HANA Korean Restaurant

營業中

休息中

今日嚟到尖沙咀食韓國餐，有烏冬類，餃子類，粥類可以俾我揀。餐廳裝修舒服，座位算闊落，而一入門口見到有一排招財貓好可愛啊。餃子分為蒸同煎兩種，韓國鮑魚餃子比較特色，但係朋友海鮮敏感，唯有下次再試啦。🥹今次order左煎韓牛餃子，餃子一碟有五件，外皮煎到脆卜卜，咬開入面好多肉汁，小心俾佢噴親。釜山魚糕烏冬，賣相好吸引呀 🤭 魚糕有一大串，魚糕有丸狀，有片狀，滿足到我喜歡吃不同口感魚糕的願望。烏冬除咗賣相特別，都好煙靭冇煮到腍晒。👅人蔘雞粥好大碗👀 同一般廣東嘅粥品唔同，韓式嘅粥底比較杰，而且食落麻油香比較重，雞肉係雞絲狀態，入邊仲切咗啲甘筍粒粒同埋薯仔粒粒，食到好飽。👅飲品叫咗呢個提子汁。