影片
更多
2020-10-25
390 瀏覽
老婆大人最鍾意紫色佢一早就同朋友去咗北角匯入面嘅紫色花夏祭影靚相，喱日有個忽然有個假期一於同佢再去影多啲靚相！去到現場又真係幾鬼靚唔怪得佢嚟咗兩次都唔夠喉啦！花祭有成3000呎係女人都鍾意嘅紫海花田，喺花叢入面比海量嘅紫色花包圍住嚟影相真的冇得輸！入到去紫藤隧道入面仲好鬼死浪漫添！而且有人流控制喺10分鐘入面我哋可以慢慢影！出面除咗有遍地花海仲有會噴出迷霧嘅蝶舞水夏裝飾，趁住放煙嗰一刻影出嚟嘅相特别有感覺！嚟喱道之前記得要喺商場網站免費預先登記入場時段呀！花海園區影完都未夠喉冇相干商場入面仲有唔少用紫色花做嘅景點，紫色控嘅老婆大人梗係喪影到夠皮為止啦！怒影完肚仔餓喇老婆大人去過商場入面喱間法日餐廳Briketenia仲有勁高評價，我見出咗個新嘅福岡晚餐梗係識做訂定枱同佢撑枱腳啦！一坐低侍應即刻送嚟熱辣辣嘅麵包，仲有好好味嘅沙律醬點嚟食啱晒我喱個麵包狂徒。福岡晚餐價錢唔貴$988兩位用仲一共有五道菜咁多，第一個嚟嘅係開胃菜鵝肝焦糖燉蛋配味噌蘋果和果子，魔鬼嘅鵝肝配咗甜甜哋嘅焦糖燉蛋再夾番又甜又咸嘅味噌蘋果，夾住脆卜卜嘅和果子一齊食真係好和味喎。頭盤係油甘魚他他伴明太子日本海膽壽司飯、伴茅
花祭有成3000呎係女人都鍾意嘅紫海花田，喺花叢入面比海量嘅紫色花包圍住嚟影相真的冇得輸！
入到去紫藤隧道入面仲好鬼死浪漫添！而且有人流控制喺10分鐘入面我哋可以慢慢影！
出面除咗有遍地花海仲有會噴出迷霧嘅蝶舞水夏裝飾，趁住放煙嗰一刻影出嚟嘅相特别有感覺！嚟喱道之前記得要喺商場網站免費預先登記入場時段呀！
花海園區影完都未夠喉冇相干商場入面仲有唔少用紫色花做嘅景點，紫色控嘅老婆大人梗係喪影到夠皮為止啦！
怒影完肚仔餓喇老婆大人去過商場入面喱間法日餐廳Briketenia仲有勁高評價，我見出咗個新嘅福岡晚餐梗係識做訂定枱同佢撑枱腳啦！一坐低侍應即刻送嚟熱辣辣嘅麵包，仲有好好味嘅沙律醬點嚟食啱晒我喱個麵包狂徒。
福岡晚餐價錢唔貴$988兩位用仲一共有五道菜咁多，第一個嚟嘅係開胃菜鵝肝焦糖燉蛋配味噌蘋果和果子，魔鬼嘅鵝肝配咗甜甜哋嘅焦糖燉蛋再夾番又甜又咸嘅味噌蘋果，夾住脆卜卜嘅和果子一齊食真係好和味喎。
頭盤係油甘魚他他伴明太子日本海膽壽司飯、伴茅乃舍出汁啫喱，係一個用日本出名的茅乃舍高湯整成啫喱，配埋新鮮嘅油甘魚他他、海膽仲有惹味嘅明太子，食入口真係鮮味到出汁最正係冇我唔食得嘅紫菜！
食完冷頭盤之後嚟嘅係周打蜆湯配松葉蟹肉，侍應仲會即場將熱辣辣嘅周打蜆湯倒入勁多松葉蟹肉入面，香滑鮮甜嘅周打蜆湯真係冇欺場加埋超多嘅松葉蟹肉，澎澎聲飲到一滴不剩仲幫老婆大人飮多半碗呢呵呵！
到主菜出場喱個福岡晚餐有兩個主菜好豐富啫，第一個主菜係香煎北海道味噌黑鱈魚配山葵白酒汁，黑鱈魚用味噌醃到入晒味魚肉滑嘟嘟好好味，配咗山葵白酒汁又會將肥美油潤的感覺減輕係出色嘅！
不過第二個主菜油封博多燒雞肉配特色焦糖洋蔥、伴壽喜燒汁和柚子味噌仲正，燒雞皮脆肉香又多汁鍾意惹味嘅可以點啲柚子味噌一齊食，作為食肉獸嘅我梗係鍾意到不得了啦！下面啲焦糖洋蔥都好鬼死好味千祈咪走寶呀！
最後甜品係八女綠茶提拉米蘇伴日式梅酒啫喱，綠茶從來唔係我首選不過加咗梅酒啫喱又唔同講法，食落去一啲都唔覺甜膩又有酸酸香香嘅酒味好夾好吸引，酒鬼即係酒鬼我哋兩個都好鍾意食喱個甜品。
嘆埋杯茶就拖住手仔返屋企雖然係平淡但快樂，平時冇乜時間同老婆大人撐枱腳真係要好好珍惜喱一刻！
張貼
