HANA Korean Restaurant (已結業)

今次試咗三樣唔同嘅韓嘢食，包括鮮甜嘅魚糕青口湯鍋、惹味嘅泡菜五花腩烏冬，仲有香噴噴嘅煎韓牛餃子。 總體嚟講，呢三樣嘢食都好有韓國風味，喺味道同埋食材搭配方面都好用心機。魚糕青口湯鍋個湯鍋一拎上枱，各式各樣嘅魚糕喺湯度滾下滾下，再加埋脹卜卜嘅青口，齋睇都流晒口水。個湯底清清甜甜，有陣淡淡嘅海鮮味，飲落好舒服。 啲魚糕種類好多，口感都唔一樣，有啲彈牙煙韌，有啲就軟綿綿入口即化，好有層次。仲有呀，個湯入面仲有埋白蘿蔔、冬菇呢啲菜，令到成個味道豐富咗好多。泡菜五花腩烏冬呢個餸嘅重點就喺泡菜同五花腩嘅完美結合。 泡菜嘅酸辣味完全滲入咗啲五花腩度，令到本身好肥膩嘅五花腩變得好開胃。 啲烏冬麵條又彈牙又滑溜，索晒啲湯汁。煎韓牛餃子啲餃子皮又薄又煙韌，煎得啱啱好，底嗰邊脆，面嗰邊就保持住軟熟。啲韓牛嘅香味好濃，肉質又夠嫩滑，一啖咬落去，啲肉汁喺個口入邊爆發，香到不得了，食完仲想再食。…查看更多

今次去尖沙咀嘅Hana Korea食晚飯，呢間餐廳主打正宗韓式料理，一入門就見到全間餐廳都係粉紅色嘅牆身，少女味十足，仲有電視機上邊不時傳出嘅K-pop音樂，好似飛咗去韓國吃飯！我點咗海鮮湯鍋同釜山鮮鮑魚粥，真係無揀錯！海鮮湯鍋料幾足，大蝦、青口、魷魚等海鮮都有唔小，湯底酸辣開胃，濃郁嘅蝦味同辣味融合得啱啱好，配埋鍋入面嘅拉麵，吸滿湯汁，口感唔錯！而我都幾推薦大家試一試釜山鮮鮑魚粥絕試！粥底每一口都食到鮮甜海鮮味道，而且仲有淡淡嘅海味，完全唔會覺得膩，最鍾意係佢唔會太過鹹。總體嚟講，環境同食物質素都幾好，好啱鍾意韓式料理嘅朋友！下次仲想再嚟試吓其他菜式！…查看更多

韓國粥真係好好食，平時想食都只可以買加熱裝一包包去止下癮🥹而家終於有一間餐廳主打食韓國粥，真係岩哂我🫣.👁‍🗨 豬肉蔬菜粥(7.5/10）💲128.➰比起烏冬既份量絕對係多啲🤡如果吾係大食既，建議叫一碗粥再加其他野食😂食落有微微麻油味，稠杰度適中，夠哂綿密🫣同埋食倒最尾，都吾會變哂水.👁‍🗨釜山魚糕烏冬(7.5/10）💲108.➰個賣相幾岩打卡，用左筷子捲起烏冬😂魚糕係幾有咬口果隻，烏冬就滑嘟嘟，湯底清得離又幾香，就算吾係主打既野食，質素都吾錯 .👁‍🗨韓式傳統煎餃子(7/10）💲78.➰餃子個外型幾特別😂外皮煎得幾香脆，入面就係有粉絲肉碎之類既韓式餃子餡，清清地，吾太油膩 .🔛 整體評分（7.5/10）…查看更多

今日係尖沙咀想搵間韓國野食，金巴利街真係有好多野揀，呢到呢間韓屋個裝修幾靚，又幾有名氣，決定入去試下食物既主打係湯品同埋石鍋飯，所以一定係好食先做到咁耐醬炒牛肉石鍋芝士拌飯呢個配料好豐富，每樣都有小小，最吸引係芝士，熱辣辣加埋個辣醬一齊撈，撈埋芝士拉絲出黎，非常好食，啖啖芝士香薯仔豬排骨湯呢個排骨湯好大份，超級濃郁既湯底，小小辣好正宗，排骨好入味好味，仲有小小韓國粉絲，超推介韓國青蘋果梳打Coke Zero韓國飲品勁多選擇…查看更多

好少嘗試韓式粥品，今次呢間韓餐主打粥料理，我地嗌左釜山鮑魚粥，韓式傳統煎餃同泡菜豬腩肉烏冬。鮑魚粥粥底唔似中式粥底將全部米煮碎，保留了米粒口感，另外韓國米不是精米，相對硬質小小，似泡飯多D。粥入面load左海苔碎，芝麻碎，配上新鮮鮑魚，超香！韓式煎餃餡料係豬肉粉條，有濃濃白胡椒風味，咬落去餃皮好酥脆，好味🤤泡菜豬腩肉同烏冬分開上，烏冬湯底清甜，泡菜豬腩肉調味岩岩好，配烏冬食好夾！餐廳唔算大但裝修精緻，整體乾淨整潔。…查看更多

同朋友係金馬倫道行完街發覺金巴利街好多韓國小店呢間粉色餐廳少女心十足主打韓國粥和湯烏冬🍜❣️釜山鮮鮑魚粥韓國粥第一次吃，比起平時吃的稍微濃稠，材料有鮑片、紅蘿蔔粒、洋蔥、瓜粒和芝麻海苔鋪面，非常豐富！吃落陣陣麻油香味，令整個粥品有層次感，味蕾享受😋❣️鮮蜆烏冬打卡一流的湯烏冬，清淡魚湯底好有鮮味，烏冬口感好滑溜軟硬適中～加入蜆和昆布令湯底昇華鮮味十足，值得一試❣️蒸韓牛餃子今次揀左蒸餃，餃子入面係滿滿的牛肉，咬落好juicy～牛香味十足，搭配埋店鋪特製醬汁，酸酸地好開胃❣️Peach Juice桃味好香，有粒粒果肉唔會太甜👍…查看更多

呢間舖成日經過，但係都冇乜興趣去試，今日諗唔到食乜嘢，諗住試吓食熱辣辣嘅韓國粥啦，可能過咗午飯時間，入邊冇人，得一個菲律賓姐姐響度做嘢，我叫咗一碗釜山鮮鮑魚粥$138 ，一碟蒸餃子五粒$78，等咗一陣先嚟碟餃子係暖嘅，但係啲皮未熟係生嘅，同個菲律賓姐姐講咗，佢拎返入去重新再蒸比我，跟住碗鮑魚粥就嚟，我搵晒全碗入邊嘅鮑魚出嚟，簡直嚇我一跳，加埋都唔知有冇半隻BB鮑魚，仲要切得超薄片，碗粥入邊有啲類似公仔麵附送雜菜包嘅雜菜，粥嘅質地似冷飯加湯煮，因為碗粥唔係熱係暖嘅..問個菲律賓姐姐呢碗鮑魚粥係得咁多鮑魚？唔出聲出咗門口過隔籬搵咗另外一個中國女仔入嚟，之後話煮過另外一碗俾我，唉….諗住快快脆食完走人，個女仔向廚房拎咗碟鮑魚出嚟話俾返我，嗰碟鮑魚一睇就知係罐頭BB鮑魚….味道…真係好似啲屋企姐姐煮粥仔咁囉，唉….冇下次…查看更多

諗住去尖沙咀韓國街碰下運氣、速戰速決食個韓餐先就俾呢間餐廳嘅粉紅色裝修吸引咗入去■ Fish Cake Udon釜山魚糕烏冬> 賣相幾啱打卡聞落魚糕確係幾香，一上桌即刻開動。較喜歡烏冬口感，彈牙Q彈熱焫焫滑捋捋、雪雪聲咁食。魚糕可能炸得太透咬落實淨，反而浸咗湯果幾片軟腍入味■Steam Hanwoo Mandu (蒸)韓牛餃子> 覺得呢個較好食，皮唔太厚感覺牛肉餡滿滿，點醬汁食充滿麻油香，三扒兩撥俾我哋KO晒■Terra Beer> 食韓國嘢配韓啤確係一流，Terra啤酒飲落幾清爽啱晒我哋口味…查看更多

環境非常惡劣，有好多小飛飛通區飛⋯⋯職員一臉花生樣望住，冇諗過幫忙叫3樣嘢，1樣漏單，張單離奇出現咗另一樣冇叫過冇食過嘅item叫咗樣泡菜鍋，因為俾部冷氣直吹住，完全滾唔起。呀職員見到我地咁，全程都係食花生mode望住，唔理我地。直到我地問職員拎鍋蓋，佢話冇，之後offer 閂冷氣（全場得1部冷氣😀)總共食咗個泡菜鍋+一份5粒嘅餃子，盛惠$297，多謝哂🙂同場加映，呀店員收錢時，唔知係部機收唔到網絡定點，佢自己行走咗，過一陣時間先搵返個人幫手印單…查看更多

食肆環境有飛蟲，會飛進食物或碗裡面，同店員講換碗，佢竟然拎入廚房抹兩下就遞返俾客😂大癲嘅情況係佢哋部冷氣直吹住個Gas爐（一人邊爐），吹到個邊爐滾唔起，而店員見住人有問題，佢完全食花生唔幫手⋯叫佢拎個煲蓋，間鋪話冇煲蓋，只可以閂冷氣等我哋個邊爐滾起（大熱天間鋪唔開冷氣？）到左埋單⋯張單又收多我錢⋯叫佢扣返我，仲黑我面⋯終於碌卡⋯部卡機又冇網絡⋯店員衝左出鋪搵幫手⋯收到收唔到？真心呆曬😂😂大癲完全唔推薦…查看更多

呢間餐廳環境好pink，入面有一d韓文字既裝飾。我地叫左一碗人蔘雞粥，呢度主要食韓國傳統既粥，煮法同平時食既有d唔同，而且份量都幾大煲，制作需時要等耐少少，粥入面有人蔘條，紅棗，杞子，雞肉切絲等養顏食材，都幾養生。我地仲叫左一碗魚糕烏冬，韓國既魚糕好軟熟，烏冬好彈牙，食落魚糕軟綿綿既口感同烏冬既彈牙好夾入面仲有豆腐卜同菜，而且湯底清清地唔係好濃味。小食叫左一份牛肉煎餃，煎到香脆咬落脆口入面涵料超多好抵食。…查看更多

Hana 韓式餐廳👍👍🇰🇷🇰🇷🇰🇷最近去咗位於尖沙咀嘅Hana韓式餐廳試咗幾款招牌菜式，整體嚟講真係好有水準，值得推薦！ 1. 釜山鮮鮑魚粥 🥣🐚 - 粥底幼滑細膩，唔會太稀亦唔會過稠 - 鮑魚片新鮮彈牙，帶有自然嘅海洋香氣 - 整體味道濃郁鮮甜，暖胃又滿足 2. 泡菜五花腩烏冬 🍜🥓 - 泡菜酸辣惹味，唔會過頭 - 湯底平衡咗五花腩嘅油香，濃郁又唔膩 - 烏冬麵條煙韌彈牙，吸滿湯汁精華 - 五花腩肥瘦均勻，入口即化 3. 蒸韓牛餃子 🥟🐄 - 餃子皮薄餡靚，蒸熟後口感柔軟 - 牛肉餡料juicy，夾雜少量蔬菜，層次豐富 - 配埋韓式醬油更加提味，一啖一隻，停唔到口 整體嚟講，Hana韓式餐廳無論係食材新鮮度，定係味道同賣相都好出色，絕對係一個值得再訪嘅地方!🎯#HANA #KoreanRestaurant（#尖沙咀）📍尖沙咀#金巴利街 1E號地舖#foodie #food #foodpic #foodphoto #yum #yummy#delicious #tasty #相機食先 ＃手機食先 #hkfood #hkig#ighk #香港美食 ＃美食#尖沙咀美食Hana 韓式餐廳👍👍🇰🇷🇰🇷🇰🇷…查看更多

今日同屋企人一齊嚟試吓呢間韓國餐廳HANA，整體既體驗幾特別。餐廳嘅環境亦幾舒服，裝修有韓國風味，坐低傾偈都幾放鬆。服務員態度友善，上菜速度都算快，值得一讚。食物方面試咗鮑魚粥、泡菜章魚粥同餃子。鮑魚粥嘅味道比較清淡，粥底綿滑，加咗紫菜之後多咗一層口感，適合鍾意簡單口味嘅朋友。泡菜章魚粥就幾有創意，泡菜湯底濃郁，章魚嘅口感幾彈牙，整體感覺似將飯同湯結合，幾特別。至於餃子，外皮幾紮實，餡料飽滿，食落幾飽肚，味道都算OKG整體嚟講，餐廳嘅菜式有自己嘅風格，都值得一試🤗🤗…查看更多

韓國人民族意識好強，就算去到其他地方都會想食返家鄉既味道！仲會想將家鄉既味道向其他同鄉分享！呢間鋪頭專注於提供正宗的韓國粥，係香港少見既選擇！鮮蜆烏冬這道鮮蜆烏冬令人印象深刻。麵條彈牙，湯底清淡卻鮮美，充分展現了海鮮的鮮味。蜆的鮮甜與烏冬的口感完美結合。釜山鮮鮑魚粥粥用上韓國米製作，即叫即製！質地綿滑，同時米粒粒分明，因為韓國米不是精製白米，所以每粒飯也保持煙靭的口感。祝裏面，加了蘿蔔、翠玉瓜等等蔬菜，也加了麻油和芝麻和紫菜！而且要配上泡菜絲一齊食。一片片的鮑魚，也為這碗粥提鮮！ 煎韓牛餃子煎韓牛餃子是另一道不可錯過的美味。餃子的皮薄而韌，內餡的韓牛肉鮮嫩多汁，煎至金黃的外皮酥脆，還搭配特製的醬汁。…查看更多

經過金巴利街，真是有好多韓式料理店，這家店有多款韓式烏冬，正好朋友想吃###韓牛餃子選用新鮮的韓牛肉作為餡料，包裹在薄薄的餃子皮中，好飽滿，經過煎製後，咬下去一層香脆的外皮，內餡鮮嫩多汁，加上調味料讓牛肉的鮮味更加突出！### 韓式牛肉烏冬柔韌的烏冬好滑順，彈牙的口感，湯底清澈而鮮美，搭配上海帶和細豆卜，更加清爽怡人。另外一碟牛肉炒白菜，用的是韓式醬料，味道特別，令人滿足！### 鮮蜆烏冬烏冬中加入了鮮蜆，蜆肉鮮嫩，湯底清新而充滿海味的美食，清淡卻又有層次風味！…查看更多