Cuisine Culture

營業中

休息中

環境5分：樓上西餐廳响舊樓入面但都好四正，成行卡位非常整齊闊落，廁所响餐廳入面好獨立，可以畀五分。衛生5分：Ｄ枱有枱布，每次上菜前都會換囇D餐碟同刀叉，好乾淨企理，衛生一樣畀五分。服務 5分：侍應生解釋得好清楚，原來紅白酒同啤哂都有happy hour買一送一，响中環蘭桂芳黎講價錢非常開心。伙計不停加水，自動又快手，落單上菜效率高，滿分。味道5分：1)    焗法式地道古也洋蔥湯上枱好熱，洋蔥湯個洋蔥味非常濃郁，入面有塊好淋嘅法包同埋足料古也芝士，每一啖都有拉絲嘅效果，好香好甜。2)    法式焗蝸牛一碟有六件，每件下面都有薯蓉，蝸牛好淋同好滿香草，入面Ｄ汁點埋D薯蓉非常惹味。3)     慢火煮紅酒和牛面肉配法包個醬好濃郁，和牛面肉非常之淋同鬆，入面有蘑菇，紅蘿蔔同蕃茄，食完Ｄ肉剩餘嘅汁用黎點法包好入味。4)     日本鮮帶子檸檬汁初榨橄欖油意粉有四隻大帶子，非常鮮甜同嫩口，蕃茄仔又爽又多汁，蒜片好惹味，Ｄ意粉好彈牙，煮嘅時間啱啱好，個檸檬汁又夠清新。5)    酥皮蘋果批配雪糕個蘋果批新鮮焗出好熱辣，個酥皮夠薄同脆，雪糕入面有nuts，脆卜卜好得意。抵食5分：每人幾舊水响中環食個

朋友介紹中環近蘭桂坊有間樓上既西餐廳，於是 趁新年前就上去試一試餐廳面積唔大，牆上掛滿畫，配合柔和既燈光，予人輕鬆既氣氛先黎無花果合桃沙律。蔬菜新鮮，加上無花果既甜、黑醋既微酸、合桃既香脆，口感多重得黎又達到醒胃效果再黎係芝士洋蔥湯。微脆既芝士加上洋蔥湯既濃郁帶厚既質感配合烤得香脆既小麵包，滿足得很感覺好似將一整個洋蔥吃進肚子跟住既係鴨腿配鴨油煎薯仔未上枱已經聞到陣陣既鴨香鴨腿皮微脆，肉則嫩滑而作為配菜既薯仔亦意外地煎得好食， 外皮焦脆鬆香，可能就係用左鴨油黎煎緊接既係帶子檸檬汁橄欖油意粉日本帶子新鮮，配合檸檬汁同橄欖油，非常開胃意粉做到al dente 既口感亦合我心水帶子去到刺身嘅級數，又夠大隻又夠鮮味甜品係蘋果批配雪糕與其話係蘋果批，佢會比較似係一個酥上邊有蘋果片，配合埋雲呢拿雪糕一齊食，為為哩餐畫上圓滿嘅句號餐廳應該另外有做曲奇餅義賣，支持其他社福機構，喺一間絕對值得支持嘅餐廳值得一提嘅係，服務殷勤，會成日加水同埋換餐具， 用心的服務

新年前夕，同朋友係中環行街食飯，當然選擇食西餐，因為比較容易book位，我們揀中環蘭桂坊德己立街12號業豐大廈2樓的法國餐廳「Cuisine Culture 」，價錢實惠，地點又方便。Lobster Bisque龍蝦湯，海鮮味濃厚，口感濃郁，又Creamy。配埋個蒜蓉包，真係冇得頂。Baked Escargot with Garlic & Herbs法式焗蝸牛，淡淡嘅香草味，肉質又鮮嫩。Spaghetti with Porcini & Garlic香蒜牛肝菌意大利麵，意大利麵個質感很有咬口，唔會煮得太腍，配牛肝菌又爽口，淡淡菇嘅香味，加上蒜香和香草，味道一流。Slow Cooked Wagyu Beef Cheek in Red Wine served with Baguette慢火煮紅酒和牛面肉配法包，牛面肉再慢火煮，肉質軟腍腍，而且非常入味，平日唔多食牛的朋友，都食到舔舔脷，讚不絕口。再將法包沾上肉汁，肉汁的味更加突出。是日甜品焦糖布丁，焦糖金黃，布丁滑滑，不會太甜。Latte 和 ice coffee，也很香滑。Menu 選擇頗多。

喺歐洲幾個大國嘅菜系中，相信法國菜算喺比較少食，睇返自己啲食評，原來對上一次食法國菜已經喺成年前嘅事，今晚嚟到隱身於商廈裡面嘅「Cuisine Culture」，再細嚐法式滋味。雖然店舖裝修樸實，卻有種小鎮嘅法式小酒館氣氛，加上燈光柔和，感覺蠻舒適服。而廚房採開放式，睇到廚師們晌裡面做茶嘅情景。順帶一提，招呼幾唔錯，侍應不時主動添水，更換餐具，又會視乎你進食進度而上下一道菜，令整晚進食嘅流程好暢順。講講餐牌，呢度就無做套餐，全部都喺散點。大類分為前菜、湯品、沙律、主菜、意大利麵及甜品。而飲品方面，除一般嘅咖啡、茶、果汁之外，有另一本餐牌列出多款紅白餐酒。侍應更話做緊推廣，紅白餐酒買一送一，無論喺嗌一杯或是一整支，都有呢個優惠，啤酒同汽水都喺，買一送一。龍蝦湯 $92講到湯品，法式洋蔥湯同法式龍蝦湯相信都可以喺代表之一。龍蝦湯上到枱，色澤已經好對辦，橙紅得嚟好亮麗，入口更喺鮮蝦味濃郁，啖啖精華湧入口腔，附上嘅蒜蓉法包亦烘得脆口，蒜香滿滿。法式焗蝸牛 $108焗蝸牛亦喺法國菜頭盤嘅經典，一客共有6隻，墊有少少薯蓉，咪輕看啲薯蓉，除咗搓得軟滑，仲有陣陣香草香；而啲蝸牛肉口感嫩滑，甚具蒜蓉及牛

豐業大廈我嚟過好多次，但通常都係食中菜多，之前發現呢間Cuisine Culture，今次就過嚟探店！店舖裝修簡潔，舒適；有別於高級法國菜，呢度感覺更casual。今日嗌咗5道菜，而且晚市house wine、啤酒、汽水做緊買一送一優惠⋯為配合法國菜，就嗌咗2杯白酒⋯焗法式地道古也芝士洋蔥湯味道濃郁，洋蔥蕉糖化使洋蔥原來嘅味道更濃郁，更香甜！配上古也芝士同芝士法包，軟腍、咸香加上拉絲嘅芝士，令整個口感、味道更有層次⋯焦糖鵝肝醬配法包本身我好鍾意鵝肝醬配法包，焦糖鵝肝醬真係第一次試！脆脆焦糖下嘅鵝肝醬口感細膩、醇厚，配上果jam，中和咗鵝肝醬油膩嘅感覺，食落更清新，推介！慢火煮紅酒和牛面肉配法包牛面肉煮到軟腍，牛味香濃，肉質嫩滑，骨膠原非常豐富！食落軟腍，而且有口感，唔錯！法包蘸上紅酒汁嚟食，味道亦唔錯。日本鮮帶子檸檬汁初榨橄欖油意粉呢道菜比較清新，帶子鮮甜，口感細嫩⋯意粉口感煙韌彈牙，配上香草汁，味道都已經好好⋯但由於係檸檬汁意粉嘅關係，就略嫌缺少檸檬清新舒爽嘅感覺，但整體都係好味的！朱古力心太軟雪糕朱古力味道濃郁，熱熱嘅朱古力漿再配上冰凍嘅雪糕，感覺一流！House Wine白酒味道

呢餐真係由頭到尾都充滿驚喜！開頭嘅龍蝦湯，香濃得嚟又唔會過膩，龍蝦湯啖啖鮮甜，加埋湯底嘅濃郁層次，真係飲完令人想再嚐多一啖。之後上嘅無花果合桃沙律好清新，無花果嘅天然甜味配埋合桃嘅香脆，，啱啱好中和咗前菜嘅濃味。 主菜方面，香草燒黑毛豬鞍架嫩滑得嚟又保留住豬肉原始嘅香味，配埋焗薯，簡單又滿足。而香蒜牛肝菌意粉就係嗰種料頭十足嘅家常味，牛肝菌嘅香氣每一啖都好突出，意粉掛汁程度岩岩好，唔會太乾或者太濕。 最後嘅酥皮蘋果批配雪糕真係完美收結，酥皮鬆化，蘋果餡酸酸甜甜，配埋香草雪糕嘅滑溜，真係有種幸福感。整體嚟講，呢餐喺味道同擺盤上都非常用心，絕對值得推薦！

Nestled in the heart of Central, this restaurant is a delightful haven for office workers seeking a taste of France within office lunch break. With a cozy atmosphere and a menu that balances quality and affordability, it’s the perfect spot for a leisurely lunch during a busy workday.Duck Liver Mousse Crème Brulee served with Baguetti is a standout. The mousse has a rich, buttery texture that melts in your mouth, beautifully enhanced by its slightly sweet crème brulee topping. The baguetti is cri

今日搵到一間隱世特色西餐廳，大廈嘅大堂好似普通嘅商業大廈，餐廳嘅招牌並唔顯眼，乘坐升降機上到去，行到走廊最盡頭，終於發現呢間西餐餐廳，睇睇餐牌發現原來餐廳係食法國菜嘅，餐廳入面裝修佈置得十分簡約，感覺清新而舒適，法國菜嚟講價格非常優惠。嚟食法國菜一定要試傳統嘅「法式洋蔥湯」，仲有「法國蝸牛」，洋蔥湯偏向適合香港人嘅口味。蝸牛配合薯蓉，好惹味。主菜兩份，分別揀咗「牛肝菌意粉」同埋「紅酒燉牛肉」。牛肝菌味道非常香濃，燉牛肉係牛面頰肉，肉質非常香滑而且鮮嫩，配合紅酒一齊煮，十分出色，非常推介。今日嘅推介甜品係「雜果拿破崙餅」，超多雜果，配合鬆化嘅拿破崙餅，即叫即做，真係超好味。總結食物質素好高，係好抵食嘅法國菜，鍾意食法國菜嘅朋友一定要嚟試試。

Cuisine Culture (中環）餐廳喺大廈高樓角落位，裝修簡約得嚟幾有格調，最正係人少少夠安靜，同朋友傾偈一流。 🦞 法式龍蝦湯 $92 一上枱就聞到超香蝦膏味！湯身濃到似絲綢，飲落鮮甜到爆燈，配嘅蒜蓉法包焗到脆卜卜，浸落湯度半脆半軟，索晒啲精華湯汁，飲完成個胃暖笠笠。 🦆 法式地道油封鴨腿配鴨油薯仔 $228 真心推介！鴨腿皮脆到似臘鴨髀，一咬落去啲肉自動離骨，鹹香得嚟唔會過火。重點係啲鴨油薯仔，煎到金黃色脆卜卜，連平時唔鍾意食薯仔嘅我都清晒成碟！ 🥗 煙三文魚牛油果沙律 $138 三文魚份量夠晒大方，牛油果熟度啱啱好，軟滑唔會起渣。沙律菜新鮮爽脆，個檸檬汁酸酸哋好開胃，口感即刻豐富晒！ 大推！🍝 香蒜牛肝菌意粉 $158 蒜片爆得超香，牛肝菌份量多到每啖都食到。意粉煮得al dente有咬口，簡單用橄欖油炒已經好夠味。 vegeterian friend嚟食都啱！ 🍎 酥皮蘋果批配雪糕 $88 即叫即焗熱辣辣！微酸唔會甜漏漏。跟嘅雲呢拿雪糕有驚喜，一冷一熱口感正到爆！ P.S. 晚市飲品買一送一超抵，白酒紅酒啤酒任揀。侍應服務好貼心，不停主動加水同換碟

Vivian好耐冇過海了，難得今日成功游水過海，就搵到呢間抵食法國菜Menu首先上左個龍蝦湯，好濃又香又creamy，配埋個蒜蓉包，正😋焗蝸牛黎講，呢個算係食過最好味嘅一個，蒜蓉香加埋個薯蓉食，一d都唔重口味，仲想食多幾隻😋😋因為太好味要比多張相佢牛肝菌意粉，可能係法國菜，煮得比普遍出面街嘅好味好多，意粉彈牙，索哂d味，所有精華係每一條意粉，冇多餘嘅湯汁，亦完全唔會乾黑毛豬，好好味，唔會韌，咬落仲好juicy，到底點做到，可以咁好味蘋果批雪糕又係好好味，蘋果批好脆，明明望住咁厚，但入口係好薄脆，Vivian表示想食五個

呢晚我哋兩個去中環食晚餐😊😊呢度氣氛唔錯，感覺舒適，菜式都幾多樣性，賣相精緻焦糖鴨肝醬配法包 $178綿密滑順嘅鴨肝醬味道濃郁，上面嘅焦糖香脆甜美，配合埋法包入口慢慢品味好正😊 另外可加入果醬，鹹甜及果香嘅感覺帶出另外一種清新。整體嚟講，呢個係我地晚餐開始的高質素開胃小點。焗法式地道古也芝士洋蔥湯 $88法式洋蔥湯較少見，一上枱細心嘅店員提醒我哋碗好熱湯嘅賣相好靚，飲前都聞到味道香濃。由洋蔥湯配上法包和芝士在碗中，洋蔥嘅香甜令人回味無窮，亦都想不到法包在濃湯之內有唔同嘅口感，好配合，好好味。令人感覺到平凡的材料透過廚師的細心烹調，發揮出驚喜美味😊 法式地道鴨腿配鴨油煎薯仔 $228鴨腿肉質軟肉味夠香濃，進食時好容易將肉同骨分開。薯粒吃着有點點油香和嚐到薯仔的原味海鮮墨魚意粉 $208 以鮮蝦及海鮮為主角煮意大利粉，加上墨魚汁，別具一番風味。蝦大隻肉實，彈牙鮮美，帶子及青口鮮甜，意粉彈牙，惹味十足。酥皮蘋果批配雪糕 $88擺盤好有美感，雲呢嗱雪糕及熱熱嘅蘋果批有冷熱對比而又好夾總結來講，我哋都幾鍾意呢間餐廳，食物及服務質素也很不錯😊係食飯傾偈嘅好地方😊當日還有餐酒買一送一😊

準備去法國之前嚟一嚟位於蘭桂坊嘅法國餐廳試下正宗法國菜先，雖然喺樓上店，但餐廳都接近爆滿😬😬😬焗法式地道古也芝士洋蔥湯法式洋蔥湯十分清甜，加入埋麵包，吸哂湯嘅精華😝😝焗咸巴約納火腿牛骨髓配法包第一次食牛骨髓，脂肪味道好香，加埋火腿鹹鹹，個口感幾特別👍🏻慢火煮紅酒和牛面肉配法包經慢火煮過嘅和牛面肉好軟熟，帶有少少脂肪好有油香味，加入蕃茄仔可以中和牛面肉嘅膩🤪🤪香蒜牛肝菌意粉平時食到嘅牛肝菌意粉都係得個味，今次終食到新鮮嘅牛肝菌，香味獨特，同平時食到嘅菇菌好唔同，加入蒜片簡簡單單已經好好食😋是日甜品-法式西多士同港式嘅做法唔同，多士係用煎嘅做法，口感較似麵包布甸，牛油味好香，加埋雪糕，超邪惡!!!😝😝

原來呢度大廚係法國學廚二十年😮今日同姊妹出中環食吓傳統法國菜😋.【Yummy好味】⭐️⭐️⭐️⭐️.🧀焗法式地道古也芝士洋蔥湯 $88.口味濃郁、層次豐富嘅芝士洋蔥湯中間搭配住香脆、鹹香嘅芝士小麵包如有興趣試呢個湯，不妨提出小麵包另上～.🦞焗香草蒜蓉大虎蝦 $138.實而不華嘅一道小食虎蝦肉質鮮甜，爽口彈牙再塗上黑松露菌醬汁，惹味～.🐂慢火煮紅酒和牛面肉配法包 $288.非常喜歡嘅一道主菜牛面肉軟腍嫩滑，入口即化和牛經過紅酒慢火細煮，別有風味配合蘿蔔、洋蔥、牛油湯底調起口味咀嚼時滿滿嘅幸福肉感充斥係口腔食完覺得身體注入咗骨膠原咁.🍄‍🟫香蒜牛肝菌意粉 $158.素食之選，食物一出就聞到蒜香味麵質Q彈，牛肝菌嗍滿蒜/ 橄欖油偏軟腍.🍰酥皮蘋果批配雪糕 $88.唔係一般嘅蘋果批，將蘋果夾係入面將蘋果切片鋪係酥餅上面，清甜而不膩最驚喜嘅係搭埋nuts雲呢拿雪糕一齊食將蘋果批嘅味道增升之餘，口感都變得豐富～

位於中環嘅 Cuisine Culture，係間結合高質素同親民價位嘅法式小餐廳，入到去就感受到一種溫馨而優雅嘅氛圍。餐廳菜單精緻多樣~首先，叫左個前菜：焦糖鴨肝醬配法包鴨肝醬質地滑順，甜蜜嘅焦糖風味同濃郁嘅鴨肝交融，搭配新鮮出爐嘅法包，令每一口都充滿滿足感～接住嚟就係龍蝦湯，湯底用新鮮嘅龍蝦熬製，鮮甜得黎好濃郁～法式地道鴨腿配鴨油煎薯仔鴨腿肉質鮮嫩多汁，外皮酥脆，搭配濃郁嘅鴨油，好正煎薯仔外焦內軟，吸收咗鴨油嘅香氣，成為完美嘅配角，每一口都令人心滿意足日本鮮帶子檸檬汁初榨橄欖油意粉帶子嘅鮮甜同意粉嘅Q彈好夾，橄欖油嘅香同檸檬汁嘅清新，令整道菜品既清爽又唔失豐富感，適合喜愛海鮮嘅食客～餐後甜品朱古力雪糕配煎多士，雪糕滑順醇厚，搭配香脆嘅多士，形成咗有趣嘅口感對比，甜而不膩～

約咗朋友嚟中環食飯，見呢間樓上法式餐廳，一於嚟試下🍴🇫🇷✨<古也芝士洋蔥湯：拉絲攻勢！>面頭嗰層Gruyère芝士焗到脆卜卜，食落去有啲拉絲！湯底飲落甜中帶鹹，仲有啖啖洋蔥，冬天飲真係暖入心🧅🧀🐌<法式焗田螺：蒜香暴擊！>有專用田螺夾同叉夠晒方便，田螺肉彈牙得嚟唔會韌，最正係牛油蒜蓉香草好入味😋🥩<香草牛肋骨：肉食獸天堂！>成條慢煮牛肋骨肉質鬆化到唔使用力咬，撈埋醬汁食一流，旁邊嘅粗薯條堅脆口，正呀🍟🍝<黑松露野菌意粉：香水級別！>一上枱成陣松露香攻過嚟！黑松露忌廉汁掛滿每條al dente意粉，食落又唔會太漏，配埋雜菌一淯🍄🍫<心太軟流心show：冰火二重奏！>壓軸甜品戲碼十足！切開朱古力外殼嗰下，濃郁嘅朱古力漿好似熔岩咁湧出嚟！配埋雲呢拿雪糕一冷一熱，個反差感正到痺！❄️💡整體評分：9/10 👍🏻 人均消費：$455（高質法餐嚟講算合理） 必點推薦：牛肋骨+心太軟CP組合！