Brick by Brick (已結業)

中環蘇豪區原來有間隱世馬拉菜，跟住個地址行搵咗五分鐘先搵到個入口，原來要喺啲細巷入先見到，真係夠哂隱世一坐低，職員先提供一杯pH 9.5嘅水，之後詳細介紹餐廳嘅皇牌食物，於是我就跟住叫先叫咗秘製馬來西亞咖哩喇沙湯麵，揀咗職員推介嘅惹味肥牛堆做配料，湯底好正，酸甜得黎唔太辣，而且仲好清新，飲落少少似冬陰功，唔同平時出面食嗰啲咁多椰漿，職員解釋呢個係吉隆坡其中一款喇沙，好多馬來西亞食客都好鍾意呢款，而且冇糖冇味精，全靠食材本身嘅味道，所以我最後飲哂啲湯。另外，肥牛有用特別醬汁醃過，真係幾惹味，而麵底有油麵同米粉摻摻，其他配料仲有芽菜、豆卜、半隻半熟蛋同生菜，夠哂多餸另一主食揀咗火熱馬拉砂煲肉骨茶，有別於出面食到嘅肉骨茶，佢用咗豬軟骨，幾方便食，湯入面仲有金菇、海鮮菇、豆卜，湯底方面就幾清，但都飲到藥材味，而又係冇糖冇味精，職員話專登就番香港人口味，想濃啲先自己加啲蒜泥漿入去，肉骨茶仲有配飯、油炸鬼同米餅，兩樣炸物都幾脆，點湯黎食幾好餐廳宜家仲有賣肉骨茶湯包，方便大家可以自己煲黎飲小食點咗梅子脆炸一口雞，雞醃得唔錯，食到啲梅子味，炸得幾脆口，雞肉依然好嫩滑最後叫咗個日式炒野菜，有幾款菇同椰菜

中環SOHO區嘅隱世馬拉餐廳！佢位於巷仔嘅入面店員大力推介佢嘅肉骨茶同埋喇沙當然就要試一試啦 首先叫咗個惹味肥牛喇沙湯頭非常好飲 味道有少少近似泰國嘅冬陰功完全冇味精同糖 但係都食到湯裏面鮮甜店員解釋話原來佢哋用咗好多天然嘅香料同埋蔬菜 調出湯嘅甜味 非常好味開胃 ！而肥牛 豆卜吸曬湯咬落去好正另外佢嘅肉骨茶都好好味店員話香港人比較少飲肉骨茶所以湯底冇馬拉嘅濃味 但係另上左一啲蒜泥俾我哋可以自行調校湯底嘅濃度 非常之好！我個人就比較鍾意教咗蒜泥嘅味道啦因為比較貼新原本既道地味道 佢哋嘅肉骨茶都好受歡迎 所以特別出咗冷凍包 俾大家唔使去餐廳都可以享受到美味嘅肉骨茶另外叫咗兩個小菜一個就係炸配上梅子醬 雞得好入味 炸得岩岩好 而另外仲叫咗日式炒雜菜 整體來講呢間餐廳嘅馬來西亞嘢食貼近香港人嘅口味 但同時又有驚喜的味道 如果我喺中環返工都會想成日過嚟食😇

中環蘇豪區好多餐廳，而呢間真係非常「隱世」，因為佢係其中一條小巷，無廣告牌之餘門面亦十分低調，不過店員非常熱情👍🏻不斷介紹推薦菜式秘製馬來西亞咖喱喇沙湯麵 +珍寳大蜆拼海蝦🤌🏻店員推薦這裡的咖喱喇沙同外邊的有啲唔同，雖然唔係好濃椰漿味，但味道一啲都唔會淡😛，仲有咖喱微辣。原來餐廳主打天然食材製作，湯底唔會加額外味精，湯底好有心思用海鮮調配，我都忍唔住飲咗好多🤣🤣另外大蜆完全沒有沙，亦有好多隻蝦，整體份量很豐富！摻摻份量不少，仲有芽菜•豆卜配料等👍🏻😎摻摻即係兩溝，油麵＋米粉，一次過食哂2種口味好爽招牌喇沙烤雞🤌🏻有半隻雞，雞髀位亦好嫩滑，雞胸部份就稍為煮耐咗，不過都好入味👍🏻雞皮烤得香脆，不過喇沙汁有點少，但唔影響菜式味道😎上菜熱辣辣，喇沙味好香，伴碟的配菜亦豐富，洋蔥、翠玉瓜、蕃茄仔等等😛🚩 Brick by Brick (中環)中環士丹頓街21號地庫#addifoodie #addifoodie中環#foodie #hongkongfood #drawing #香港美食 #吃喝好去處 #週末好去處 #goodfood #周圍食 #香港插畫 #情侶美食 #HKcouple #hong

依間巷仔行入去既小店真係好似尋寶咁😆唔起眼但係非常岀色又有特色，而且店家非常用心去研發菜式🥹私心好想推介！🍜惹味肥牛堆喇沙湯麵 $108呢碗麵非常多肥牛！食到最後都仲有好多🤤點解話係食過最好食嘅喇沙，因為出邊嘅喇沙椰奶味太濃🥹食落湯底好杰而且太甜。我鍾意呢間既湯底好濃又夠香辣👍而且無落糖去煮，全部都係本身蔬菜帶岀嘅甜味好清甜😋🍲火熱砂煲肉骨茶 $148呢度嘅肉骨茶同出邊唔同嘅係用豬軟骨去整，啖啖肉😎肉質嫩又入味而且唔會食到好論盡講仲附送自家製嘅蒜泥醬同脆米餅😍喺出邊未食過～脆米餅浸完湯食有啲似鍋巴好香口，好有特色👍其實係誤打誤撞入去食嘅餐廳，但店家非常有心逐樣介紹菜式。知道疫情少咗人出街食又會成日研發新menu，仲好用心咁推岀真空外賣裝❣️好有heart去經營！

近排同馬拉菜好有緣，繼早前喺鰂魚涌吃了一頓馬拉風味 fusion 菜後，最近又喺中環蘇豪區搵到間主打正宗馬來西亞菜嘅酒吧餐廳「Brick by Brick」。店舖嘅位置雖然係有點隱蔽，位於小巷內，不過入面嘅裝修就好有特色，以摩登工業風作設計，水泥牆身，再配以一室型格嘅黑色檯櫈，帶出時尚感覺。細閱餐牌，食物選項豐富，除了馬拉菜外，原來餐廳仲有齊唔同國家嘅美食元素。聽店主講，佢地嘅 Menu 會不定時更換，以保持新鮮感，所以就算嚟食多幾次都唔怕悶。我哋點左秘製馬來西亞咖喱喇沙湯麵 同 火熱砂煲香濃肉骨茶 ($128)。喇沙湯麵有 5 款可供選擇，揀咗惹味肥牛堆 ($98)。先嚐一口湯底，質感非常稠滑，微酸微辣，十分醒胃。據店主稱，佢哋嘅喇沙湯膽全部都係自家炒製，用上大量新鮮菜蔬及香料熬成，而且絕無添加味精，唔怪得飲落咁順喉，辣味悠長不嗆，惹味有層次。肥牛份量極多，堆到成座小山丘咁高，食落肉質好嫩滑，腍身及夠 Juicy。麵底係摻摻，即米粉加油麵，米粉不易腍斷，油麵滑溜煙韌，配埋面頭嘅雞蛋、芽菜同豆卜一齊食，口感好豐富。另外佢哋嘅砂煲肉骨茶亦絕對唔可以錯過，睇下幾足料，除左跟一碗白飯外，還配

✻ 珍寶大蜆拼海蝦喇沙 （$128）啲蜆同蝦真係好大隻好鮮甜喇沙湯底都好好味🥰 而且無味精！麵底係米粉加油麵 食落口感好豐富好正～✻炸魚薯條 （$118）炸魚份量好多好大件！重點係皮薄餡靚😛唔會話好厚粉漿 啲魚都好嫩滑～而且啲薯條都炸得好香脆😎✻招牌喇沙烤雞（$228）呢個烤雞嘅份量都好多🤣賣相吸引令人食指大動👍🏻烤雞烤得好靚 雞肉都好滑配埋喇沙汁一齊食好match 🫶🏻而且都有好多配菜例如薯仔 紅蘿蔔 同蕃茄等等每次同男朋友發掘到高質隱世餐廳都會有種去咗旅行嘅感覺🤣 我個人好鍾意食佢嘅喇沙🤩😋呢間餐廳係大館附近 記住係俊榮里條巷仔行入去呀~

中環小巷隱世小店。餐廳裝修比較西式，有bar 枱，有酒飲。食物有馬來西亞菜。經老闆推介之下，我哋試左肉骨茶同喇沙肥牛麵。肉骨茶肉骨茶係用豬軟骨同十多種香料熬制，非常之足料，有超多肉，菇菌類同豆卜。另外，最特別係呢個肉骨茶係已經去油，雖然好多肉但真係無乜油。老闆娘話呢個係特制！啱晒我呢啲怕肥嘅女仕。呢個set仲有油炸鬼，珍珠白飯一碗。食得好滿足。喇沙肥牛麵食親喇沙都千遍一律嗰種甜椰椰嘅味。今次食喇沙別有一番風味。老闆娘話湯底由多種菜蔬香料特別熬制，全無加糖！一飲過湯底就食得出「心機！」無味精！鮮！甜！香！帶點微辣！仲有青檸配上。肥牛方面好足料！食到飽一飽！雖然呢間餐廳唔係大街，唔樣眼，但大家值得黎一試老闆娘嘅心機之作，呢個係小店嘅風味特色！另外老闆娘話餐牌時不時會轉新，下次可以嚟試新嘢😍😍

蘇豪區一向予人繁華鬧市的感覺，但其巷弄隱藏不少高質餐廳。就如今次到訪的「brick by brick」，主打無味精馬拉菜，砂煲肉骨茶以及喇沙湯麵更是受到不少客人青睞。裝潢方面，整間餐廳牆壁佈滿磚頭🧱反而帶點英式休閒感覺，午後跟朋友聚會是不錯的選擇。🌸🌸🌸🌸🌸🌸🌸🌸🌸🌸🌸🌸🌸🌸🍃火 熱 馬 拉 砂 煲 肉 骨 茶 $148老闆娘推薦！這是餐廳的熱門菜式不得不試。以熱鍋上枱，很有誠意味道則是充滿濃厚的藥材味配菜方面都幾豐富：金菇、菜、豆卜等當中的豬軟骨大大片，入味而且質地軟腍跟餐更加配上油炸鬼脆脆嘅質地令人回味無窮🍃秘製馬來西亞咖喱喇沙湯麵拼炸雞 $128這一款喇沙賣點是不添加味精但咖喱味仍然濃郁惹味稍微辛辣，但幸好湯底的椰奶中和辣度配上外脆內軟的炸雞 真係好有幸福感而麵底係油麵加米粉的摻摻，口感豐富🍃脆炸一口雞＄98同樣出色！雞肉超級Juicy 食落油香滿溢 鍾意食炸物嘅你不能錯過🍃ice lemon blackcurrant tea $52食完火熱火熱的東南亞菜 緊係要飲冰涼冰涼的飲品降降溫呢杯黑加侖子檸檬茶 無限refill！清爽又抵飲

🔸️Brick by Brick 🌍 馬來西亞菜📍中環士丹頓街21號地庫搵朋友拎野，順便食個lunch，就搵左呢間隱世小店。原來真係幾隱蔽，搵到我身水身汗，最後要打俾鋪頭問點樣呢黎。原來佢隱藏於一個小巷之內。呢間小店大約可以座30人內, 建議繁忙時間要book位。同埋即叫即整，所以亦等得比較耐。店面得一個人招呼，見佢都幾忙，廚房估計都係一人煮。🗨️ 珍寶大蜆屏併海蝦喇沙湯麵 $118哩個賣相好得呀，湯個樣唔算杰不過其實好夠味，亦都感覺上無加味精。個麵底係米粉加油麵，大蜆係正都有6，7粒，蝦就兩隻，但唔係太新鮮。整體上值得試🗨️ 火熱砂煲香濃肉骨茶跟飯 $128一上枱就卜卜卜，超勁熱，好香既肉骨茶味,配有兩舊油炸鬼同一小碟蒜蓉泥。最攪笑碗飯得半碗，初初仲以為唔夠食，原來岩岩好。

首先多謝朋友帶我去食好西🤤🤤。以前覺得喇沙都係又鹹又辣，食完會好口渴🫠。今次食馬拉菜，一滴汁同湯都無放過😋，全部飲曬😍，完全唔口渴！老闆娘非常熱情款待，先提供鹼性水給客人。我哋安坐後還介紹餐廳招牌菜，仲會同客人吹下水，再詳細地講解每道菜式中既材料！🌹🍷玫瑰酒煮卜卜大蜆配蒜蓉包Jumbo Clams with Rose & Garlic Bread：$188每隻蜆大到卜卜聲🤩，我哋食到嘩嘩聲🤣！啲蜆完全無沙！玫瑰酒汁真係百搭，沾咩都得！蒜蓉包、米餅、油炸鬼全部吸收曬啲汁，真係無敵！超好食‼️‼️‼️ （我仲撈埋白飯🤣）我同朋友之間既對話只係「嘩！好食！個汁無敵！」。蒜蓉包牛油勁足料，又香又脆，簡直一流！🔥🍲火熱馬拉砂煲肉骨茶Malaysian Clay Pot Bak Kut Teh：$148配白飯、油炸鬼及手工蒜香米餅。肉骨茶易入口（一開始擔心會有濃烈既藥材味🙈）。肉方面超有驚喜🤩，並唔係坊間大部分常用既排骨，而係軟淋淋既豬軟骨，真係連骨都非常軟熟😍，成嚿吞落肚😋！米餅好似豬肉紙咁脆卜卜🤤～除咗餸飯食，AGAIN可以沾蒜蓉包、米餅、油炸鬼，配埋蒜蓉醬，一流🤤！🦐🍜珍寶大蜆併海蝦秘製馬來西亞咖

#馬拉eatcovery #中環eatcovery💡隱世馬拉菜呢間隱世小餐廳位於中環soho區小巷，雖然地點隱蔽，但食物質素高，正因私隱度高，好岩包場搞event或party. 🍽珍寶大蜆拼海蝦喇沙湯麵材料好充足，超多大蜆，鮮甜又大粒，仲有超多小編最鐘意嘅芽菜，配合其它雞絲，肥牛，素菜等配料，湯底香料味濃郁，配埋糖心蛋，超滿足！🍽泰式酸辣無骨鳳爪超級開胃沙律，鳳爪爽口，生菜蘿蔔好新鮮，酸辣味剛剛好。🍽肉眼扒配黑松露薯條薯條好鬆脆，黑松露醬好香好濃, 食到停唔到口。肉眼扒好嫩，食落仲有d肉汁, 濃濃的牛扒味。唔使點汁都已好好食。其實肉骨茶都好吸引，但今次兩人驚食唔曬未有機會試，但店主力推係招牌菜。而且還有現成外帶包裝，可買返屋企保存，隨時煮嚟食。

中環蘇豪區的餐廳多得目不暇給，有些更是隱沒在巷弄當中沒有被發現。Brick by Brick 便是其中一間讓人差點找不到的馬來西亞菜餐廳沒有廣告牌之餘，門面也十分低調，若不是有朋友帶路可能錯過了也不知道呢餐牌亦很簡單，店員有很熱情的介紹一下推薦菜式。可能廚房只有一位廚師的關係？上菜速度稍為慢了些，另外冷氣也有點大。泰式酸辣無骨鳳爪 ($78) - 還以為是需要沾的酸辣汁，原來是醃好的那種，非常入味爽口；後勁的辣頗強，再加上微酸很清新開胃。雖然我本身也吃得辣，但吃到一半便要加點青檸汁來解辣囉另外這裡有酒 Menu，像啤酒或紅酒之類，如果配酒吃應該也頗適合。不喝酒的我們就點了 - Apple Juice ($38)秘製馬來西亞咖喱喇沙湯麵．珍寶大蜆拼海蝦 ($128)除了肉骨茶外，店員推薦的就是這個！這裡的咖喱喇沙與外邊的有些不一些，沒有很濃的椰漿味，質感比較稀。但並不是指味道很淡，相反湯底十分濃郁，還有咖喱的微辣。油麵加米粉的份量不少，大蜆和蝦也鮮美，另外還有芽菜、豆卜等！招牌喇沙烤雞 ($228) - 有半隻雞喔！雞髀很嫩滑，雞胸的部份就稍微柴了些。雞皮烤得很香脆，喇沙汁有點少，所以吃

經過中環蘇豪區，看到一間主打馬來西亞肉骨茶的酒吧餐廳，真係好耐冇食肉骨茶，於是就抱著很大期望試試。小食叫了一份《炸素春卷》，春卷炸得酥香脆口，不會油冧冧，素春卷餡料以粉絲及蔬菜為主，吃起來比較清甜，清爽。跟住就是最期待的《火辣馬拉砂煲肉骨茶》，肉骨茶滾熱辣上枱，搭配油炸鬼和脆片，是正宗馬來西亞的食法。肉骨茶有濃郁的中藥材味，排骨肥瘦相間，肉質嫩滑，值得回頭。最後再來《招牌喇沙烤雞》，喇沙湯面食不少，這個《招牌喇沙烤雞》真是頭一次，有啲似乾炒咖喱，這個是乾烤喇沙雞，味道很濃香，椰子味很出，雞肉入味又多汁，食前加上青檸汁，喜歡濃味的朋友一定要試試，勁好吃👍🏻

係中環捐窿捐罅俾我搵到間隱世馬拉菜🇲🇾雖然舖頭難搵, 但野食絕對唔會難食😙👍🏻🔺火熱砂鍋香濃肉骨茶 ($128) 👍🏻上碟時熱辣辣, 砂鍋亦完美咁保持肉骨茶既熱度🔥有別於一般既肉骨茶, 佢係用豬軟骨同藥材熬製而成🍲而且上碟之前, 佢地撇走曬d 油, 所以好清👍🏻藥材味濃郁但都好易入口😋 豬軟骨好軟好入味~ 點埋秘製蒜泥醬仲正😍配料仲有金菇,菌,豆卜,芽菜,油炸鬼,超豐富🥳最後我仲飲曬個湯😋😋😋😋🔺秘製馬來西亞咖哩喇沙湯麵 - 鱻魚三寶 ($128)湯底好濃郁, 咖哩微辣, 椰奶唔太重, 所以唔膩😗麵底摻摻係正宗既油麵加米粉~ 加上豐富芽菜口感又豐富, 又惹味, 正😝😝店內貼左好多畫, 好有藝術氣息🖼店員亦非常和藹可親, 用心介紹每一道菜☺️整體感覺唔錯, 野食都ok, 可推介🤪👍🏻評分: ⭐️⭐️⭐️⭐️

店子小小， 躲藏在俊榮里的一角，其馬來西亞出品卻非常出色服務很好，老闆娘充滿熱情，對出品很有要求， 也非常熟悉肉骨茶$148是屬於馬來西亞食的肉骨茶，不過不會有太過濃郁的藥材味，入口像肉骨清湯，而且沒有油， 原來他們已經刻意去油， 豬骨也是使用帶軟骨的部位，煮至入口即溶，調味料用上自家製的蒜蓉醬，不會太過油膩，很不錯喇沙配梅子炸雞$98這個炸雞很有驚喜， 裏面的肉汁多得驚人， 令我一度以為這家是炸雞店！加上清甜而不死甜的梅子粉，不俗喇沙湯底偏稀， 但是沒有過多的椰漿， 入口清而順， 整碗湯喝完也不會滯喇沙烤雞$22810分好吃！一整隻烤春雞烤得僅熟，配上微微辛辣的喇沙醬，火喉掌控得10分好，藥量10分多，再加上下面的薯仔，翠玉瓜，蕃茄，光這一盤已經很夠一個人吃到飽菜式跟傳統馬拉菜很像，但是做了一些微調，令他們的出品更健康，聽聞他們的喇沙跟肉骨茶有外賣版，沒有味精的外賣本人很有興趣呢！