最近同男朋友去咗bookmark好耐嘅FUMI食好高質嘅日本料理❤️ 食物無論賣相定係味道都好高質好精緻💕 而且飲品仲好靚打卡一流！環境都好有feel 連茶杯都好靚～ 🥰 ✻ Lychee Lover HKD108 清酒、荔枝酒、柚子蓉、青檸汁、乳酸 賣相好靚嘅飲品 好大粒冰波好cute😗 甜甜地咁好易入口 仲有乾花同柚子做裝飾品💖 ✻ Smoke C HKD138 威士忌、檸檬汁、肉桂糖漿、自家製肉桂苦 個杯好有特色好靚❤️ 倒出嚟有少少煙打卡一流🫗💨 酒味比較濃仲有肉桂香味～ ✻ FUMI DELUXE TASTING MENU 嚐味盛宴 LKF Elite Member會員專享HKD950 (原價HKD1,180) 先付 帆立貝大葉天婦羅、茄子明太子、 鰻魚玉子燒、甘酢大根 前菜已經非常吸引 賣相好精緻 個人最鍾意佢嘅鰻魚玉子燒 同埋帆立貝天婦羅❣️ 入口香甜～ 造身 海膽、鮮吞拿魚腩、深海池魚、油甘魚 刺身非常新鮮！尤其係海膽同埋吞拿魚腩❤️即係入口即溶非常滿足🥰 御椀 海鮮土瓶湯 茶壺外型好靚 入面係好鮮甜嘅海鮮湯🫖 燒物 香蔥宫崎雞肉脆脆卷 好有驚喜嘅雞肉脆脆卷！雞肉嫩滑 而且脆脆地口感一流😋好正！ 揚物 鯛魚九條蔥天婦羅 天婦羅個皮做得非常好 好薄身好脆口 絕對冇好厚粉嘅感覺！ 強餚 A5鹿兒島和牛鐵板燒（三角、西冷）配 燒肉汁 嚟到煮令人期待嘅主菜！ 和牛淨係賣相都已經非常吸引 脂肪分布好平均 入口即溶 亦唔會話太過肥～ 好好食❣️ 壽司 廚師發辦壽司4點 壽司同樣好新鮮 個人最鍾意佢嘅蝦壽司😚 果物 時令果物 最後以新鮮水果作甜品 大滿足嘅一餐🥳

最近去咗bookmark咗好耐嘅麻辣風雲！大家唔好俾佢個名嚇親 其實唔係剩係得辣嘢食 而且佢喺銅鑼灣同旺角都有分店～ 今次去咗銅鑼灣京都廣場 環境以中國風為主 門面大大個「掂」字👍 仲有好有特色嘅字畫～ 重點係食物賣相超吸引又好食😛 價錢又唔貴‼️性價比好高~~ ♡ 炸饅頭 HKD$58 用咗好吸引眼球嘅船作為器皿 上面插住咗「麻辣風雲」嘅旗🚩上枱嘅時候仲會噴晒煙🤣 影相打卡一流！饅頭炸到外脆內軟 點埋煉奶一齊食冇得輸😚😚 ♡ 荔枝蝦球 HKD$108 一上枱已經好震撼🤣 超多仙氣～～～ 荔枝蝦球掛晒上棵樹上面真係好得意！而且都幾好食🤤 出邊好脆口入邊啲蝦肉好彈牙！點埋佢個醬甜甜地咁❣️ ♡菊花蜜（埕） HKD$48 一開始係俾佢嘅賣相吸引咗先叫嘅飲品 粉紅色嘅「酒」埕 💕上面仲有啲花花咁好靚～ 入面其實係香甜嘅菊花蜜 甜度適中！用細碗仔咁飲 睇落好似飲緊酒咁好有feel🫶🏻 ♡黑糖脆炸糍粑 HKD$58 相信係食川菜必點嘅甜品！糍粑煙煙韌韌 外脆內軟～配埋黑糖好好食😚😚 ♡開胃宜賓涼拌冷麵 HKD$38 雖然佢好平 但真係好好食🤣 將啲配料撈埋一齊辣辣地咁好惹味！！平靚正👍 ♡蒜泥白肉卷 HKD$68 超重蒜蓉味～～ 蒜蓉fans一定會鍾意haha ♡樟茶煙燻乳鴿 HKD$88 好似好耐冇食過乳鴿 所以叫嚟食！好細心地已經幫我哋切咗件～ 乳鴿好入味 而且個皮好脆😳🫶🏻

最近同男朋友去開旺角想食泰國菜 經過見到Ann MaMa Thai Restaurant 有唔少人排隊 所以好奇下就去試吓💕 好彩等咗一陣就有位！果然食物質素唔錯 二人晚餐性價比好高而且餐廳環境都好有feel🇹🇭 ✻ 晩市2人餐HKD338 前菜我哋揀咗涼拌酸辣札肉 味道酸酸辣辣咁好清新開胃 仲有好多札肉同蔬菜！健康又好食～ 小食我哋揀咗泰式手打蝦餅3件 蝦餅炸到外脆內彈牙好好食！ 配泰式甜辣醬好match❤️ 蝦肉好新鮮～🦐 招牌燒牛肩胛肉 +HKD30 主菜我哋揀咗佢哋嘅招牌 牛肉熟度煮得啱啱好 肉色呈粉嫩顏色 賣相非常吸引！肉質入口好軟而且好juicy😋 仲好香牛肉味 好正😆 Ann Mama蟹肉炒飯+HKD20 有船麵 豬手飯金邊粉等等可以揀 我哋加錢叫咗佢哋嘅蟹肉炒飯🦀 面頭有唔少蟹肉 另外仲有洋蔥 雞蛋 蔥等等 炒飯炒得好好 好香口👍套餐包咗兩杯飲品 如果叫龍眼冰或者椰子冰都唔使加錢！ 龍眼冰好鮮甜🤎 我哋另外加錢叫咗杯泰式綠奶茶 甜甜地好香綠奶茶味💚 賣相都好靚～

日本 GARIGUETTE 首間官方海外分店喺香港🇭🇰佢哋自家創作嘅千層拿破崙口感非常香脆😚 最近我都終於試咗呢間日本過江龍🇯🇵 唔洗搭飛機都可以食到日本原味道喇💕💕💕 拿破崙即叫即製 仲可以隔住玻璃望住店員嘅製作過程 非常治癒！甜味可以選擇兩款口味拼搭～ 另外仲有鹹味❣️選擇自由度非常高 今次我哋就揀咗兩款甜味嘅😋 ✻宇治抹茶忌廉×士多啤梨 首先佢哋嘅拿破崙真係好好食！非常香脆仲好焦香🤎 用咗京都宇治抹茶🍵製成嘅吉士忌廉味道超級香濃 加上酸酸甜甜士多啤梨🍓 紅豆🫘同煙煙韌韌嘅麻糬 口感一流！ ✻伯爵紅茶忌廉杏脯果醬 伯爵紅茶忌廉好香滑 加上酸酸甜甜嘅杏脯果醬 好開胃 清新又好味～

【✨元朗新開特色泰國餐廳🇹🇭💕$30迷你泰茶刨冰🍧】 最近同朋友去開元朗想食泰國菜 經過見到呢間新開嘅 SO! BangKok Thai Eatery & Desserts 餐廳以粉紅色為主💖 無論室內定室外環境都好有feel 有好多霓虹燈裝飾💕 仲有好睇又好食嘅刨冰！雖然迷你但係其實份量都幾多～🍧 另外佢哋嘅招牌燒雞都好好食😚 dinner set 性價比都好高～～ Weekday dinner Bento HKD$138 ✻ 餐湯/沙律 我哋揀咗餐湯係粟米湯🌽 ✻ 泰式蝦餅 +HKD20 佢有好多小食可以揀 我哋加錢叫咗蝦餅 外脆內彈牙！啖啖蝦肉🍤😋 ✻ 泰式燒安格斯牛肉 +HKD20 同樣有好多主食可以揀 我哋揀咗安格斯牛肉～ 牛肉味好濃郁 烤得啱啱好 而且好入味🥰 配埋佢特別嘅醬汁非常之夾！而且賣相都好吸引 牛肉呈嫰粉紅色❣️ 套餐可以揀麵或者飯 例如冬陰功金邊粉 泰式船麵 雞湯金邊粉 白飯 或者可以加錢叫雞油飯～ 我哋邪惡地加咗$8叫咗雞油飯😚 雞油撈飯真係冇得輸！同牛肉一齊食超正 ✻ 凍班蘭香芋泰式小丸子鮮奶 +HKD$28 飲品選擇超多元化🩷💚💜 我揀咗呢杯賣相超吸引嘅！斑斕同埋香芋呢個配搭咁match~~ 我同朋友都覺得幾好味！ ✻ 招牌泰式燒雞 HKD$158 我哋兩個人所以揀咗半隻份量😛 熱辣辣皮脆肉嫩！雞肉肉質真係好嫩滑仲好juicy~~~✨yummy!! 點埋醬汁一流！ ✻ 泰式香草炒肉碎炒意粉配溫泉蛋 HKD$138 意粉質地彈牙 炒肉碎非常惹味 配埋流心溫泉蛋撈埋一齊食好match~ ✻ 迷你皇家泰茶刨冰 +HKD$30 賣相超吸引嘅泰茶刨冰 套餐加$30真係好抵！！刨冰好濃泰茶香味 好好食甜而不膩～ 沙冰口感都好軟滑🤤 呢個價錢冇嘢可以挑剔😚

呢間係鰂魚涌近太古嘅⚪️幸圓🔵主打西日料理線 裝修以木系為主～地方好大環境又舒適 而且有個藝術感滿滿嘅打卡小角落！牆身掛咗好多幅圓形嘅藝術品好靚～ 甜品同丼飯都好出色 另外飲品顏色鮮艷影相都好靚◍•ᴗ•◍🩷🩵 ✻ 宇治金時牛角包窩夫 HKD72 甜品控忍唔住先介紹佢嘅甜品～ (˶ˊᵕˋ˵）果然冇令我哋失望！ 佢有一球好好食嘅豆腐雪糕🤍😋 另外仲有抹茶蕨餅 煙煙韌韌嘅白玉等等 配埋鬆軟牛角包窩夫 口感好豐富💚yummy! 我同朋友都好鍾意！！ ✻士多啤梨刨冰 HKD98 刨冰比想像中大個好多🤣粉紅色賣相好靚🩷 面頭喺忌廉 最估唔到嘅係入邊都有cream cheese！同刨冰一齊食好夾(˶ˊᵕˋ˵） 最底仲有煉奶🤍 亦可以自己添加士多啤梨汁～～ ✻ Bleu Bliss HKD58 藍色賣相真係好靚🩵 味道都唔錯 飲落有少少似波子汽水沙冰 甜度適中～ ✻ Strawberry Slush HKD58 粉紅色賣相好靚🩷 兩杯飲品放埋一齊好有little Twins Star ge feel🩷🩵 味道都唔錯 士多啤梨+奶嘅沙冰 甜甜地咁好清新～ ✻幸圓海鮮丼HKD238 一上枱已經覺得好吸引😍 好多唔同嘅刺身 例如三文魚 帶子 北極貝 赤蝦 吞拿魚 拖羅蓉等等 仲有鮮甜嘅海膽！！好好食大滿足😋 另外亦有蟹籽同三文魚籽～～ 而且飯嘅份量都唔少㗎😆🧡 ✻ 慢煮八爪魚壽喜燒意大利飯 HKD208 擺碟好精緻 八爪魚好有口感🐙 壽喜燒意大利飯好入味 配埋流心蛋一齊食好match🥰 都幾好食！

最近去咗megabox 嘅the point 餐廳好大！二人套餐好抵食～ 已經包咗2starters 1pizza 1 pasta/risotto/main ❤️ 飲品仲可以半價‼️ Set for two HKD$398 Starters 我哋揀咗餐湯 是日餐湯係南瓜湯🧡 另外仲可以揀沙律或者加錢轉龍蝦湯～ Pizza 煙三文魚溫泉蛋披薩+HKD28 佢總共有五款Pizza可以揀 我哋加錢揀咗煙三文魚呢一款～ 配埋流心溫泉蛋好夾🫶🏻 而且pizza嘅餅底即叫即整都幾煙靭幾好食😛 Pasta/risotto/main 可以七選一！我哋揀咗牛尾肉醬麻花卷意大利麵✨好好食！有大量巴馬臣芝士同燴牛尾肉醬好正～ 而且麻花卷意大利麵質地好特別 煙煙韌韌感幾好食 😋 Add on 朱古力布朗尼 +HK58 可以用優惠價加埋個甜品😚 呢個朱古力布朗尼係用鐵板仔上賣相好靚好吸引😍 而且熱辣辣嘅布朗尼配上凍冰冰嘅雪糕🍦冰火交融嘅感覺好正😚 朱古力布朗尼真係好重朱古力味～～ Drinks (跟餐可以半價） 🧡MANGO TANGO HKD29（半價後） Mango Juice, Orange Juice, Grenadine, Soda 💚GREEN POINT HKD29（半價後） Pineapple Juice, Blue Syrup, Soda 兩杯賣相都好靚 ～入口都係甜甜地咁 但又唔會太甜！個人特別鍾意芒果果杯 杯邊仲有啲爆炸糖咁好特別💖

最近同朋友去咗銅鑼灣世貿中心嘅臺北棧 Check in Taipei 餐廳以淺粉紅色為主色 燈光柔和打卡好靚💕 而且環境好大坐得好舒服！有好多唔同嘅台式食物 仲有大量邪惡嘅麻糬/芋泥等等 好睇又好食😋 ♡ 芋泥3Q拿破崙 HKD$108 由芋泥 鹹蛋黃 麻糬 肉鬆製成 超邪惡但又好好食～口感真係超級超級豐富！拿破崙口感一切開好好好酥脆👍 仲好香牛油味～～ 麻糬煙煙韌韌同肉鬆芋泥都超夾😛😛 佢有幾間分店 而呢個係銅鑼灣分店先有嘅甜品！ ♡ 明太子麻糬蛋餅 HKD$98 佢有好多款蛋餅我都想試🤣 最後揀咗呢款！好好食！上枱熱辣辣～面頭仲有好多明太子醬同埋櫻花蝦 而且拉絲嘅效果勁吸引XD 唔係講笑真係超多明太子同埋麻糬😱 同蛋餅呢個配搭好match🧡💛 明太子/麻糬fans一定會鍾意～ ♡ 鹹蛋黃芋泥球 HKD$78 同樣賣相好吸引嘅一款小食 一粒粒咁樣好可愛💜 外脆內軟～～ 好香芋頭味！鹹蛋黃同埋芋泥呢個配搭又係好邪惡😛 ♡ 招牌牛肉麵 HKD$116 加溏心蛋+HKD$8 見係招牌所以叫嘅牛肉麵！湯底好正好濃郁牛肉份量仲好多～ 仲有特製嘅辣牛油 加埋落去一齊食好惹味❣️ ♡ 木瓜牛乳 HKD$52 本來掙扎咗好耐要芋泥牛乳定係木瓜牛乳🤣 見其他嘢食都已經揀咗芋泥 所以今次就叫咗木瓜xdd 牛奶好香好滑 木瓜同牛奶呢個配搭冇得輸🧡🤍

最近同男朋友去咗銅鑼灣嘅虎鐵食鐵板燒～呢度食材好新鮮尤其係鮑魚同埋蠔仔！而且擺盤都好精美 😚 仲有雪葩好好食～ 特色二人套餐 HKD2680 for two ✧ 煙三文魚沙律 煙三文魚配芝麻醬同爽口嘅生菜絲同埋鮮甜多汁嘅蕃茄仔～好開胃嘅前菜 ✧ 蟹肉海膽松露溏心蛋 賣相好精緻！ 成個蛋殼一齊上 上面仲有金箔做裝飾🌟面頭有鮮甜嘅海膽同松露～～ 食落仲有好多蟹肉🥰🫶🏻 口感豐富又有層次 好食 而且溏心蛋好滑好正💯 ✧ 鐵板蠔仔 蠔仔好大隻！整一咬開蠔肉鮮甜嫩滑仲好juicy~~配埋蒜蓉同埋蔥粒非常惹味！ ✧ 活鮑魚配蟹肉海苔醬 新鮮活鮑魚！仲好厚身～ 配埋魚籽同埋食用花做裝飾賣相好靚🌸🤍 蟹肉海苔醬同鮑魚好夾！入口大滿足😋 ✧ 鐵板銀鱈魚 由於我唔食內臟 所以師傅好細心咁幫我哋將鵝肝轉做銀鱈魚～～～ 銀鱈魚肉質嫩滑細緻！鮮甜又唔腥😚😚 ✧ 熊本縣和牛薄燒 熊本縣和牛薄燒入口好軟腍！口感柔軟 肉味濃郁 配上炸蒜片一齊食好惹味！！另外仲有日本茄子 南瓜同埋大啡菇🤎 ✧ 刺身帶子豆腐鯛魚湯 熱鯛魚湯好鮮甜同暖胃～ 入面有好滑嘅豆腐 同埋新鮮嘅刺身帶子做配料🤍 ✧ 黑松露櫻花蝦炒飯 用鐵板燒炒飯特別香口！飯粒分明 炒得啱啱好😝 好香好香黑松露味 而且仲好多櫻花蝦提鮮 👍🏻 ✧ 椰子雪葩 成個椰子殼入邊包住雪葩 椰子味好濃🥥好睇又好食🤤! 我同男朋友都好鍾意❤️

上星期五收工之後同朋友去咗呢間中環嘅 The Globe❤️ 好熱鬧好多外國人好有feel！有英式圖書館世界地圖area可以打卡📸 仲可以玩復古遊戲機添🎮 ♡ Half Yardley Mango Sticky HKD$70 呢杯係店員推介嘅 入口甜甜地 有啲似平時食開嗰隻芒果軟糖嘅味道 不過酒味都算重～🥭 ♡ Martin Miller HKD$95 好大杯！而且賣相都好靚～ 連個杯上面都印住咗「Martin Miller’s」 Gin酒配雜莓🍓 呢杯酒味唔算好濃 好易入口 適合女仔飲！ ♡ Fish & Leek Pie HKD220 同樣係店員推介嘅 面頭係芝士同埋薯蓉 下邊有少少似忌廉湯咁 仲有好多三文魚同埋蝦～ 個人認為呢道菜好特別同埋都幾好食 推介大家試吓😚 ♡ Australian Rib Eye HKD245 我哋揀咗medium❣️ 肉質粉嫩 而且好Juicy 特別要讚吓佢嘅伴菜 類似千層薯仔咁～好好食😋