🍭Pentola🍭

就到聖誕, 又係時候食好西🤩
今次介紹而間位於觀塘裕民坊3樓既隱世西餐廳🍴
主打意大利菜及手工意粉🍝

🍴餐湯 - 每日唔同, 今次飲既係蕃茄湯

🍴前菜 - 白鯷魚茄子蓉多士 / 意大利風乾火腿拼盤
白鯷魚軟嫩無腥味, 茄子蓉綿密細膩,
配埋酸種麵包多士, 口感豐富且開胃😆
風乾火腿鹹香配青提子, 好fresh🍇

🍴新鮮青口配茴香汁($128)
青口真係新鮮, 肉質飽滿,
配搭簡單既茴香汁已經帶出鮮味,
令人食唔停口🤣🤣🤣

🍴手工意式薯團配煙肉蕃茄醬👍🏻👍🏻
真心推介🤩👍🏻 Gnocchi係意大利傳統菜之一🇮🇹
Q軟輕盈, 有D似食緊麻糬既感覺~
配搭鹹香既煙肉, 啖啖香口, 勁快就食曬😆

🍴新鮮波士頓龍蝦意粉🦞👍🏻👍🏻 (二人餐+$100)
龍蝦肉質彈嫩, 手工意粉柔韌順滑,
配埋龍蝦汁既鮮甜味, 真係好好味🤤🤤

🍸Mystical Rose
而杯mocktail係有芒果, 蘋果同橙汁,
配埋玫瑰花形既洛神花冰, 飲落好fresh,
賣相都唔錯🌹

🍮Tiramisu (二人餐+$38)
份量幾大, 口感creamy滑溜,
咖啡味香濃亦帶酒香, 正🤤

二人餐$368包4courses, 好抵食, 而且都好食🤩
+$98仲可以有2小時free flow
真心性價比超高, 真心推介👍🏻👍🏻🤤🤤

評分: ⭐️⭐️⭐️⭐️

🍭蘇山雞飯🍭 而間餐廳出名食海南雞飯, 係長沙灣超人氣😯 今次係太子分店食, 都無令人失望👍🏻 🥢黑白雞飯 ($93) 「白」馳名海南雞和「黑」醬油雞合而為一⚫️⚪️ 一次過食到兩種風味, 岩曬選擇困難症既你🤣 海南雞皮光肉滑, 而醬油雞同樣嫩滑, 比海南雞多左甜味~ 個人覺得最正既係雞雜冬瓜湯🥰 比起其他店舖更有誠意呀🤙🏻 🥢龍蝦喇沙摻摻 ($110) 龍蝦唔算好大隻, 但勝在爽口🦞 辣醬係另上的, 可以根據自己既口味調整辣度🌶️ 個人覺得落左辣會惹味好多😋 🥢小食拼盤 (優惠價 +$43) 有雞翼, 鳳尾蝦卷, 泰式魚餅同豬肉串, 每樣兩件🍢 雞翼五香料好香, 且炸得香脆😆 其餘小食都唔錯, 少食多滋味~ 🥢鮮油咖央多士($30) 牛油超厚🧈邪惡程度爆燈😈 不過牛油同kaya醬真係好match, 多士又脆, 真係好味😛 價錢算合理, 味道亦不錯, 不妨一試啊😉 評分: ⭐️⭐️⭐️

🍭HIKARI🍭 荃灣大壩街出名多好西😋 而依間cafe雖然裝修唔華麗, 低調溫暖既門面卻吸引到我🤤 樓高兩層, 入到去俾人好開揚舒服既感覺~ 心情即刻放鬆曬☺️☺️ Dinner set ($398) 包兩個主食, 一個小食, 兩杯飲品😋 🥗自家製煙燻豬柳沙律配蜜桃油醋汁❗️必點❗️ 豬柳有五大塊, 又厚又粉嫩, 煙燻味好香👃🏻 沙律汁調味開胃, 仲配有醃漬果肉, 蔓越莓乾同藜麥🥗 口感豐富且健康😋😋 🍽️慢煮美國安格斯牛板腱新奧爾良粉 牛板腱肉質軟腍, 色澤粉嫩, 肉味唔算好濃, 但有韌性🐮 雖然唔係好知新奧爾良飯係咩概念🤣 不過食落好似risotto🍛 飯粒偏硬有韌性, 味道濃郁, 酸甜帶點辣, 好開胃😋 🍽️日本櫻花蝦蟹肉蘆筍扁意粉 櫻花蝦分量超多, 上碟時超香🤩 不過完全無蓋過蟹肉既味道🦀 意粉好掛汁, 每一啖都好滿足🥳🥳 🍹香月園焙茶鮮奶 濃郁既焙茶香味配上幼滑牛奶, 熱飲的話仲會有靚靚拉花😍 🍹鮮橙梳打 粒粒果肉, 而且唔太酸🤩 好fresh好解膩😉 🍮髒髒提拉米蘇❗️必點❗️ 食完咁多野, 一定要食番個甜品先滿足🤪 Tiramisu 即叫即製, 底層既手指餅咖啡味超濃☕️ 中層既芝士帶點酒香, 質感creamy且幼滑~ 面層有滿滿既朱古力粉, 每啖都口感豐盈😋😋 甜度適中, 真係大滿足呀🥰 食物睇得又食得, 店員友善有禮, 環境亦好舒適, 適合想放慢腳步休息下既你地😉 評分: ⭐️⭐️⭐️⭐️

🍭咕嚕咕嚕🍭 諾士佛臺出名多酒吧, 不過好鬼嘈又多人😅 今次介紹諾士佛臺既樓上酒吧🍻 裝修靚之餘, 又唔會好嘈, 野食仲幾好添, 出色😍 🍽️ Set Dinner ($198) (前菜+主菜+甜品) 1️⃣前菜: 煙鴨胸沙律配無花果黑醋醬 2️⃣主菜: 慢煮法式波爾多紅酒燴牛面頰肉配薯蓉👍🏻 份量幾足, 最值得一提係個牛面頰肉😍 肉質超腍滑, 連個筋位都腍🥩 肉味濃, 而且醬汁香, 酒吧質素來講係超好😉 3️⃣甜品: 日式芝士蛋糕 🍢牛肉串燒組合 ($178) ❗️必點❗️ 好似飲緊一杯超重抹茶味既Matcha 安格斯牛肉串+牛肉串+山賊牛肋串+牛舌芯 即叫即燒熱辣辣🔥 尤其牛舌芯勁爽, 送酒一流😋 🍹Lost in Kyoto ($138) ❗️必點❗️ 好似飲緊一杯超重抹茶味既Matcha Latte🍵 超creamy, 完全唔記得自己飲緊酒🤣 🍹Injustice ($138) ❗️必點❗️ Bailey味好重, 甜甜地好易入口, 飲完一杯都唔覺醉🤪 而間樓上酒吧真係幾好, 坐又坐得舒服, 傾計又舒服😉 仲有beer pong, 桌球等設施玩~ 野食又好味~ 岩曬同朋友黎🤪 評分: ⭐️⭐️⭐️⭐️

🍭元朗合隆潮州粉麵🍭 某日見到一道綠色大閘外排曬長龍😗 本住「要排隊食既通常係好西」既心態去試😝 點知又真係俾我發現到好西🤩 🍜豬什湯粉麵 (大 $50) 湯底係default既白胡椒湯~ 湯底微辣香濃😍 完全唔油, 加少少芫荽已經將香味提升🍀 豬什有豬潤, 豬大腸, 豬粉腸, 豬肺, 豬肚, 豬耳, 豬心, 豬肺, 豬肉青同豬脷🐖 超級足料🐷😍😍 特別想讚既係所有豬什都洗得超乾淨👍🏻 完全無豬腥味, 仲吸收白胡椒湯既味道, 正🥰 🐙冰鎮墨魚頭 ($40) 帶有dd海水味🌊 爽口彈牙, 蘸wasabi食, 正😋 雖然係內藏, 但減肥人士都可以食豬肺同豬潤😬 湯底又唔肥, 絕對唔洗驚有罪疚感😉 評分: 🍀🍀🍀🍀🍀

🍭FW shop🍭 近排而間新開既麵包店超人氣🤩 長期排長龍, 人氣絕對可以同隔離天仁茗茶比🤣 麵包店主打麻糬波波, 有不同口味😍 包括原味, 芝士, 肉鬆, 斑蘭, 朱古力, 紫薯🥯 最近仲出左新口味 綠茶紅豆味🍵 每種口味都味道超濃郁🤩🤩 👉🏻760小姐最中意班蘭同肉鬆味🥰👈🏻 斑蘭味 - 味道香濃, 夾有朱古力, 但唔會過甜🍀 肉鬆味 - 咸咸香香, 好特別😬 最特別既係「菠蘿皮麻糬波波」❗️必食❗️ 菠蘿皮超香脆, 麻糬煙煙韌韌😋 叮熱食仲好食🤤 每粒都只係$7~$8, 做早餐/下午茶岩曬😉 係灣仔附近食完飯不妨去買粒番去食啦😝😝 評分: ⭐️⭐️⭐️⭐️⭐️

🍭JUST'er Bar & Restaurant🍭 而間落地玻璃既西餐廳位於佐敦既小巷, 係門口就見到塊吸睛「全院滿座」的霓虹燈💡 🍽️厚玉子燒 ($58) 份量都幾足, 口感厚實, 較乾身🥚 🍽️煙三文魚配牛油果酸瓜 ($108) 煙三文魚同牛油果幾夾, 加埋酸瓜就酸酸地幾開胃🥒 🍽️原條燒吊筒 ($68) 燒魷魚配上日式燒汁, 幾彈牙🦑 🍽️白酒白汁煮蜆意大利飯 ($115) 淡淡既酒味配上白汁, 口感creamy🍝 🍽️開心果碎慢煮燒羊架南瓜汁牛油蕃茄 ($178) 羊架唔太羶, 不過煮得唔太熟, 有d難切🍖 🫖三分鐘舒緩經痛玫瑰花茶 ($43) 一大jar既花茶夠曬2個人飲☕️甜甜地幾好飲~ 評分: ⭐️⭐️

🍭OVO CAFE🍭 而間素食cafe小有名氣, 唔只食物高質~ 樓底亦好高, 餐廳內仲放滿植物盆栽🌻☘️ 營造一個非常舒適既環境, 好似係溫室內食飯咁🥰 🌻Jumbo lunch set ($138~$165) 包括前菜+主菜+小食+甜品+飲品 超級豐富😍 🥗前菜: 是日沙律/是日餐湯 今次個湯紫薯湯, 甜甜地, 幾特別🙂 🍝主菜: ‼️大推‼️芫荽香菜春卷意粉😝😝 真心芫荽味超重☘️ 大滿足😝 另外仲有burger都唔錯, 食落幾juicy😍 🍢小食: ‼️大推‼️OVO沙嗲 超惹味, 完全唔記得自己食緊素🤣 🍮甜品: 蛋白杏仁茶 超濃杏仁味, 但唔會過甜, 好滿足😙😙 🍵飲品: 是日飲品 選擇超級多, 而且完全唔記得自己食緊素😙 份量都足夠~ 環境又舒服, 絕對可以encore👍🏻 評分: 🍀🍀🍀🍀🍀

觀塘工廈有好多好食既cafe☕️ 而間係其中一間🥰不過位置隱蔽, 要搵兩搵先去到😂 🍽️明太子大蝦燴飯 ($128) + Oreo忌廉沙冰 (跟餐+$32) 擺碟幾靚, 係少女粉紅, 幾岩打卡💓 明太子味唔算好出, 飯就乾左dd, 不過飯既軟硬程度適中, 大蝦爽口, 份量都幾多, 都唔錯🙂 🍽️塔斯曼尼亞海膽虎蝦帶子意粉 ($188) 個海膽勁大舊🤩 而且完全唔腥🤩 虎蝦同帶子食落都好爽好新鮮😋 成個意粉蒜味仲好重好正😛 🍽️川味雞軟骨 ($52) 未試過川味既雞軟骨, 估唔到食落又幾惹味😝 麻辣味好正, 但又唔算超辣, 點埋他他醬仲好味🤩 🍽️岩鹽燒牛舌芯 ($78) 牛舌都算薄身, 所以燒完都唔會好韌😯 有dd油香~ 調味恰到好處, 唔會過鹹, 唔錯🙂 🍽️吉士焦糖疏乎厘班戟 ($98) 食咗咁多野, 點少得食甜品呀🤣 而個班戟係餐廳既招牌菜🥞🥰 疏乎厘鬆軟綿密, 又夠厚身🤩 唔只打卡一流📸 食完仲好滿足❤️ 埋單既時候, 侍應問我地餐飯好無食, 有無地方改進, 超用心🥰 環境又舒適, 張沙發好正😝 不過因為位置隱蔽, 收唔到電話, 只可以用wifi~ 咁就係時候放低電話, 同朋友一路食好西一路傾計啦😝 評分: ⭐️⭐️⭐️⭐️

🍭秋意🍭 好耐無去觀塘工廈食好西😋 而間新開既餐廳最近人氣爆燈💡 因為佢既豉油雞真係好驚豔🤩🤩🤩 🥢秋意去骨豉油雞 (半隻$94 / 一隻$184)❗️必點❗️ 而隻豉油雞真係超級入味, 勁嫩勁滑溜溜🐔 最驚豔既連雞皮都好正😍 好多人因為健康而唔食雞皮, miss760都唔食的😗 但係度真係忍唔到口‼️雞皮完全唔肥膩, 且香口😋 「食雞唔食皮, 不如唔好食」真係講得無錯😝👍🏻 🥢秋意特色酸菜魚 ($198) 秘製湯底既酸度同辣度恰到好處😛 表面既炸蒜勁香口, 口感升級📈 魚片爽口無骨, 份量亦好足~ 有勁多芽菜酸菜同寬粉🤩 滋味十足呀‼️👍🏻 店舖唔太大, 經常滿座😯😯 想食既話就要早D去啦🥰 評分: ⭐️⭐️⭐️⭐️⭐️