影片
更多
2020-10-26
589 瀏覽
▲一落場完，我即衝入餐廳，捕捉最後陽光拍照！細心逛一圈北角匯，發覺呢度都幾伏虎藏龍，擁有好多好餐廳！比如法國過江龍Briketenia，主打日法Fusion菜，更被評選為米芝蓮一星級餐廳！▲去到時，Briketeni還在落場中。趁住紫色花園展期間，佢哋仲供應一系列由日籍大廚中西潤也設計嘅紫色主題料理！繼之前嘅紫想你下午茶（已賣晒），今個月就推出紫想你二人晚餐！晚餐共有6道料理，以薰衣草及紫薯入饌，有鵝肝醬最中、鰤魚飯卷、周打蟹肉蜆湯、銀雪魚、慢煮pork loin以及紫薯拿破崙蛋糕等等，飲品則係紫色汽泡特飲！一邊喺餐廳露台欣賞3,000呎紫色花海，一邊歎精緻料理，成件事真係好鬼浪漫！😍▲紫想你二人晚餐真係超夢幻，喺度食飯真係浪漫爆燈！▲VIP露台位賞紫色花園，成件事好威威豬~✦紫色汽泡特飲以蝶豆花及有汽梳打為材料嘅紫色特飲，爽甜又勁Igable！係打卡必備嘅Welcome Drink！😚✦Amouche Bouche 傳統最中（monaka）得紅豆饀，但呢度師傅就加咗鵝肝醬、榛子及焦糖，鹹鹹甜甜，幾開胃。✦Hamachi Roll 魚生刺身卷呢款刺身飯卷真係超好味！
▲一落場完，我即衝入餐廳，捕捉最後陽光拍照！細心逛一圈北角匯，發覺呢度都幾伏虎藏龍，擁有好多好餐廳！比如法國過江龍Briketenia，主打日法Fusion菜，更被評選為米芝蓮一星級餐廳！
▲去到時，Briketeni還在落場中。趁住紫色花園展期間，佢哋仲供應一系列由日籍大廚中西潤也設計嘅紫色主題料理！繼之前嘅紫想你下午茶（已賣晒），今個月就推出紫想你二人晚餐！
晚餐共有6道料理，以薰衣草及紫薯入饌，有鵝肝醬最中、鰤魚飯卷、周打蟹肉蜆湯、銀雪魚、慢煮pork loin以及紫薯拿破崙蛋糕等等，飲品則係紫色汽泡特飲！一邊喺餐廳露台欣賞3,000呎紫色花海，一邊歎精緻料理，成件事真係好鬼浪漫！😍
▲紫想你二人晚餐真係超夢幻，喺度食飯真係浪漫爆燈！
▲VIP露台位賞紫色花園，成件事好威威豬~
紫色汽泡特飲
12 瀏覽
0 讚好
0 留言
以蝶豆花及有汽梳打為材料嘅紫色特飲，爽甜又勁Igable！係打卡必備嘅Welcome Drink！😚
Amouche Bouche
33 瀏覽
1 讚好
0 留言
傳統最中（monaka）得紅豆饀，但呢度師傅就加咗鵝肝醬、榛子及焦糖，鹹鹹甜甜，幾開胃。
Hamachi Roll 魚生刺身卷
7 瀏覽
0 讚好
0 留言
呢款刺身飯卷真係超好味！油甘魚刺身乾薰衣草及海鹽醃製，鮮味更突出，上面仲有蟹肉同三文魚籽，口感好豐富，滿意呀！😍
Clam Chowder 蟹肉蜆湯
36 瀏覽
1 讚好
0 留言
呢款湯用上日本 Zuwai 長腳蟹蟹肉及蜆肉熬製，又鮮甜又creamy，湯底又勁多蟹肉，熱食真係勁正。
Roasted Black Cod 銀雪魚
15 瀏覽
0 讚好
0 留言
用白麵豉醃製福岡銀雪魚，香煎後配上白酒調製嘅醬汁，看似簡單，但製作過程好繁瑣。 魚肉肥美甘香，帶有甜甜地嘅豆香，好鮮甜美味！
黑松露慢煮豬扒小里肌
9 瀏覽
0 讚好
0 留言
呢個主食係用低溫慢煮方式，烹調福岡豬扒小里肌，配以焦糖洋蔥及壽喜燒汁，面層再放上即刨法國黑松露！黑松露引發出豬扒肥美香甜，成件事好惹味，幾有驚喜。
紫色拿破崙
22 瀏覽
0 讚好
0 留言
酥皮由甜品師傅每天新鮮焗製，中間嘅紫色忌廉由日本紫薯所制成，甜而不膩，味道唔錯。
P.S. 整體嚟講，成個Set我都覺得好好味！而且賣相都十分精美！當然，一分錢一分貨，平我就唔覺得平架啦，但食物水準對得住個價錢，不愧係米芝蓮一星餐廳！😚
而且，訂Briketenia嘅紫想你二人餐，可以係露台VIP位賞紫色花園，感覺好治癒！😚
仲會送紫色隧道嘅入場券、500蚊太子珠寶現金券，同埋化妝袋一個，開心仔～
偶然同另一半食下好西，呢個Set絕對係理想之選！
✦紫想你·浪漫二人餐 HK$988（兩位）
張貼
