Briketenia (已改名) 查看

疫情之下，好耐無帶媽媽去食好嘢了，朋友介紹之下黎左北角匯呢間環境好靚嘅西餐廳 Briketenia, 試一試佢地用士多啤梨做主題嘅雙人下午茶🍓🍓🍓🍓🍓🍓先黎個鹹點一共有五款食物，個人最鍾意個迷你漢堡，另外Parma hams配薯蓉脆片都唔錯，而且感覺食物係剛剛準備好，好新鮮唔會係整定好耐嗰種。黎到重頭戲士多啤梨甜點喇，一向鍾意食甜點嘅我，為左一試佢地嘅士多啤梨甜品，預早兩星期預訂當然會有啲期望啦，今次真係沒有失望，每款甜點真係好用心製作，除左我個人唔太好食棉花糖但都食左一件之外，其餘每款都好出色👍🏻👍🏻👍🏻，尤其係個士多啤梨脆糖蛋白撻，唔會太甜又香脆，另外士多啤梨白朱古力泡芙亦是入口即溶，甜而不膩，真係想再encore.士多啤梨🍓始終都係主角，所以一埋位嘅時候服務員已經提醒我地可以加$30可以享受時令士多啤梨，我地當然唔放過，吃過鹹甜點最後食返幾粒大大啖嘅鮮甜士多啤梨，再配返杯隨餐付有的飲品(我揀左白咖啡)。呢一餐就滿足地完結了。總結: 本來都擔心下午茶甜點會唔啱老人家口味，但媽媽一邊食一邊讚真係覺得自己諗多左啦！而且價錢真係實惠，環境和氣氛真係舒適，最適合兩口子品嘗美食之餘可以傾下偈

環境3分：正常西餐廳格局，室內D鏡令地方望落幾大，不過雲石枱同地面同D綠色櫈個色好撞，露台有室外座，有景睇，加埋可以畀三分。衛生3分：地方望落都好乾淨企理，係張枱有少少立，不過有塊餐墊定得吓，畀盡三分。服務3分： 樓面只有一男一女，態度正常但唔算好friendly，落單上菜夠爽手，可以畀三分。味道-2分：1)      麵包脆皮又夠熱，個秘醬好野味，好好食，比佢五分做起點。2)      餐湯係忌廉蘑菇湯，第一唔夠熱，第二個忌廉奶味重過個菇味，第三好溜，出曬事，先扣佢三分！3)      主菜個香燒澳洲和牛配薯蓉什菜要三成熟，望落去就好似生左少許，但最大問題係和牛Ｄ肉又韌又多筯，完全唔軟熟之餘要用好多牙力咬開，冇可能值$398，扣多佢兩分！4)      餐飲杯凍檸茶仲大鑊，個茶底同糖水一樣咁稀，如果唔係啡色以為飲緊凍檸水，都係扣兩分！抵食0分：有景係一樣野，幾舊水食個冇水準fusion午餐係冇可能話抵食，畀零分。

新一年試試寫下食評。元旦日由於繼續禁晚市堂食，就相約朋友食個元旦Lunch。我同朋友都係東區人，又唔想太多人，就決定去北角匯Briketenia，食個法日fusion lunch。個Menu嘅前菜同主菜分別都幾多選擇，樣樣都想試。我哋點咗：前菜：牛肉他他配日式壽司飯 同 法式鵝肝焦糖燉蛋配田園沙律主菜：是日精選—紅酒煮牛臉頰配薯蓉 同 安格斯牛肉芝士漢堡配薯條點菜後，職員送上麪包配銀魚醬。銀魚醬味道幾特別，配麪包幾好食😋。牛肉他他配壽司飯好夾，唔膩，牛肉幾鮮。👍🏻法式鵝肝焦糖燉蛋好creamy好滑。主菜：紅酒煮牛臉頰-牛臉頰煮得好腍，好入味，但可惜有少少咸。-薯蓉好滑，好幼細，入口即化，又吸收晒d肉汁，好味。👍🏻安格斯牛肉芝士漢堡配薯條-安格斯牛肉漢堡，有陣煙薰味，但好似過咗火，食落有陣燶味。🙁-薯條唔夠脆，但松露沙律醬就味道好好，好香松露味，又唔會太濃，味道剛剛好。最後配埋咖啡或茶。加$39，就有甜品，Cream Brûlée，可惜太飽，無試到。總括：Set Menu 前菜同主菜選擇多，加埋一大約每人$300，唔貴，可以再食。下次試吓Menu上其他菜式。

有冇粉紅控的朋友仔在呀？因為車媽媽今日要介紹一個您們無可抗拒的粉紅草莓下午茶！地點就在我上次吃美美紫海花田午茶的Briketenia喇！北角滙商場繼上回紫色主題又一力作，而這趟由紫色花海變作粉紅色貓貓聖誕主題，而餐廳亦同時推出了這次以粉紅色為主題的士多啤梨下午茶。近來天氣清涼了不少餐廳的露台靚景打卡位終於開放給客人訂座了！但只有四張檯如大家想座擁美景吃Tea的話記得訂坐時提出要求啊！粉紅草莓下午茶以四款鹹點四款甜點組合而成，鹹點包括有迷你漢堡、美式熱狗，巴馬火腿配薯仔沙律多士和煙三文魚三文治。喜歡吃Ham的我當然第一時間品嚐巴馬火腿配薯仔沙律多士，脆卜卜的多士加上鹹香的巴馬火腿和粉淋的薯仔沙律我鍾意啊！煙三文魚三文治夾上了青瓜吃下口感爽脆之餘味道鹹鮮很可口呢！美式熱狗包身鬆軟又大件好頂肚㗎！同樣大件頭的美味迷你漢堡牛魔皇好友就最開心了，因為我不吃牛所以她可以吃兩件哈哈............甜點也十分豐富首先有士多啤梨蛋糕卷、士多啤梨白朱古力泡芙、士多啤梨脆糖蛋白撻、英式鬆餅配Clotted Cream和士多啤梨果醬！但超驚喜哋餐廳額外送贈了浪漫的心型士多啤梨果醬棉花糖、香滑甜蜜的士多

因為咁啱想去北角會商場睇貓貓名畫，所以特登搵咗商場入面嘅一間餐廳食港女tea set☺️呢間餐廳裝修普普通通，但係勝在有outdoor座位都可以打下卡，而且依家天氣涼係室外坐得好舒服🌬我地三點去到，一路坐到5:30餐廳要關門準備晚市，唔會趕走人（都可能係因為餐廳唔full）afternoon tea set連加一 around $285 兩位下午茶黎講價錢已經好抵～（畢竟依家tea set 動輒500幾600兩位用）食物都幾好食，而且意外地飽，可能因為有好多包類食物scone正常水準，顏色黎講好pale，但味道正常，都有serve埋clotted cream痛士多啤梨果醬牛肉小burger好厚肉，雖然我地影相影到凍哂先食，但係件牛肉都好香；長方形嘅係腸仔包，我頗喜歡佢入面有pickle，酸酸地好開胃最怕tea set嘅甜品食到起痰，但呢度甜品都唔會好漏，apple crumble酸酸地、鮮果串好fresh，食完唔會覺得好濟唯一美中不足係佢嘅飲品冇咩選擇，只有茶餐廳式嘅飲品選擇，例如檸茶檸水咖啡奶茶（不過呢個價錢都唔expect佢有花茶特飲啦🤣）整體黎講性價比好高

人少少的星期五下午同朋友黎慶生同chill下三個人叫兩個tea set性價比超高👍🏻👍🏻👍🏻環境清幽，有室外同室內，有寬闊碼頭海景，可惜的係下面個海濱花園換緊聖誕裝飾，無靚花景睇店員服務態度非常好，又有禮貌又好helpful一早訂台時講左想寫happy birthday message, 雖然佢止上個陣留左，但提佢之後佢地專登砌一碟細茶點再寫message, 呢個我係欣賞嘅最後，個茶點上台時賣相好靚好精緻，咸點我好欣賞，特別係個burger❤️❤️本身麻麻地甜，但見到佢地咁靚心情都好愉悅，最後因為三個人真係食唔哂，打包拎埋走🤣🤣

品嚐過後，有點慶幸因事將原為晚餐更改了為午餐。1) 餐廳於早一晚致電我們核實訂座，於電話中已與職員將原先訂座晚餐時間6點改為午餐12時半。今日到達餐廳時，一位貌似經理嘅職員接待，跟他說明已訂座及曾於電話溝通中更改了用餐時間，他好像有點疑問般，要查看一番才能確定讓我們入座。且給予我們感覺到好像我們有點開罪了他般。最終卻於Open Rice記錄我們為取消了訂座。另一位穿白襯衫嘅男職員，則較親切友善。2) 餐廳內環境，餐枱座椅及餐具，均像普通西餐廳般，設有戶外露台座位，則較開揚。3) 午餐價格由$168至$398不等，可選擇前菜刺身或餐湯/沙律，或另加錢轉牛他他丼之類，再配主菜及餐飲。餐包外層幾脆，配嘅醬幾特別，估計自製。餐湯蘑菇忌廉湯，好大兜，好飽肚。主菜點咗一客雞及一客魚。魚嘅賣相尚可，但敗筆在個醬汁，完全唔夾，味道像香煎魚卻再配日式燒雞汁般。味道一般。至於雞，完全想像唔到為何所謂日本法式菜，卻竟然喺上面擺咗一堆生嘅芫茜(係平時中菜嗰啲)，一上枱我唯有即刻急急撥走。個醬汁淋哂喺啲雞肉上，醬汁偏多及好油(汁油分離)，味道比普通餐廳還更一般，食咗一半就放棄。4) 額外點咗兩客甜品，各$98一

今次來到這間法國餐廳吃了個紫色下午茶。因為商場做了紫藤花主題，這個下午茶以前紫色為主，鹹點有四款巴馬火腿配薯仔沙律多士，三文魚醬法式多士，吉列豬扒三文治及迷你漢堡。吉列豬扒三文治但比較特別,但對女仔而言豬扒比較厚身需要切開才容易入口啊！甜品方面，紫薯忌廉泡芙，脆皮黑加倫子珈啡，檸檬撻及鮮果串，當中紫薯忌廉泡芙較為特別紫薯味清甜配合忌廉很清新。這個下午茶配上特色特飲碟豆花為整個紫藤花主題作結尾。夾碟豆花梳打不算太甜，也不錯。以這個二百多元的二人下午茶加上少許海景景觀來計算十分經濟。

今日叫左2個set，有4個漢堡包，3個都系苦，系燶到苦😡！三文治又系燶既！真心冇一樣野系好食🙄不過可能系特登整燶，所以去到食生果果陣，嘩⋯個菠蘿好甜🤨🤨🤨

其實呢間法國菜本身係觀塘係法國一間米芝蓮一星餐廳喺香港開嘅分店之前選址喺觀塘因為想將成本放喺食物質素上而並非租金上唔知道係唔係因為其實觀塘區嘅消費力相對比較低最後上年九月結業佢喺觀塘嘅時候我已經呢間餐廳嘅忠實fans知道佢去咗北角就梗係要幫襯下啦雖然係法國餐但唔係超級豪華嗰種反而係真係好有質素同埋好抵食平日lunch只要二百幾蚊成個維港海景任你嘆啊！真係好舒服不得不提嘅係食物質素呢個價錢喺中環都係食垃圾但係嚟到呢度佢貫徹始終將心思同埋成本都放喺食物上❤️我哋加咗$60要日本牛肉他他配珍珠米好明顯係一個日本同埋法國嘅fusion 菜他他用料新鮮調味適中配上珍珠米真係一絕而且份量一啲都唔細食法國菜都唔會唔飽🤣原本跟餐嘅Carpaccio 就正正常常啦，所以強烈建議大家加$60要和牛他他！我哋好好彩嗰日午餐有牛面頰好多骨膠原😋一食就知道係貴價貨二百幾蚊嘅午餐有牛面頰仲有咩投訴？配菜嘅薯蓉亦都做得好好真係食到停唔到口😊你睇吓啲膠質！真係冇得輸呀！Burger 就正正常常啦畢竟佢唔係漢堡包專門店香港有好多好厲害嘅Burger shop 所以如果俾我揀就唔會食漢堡包啦🤪總括來說要呢個景同埋咁嘅質素食

​▲一落場完，我即衝入餐廳，捕捉最後陽光拍照！細心逛一圈北角匯，發覺呢度都幾伏虎藏龍，擁有好多好餐廳！比如法國過江龍Briketenia，主打日法Fusion菜，更被評選為米芝蓮一星級餐廳！​​▲去到時，Briketeni還在落場中。趁住紫色花園展期間，佢哋仲供應一系列由日籍大廚中西潤也設計嘅紫色主題料理！繼之前嘅紫想你下午茶（已賣晒），今個月就推出紫想你二人晚餐！​晚餐共有6道料理，以薰衣草及紫薯入饌，有鵝肝醬最中、鰤魚飯卷、周打蟹肉蜆湯、銀雪魚、慢煮pork loin以及紫薯拿破崙蛋糕等等，飲品則係紫色汽泡特飲！一邊喺餐廳露台欣賞3,000呎紫色花海，一邊歎精緻料理，成件事真係好鬼浪漫！😍​▲紫想你二人晚餐真係超夢幻，喺度食飯真係浪漫爆燈！▲VIP露台位賞紫色花園，成件事好威威豬~✦紫色汽泡特飲​以蝶豆花及有汽梳打為材料嘅紫色特飲，爽甜又勁Igable！係打卡必備嘅Welcome Drink！😚​✦Amouche Bouche ​傳統最中（monaka）得紅豆饀，但呢度師傅就加咗鵝肝醬、榛子及焦糖，鹹鹹甜甜，幾開胃。​✦Hamachi Roll 魚生刺身卷​呢款刺身飯卷真係超好味！

老婆大人最鍾意紫色佢一早就同朋友去咗北角匯入面嘅紫色花夏祭影靚相，喱日有個忽然有個假期一於同佢再去影多啲靚相！去到現場又真係幾鬼靚唔怪得佢嚟咗兩次都唔夠喉啦！花祭有成3000呎係女人都鍾意嘅紫海花田，喺花叢入面比海量嘅紫色花包圍住嚟影相真的冇得輸！入到去紫藤隧道入面仲好鬼死浪漫添！而且有人流控制喺10分鐘入面我哋可以慢慢影！出面除咗有遍地花海仲有會噴出迷霧嘅蝶舞水夏裝飾，趁住放煙嗰一刻影出嚟嘅相特别有感覺！嚟喱道之前記得要喺商場網站免費預先登記入場時段呀！花海園區影完都未夠喉冇相干商場入面仲有唔少用紫色花做嘅景點，紫色控嘅老婆大人梗係喪影到夠皮為止啦！怒影完肚仔餓喇老婆大人去過商場入面喱間法日餐廳Briketenia仲有勁高評價，我見出咗個新嘅福岡晚餐梗係識做訂定枱同佢撑枱腳啦！一坐低侍應即刻送嚟熱辣辣嘅麵包，仲有好好味嘅沙律醬點嚟食啱晒我喱個麵包狂徒。福岡晚餐價錢唔貴$988兩位用仲一共有五道菜咁多，第一個嚟嘅係開胃菜鵝肝焦糖燉蛋配味噌蘋果和果子，魔鬼嘅鵝肝配咗甜甜哋嘅焦糖燉蛋再夾番又甜又咸嘅味噌蘋果，夾住脆卜卜嘅和果子一齊食真係好和味喎。頭盤係油甘魚他他伴明太子日本海膽壽司飯、伴茅

今日黎北角其實係因為花夏祭，咁就順便早幾日book依間餐廳食dinner, 估唔到有驚喜，首先服務好好，waitor好nice好有禮貌，所以食食下，已經決定encore, 打算book埋佢地為左花夏祭而設計既Afternoon tea, 可惜已經full左, 但經理好好人，話可以放係waiting list, 會早兩三日再reconfirm有無位。去返食物方面，個湯好好飲，用料豐富，而配面包個醬好香好滑， 跟住又一個驚喜，估唔到帶子Risotto入面仲有蠔，唔怪之得整個飯都又香又鮮味，男友食既Steak五成熟岩岩好，食steak其實好易中伏，通常都會overcook, 依度完全無問題，最貼心既係chef 係會幫你切埋，因為份量都算多，我同男友都食到頂上心口😂😂，所以已經食唔落甜品，但下次一定會試埋

大家記得車媽媽上個月到了Briketenia吃了那個超正的下午茶嗎？忘記了不打緊可以按此回顧，聽聞下午茶已經整個10月爆滿，餐廳更要加推多一個月供應至11月底給客人訂座！吃過性價比超高的美味下午茶後對餐廳存了非常好的印象，得知餐廳剛推出了*紫想你*浪漫二人晚餐，作為紫色控的我又怎能錯過呢！最重要是惠顧*紫想你*浪漫二人晚餐收費只需＄988/兩位，除了可以品嚐五道美味法日菜式外，還贈送北角匯*紫･在北角匯*指定時段的2人入場券，及太子珠寶鐘錶＄500購物現金券和價值＄280的化妝袋乙個，Menu只供應至10月25日而且每日只限量供應五套，想吃的話請快快按此訂座不要再讓訂不到下午茶的歷史重演啊！這天終於去到*紫在北角匯*的花海現場，外面鋪滿紫色的花海還有美美的紫色隧道，紫色控的我當然要在此留下倩影啦！餐廳晚上六時起便供應晚餐，這天特意早些用餐實行早吃早享受哈哈！甫坐下先送上熱暖麵包好吸引！但Keep Fit中的我還是時運高看不到比較好些！先於露台俯瞰3,000呎紫色花海，一邊享用晚餐贈送的兩杯以蝶豆花製成的Welcome Drink，這刻真的浪漫到一個點呢！！客人可以在露台影張靚相然！後便

超夢幻紫藤花下午茶 • 餐廳露台飽覽 💜紫色花海 • $258/兩位 • 滙豐信用卡再享八五折優惠近期嘅打卡熱點，北角匯的3000呎 必定榜上有名，佈置得超有心機超靚，唔講真係以為去咗日本福岡，不過每逢週末，就算上網登記咗都要大排長龍，唔想同人迫，又想影到靚相，仲要有好嘢食， PJ今次真係幫到你😜位於商場裏面嘅法日餐廳Briketenia剛剛推出 ，更特別預備了期間限定紫薯泡芙及紫色氣泡特飲。下午茶有四咸四甜美點，兩者都出色。芝士漢堡包非常足料，厚厚的漢堡扒，大人細路都喜歡。日式炸豬扒三文治做得好juicy；三文魚脆餅及巴馬火腿法式多士都做得好精緻。甜品都有驚喜，先講紫薯泡芙，除咗顏色靚，紫薯味道亦夠濃；最好吃是朱古力甜點，脆脆朱古力外殼包着藍莓味香濃的芭菲。檸檬撻夠酸夠清新，生果串串也用上新鮮生果，$258/兩位，仲要包兩杯靚靚紫色特飲真係超值。