Cuisine Culture

營業中

休息中

🍴今日喺中環蘭桂坊搵到間好有驚喜既樓上西餐廳，主打食法國菜。🍴焗法式地道古也芝士洋蔥湯$88🧅我同朋友都叫咗呢個洋蔥湯，呢洋蔥湯湯係我食過最好味嘅一次，每一羹都有拉絲嘅效果，湯入面有塊脆邊多士，浸向湯入面吸收晒湯嘅精華👍🏼🍴法式焗蝸牛$108 🐌焗田螺就食得多，焗蝸牛都係第一次食，蝸牛肉比田螺肉質更腍，用香草同牛油嚟焗真係好香，蝸牛下面仲有少少薯蓉，一齊食簡直配搭一流。🍴法式地道鴨腿配鴨油煎薯仔$228🍗一上碟就聞到好香嘅鴨油味，鴨腿表皮煎得香脆，肉質好園林，感覺係似慢煮出來既質感，每一啖都掛滿鴨油嘅香味；用鴨油煎嘅薯仔亦都好出色，金黃色的，配埋啲沙律菜同蕃茄仔平衡返唔會油膩。🍴香蒜牛肝菌意粉$158🍝好簡單嘅意粉菜式，但係味道一流。意粉麵條軟硬適中，牛肝菌幾有咬口，食得出有濃郁嘅蒜香味同用咗高質嘅橄欖油，令人回味無窮。🍴酥皮蘋果批配雪糕🍨酥皮焗得鬆脆，食落有少少肉桂嘅香味，蘋果片焗得清甜，配一球果仁雪糕，冷熱交融，口感豐富👍🏼✨另外值得一讚嘅係餐廳環境入邊好浪漫舒服；侍應服務亦一流，會按住客人進食嘅進度上菜；用完餐廚師亦會問返客人對食物嘅意見👍🏼

晚餐時間有七五折，7:30到達，裝修普通環境偏細，等咗四個字先上第一道菜，鵝肝醬配包，係幾好食，之後上意粉🍝都好食，重有牛肋骨，因為等得太耐太肚餓，所以嗌多咗個洋蔥湯飲，飲完個湯都未有得食，問侍應，10分混亂又喺度同廚房確實訂單有冇，跟住廚房又話出咗，之後搞咗一輪先攞個餐出嚟俾我，好食的，但係安排太混亂，沒有下次。

✔️龍蝦湯+ 黑松露油包，龍蝦湯嘅味道非常濃郁，而且飲得出唔係罐頭湯嘅味道，所以我同朋友非常有驚喜，喺餐廳自家製嘅龍蝦湯，再加埋佢黑松露油包，成個口感同埋味道配搭上都非常高級，成個口感同埋味道都非常出色，match得都幾好！✔️煙三文魚牛油果沙律，本身我非常鍾意食三文魚，所以就揀咗呢一個沙律嘅頭盤，佢嘅dressing, 都做得唔錯，而且令人非常開胃，煙三文魚嘅味道味道，我覺得都係合格以上，而且成個沙律嘅份量都幾多，性價比幾高！✔️慢火煮紅酒和牛面肉配法包, 呢一個牛肉做得非常好食，因為佢係慢煮嘅形式，所以佢炆得好林，所以佢成個牛肉嘅味道都非常入味，再加埋法包去食，成個口感同埋味道上都唔錯！我男朋友都非常鍾意呢一個main dish! 紅酒嘅味道好香，成個味道完全入晒去！呢個真係非常值得推介大家！真係正！✔️黑松露醬野菌意粉，另外就決定叫個意粉，意粉嚟講都做得唔錯，佢攞咗幾隻唔同嘅蘑菇，令到成個口感上更加多元化，而且味道上都做得唔錯，我同朋友都非常推介！再加埋黑松露將成個口感亦都更加昇華同埋高級！✔️朱古力心太軟配雪糕，朱古力心太軟再加埋凍冰冰嘅雪糕其實係一個幾好嘅配搭！整體來講一間餐廳都會非常

我哋今日喺中環做完嘢之後想搵間有feel嘅餐廳，所以就嚟咗呢間法國西餐廳，而家仲有做訂座優惠~ 酒水都有買一送一，一大班人嚟食都ok! ❤️我哋嗌咗一人一碗洋蔥湯，熱辣辣飲好暖笠笠🥳洋蔥好甜好濃郁！上面有加咗芝士嘅法包，脆脆哋同埋點湯食好好味🤤 吸哂湯咁食🐥之後就上咗前菜係牛骨髓法包，上面有啲Parma Ham，配埋法包一齊食就可以中和返個咸，而且好香，會帶番牛骨髓個油香出嚟🐒跟住就嚟咗煎鴨腿，廚師用咗鴨油再煎薯仔，薯仔超好食，好香甜，鴨腿都唔錯，幾大隻😀😀我哋仲嗌咗一個檸檬汁煎帶子意粉，帶子有四大粒，鮮甜可口！意粉炒得幾好，仲夠彈牙！最尾唔少得一定要食甜品，嗌咗蘋果酥配雪糕，雪糕每一次食都覺得驚艷，佢係香甜雲呢拿入面有nuts~ 配上蘋果酥一齊食啱啱好！

收工約朋友試下新菜式我地6點幾係第一批客人之後過左陣愈黎愈多人滿座估唔到佢唔係商場都有咁多人捧場證明佢一定有吸引之處我地兩個女仔細食所以點左幾款野食法式焗蝸牛餐廳好貼心，提供專食焗蝸牛的餐具侍應見我朋友唔係好識食佢仲試範比我地睇😂😂so nice 蝸牛好腍，佢仲有蒜蓉牛油的香味仲有薯蓉配埋，好好好好味！濃濃的龍蝦湯，配個蒜蓉多士好夾！多士真係好好味！未飲湯之前都已經聞到好龍蝦湯味，估唔到好濃！法式地道鴨腿配鴨油煎薯仔鴨腿d肉好嫩！烹調啱啱好！鴨腿外層煎到香脆，薯仔比鴨油煎香過，所以好香海鮮墨魚意粉個青口係鮮甜形容，其他地方係食唔到依個熟成度比我感覺係，好似食生蠔feel 😆帶子都係煮得岩岩好！嫩👍最surprise 我係個墨魚意粉平時係會食到成個嘴都黑但依個不會且有墨魚汁味讚！朱古力心太軟配雪糕依個都係另一個好欣賞的菜式佢係真做到外脆內軟唔溜朱古力的甜度唔係好高所以岩我依d~小甜的朋友仔食！最後真係讚下侍應佢勁熱情款待又會同我地講下點樣食先最好主動幫手清理碟同枱上主動斟水，好好！一個人做都咁好service， 抵佢有咁多回頭客

朋友介紹中環有間隱世法國菜來到大廈門口完全想像唔到以為去錯地方估唔到樓上竟然有間高質法國菜重點係價位合理餐廳以小店經營黃色梳化椅配深啡色木枱裝修簡潔得黎帶點優雅氣氛Appetizers//法式焗蝸牛 $108//店員介紹又見每枱都有叫 我都唔執輸一客六隻 餐廳會提供焗蝸牛專用的餐具好容易就拎到粒肉出黎蝸牛肉非常之軟淋而且勁香蒜蓉牛油同香草味面頭再加上橄欖油 絕對是法式風味Soup//焗法式地道古也芝士洋蔥湯 $88//最近數天天氣轉冷飲呢個湯最好之不過面層舖滿了多士同古也芝士放進焗爐烘烤麵包吸收湯頭精華芝士融化後 香氣四溢再加上大量洋葱幾乎每一口也能食到半溶化的洋蔥洋蔥的清甜味混合在香濃的芝士好夾古也芝士可以拉絲多士浸至軟淋淋的口感每一口都吸晒湯的精華 滿足Main//香草海鹽燒美國原條牛肋骨配薯條 $298//烤至外層焦香 肉質保持嫩滑一切落去好容易就切到配搭埋特製醬汁更添味美伴碟有薯條薯條新鮮炸起 外脆內軟Pastas//香蒜牛肝菌意粉 $158//一上枱已經聞到香噴噴牛肝菌菇菌味出 口感爽滑呢度的意粉真係有一手 炒得乾爽而且勁掛汁配合蒜蓉味同牛肝菌鮮甜味 好味Desserts//

喺歐洲幾個大國嘅菜系中，相信法國菜算喺比較少食，睇返自己啲食評，原來對上一次食法國菜已經喺成年前嘅事，今晚嚟到隱身於商廈裡面嘅「Cuisine Culture」，再細嚐法式滋味。雖然店舖裝修樸實，卻有種小鎮嘅法式小酒館氣氛，加上燈光柔和，感覺蠻舒適服。而廚房採開放式，睇到廚師們晌裡面做茶嘅情景。順帶一提，招呼幾唔錯，侍應不時主動添水，更換餐具，又會視乎你進食進度而上下一道菜，令整晚進食嘅流程好暢順。講講餐牌，呢度就無做套餐，全部都喺散點。大類分為前菜、湯品、沙律、主菜、意大利麵及甜品。而飲品方面，除一般嘅咖啡、茶、果汁之外，有另一本餐牌列出多款紅白餐酒。侍應更話做緊推廣，紅白餐酒買一送一，無論喺嗌一杯或是一整支，都有呢個優惠，啤酒同汽水都喺，買一送一。龍蝦湯 $92講到湯品，法式洋蔥湯同法式龍蝦湯相信都可以喺代表之一。龍蝦湯上到枱，色澤已經好對辦，橙紅得嚟好亮麗，入口更喺鮮蝦味濃郁，啖啖精華湧入口腔，附上嘅蒜蓉法包亦烘得脆口，蒜香滿滿。法式焗蝸牛 $108焗蝸牛亦喺法國菜頭盤嘅經典，一客共有6隻，墊有少少薯蓉，咪輕看啲薯蓉，除咗搓得軟滑，仲有陣陣香草香；而啲蝸牛肉口感嫩滑，甚具蒜蓉及牛

聽朋友介紹中環有間隱世平民法國菜餐廳，餐廳環境舒適，侍應招呼有禮，而且午市套餐性價比高，於是便帶着媽媽一起試試。我哋因為好多樣嘢都想試，所以隨心點了幾款食物，樣樣都好好味。值得推介的食物有：1.Gratinee French Onion Soup Toast & Gruyere Cheese焗法式地道古也芝士洋葱湯呢個湯係濃湯，有重重嘅洋蔥同芝士味，仲有件法包喺當中，口感層次好豐富，值得推介。2.Baked Escargot with Garlic & Herbs法式焗蝸牛一碟六隻，用專業的工具輔助輕鬆取出。焗蝸牛有很香的蒜蓉和香草味配上黑松露薯蓉，十分美味。3.Traditional French Duck Confit & Duck Fat Potato法式地道鴨腿配鴨油煎薯仔慢煮鴨腿，鴨腿外皮香脆，肉非常軟冧，而薯仔亦烤焗過帶有焦香。4.Seafood with Black Ink Spaghetti海鮮墨魚意粉海鮮有青口、帶子、大蝦，最欣賞個墨魚意粉嘅質地，煙煙韌韌彈牙又掛汁。5.Chocolate Fondant with Ice-cream朱古力心太軟配雪糕心太軟焗得剛好，

龍蝦湯出邊嘅龍蝦湯好多時因為杰身所以上枱熱度唔夠，而呢間嘅龍蝦湯上枱時好夠熱！入口濃稠順滑，味道超級鮮甜，感受到係有用足料熬煮。一定要點！前菜 - 焗咸巴約納火腿牛骨髓配法包因為朋友鍾意食牛，所以叫咗呢道未試過嘅牛骨髓法包嚟做前菜。係原條牛骨咁上，質地似啫喱加牛油，用匙羹輕輕一畢就得。而火腿嘅鹹香係呢個菜嘅香氣來源，成個食就會又脆又軟，層次豐富。Main course - 香草燒黑毛豬鞍架配焗薯黑毛豬鞍肉質好嫩好juicy，厚切之餘中間係熟嘅啱啱好嘅粉色，入口絕對唔乾爭爭鞋烚烚。薯仔都要讚一讚，係帶焦香得嚟入面仲keep到水份。Pasta - 海鮮墨魚意粉海鮮熟成度啱啱好，帶子入口滑嫩，青口鮮甜，隻蝦就大大隻得嚟仲keep到爽彈。意粉堅有墨魚味，唔係得個黑字。甜品 - 朱古力心太軟配雪糕心太軟焗到外脆內軟！朱古力漿唔會死點，欣賞佢側邊仲有啲果jam點綴，睇得之餘係好味嘅。服務環境侍應超級nice，仲會問你食後感👍🏻環境ok，臨近聖誕仲有聖誕裝飾同播bgm靚，2個人紀念日定一班朋友慶祝都可以揀呢間，會再幫襯🫶🏻

今日朋友帶我去中環Cuisine Culture，餐廳主打法式私房菜，而家做緊推廣，經Openrice網上訂座，可享單點餐牌正價75折，非常抵食。焗法式地道古也芝士洋蔥湯：洋蔥湯上枱熱騰騰，香氣噗鼻而來，湯面放左一片法包，仲加左好多芝士，濃郁而美味。煙三文魚牛油果沙律：新鮮沙律菜，配上煙三文魚、蕃茄仔、牛油果，開胃又健康。香草海鹽燒美國原條牛肋骨配薯條：餐廳好細心，把牛肋骨既肉預先切好，再一塊塊鋪番喺牛骨上面，肉質軟腍，牛味香濃。日本鮮帶子檸檬汁初榨橄欖油意粉：大大粒既帶子，鮮甜厚肉，意粉煮得彈牙，搭配檸檬汁，味道估唔到咁夾。法式焦糖燉蛋：如絲般幼滑既燉蛋，上面有一層烤得恰到好處既焦糖，食到香脆又軟滑既雙重口感。整體來說，食物有水準，服務優質，性價比高。

朋友中環放工介紹我試吓呢間樓上西餐廳位置非常方便· 食物質素有水準·合理好價錢👍👍👍***龍蝦湯配多士$92***用料新鮮講究好香、味道濃郁、正***焗法式地道古也芝士洋蔥湯$88***味道濃郁正宗聽師傅介紹個湯底係用牛肉來煲既***無花果合桃沙律$138***用料真係一d都唔馬虎明顯地係用新鮮食材合桃好脆口無花果蕃茄同埋沙律菜都好fresh配有少少醋同橄欖油來調味非常之醒胃***法式地道鴨腿配鴨油煎薯仔$228***絕不油膩用鴨油來煎的薯仔好香好惹味***黑松露野菌意粉$158***意粉軟硬程度正宗份量十足***酥皮蘋果批配雪糕$88***味道不太甜👍好食雪糕都好好食有試意同值得推介的樓上餐廳地點非常之方便由地鐵站行去大概3分鐘路程今次平日夜晚來食唔太多人坐得都舒服環境都方便傾偈附上menu

星期六下午約咗朋友喺中環食lunch, 佢喺附近返工，話有間法式西餐ok, 就一齊去咗食。龍蝦湯龍蝦味好濃，仲有兩塊蒜蓉包送，配埋湯食好夾。法式焗蝸牛蝸牛調味幾好，食落仲好彈牙，下面仲有creamy嘅薯蓉，一齊食味道唔錯，口感更豐富。慢火煮紅酒和牛面肉配法包和牛面肉好軟身，果然係慢火烹調，紅酒汁好入味，用法包點汁就可以食盡精華。日本鮮帶子檸檬汁初榨橄欖油意粉帶子好大粒，意粉嘅質感煮得幾好，唔會太硬，亦都唔會太軟身，檸檬汁好突出，雖然有落初榨橄欖油，但食落都唔算好油膩，份量都算幾大份。酥皮蘋果批配雪糕甜品有驚喜，廚師畫碟好靚，蘋果批好香，未上枱已經聞到浸香味，食落好鬆化，上面嘅蘋果唔會太甜，配埋果仁雪糕食啱啱好。朋友嘅介紹果然冇錯，如果冇佢帶路都唔會食到呢間隱世高質餐廳。

Ooo世一洋蔥湯oO餐廳主打法國菜 位於中環 簡潔舒適餐廳以小店形式經營 店員親切有禮OooooO焗法式地道古也芝士洋蔥湯推推推 焗芝士洋蔥麵包 配上濃郁的洋蔥湯 配上濃而不膩的拉絲芝士 口感、味道滿分OooooO日本鮮帶子檸檬汁初榨橄欖油意粉 $198大大粒日本鮮帶子 煮到剛熟嫩 檸檬汁加香草意粉 味道清新特別 OooooO無花果合桃沙律 $138滿滿的合桃 有益健康 第一次食無花果的沙律少甜加少少合桃味 配上醋汁 係一個不錯的沙律新配搭OooooO香草燒黑毛豬鞍架配焗薯 $268黑毛豬鞍燒得肉質爽口 黑毛豬真係唔同D呢款菜食得出廚師的功架 爽口的豬鞍絕對是技術OooooO酥皮萍果批配雪糕酥皮萍果批非常香脆 內裏蘋果餡甜而不膩微酸配上冰凍的雪糕 真係好滿足餐廳服務滿分 侍應非常親切 用餐體驗很好

最近追緊套法國🇫🇷電影，睇上腦🫢諗諗吓咁大個女都無食過法國菜，決定搵間法餐！！朋友話呢間食物質素同價錢都親民，月中貧窮豬的我可以一試。餐廳位置蘭桂坊附近的樓上舖，位置都易搵。餐廳裝修簡約、舒適給人一種好暖心嘅感覺，可能用咗黃燈😂 環境都安靜，好適合情侶👫燭光晚餐 /姊妹談心嘅地方服務員哥哥好熱情，知道我哋第一次食法菜，就介紹我哋有咩係必試🫶🏻依加晚市指定酒類/汽水做緊買一送一🌟龍蝦湯$92平時飲嘅龍蝦湯會帶少少苦澀味，呢個原全無。濃郁嘅蝦湯味，好creamy法式焗蝸牛$108好怕蝸牛嘅我，今日要豁出第一步 。外觀上似田螺，唔恐怖嘅。蝸牛肉質比較淋，都無咩特別嘅腥咩/奇怪味道🤣 再配埋底下薯蓉又幾好食。廚師用重蒜油去焗，更加香口。香草燒黑毛豬鞍架配焗薯$268呢道菜真心驚豔，烹調豬鞍嘅時間係啱啱好，肉質好嫩滑，仲保留到肉汁。配埋燒汁食係一流😳而且豬鞍好厚肉 必order香蒜牛肝菌意粉$158香濃嘅菇菌味道👅原來牛肝菌煮熟後質感係好淋，幾特別。意粉煙韌，慢慢咀嚼時可以享受肝菌嘅香氣。牛肝菌係素食，所以口味偏清淡。重口味人士可以向廚師order咸啲都得。是日甜品$88麵包布甸配朱古力雪糕，麵

有時想食吓法國餐但係好多法國餐都偏貴小小搵到呢間樓上法國餐環境都企企理理House red同house white做緊買一送一試咗house white 本人對酒冇乜喜好但係都覺得幾易入口 女仔都啱飲食物選擇都唔少，花多眼亂傳統同經典嘅法國餐都有✨法式焗蝸牛 $108前菜揀咗法式焗蝸牛奶油香蒜味都好出我哋連啲薯茸都食晒蝸牛同薯茸襯奶油香蒜都好夾✨焗法式地道古也芝士洋蔥湯 $88洋蔥煮到淋晒 湯頭濃郁加埋芝士 十分惹味✨香草黑毛豬鞍架配焗薯 $268唔想食牛試吓豬！豬鞍入口淋身 但肉味重香草汁唔會太搶到味✨日本鮮帶子檸檬初榨橄欖油意粉 $198帶子有大隻隻四隻 小小煎香新鮮帶子配檸檬橄欖油汁好清新 一啲都唔會漏✨是日甜品 法式焦糖燉蛋 $88呢個甜品有驚喜！個人鐘意厚焦糖呢到嘅焦糖夠厚 超好味