，雞肉係雞絲狀態，入邊仲切咗啲甘筍粒粒同埋薯仔粒粒，食到好飽。👅飲品叫咗呢個提子汁。

今日嚟到呢間韓國人廚師主理嘅HANA！主sell韓國粥同釜山湯烏冬同餃子😋餐廳裝修同牆上佈置都好有氣氛，播住kpop嘅MV，令人置身喺釜山食緊韓餐咁！今次試咗佢哋嘅人參雞湯粥、泡菜五花腩湯烏冬同韓牛煎餃子！人參雞湯粥粥底軟綿綿，人參雞湯味好入味，亦都好足料，好多雞絲、紅蘿蔔、薯仔等！泡菜五花腩同湯烏冬係分開上，可以先試到湯烏冬嘅原汁原味，再分開試吓泡菜五花腩酸酸辣辣，夾埋一齊係更高享受😋特別推介韓牛煎餃🥟，外皮煎得好香脆，牛肉超足料！！

喺網上面睇咗好耐想食個韓國粥，午膳時間專登過嚟睇吓，冇特別午餐，全部單點。。。。。。食物份量都大，但比起韓國粥味道同有價值嘅餸，真係少，主要係粥多，蔬菜，應該有啲蘿蔔粒， 同埋唔知咩蔬菜粒，冇特別，鮑魚就少同冇味。。。試埋個餃，韓式牛肉餃，都唔驚喜，可以唔洗再黎，冇食評講得咁誇，始終唔係韓國，都難有韓風味！系真係，好淡，同價錢完全唔成正比，越食越後悔，應該都冇下次。前菜都係唔好食，應該放得太耐，有啲澀。

去旅行前約朋友出尼尖沙咀食飯，吾敢食太油膩、煎炸物，想食清清地，所以就揀左呢間主打食釜山韓國粥、烏冬、餃子專門店～🩵小食：煎韓牛餃子 $82煎韓牛餃子餡料好足，餃身脹卜卜，真係皮脆餡靚👍🏻🩵主食：釜山鮮鮑魚粥 $138用傳統韓式做法熬製，韓國粥水比較少，所以粥底會比較綿滑濃稠，食到飯粒口感，配上新鮮鮑魚片，肉質彈牙，滋味十足❤️🩵主食：鮮蜆烏冬 $118烏冬麵條滑溜彈牙，好有咬口，湯底清甜，擺盤仲要好靚🍜🩵飲品：Coke Zero $22最後飲返罐Coke Zero，就啱啱好🥤

位於尖沙咀金巴利街的「HANA Korean Restaurant」，係一間由韓國釜山大廚主理的餐廳。店內裝修簡約舒適餐牌上主打韓式粥，熱烏冬及餃子等等，定價適中人蔘雞粥以大米及高湯熬製而成的粥，當中仲有雞肉、人蔘、香菇、紅棗、洋蔥及紅蘿蔔粒等等配料，好足料！粥口感濃稠，有啲似bb食嘅糊仔～口味清淡，有助消化，帶陣陣人蔘的甘味韓式牛肉烏冬烏冬頗幼滑，幾掛湯，口感不錯👍🏻湯裏面加咗海帶、豆腐皮、炸麵粉碎等，增添口感韓式牛肉係另外碟上的～肥瘦適中的牛肉，搭配洋蔥、椰菜及紅蘿蔔絲，健康美味蒸韓牛餃子合共有五隻餃子，每隻都飽滿又大件，充滿肉汁及牛肉香，正呀

最近我又走到小韓國街，發現咗一間主打釜山粥的小店。呢間店嘅裝修粉紅色為主，燈光鮮明，設計簡潔又可愛，真係好吸引！而且由韓國人主理，提供嘅全部都係釜山風味，特別之處在於佢哋嘅泡菜係用自家家族食譜，加入咗生蠔同魚露醃製，味道非常獨特。今次我試咗幾款招牌菜———釜山鮮鮑魚粥呢款粥用咗新鮮嘅鮑魚，口感滑嫩，仲加入咗芝麻油同海苔，味道健康又惹味。每一口都充滿咗海鮮嘅鮮味，粥底順滑，真係食落去好舒服！而且鮑魚嘅鮮味好突出，完全唔會冇味，真係好推介！鮮蜆烏冬呢道菜嘅賣相特別，店家用筷子架起少許烏冬，增添咗一份精緻感。湯底係用木魚同魚骨熬成，清甜得來又有層次，喝落去簡直令人心情愉悅。蜆肉鮮嫩，整體搭配得宜，食完之後覺得好暖心，特別適合寒冷嘅日子。煎韓牛餃子餃子外皮煎至脆口，裡面包住嘅韓牛肉質嫩滑，香氣濃郁，真係一口咬下去就好幸福！餃子又大又飽滿，搭配上佢哋自家嘅醬汁，味道更上一層樓，完全唔會膩，非常好食！

尖沙咀上次行經韓國街，有間韓國餐廳專做傳統粥品，例如釜山鮮鮑魚粒粒粥！由真·韓國大廚主理，食到最正宗傳統韓國味道呢！鮮鮑魚粒粒粥入邊有不少鮮鮑魚口薄片好彈牙，粥底綿密，原來用釜山稻田水稻米，米香濃，熱騰騰上桌食落好溫暖❤️鮮蜆烏冬擺盤美觀，蜆肉鮮味十足，連湯底都鮮甜！蒸泡菜餃子大隻每粒都餡料飽滿，辣辣地泡菜好開胃最後點埋韓國米水夠健康🧡HANA Korean Restaurant 尖沙咀金巴利街1E號地舖

呢排好喜歡食韓國野，前晚食完燒鰻魚，今次黎到尖沙咀韓國街，粉紅色招牌Hana我揀左人蔘雞粥 Ginseng Chicken Juk $138配泡菜魷魚 & 蘿蔔粥煲到好綿密，係我喜歡口感，非常搶眼既人蔘係正中心，海量既雞絲同埋紅蘿蔔，營養均衡。人蔘味濃郁，凍冰冰食番碗暖胃真係幾唔錯。一啖原味，一啖配泡菜魷魚，幾有咬口，一啖配蘿蔔微辣口感，一次過睇驗三種口味。朋友揀左釜山魚糕烏冬 Fish Cake Udon $108賣相吸睛，烏冬掛係筷子上，一大串魚糕，未食都覺得正。湯底熱辣辣、烏冬彈牙，魚糕份量十足有咬口。唔係幾夠喉叫多個蒸泡菜餃子 Steam Kimchi Mandu $78 大大粒好飽滿，咬開好多泡菜而且都幾辣，蘸埋個醬汁更惹味。辣辣地叫左罐韓國米水飲下，甜甜地幾好飲。

今次跟以往一樣，點了泡菜粥，鮑魚粥及蒸餃子。 粥跟以往差不多，餃子黎到時皮邊都是硬硬的！水係要要求先有。 飲完一杯要再要求先會幫你添加。 同埋水杯唔會放係你面前，係放係隔離台等你自己拎 🤦🏻‍♀️

週日中午又走到小韓國街覓食，挑了一家主打釜山粥的小店粉紅色裝修，燈光鮮明，設計簡潔，擺設可愛室外座位充滿少女風，非常吸引眼球，更可以跟寵物一起用餐由韓國人主理，以比較罕見的韓國粥品作招徠泡菜以釜山風格自家家族食譜加入生蠔及魚露等醃製鮮蜆烏冬賣相特別，以筷子架起少許烏冬，增添了精緻感！湯底以木魚及魚骨熬成，無比清甜釜山鮮鮑魚粥加入芝蔴油和海苔，健康又惹味煎韓牛餃子外皮煎至脆口， 韓牛肉質嫩滑且香氣濃郁

尖沙咀韓國街林立不同種類的韓式食品 今個星期天氣轉冷 最適合係食碗熱辣辣的野食 就決定book 主打韓國粥同烏冬的Hana 星期五晚已經有短短的人龍 建議可以先行係OpenRice 訂座 餐廳的泡菜小食也很好吃 有驚喜 菜式主要分為粥品、烏冬同埋餃子三大類可供選擇人蔘雞粥入口非常暖胃溫熱 人蔘雞味香但唔嗆口 配上雞絲攪拌於粥中更入味 釜山魚糕烏冬烏冬嫩口彈牙 有多種配搭的魚糕 湯汁清淡韓牛餃子內餡厚卜卜 皮脆內軟 點上餃子醋開胃惹味