君子餐廳

位於北角匯二期嘅呢間法國餐廳，同朋友早左少少入左去坐低，發現坐窗邊嘅座位可以直接睇住個太陽日落，勁好feel。餐廳環境舒適寧靜，座位唔算特別多，坐落舒服。雖然係法國餐，但係set dinner價錢都唔算貴，set已經包埋前菜主菜同飲品。同朋友分別叫左唔同嘅set dinner，前菜叫左忌廉蘑菇湯同埋法式白酒煮青口。蘑菇湯夠滑身，菇同忌廉味都好香，而且都唔少蘑菇粒係入面，多口感幾好飲另外個青口都好食，青口本身夠新鮮，白酒同牛油個味揮發出黎好夠香。青口本身都大隻，所以都幾厚肉同埋個味都夠鮮甜Set Fish焗法國鱸魚伴蜆肉忌廉汁，另外有薯蓉伴底。鱸魚煎到個皮夠脆好香，魚肉本身好夠厚，鱸魚個種厚實嘅口感都好正好鮮。另外蜆肉都大隻，個忌廉都幾濃厚，幾好食Set Pork chop慢煮西班牙豬鞍薯蓉配蔬菜，整體望起上黎已經覺得好靚。西班牙豬本身個肉都係比較香，慢煮出黎好嫩，而且唔油膩。加左少少燒烤醬食起上黎又香好多，另外配菜有D小節瓜冬菇同西蘭花，冬菇個味勁濃好多汁就係咁，同朋友邊睇住日落邊食住晚餐，overall黎講都係幾唔錯…查看更多

帶好朋友食呢間北角高級海景西餐戶外座位可以望返碼頭景🌃Set dinner包starter、main course、飲品▶️ Bread 餐包配銀魚蛋黃醬餐包用法式baguette，外皮微脆，內裏煙靭🥖尤其鍾意佢個自家調配蛋黃醬，搽麵包一流▶️ French Mussel with White Wine Sauce 法式白酒煮青口呢個前菜係主菜份量🤯 20隻都有青口食落好新鮮🦪肉質唔過熟法式白酒汁味道啱啱好而且幾香另外仲有炒香洋蔥粒同鮮甜車厘茄配搭▶️ Wild Mushroom Soup 忌廉蘑菇湯一碗可以兩人share入邊真係有幾粒真蘑菇🍄‍🟫湯質夠creamy，唔會太稀味道天然，冇一般蘑菇湯落得咁重忌廉，相對健康啲▶️ Slow Cooked Spanish Pork Rack with Confit Onion & Mashed Potatoes 慢煮西班牙豬鞍配洋葱及薯蓉 ($328)豬鞍扒勁厚身🐖幾乎全部肉肉質厚實，略嫌乾身咗啲🤏🏻本身有啲焦糖化洋蔥，如果再多啲醬汁會更好不過鍾意佢慢煮到邊邊位微燶，食落脆脆地底部薯蓉夠幼滑🥔其他雜菜包括紅椒、西蘭花、翠玉瓜、菇🥦▶️ Duck Confit with New Potatoes, Raspberry Sauce 油封法國鴨腿配新薯，紅莓汁 ($328)平日少機會食鴨腿🦆呢個好重鴨味，都幾多肉肉與肉之間帶適量油脂，冇咁乾柴同樣如果紅莓汁多啲會好味啲然而香烤薯仔幾好食🥔健康版薯條▶️ 餐飲x2例牌可選咖啡茶等-今餐最欣賞係青口！其他嘢都OK，係醬汁可以多番少少環境氣氛舒服，感覺高級，望靚海景😍一大班人喺度食飯開party都得服務態度良好，侍應好醒目又有禮貌價錢合理，大概$350/人，份量夠足～…查看更多

#豬同鴨講 #Pig2duck🌅 有室內同戶外區，對住北角碼頭，望出去可以睇到日落，環境好Chill & Relax 😌▫️【 法式白酒煮青口 】  Set Dinner included🐚 經典既海鮮前菜，青口鮮甜飽滿 🥂 白酒香氣滲透其中，帶出海鮮鮮味 👃 開胃之選 😋👇👇👇▫️【 忌廉蘑菇湯 】 Set Dinner included🥣 忌廉蘑菇湯質地濃郁，蘑菇香氣撲鼻🍄‍🟫忌廉令湯底更豐厚，口感滑順 👅👇👇👇▫️【 焗法國鱸魚伴蜆肉忌廉汁 】 HK$328 Set Dinner🐟 鱸魚肉質細嫩，焗製後外皮微脆，內裡保持濕潤 💦 濃郁蜆肉忌廉汁與海鮮鮮味完美融合 🔁👇👇👇▫️【 慢煮西班牙豬鞍配洋蔥及薯蓉 】 HK$328 Set Dinner🐖 慢煮技術令豬鞍肉質柔嫩多汁，保留肉香之餘不失口感 🥔 同薯蓉綿密口感成絕佳搭配，係肉食愛好者既飛佛 🤩👇👇👇▫️▫️完！▫️▫️…查看更多

今晚我同女友去咗北角一間叫「君子餐廳」嘅西餐廳食晚飯，環境幾靜，有靚海景，坐得舒服，啱晒傾計。落單嗰陣我哋叫咗兩個晚餐套餐。前菜有忌廉蘑菇湯，香濃滑口，啱晒香港人鍾意嘅口味；另一款係法式白酒煮青口，青口夠鮮，白酒味唔會太搶，啱啱好。主菜方面，我揀咗香烤羊架:medium rare;配埋新薯同蔬菜，羊架外脆內嫩，冇羶味，真係煮得好!女友就試咗是日精選——辣肉腸藏紅花鴨腿西班牙飯，味道層次好豐富，鴨腿煮得入味，飯粒吸晒精華，辣度啱啱好。我哋仲加錢叫咗兩杯House wine，一杯紅一杯白，配餐一流。食物水準唔錯，環境一流，價錢合理，服務高質。下次可以再嚟試吓其他菜式。…查看更多

米芝蓮質素法國餐廳大廚匠心精神每一道菜超用心100分.今日同家人慶祝生日。所以食好少少平均$400一位絕對，對得住價錢。絕對，唔係普通嘢。絕對，食過返尋味。.出三百幾蚊西餐，不如俾$400係呢度食fine dine 餐廳環境舒適，可以睇日落。.前菜牛肉他他，清新，口感豐富，清晒✅蘑菇湯新鮮，濃厚，香噴噴✅主菜西班牙豬鞍彈牙，軟熟，醬汁清新✅絕對出色。烤羊架識叫一定係medium，口感一流。✅值過加零1佩服大廚，將所有野控制得啱啱好地方闊落，侍應和善，屋企人食得開心，一切都值。✅…查看更多