Cuisine Culture

營業中

休息中

呢餐真係由頭到尾都充滿驚喜！開頭嘅龍蝦湯，香濃得嚟又唔會過膩，龍蝦湯啖啖鮮甜，加埋湯底嘅濃郁層次，真係飲完令人想再嚐多一啖。之後上嘅無花果合桃沙律好清新，無花果嘅天然甜味配埋合桃嘅香脆，，啱啱好中和咗前菜嘅濃味。 主菜方面，香草燒黑毛豬鞍架嫩滑得嚟又保留住豬肉原始嘅香味，配埋焗薯，簡單又滿足。而香蒜牛肝菌意粉就係嗰種料頭十足嘅家常味，牛肝菌嘅香氣每一啖都好突出，意粉掛汁程度岩岩好，唔會太乾或者太濕。 最後嘅酥皮蘋果批配雪糕真係完美收結，酥皮鬆化，蘋果餡酸酸甜甜，配埋香草雪糕嘅滑溜，真係有種幸福感。整體嚟講，呢餐喺味道同擺盤上都非常用心，絕對值得推薦！

Nestled in the heart of Central, this restaurant is a delightful haven for office workers seeking a taste of France within office lunch break. With a cozy atmosphere and a menu that balances quality and affordability, it’s the perfect spot for a leisurely lunch during a busy workday.Duck Liver Mousse Crème Brulee served with Baguetti is a standout. The mousse has a rich, buttery texture that melts in your mouth, beautifully enhanced by its slightly sweet crème brulee topping. The baguetti is cri

今日搵到一間隱世特色西餐廳，大廈嘅大堂好似普通嘅商業大廈，餐廳嘅招牌並唔顯眼，乘坐升降機上到去，行到走廊最盡頭，終於發現呢間西餐餐廳，睇睇餐牌發現原來餐廳係食法國菜嘅，餐廳入面裝修佈置得十分簡約，感覺清新而舒適，法國菜嚟講價格非常優惠。嚟食法國菜一定要試傳統嘅「法式洋蔥湯」，仲有「法國蝸牛」，洋蔥湯偏向適合香港人嘅口味。蝸牛配合薯蓉，好惹味。主菜兩份，分別揀咗「牛肝菌意粉」同埋「紅酒燉牛肉」。牛肝菌味道非常香濃，燉牛肉係牛面頰肉，肉質非常香滑而且鮮嫩，配合紅酒一齊煮，十分出色，非常推介。今日嘅推介甜品係「雜果拿破崙餅」，超多雜果，配合鬆化嘅拿破崙餅，即叫即做，真係超好味。總結食物質素好高，係好抵食嘅法國菜，鍾意食法國菜嘅朋友一定要嚟試試。

Cuisine Culture (中環）餐廳喺大廈高樓角落位，裝修簡約得嚟幾有格調，最正係人少少夠安靜，同朋友傾偈一流。 🦞 法式龍蝦湯 $92 一上枱就聞到超香蝦膏味！湯身濃到似絲綢，飲落鮮甜到爆燈，配嘅蒜蓉法包焗到脆卜卜，浸落湯度半脆半軟，索晒啲精華湯汁，飲完成個胃暖笠笠。 🦆 法式地道油封鴨腿配鴨油薯仔 $228 真心推介！鴨腿皮脆到似臘鴨髀，一咬落去啲肉自動離骨，鹹香得嚟唔會過火。重點係啲鴨油薯仔，煎到金黃色脆卜卜，連平時唔鍾意食薯仔嘅我都清晒成碟！ 🥗 煙三文魚牛油果沙律 $138 三文魚份量夠晒大方，牛油果熟度啱啱好，軟滑唔會起渣。沙律菜新鮮爽脆，個檸檬汁酸酸哋好開胃，口感即刻豐富晒！ 大推！🍝 香蒜牛肝菌意粉 $158 蒜片爆得超香，牛肝菌份量多到每啖都食到。意粉煮得al dente有咬口，簡單用橄欖油炒已經好夠味。 vegeterian friend嚟食都啱！ 🍎 酥皮蘋果批配雪糕 $88 即叫即焗熱辣辣！微酸唔會甜漏漏。跟嘅雲呢拿雪糕有驚喜，一冷一熱口感正到爆！ P.S. 晚市飲品買一送一超抵，白酒紅酒啤酒任揀。侍應服務好貼心，不停主動加水同換碟

Vivian好耐冇過海了，難得今日成功游水過海，就搵到呢間抵食法國菜Menu首先上左個龍蝦湯，好濃又香又creamy，配埋個蒜蓉包，正😋焗蝸牛黎講，呢個算係食過最好味嘅一個，蒜蓉香加埋個薯蓉食，一d都唔重口味，仲想食多幾隻😋😋因為太好味要比多張相佢牛肝菌意粉，可能係法國菜，煮得比普遍出面街嘅好味好多，意粉彈牙，索哂d味，所有精華係每一條意粉，冇多餘嘅湯汁，亦完全唔會乾黑毛豬，好好味，唔會韌，咬落仲好juicy，到底點做到，可以咁好味蘋果批雪糕又係好好味，蘋果批好脆，明明望住咁厚，但入口係好薄脆，Vivian表示想食五個

呢晚我哋兩個去中環食晚餐😊😊呢度氣氛唔錯，感覺舒適，菜式都幾多樣性，賣相精緻焦糖鴨肝醬配法包 $178綿密滑順嘅鴨肝醬味道濃郁，上面嘅焦糖香脆甜美，配合埋法包入口慢慢品味好正😊 另外可加入果醬，鹹甜及果香嘅感覺帶出另外一種清新。整體嚟講，呢個係我地晚餐開始的高質素開胃小點。焗法式地道古也芝士洋蔥湯 $88法式洋蔥湯較少見，一上枱細心嘅店員提醒我哋碗好熱湯嘅賣相好靚，飲前都聞到味道香濃。由洋蔥湯配上法包和芝士在碗中，洋蔥嘅香甜令人回味無窮，亦都想不到法包在濃湯之內有唔同嘅口感，好配合，好好味。令人感覺到平凡的材料透過廚師的細心烹調，發揮出驚喜美味😊 法式地道鴨腿配鴨油煎薯仔 $228鴨腿肉質軟肉味夠香濃，進食時好容易將肉同骨分開。薯粒吃着有點點油香和嚐到薯仔的原味海鮮墨魚意粉 $208 以鮮蝦及海鮮為主角煮意大利粉，加上墨魚汁，別具一番風味。蝦大隻肉實，彈牙鮮美，帶子及青口鮮甜，意粉彈牙，惹味十足。酥皮蘋果批配雪糕 $88擺盤好有美感，雲呢嗱雪糕及熱熱嘅蘋果批有冷熱對比而又好夾總結來講，我哋都幾鍾意呢間餐廳，食物及服務質素也很不錯😊係食飯傾偈嘅好地方😊當日還有餐酒買一送一😊

準備去法國之前嚟一嚟位於蘭桂坊嘅法國餐廳試下正宗法國菜先，雖然喺樓上店，但餐廳都接近爆滿😬😬😬焗法式地道古也芝士洋蔥湯法式洋蔥湯十分清甜，加入埋麵包，吸哂湯嘅精華😝😝焗咸巴約納火腿牛骨髓配法包第一次食牛骨髓，脂肪味道好香，加埋火腿鹹鹹，個口感幾特別👍🏻慢火煮紅酒和牛面肉配法包經慢火煮過嘅和牛面肉好軟熟，帶有少少脂肪好有油香味，加入蕃茄仔可以中和牛面肉嘅膩🤪🤪香蒜牛肝菌意粉平時食到嘅牛肝菌意粉都係得個味，今次終食到新鮮嘅牛肝菌，香味獨特，同平時食到嘅菇菌好唔同，加入蒜片簡簡單單已經好好食😋是日甜品-法式西多士同港式嘅做法唔同，多士係用煎嘅做法，口感較似麵包布甸，牛油味好香，加埋雪糕，超邪惡!!!😝😝

原來呢度大廚係法國學廚二十年😮今日同姊妹出中環食吓傳統法國菜😋.【Yummy好味】⭐️⭐️⭐️⭐️.🧀焗法式地道古也芝士洋蔥湯 $88.口味濃郁、層次豐富嘅芝士洋蔥湯中間搭配住香脆、鹹香嘅芝士小麵包如有興趣試呢個湯，不妨提出小麵包另上～.🦞焗香草蒜蓉大虎蝦 $138.實而不華嘅一道小食虎蝦肉質鮮甜，爽口彈牙再塗上黑松露菌醬汁，惹味～.🐂慢火煮紅酒和牛面肉配法包 $288.非常喜歡嘅一道主菜牛面肉軟腍嫩滑，入口即化和牛經過紅酒慢火細煮，別有風味配合蘿蔔、洋蔥、牛油湯底調起口味咀嚼時滿滿嘅幸福肉感充斥係口腔食完覺得身體注入咗骨膠原咁.🍄‍🟫香蒜牛肝菌意粉 $158.素食之選，食物一出就聞到蒜香味麵質Q彈，牛肝菌嗍滿蒜/ 橄欖油偏軟腍.🍰酥皮蘋果批配雪糕 $88.唔係一般嘅蘋果批，將蘋果夾係入面將蘋果切片鋪係酥餅上面，清甜而不膩最驚喜嘅係搭埋nuts雲呢拿雪糕一齊食將蘋果批嘅味道增升之餘，口感都變得豐富～

位於中環嘅 Cuisine Culture，係間結合高質素同親民價位嘅法式小餐廳，入到去就感受到一種溫馨而優雅嘅氛圍。餐廳菜單精緻多樣~首先，叫左個前菜：焦糖鴨肝醬配法包鴨肝醬質地滑順，甜蜜嘅焦糖風味同濃郁嘅鴨肝交融，搭配新鮮出爐嘅法包，令每一口都充滿滿足感～接住嚟就係龍蝦湯，湯底用新鮮嘅龍蝦熬製，鮮甜得黎好濃郁～法式地道鴨腿配鴨油煎薯仔鴨腿肉質鮮嫩多汁，外皮酥脆，搭配濃郁嘅鴨油，好正煎薯仔外焦內軟，吸收咗鴨油嘅香氣，成為完美嘅配角，每一口都令人心滿意足日本鮮帶子檸檬汁初榨橄欖油意粉帶子嘅鮮甜同意粉嘅Q彈好夾，橄欖油嘅香同檸檬汁嘅清新，令整道菜品既清爽又唔失豐富感，適合喜愛海鮮嘅食客～餐後甜品朱古力雪糕配煎多士，雪糕滑順醇厚，搭配香脆嘅多士，形成咗有趣嘅口感對比，甜而不膩～

約咗朋友嚟中環食飯，見呢間樓上法式餐廳，一於嚟試下🍴🇫🇷✨<古也芝士洋蔥湯：拉絲攻勢！>面頭嗰層Gruyère芝士焗到脆卜卜，食落去有啲拉絲！湯底飲落甜中帶鹹，仲有啖啖洋蔥，冬天飲真係暖入心🧅🧀🐌<法式焗田螺：蒜香暴擊！>有專用田螺夾同叉夠晒方便，田螺肉彈牙得嚟唔會韌，最正係牛油蒜蓉香草好入味😋🥩<香草牛肋骨：肉食獸天堂！>成條慢煮牛肋骨肉質鬆化到唔使用力咬，撈埋醬汁食一流，旁邊嘅粗薯條堅脆口，正呀🍟🍝<黑松露野菌意粉：香水級別！>一上枱成陣松露香攻過嚟！黑松露忌廉汁掛滿每條al dente意粉，食落又唔會太漏，配埋雜菌一淯🍄🍫<心太軟流心show：冰火二重奏！>壓軸甜品戲碼十足！切開朱古力外殼嗰下，濃郁嘅朱古力漿好似熔岩咁湧出嚟！配埋雲呢拿雪糕一冷一熱，個反差感正到痺！❄️💡整體評分：9/10 👍🏻 人均消費：$455（高質法餐嚟講算合理） 必點推薦：牛肋骨+心太軟CP組合！

之前食lunch發現哩度有間隱世法國菜，就決定嚟試下，餐廳環境闊落，2個人都安排左4人台，適合同朋友聚餐龍蝦湯好重龍蝦味，都算係飲過嘅龍蝦湯之中數一數二，飲得出好足料，值得一試法式地道鴨腿配鴨油煎薯仔鴨腿十分出色，一上枱已經聞倒好香，肉質分明，好重鴨香味，配菜薯仔更加係好有驚喜，用鴨油煎過，外脆內軟日本鮮帶子檸檬汁初榨橄欖油意粉意粉軟硬程度啱啱好，鮮帶子大大粒有四粒，唔會煮到過熟，生熟程度啱啱好，好鮮甜法式焗蝸牛呢個真係必點，蒜香牛油配蝸牛，蝸牛口感好好，隻隻都大大粒，蒜蓉牛油超級香，撈埋薯蓉食，好惹味，仲要有提供夾，唔會整污糟手，抵讚酥皮蘋果批配雪糕呢個有驚喜，酥皮一層層配蘋果肉一流，個雪糕都唔求其，好香雲呢拿味之餘，仲要有一粒粒杏仁！好好食紅酒白酒做緊買一送一，但我地冇叫總結，會再幫襯

今日去中環同朋友dinner，朋友簡左Cuisine Culture話想食西餐。 首先一入去見到環境唔錯，靜得黎又有氣氛，幾岩朋友聚會或者情侶拍拖😋首先，我哋叫咗個龍蝦湯作為頭盤。龍蝦湯味道濃郁， 質感creamy。合桃無花果沙律新鮮嘅無花果配上香脆嘅合桃，口感豐富，加上清新嘅沙律醬汁，幾開胃主菜方面，我哋叫咗 黑毛豬鞍架 同 白蒜牛肝菌意粉黑毛豬鞍架火候控制得啱啱好，外脆內嫩，肉質鮮美，配埋香噴噴嘅焗薯，大滿足😋 白蒜牛肝菌意粉嘅味道亦都好出色，濃郁嘅牛肝菌香味加上香蒜🤤  幾惹味 Tiramisu咖啡味香濃，口感濕潤，甜度適中。Cuisine Culture 嘅食物質素比我想像中高好多，特別要讚係侍應服務態度非常好，係香港絕對少見。下次有特別日子一定會再黎。

估唔到中環地段都有一間cp值超高既法國餐，今次一於嚟試試佢。環境清靜，服務周到，有效率，值得一試。洋蔥湯 $88熱辣辣嘅洋蔥湯🧅，用牛肉湯底熬製，湯入面有舊面包。滿滿嘅洋蔥煮到好稔，洋蔥咁甜味同牛肉味配搭形成好濃郁嘅味道。入面嘅面包吸收晒洋蔥湯嘅湯汁🍞，口感食落有啲似布丁。更意想不到嘅係，包裏面竟然有拉絲芝士🧀，令口感更有層次。法式焗蝸牛 $108蝸牛肉質好q彈，口感好細嫩多汁😋。用奶油香蒜焗製而成，配合香濃的蒜蓉牛油🧄，口感層次分明，既有香氣四溢的蒜香，又有牛油的醇厚🧈。香草燒黑毛豬鞍架配焗薯 $268擺盤好有質感，豬鞍燒得好靚，豬嘅油脂香再加上經香草醃製後，散發獨特嘅香氣🍗。食落肉味好濃郁，表面好焦脆，內部仍然保持多汁💧。而薯仔外脆內軟熟，好香薯仔味🥔，好滿足。黑松露醬野菌意粉 $158黑松露醬嘅香氣濃郁，豐富的風味令意粉檔次提升，野菌多汁，有菇嘅鮮味🍝，令口感更豐富。酥皮蘋果批配雪糕 $88蘋果批表面好酥脆，食落外層酥脆表面再加埋裏面柔軟而且好濃郁牛油香🧈。新鮮蘋果切片🍎，甜中帶有一絲微酸，口感多汁，與酥皮形成完美的對比。雲呢拿雪糕冰涼滑順🍨，融化後同蘋果批的熱度形成絕妙對比，增

今個周末同朋友search到，黎到依間隱世中環法國菜！朋友住左係依度附近咁耐，都唔知原來一棟大廈上穩藏左一間餐廳，仲要咁正，平民價可以食到法國菜，驚喜!我地試左蝸牛，店員好細心地教我地點樣用工具輕易將肉拎出黎。入口口感好好有咬口，朋友同我都好中意，配薯蓉就完美配搭。之後一人一碗飲左洋蔥湯，好香濃，配埋塊麵包係湯一齊享用，好正！好少飲到咁高質嘅湯。香草燒黑毛豬𩣑配焗薯軟硬適中，配個汁更突顯到豬肉的香味，值得一提係配菜的薯仔烤得好香好好味海鮮墨汁意粉個汁超香濃海鮮味，然後意粉硬度適中，帶子十分好味，青口煮得剛剛好，蝦係當中我地最中意的，肉質好味道又香濃好新鮮。成碟都好足料，滿足，推!甜品揀左個雪糕西多士好特別嘅係依個西多用嘅包係長型，並且係煎的唔係炸的，所以入口就外脆內軟，又唔會熱氣，而且味道唔會好甜但卻有好香牛油味，配埋個雪糕好夾，雪糕都勁好味，有nuts係入面，清甜。餐廳好舒服好有空間感，而且唔會趕人，好岩同家人朋友黎坐下休息同傾計。廚房仲要係open kitchen! 香港嘅周末已經好難搵到依啲地方，特別中意嘅係果種少少懷舊復古的風格，同埋員工同客人之間的人情味。見佢地好多熟客，應該

今日同朋友去左中環行街，順道去吃晚餐。龍蝦湯（$92）：龍蝦湯有濃郁的海鮮風味，口感細膩，非常鮮味。蒜蓉包都好香口，不錯。法式焗蝸牛（$108）：法式焗蝸牛的味道非常豐富，蒜香味濃郁，讓人一口接一口。蝸牛的肉質彈嫩，嚐起來不會過於油膩。香蒜牛肝菌意粉（$158）：牛肝菌獨特風味與香蒜濃郁香氣完美結合，令整道菜肴層次分明。香蒜的運用則為菜餚增添清新的口感和香氣，使整體味道更豐富。法式地道鴨腿配鴨油煎薯仔（$228）：鴨腿外皮烤至金黃酥脆，口感美妙。肉質鮮嫩多汁，並且擁有淡淡的香料和鹽巴的味道，完美地提升鴨肉鮮味。每一口都感到豐富的肉質與鴨油的香氣，令人陶醉。薯仔則是用鴨油煎至外脆內軟，黑邊帶著金黃的色澤。鴨油的使用不僅增添薯仔的香氣，更讓薯仔的口感變得更豐富。每一口都有淡淡的鴨香，讓人忍不住想再來一口。酥皮蘋果批配雪糕（$88）：酥皮蘋果批的外層金黃酥脆，散發著誘人香氣。酥皮的酥脆感與蘋果餡的軟滑交織在一起，帶來層次感。酥皮的香脆，正好中和蘋果餡的甜酸，而雪糕的滑順則為整道甜品增添絲滑觸感，讓人感受到多重口感的享受。