影片
以上資料只供參考, 請與餐廳確認詳情
有關餐廳
有關獎賞計劃
相關文章
🥖 Bread餐前麵包係酸種麵包，可以免費refill，麵包外脆內鬆軟，而且配有惹味帶少辣嘅香草牛油同簡單嘅海鹽牛油🦞 Lobster Bisque with Puff Pastry（$138）酥皮好酥脆，龍蝦湯質地偏向稠身，龍蝦味鮮甜香濃，仲有爽口嘅龍蝦肉，非常足料；如果唔鍾意咁濃味嘅朋友，建議加埋個brandy whipped cream，口感更加順滑🥩 Australian Black Opal Farm Wagyu（$588）生熟程度方面我同朋友揀左medium ， 切開之後仲有滿滿嘅肉汁，Wagyu肉質軟腍，牛肉味濃，就咁食已經好夠味，醬汁方面我地揀左Black Truffle Demi Glace，黑松露味道濃郁，如果鍾意食濃味嘅朋友建議可以蘸埋個醬一齊食🥘 Smoked French Eel and Sous Vide Abalone Risotto ($388)法國煙燻鰻魚香脆，鰻魚皮帶少少苦味，慢煮鮑魚非常爽口彈牙，意大利飯吸收哂魚湯嘅鮮味，好creamy 之餘軟硬適中🍏 Lemongrass Apple Yogurt Mousse Cake（$98）蛋糕由Lemongrass 同Yogurt Mousse整成，面頭撒左檸檬草碎，Mousse Cake下有Lemongrass Apple confit，mousse cake好幼滑，帶有頗突出嘅Lemongrass 味道，食落口唔太甜好清新，Lemongrass Apple confit酸酸甜甜，配埋唔太甜嘅mousse cake啱啱好而且味道層次更豐富🍯 The Honey Thief ($128)用Gin做底，加上Curry Leaf、檸檬，apricot marmalade同蜂巢；酒味唔重好容易入口，檸檬味道比較突出，飲落口好清新，雖然佢加左蜜糖，但味道唔算好甜🫐 Blueberry ($128)上面個層係好creamy 同帶淡淡微咸嘅Salted Cheese Foam，下面有Cream Cheese Fat Washed Rum, Housemade Blueberry Shrub同Cassis，第一啖飲落口有少少勍，藍莓味同甜味之後先慢慢滲出，整體酒味比較濃烈📚 餐廳嘅室內設計設計用左圖書館做靈感，環境優美有格調，仲可以望到靚靚嘅維港景色，每晚有live band駐場表演，仲會同生日嘅客人唱生日歌，非常適合特別日子同親朋好友愛侶嚟呢度慶祝
繼續閱讀
近排做野做到個人好攰，特登book左個long lunch慰勞下自己。呢間餐廳既裝修好似古舊既圖書館，行入去覺得好有文藝氣息😌仲有個無敵大海景，對住呢個景食飯心情特別愉快。Lunch set有分3-course、4-course同5-course.我就就揀左4-course，包頭盤，湯，主菜同甜品。French Baby Blue Mussels & Sea Urchin |藍青口有濃郁既海水味，加埋海膽入口好鮮甜! 雖然係BB size但好肥美，配埋個忌廉汁口感好creamy。French Escargot & Potatoes au Gratin |法國蝸牛口感滑嫩，帶有小小彈牙，底層係我至愛既千層薯，薯仔切得好薄身，焗成外層金黃色。入口綿密，加埋牛油香氣，令成道菜味道更醇厚。Hummus & Artichoke Bisque |香港比較小餐廳食Artichoke ，Artichoke有一股獨有既味道，幾特別。濃湯質地滑順，加入左鷹嘴豆泥令味道更濃厚。Lobster Bisque |呢度既龍蝦湯加上一層酸種酥皮，視覺上非常吸引! 龍蝦湯入口香滑，，再加入用白蘭地整成既whipped cream，更突顯鮮味。13 Hours Sous Vide US Prime Beef Short Rib |慢煮牛小排上檯已經見倒顏色好粉嫩，油脂分佈平均，外層慢煮後又再煎香，所以有小小脆口。慢煮過程令牛小排既脂肪融化，釋放出濃郁的肉香，但又保留左肉既鮮嫩。配菜係用唔同蔬菜砌成既千層塔，面層係燒過既芝士，香氣十足，搭配椰菜同南瓜等，有多重口感。Canadian Black Cod Fish |鱈魚肉呈珍珠白，仲好有光澤，魚肉非常柔嫩，口感濕潤，底層係用蜆肉煮成既濃湯，完全係鮮味爆發!伴碟既蜆肉都好鮮甜。𝗟𝗲𝗺𝗼𝗻 𝗖𝗵𝗲𝗲𝘀𝗲 with 𝗼𝗿𝗮𝗻𝗴𝗲 & 𝗟𝗲𝗺𝗼𝗻𝗴𝗿𝗮𝘀𝘀 𝗠𝗮𝗻𝗴𝗼 𝗠𝗼𝘂𝘀𝘀𝗲 𝗖𝗮𝗸𝗲 |檸檬加上芒果口感非常清新，慕斯質地輕盈、滑順。Umeshu Pear Mousse |香梨淡淡香氣結合左結合了梅酒的酸甜，口感柔和，兩款味道完美平衡。每道菜既擺盤都好靚，而且食材非常新鮮，下次想試下晚市既tasting menu🥰
繼續閱讀
踏入2025年，同朋友揀咗一間法式fine dining 餐廳慶祝，餐廳以歐式圖書館為裝潢主題，搭配墨綠色真皮沙發，高雅舒適，每晚都有現場樂隊表演，樂隊會為慶祝生日嘅客人特別送上祝福，仲可以欣賞180度維港景色，氣氛浪漫，非常適合慶祝特別的日子。🍴Tasting menu ($1,380/person)Seafood Trio 開胃菜分左3部曲，一層一層打開好特別， 泡沫下面係新鮮既日本海膽，口感細膩；西班牙八爪魚薄片嫩滑；煙燻鰻魚慕斯配合鹹香味十足嘅魚子醬，口感層次豐富。 Scottish King Razor Clam & King Crab用乾冰營造煙霧效果，賣相一流，蟶子皇他他鮮甜清爽，底層帝王蟹慕斯入口滑溜，上面加左魚籽襯托。Italian Zucchini Flower & Iberico Ham用鴨肉同埋芋頭做成葫蘆，沾上啤酒麵糊炸至香脆，搭配柔滑既法國鵝肝泡沫，36個月的伊比利亞火腿伴碟，口感豐富。Bouillabaisse法式海鮮湯用龍蝦熬製，湯底濃郁鮮美，配搭大大隻蜆肉，口感鮮甜，仲有自家製生蠔意大利雲吞，每一口充滿鮮味。French Morel & Fish Maw炭燒魚肚搭配黑松露片、羊肚菌和清雞湯，魚肚的口感彈牙，黑松露的獨特香氣與清湯的清新相互融合送上番石榴sobert清一清，再品嚐主菜Charcoal Grilled French Pigeon用低溫煮，鴿肉嫩滑，風味濃郁，充滿住獨特既炭燒香氣。Charcoal Grilled As Miyazakigyu Beef用左宮崎西冷牛扒，熟度medium rare，牛排細膩多汁，肉香撲鼻，入口即化，伴碟有脆脆牛筋片同萵筍，西冷牛扒點少少蛋黃醬更滋味。Japanese Yuzu Mousse Cake柚子慕斯蛋糕口感清新酸甜，搭配法國白巧克力、蒙羅麗莎茶造既奶油，口感細膩而豐富。The Basket of Apple 以伏特加為基底，撲鼻而來係蘋果既清香微酸，微甜中帶著肉桂既香氣，檸檬草平衡飲品既甜度和酸度。 The Honey Thief 以Gin酒為基底，有一層淡淡既杏桃果香，清新爽口既檸檬酸味，用左蜂巢伴碟，非常有創意。
繼續閱讀
Bochord是被譽為紀念日或者生日慶祝的頂流餐廳，終於有機會朝聖(記得book位!) Bochord的裝潢以歐式圖書館風格為靈感，充滿了古典優雅的氣息。柔和的燈光灑在深色木質書架上，牆上掛著復古的畫作，營造出一種溫馨又私密的用餐氛圍，簡直係隨意影都可以打卡相。餐廳仲可以欣賞到迷人的維港景色！建議大家黃昏前入座，就可以看到白天、黃昏以及晚上的維港夜景！🌅✨ 晚上還有現場音樂表演！(可以點歌，歌手好專業，唱情歌一流，更令氣氛更浪漫更有情調)Tasting Menu($1388)由Chu Toro Tartare的清新開胃，Red Prawn Tartare 的鮮味，到Royal Daurenki Caviar的奢華口感，每一道菜都充滿驚喜。個人尤其喜歡Hokkaido Sea Urchin，海膽的鮮甜配上蟹肉和蠔啫喱，層次豐富。Lobster唔係傳統原隻上，改為以蘆筍配搭Lobster Sashimi，以清新檸檬泡沫調味，真係好滿足！Seafood Bouillabaisse🐟，湯底濃郁鮮甜，配料豐富，有蝦、青口、魚等等！Red Grouper，煎得外脆內嫩，魚肉鮮美！Charcoal Grilled Abalone，燒得好香，口感爽口彈牙！主菜的A5宮崎和牛，肉質鮮嫩多汁，入口即化，搭配鴨油薯仔和紅酒汁。最後的Belgium 64% Chocolate with Yuzu & Almond Cake，濃郁的朱古力配上清新的柚子，平衡了甜膩感。已經約定左下次慶生/慶祝周年紀念再來! 環境氛圍食物服務全部都好高質!$1388 以fine dine 價錢 但有咁高質的享受，個人認為好值得👍🏻
繼續閱讀
食在銅鑼灣 - BOCHORD位於銅鑼灣的法國餐廳 BOCHORD 是一家專注於高端法式料理的餐廳餐廳的環境優雅而不失現代感，細節處處流露著法國餐廳的典雅格調。餐廳的每個細節都流露著對品質的追求，從擺設到餐具都顯示出主廚對食客的重視與用心。Tasting Menu（$1388 per head）❃ 麵包搭配 海鹽牛油 及 羅勒乾番茄醬麵包外皮酥脆，內裡鬆軟，配上海鹽牛油的鹹香與羅勒乾番茄醬的酸甜草本氣息完美融合。❃ Chu Toro Tartare中拖羅油脂豐厚，入口即化，搭配煙燻沙丁魚的濃郁香氣和柚子清爽的酸味，層次豐富而不膩口。❃ Royal Daurenki Caviar魚子醬的鹹香伴隨酥皮的香脆 , 口感豐富❃ Red Prawn Tartare紅蝦他他以鮮甜的紅蝦為主角，搭配 法式奶油醬、紅蝦油珍珠與香脆的薯絲。紅蝦的鮮味與奶油醬的濃郁相互平衡❃ Hokkaido Sea Urchin北海道海膽搭配 蟹肉 和 墨魚汁啫喱，再加上海膽忌廉 , 味道鮮甜濃郁❃ Lobster龍蝦刺身搭配 蘆筍、蝦油脆片、魚子乾片，以及檸檬泡沫。龍蝦肉質鮮嫩細膩，蝦油脆片和魚子乾片增添了濃郁的海洋風味，而檸檬的清香則讓整道菜更加平衡和清新。❃ Seafood Bouillabaisse湯底濃郁，融合了 日本蛤蜊、炭燒大蝦和龍蝦。湯的鮮甜與濃郁香氣讓人回味無窮。❃ Red Grouper石斑魚肉質細嫩，扇貝慕斯的鮮甜與羊肚菌的濃郁香氣相得益彰❃ Charcoal Grilled Abalone鮑魚以炭燒方式烹製，搭配 日式素麵。鮑魚的彈性與鮮味在口中綻放，鮑魚肝醬的濃郁與蟹味噌的鹹香讓整道料理層次豐富❃ Red Wood & Charcoal Grilled A5 Miyazakigyu Beef和牛油脂豐厚，炭燒香氣與肉汁相互交織。❃ Belgium 64% Chocolate with Yuza & Almond Cake比利時 64% 巧克力與柚子杏仁蛋糕的搭配，朱古力慕絲配柚子醬酸甜平衡，濃郁卻不膩口
繼續閱讀