Briketenia (已改名) 查看

年頭多得要為家中嘅史努比迷搶購旅遊雜誌套裝，XO仔方才有緣翻閱內附嘅飲食情報，得知北角啱啱新搬黎咗間有星級背景嘅西餐廳「Briketenia」。眼見四道菜晚餐價格大概四百至六百元左右，性價比甚高，所以即約同大食會嘅成員賀歲兼團年。新店位於新商場「北角匯」二期內，私家車可於正門上落客；乘搭地鐵亦十分方便，因為北角站A1出口就喺對面馬路。店子面積不大，樓底唔算特別高，用餐大堂燈光柔和，餐桌間空間感足，厚墊椅櫈亦相當舒適，不過可能四周唔係雲石就係玻璃，室內就比較應聲。玻璃窗一邊有個露台，入夜後仲有景睇添。金色餐墊上有齊備嘅餐具。由於西餐廳未取得酒牌，現階段免收開瓶費，不過每人只限提供一隻酒杯。網上訂座流程簡易，請留意人多必先預繳訂金。晚市套餐餐牌只有一頁，頭盤有五個選擇，分別為是日生油甘魚薄片、蟹餅、日本溫泉蛋、焦糖鵝肝及要另加$65嘅慢煮和牛海膽卷。而主菜亦有八款可揀，每款定價不同，包括油封鴨腿（$388）、日本節令鯛魚（$438）、日本帶子生蠔意大利飯（$438）、燒黑毛豬（$438）、波士頓龍蝦意粉（$468）、美國肉眼扒（$468）、燒羊架（$468）、日本鹿兒島A3和牛配海膽及松露

一開始book枱話要坐窗口位，點不知俾咗其他人坐☹️最後咪問返侍應以為係睇到海景嘅位就得😓店長都有道歉，話係溝通上嘅誤會。一開始就俾咗個唔係太好嘅印象...叫嘢食之前都有法包同埋小食🤩。小食係蝦忌廉迷你泡芙，幾得意一啖食晒。如果法包烘熱咗會更加好味。前菜：Foie Gras Crème Brûlée 未食過鵝肝燉蛋🤣味道幾特別，上面仲有焦糖同埋果醬，又鹹又甜，視乎個人口味😬。質感就冇甜嘅燉蛋咁滑。隔離嗰幾塊麵包就好脆好好味😋前菜：Prawn Tempura with Jerusalem Artichoke Purée 唔似日式嘅天婦羅，炸得唔係特別好，成舊蝦肉跌咗出嚟😂，但係調味唔錯。前菜：Carpaccio of the day好似魚生咁，但係醃過，味道好清新開胃。魚好新鮮同埋切得好薄唔韌。KAGOSHIMA A3 Beef sirloin with sea urchin, truffle & sukiyaki sauce ($588)果然係靚嘅鹿兒島牛肉，真係好腍，但係又唔會太多肥膏。海膽好滑🤤份量就真係比較少嘅，但係咁矜貴嘅食材冇辦法😅Grilled Pork marinated

沒有踏足北角差不多兩個月，朋友相約話在北角滙開設了BRIKETENIA新店，據講新店仲有曾於東京多家國際知名酒店，任職的日藉法國菜大廚中西潤也(JunyaNakanishi)坐陣，所以多款法式的菜式都帶有點點的日本特色，心想口感當然會給我一點新意，當然要去試試。由於目前仍是試業階段，所以只提供午餐和晚餐套餐，包括法式餐前小食、 前菜、主菜及甜品各一款，最後還有香濃咖啡及茶作結。今次一行六人齊齊食，就可以試多幾款，首先來個麵包籃，內裡是外脆內軟熱辣辣的麵包，吃時塗上蒜茸銀魚柳醬，好惹味呀! 其中自家製的芝士條入口脆卜卜又有芝士香，我至LIKE。頭盤都有幾個選擇，呢道東京豐洲市場時令生魚片，每日由東京豊洲市場空運直送，今日的新鮮主角以油甘魚切成薄片，放在以薑及葱打成的醬汁上，配上脆口的亞枝竹，入口鮮味十足。將鮮蟹拆肉煎成的香煎蟹餅配芥末蛋黃醬，伴上沙律菜，吃時蘸點自家製的芥末蛋黃醬，大大提升了蟹肉的鮮甜味，入口那啖啖的鮮蟹肉。頗過癮。呢味大蝦天婦羅配亞枝竹茸，選用日本脆漿的大蝦天婦羅，入口外層脆卜卜，吃時蘸點亞枝竹茸，令爽口又彈牙的大蝦更鮮甜，個人就好鍾意。將法式鵝肝與雞蛋混合成為的法式鵝

由日本大廚主理，價錢尚可接受。晚餐份量足，頗精緻。店員對菜式的介紹可以更仔細。開幕初期午餐與晚餐內容分別不大。有餐前小食，不錯。油封鴨腿不錯，夠鬆軟，皮脆肉滑。下面的白豆茸煮得軟硬適中。牛扒叫半熟，但熟了一點。伴菜很好，雞油菌香，菠菜很有菜味。甜品方面，檸檬的那一個很好。酸酸甜甜的，而且有咬口，又滑。