Ann Mamma Thai kitchen by 張秀玲

營業中

休息中

荃灣泰國菜中，這間一定是當中最有人氣之一的泰國菜。店內裝潢設計用上近幾年流行的輕工業水泥+小清新風，拼上不少鮮綠植物，給人輕鬆relax休閒感覺。大蝦柚子沙律酸酸甜甜開胃前菜先打開味蕾，柚子份量夠多而且甜而juicy ， 食落醒神開胃。大蝦夠彈牙，這道前菜 完全適合不喜歡吃辣而又要吃泰國菜的朋友。泰式無骨豬手滷水豬手，有點令人覺得似台灣菜，但是鹹味不會太重，卻已經煮至入味又豬手淋身。再配上泰式辣醬，又拾回不少泰式菜的感覺。另外去骨真的方便食客。豬手真的極大件，建議4人分享更開心。菠蘿炒飯每間泰菜都會有的菠蘿炒飯，通常這道菜會令人感覺間間店舖都是差不多，但又有些不同各有特色。這間店最大特色就是著重配料， 可見份量非常多之餘，又層次分明放在飯的不同角落中，腰果及肉鬆都放在當眼位置，方便不喜歡過量的朋友更可以撥走。當中菠蘿，提子乾跟雜豆的配搭令炒飯吃起來更有層次，口感更豐富。

原來荃灣有間泰國菜都好出名😋位於荃灣曹公坊...去之前記得要book位～我去當晚無曬walk in位🙈 Ann Mamma分咗兩樓，地下同閣樓。我地就被安排係閣樓坐。成間餐廳都有不少植物擺設，算是賞心悅目🪴✪ 泰式無骨滷水豬手 ⌫ 💲118豬手滷得好軟腍好入味！外皮充滿膠質，實在好滋味！個醬汁拌飯真係一流呀！😚 豬手已經去骨切件，食落好方便～✪ 大蝦炒金邊粉 ⌫ 💲118食泰菜必叫Pad Thai！金邊粉濕炒，唔會痴到一餅咁。擠點青檸汁，整碟感覺唔會太油膩。味道酸酸甜甜咁，再混合一點點花生碎🥜。層次更豐富！✪ 椰汁芒果糯米飯 ⌫ 💲55椰汁飄香嘅芒果糯米飯🥭 口味較甜。✪ 泰式奶茶 ⌫ 💲28口感香滑，茶味足，奶味香濃。【 Ann Mamma Thai kitchen by 張秀玲】📌 荃灣曹公坊11號地舖

前日(23-7-2022 Sat)晏晝,同老公送完膠,諗住去Real Burger(https://www.openrice.com/zh/hongkong/r-%E7%9C%9F%E5%A0%A1-%E8%8D%83%E7%81%A3-%E8%A5%BF%E5%BC%8F-%E6%BC%A2%E5%A0%A1%E5%8C%85-r725539)食晏,點知佢哋冇堂食,咁去邊喥食晏呢?天氣咁熱,唔想行咁遠喇,諗起我哋食過嘅呢間唔錯(上次食評係2021年4月24日刊登嘅呢篇: https://www.openrice.com/zh/hongkong/review/%E4%BF%82%E6%84%9B%E5%91%80-e3998983),於是再嚟食,我哋嚟到剩返門口嗰張枱坐,我唔記得佢有上層,我哋照坐先,原本覺得對住冷氣出風口都OK,但道門不斷又開又閂,我覺得比較熱,而之後嘅客人嚟就被安排上上層坐,我至記起係上層係開嘅,於是問個女仔可唔可以轉位,然後有個男嚟問我叫咗嘢食未?我答未.佢就唔多客氣咁講:”今次俾你啦.”上到去都有幾多位,個男仔指定要我坐邊個位,喧我哋坐啦,張枱唔係幾穩陣,會搖嘅

[ Ann Mamma Thai kitchen by 張秀玲 ]呢間小店嘅熱門程度不用多說，次次walk-in 基本上都好難有位🥹🥹所以想食，最好預先book枱啊！今次星期六午餐時間嚟，好好彩唔使等位✨✿ 泰式豬肉酸辣湯粉 🌶 $78呢個湯粉有驚喜！店員落單時提醒係冬陰功湯底，但唔好睇佢好似好淺色。食落係好香冬陰功味，又唔會太油膩。仲可以飲埋啲湯，我個人幾鍾意☺️☺️配料亦都好多，鋪滿晒成個碗，有豬肉，豬肉丸，蛋散。個粉係比較粗身嘅河粉，都幾掛湯👍🏻✿ 海南雞配油飯🐔🍚 $78海南雞同油飯份量都好多。雞肉嫩滑，伴碟嘅配埋酸辣汁/甜豉油，好正😋份量多到食唔晒😂😂✿ 泰式奶茶 $28 (配午餐價）✿ 泰式西柚茶 $28 (配午餐價）嚟食泰國菜，點可以唔飲泰式奶茶😛呢度嘅泰奶飲得出都係用咗傳統嘅泰式手標茶做茶底，沖得剛剛好，唔會太甜。另外西柚茶都好特別，真係成個西柚放喺杯入邊，影相都幾靚✨飲落好香西柚味，好清新🌿🌿總結🫦果然係出色嘅泰菜，值得去試❤️❤️有機會想試埋佢哋嘅豬頸肉，聽講都做得好出色🫶🏻🫶🏻✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿Ann Mamma Thai kitchen

今日同朋友到荃灣食飯，餐廳不需要等位就可以入座。我們叫了兩個小食：小食拼盤和泰式燒豬頸肉。一份菠蘿炒飯，兩杯飲品：荔枝特飲和椰子開心果沙冰。在小食拼盤中有2件蝦餅、2件春卷、4件泰國雞棗。蝦餅入面蝦肉十分足料，外表炸得好香，而入面依然有肉汁。之後是菠蘿炒飯，份量比我想像中大，而姐材料十足，飯又炒得夠乾身，菠蘿酸酸甜甜，十心開胃。荔枝特飲，有酒精但不會很難入口，而且再加上果香味，夏熱天時可以解渴。而椰子開心果沙冰，沙冰有濃濃椰香，再加上淡淡的開心果味道，入口會令人想一飲再飲。整體來講，味道不錯，而且上餐速度快速。

荃灣 - 《Ann Mamma Thai kitchen by 張秀玲》📍荃灣曹公坊11號地舖成日經過都見到好多人圍係呢間泰國餐廳岀面～餐廳係有熱帶小清新既感覺岀面有好多綠色植物🫶🏻去到先發現係要book枱先入得🥹🥹大家記得一定要早啲打電話book定入面啲位唔係好多木瓜沙律🥗(💰75)岀面啲木瓜沙律一向都整得好辣好濃味但係呢個反而係清清地～唔會好辣又唔會好乾，都keep到個濕潤感仲有唔少花生碎同木瓜🤣菠蘿🍍炒飯(💰96)呢碟飯真係估唔到佢咁大個！4個人食都得🤩上面有好多肉鬆腰果提子乾比你配個炒飯食有多重口感👍🏻個飯少少濕唔會好乾菠蘿同蝦既比例都岩岩好，唔會成碟都係得飯冇餸小食拼盤(💰99)2件蝦餅，2條春卷，4件泰國雞棗拼盤可以試到唔同既泰式炸物！最正係個蝦餅！大大件又好彈牙同好有蝦味小食好夠熱好多脆🥰泰式生蝦(💰148)有8隻大大隻既生蝦(๑˃̵ᴗ˂̵)個sause酸酸地配埋上面既辣椒🌶️同蒜好惹味椰汁芒果糯米飯(💰55)個糯米飯係綠色既，以為係班蘭味，但係又唔係好食得岀佢係咩味定係裝粹裝飾下🤣芒果🥭唔係特別甜，要配啲椰汁先好食整體都幾好食～個飯好煙韌

有一日蕩失路機緣巧合下見到個門口滿佈綠色植物🪴有種似cafe既感覺🌾但Ann Mamma Thai kitchen 係食泰國菜🐘軟殼蟹木瓜沙律🦀呢碟沙律真係好大碟軟殼蟹有兩大隻🦀🦀 其實炸得好香口😌如果出碟前吸一吸啲油會更加好😉木瓜、洋蔥、蔥等 配埋啲醬汁甜甜酸酸好夾 🤩好惹味 絕對係開胃好食之選🥳大蝦炒金邊粉🦐啲蝦好彈牙 一啲都唔霉☺️炒得好香 都算夠乾身 無黐埋一舊配埋啲醬汁真係好味 甜甜地平時唔太食金邊粉都食左半碗🍚泰式蝦餅（呢個外賣）🍤蝦餅爽口彈牙唔知係咪真係新鮮整呢無雪藏味 配上它的特別醬汁真係一流😋烤豬頸肉🐷烤豬頸肉係我最期待既🤩呢到就烤得乾 不過切得唔厚身覺得無咩口感🥺可能太大期望 感覺覺一般般🥺海南雞🐓 $108叫左半隻雞 雞味新鮮 肉質係超嫩滑 就連雞胸都係好滑😋😋又去咗骨 可以大啖大啖肉咁食我鍾意點個酸辣汁 真係好惹味咖🥰🎗為免去到滿座 記得提前訂位🙌🏻#荃灣美食 #荃灣#泰式#聚會 #多國菜#打卡#新餐廳#朱古力#咖啡#沙冰#薄餅#意粉#据扒#cafe#打卡cafe#pizza#fusion#hkfood#hkfoodie #hkfoodblogger#igfood

Ann mamma Thai kitchen間餐廳位置都有少少穩閉，因為位於香車街街市旁。左右隔離都係大排檔，而大部份嘅大排檔都會坐到出門口。特別有一間門口低調，沒有好多泰國裝飾的大門，就吸引咗我入去試啦。我覺得呢度有別於一般嘅泰國餐廳，都有佢新鮮感嘅特色。菠蘿炒飯 菠蘿炒飯好足料，炒得有獲氣。炒飯表面有啲肉鬆，食前撈勻佢特別有口感。即使菠蘿炒飯，都唔會比菠蘿嘅甜味搶過咗炒飯嘅滋味。簡單來講，呢度嘅菠蘿炒飯都幾開胃。有菠蘿帶出嘅甜味，食多兩碗都冇問題。黃咖喱雞因為每一次都會order蒜蓉包，食蒜蓉包最好嘅拍檔就係點咖喱嚟食。呢度嘅咖喱汁有用椰汁帶出咖喱嘅甜味同香味。而且份量都大份，即使同朋友兩三個嚟食都絕對冇問題。黃咖喱雞除咗有雞塊之外，仲有洋蔥同埋薯仔。撈飯黎食一流。焗蒜蓉法包啱啱講過，蒜蓉包同咖喱就係最佳拍檔。每次食都會打孖上。呢度嘅蒜蓉包份量好多，一定滿足到大食嘅你。因為足足有六舊正常size的蒜蓉包。所以就算冇叫粉麵飯都好，可能有啲朋友仔食蒜蓉包都夠飽。而呢個嘅蒜蓉包都好新鮮，口感脆波波，送上枱嘅時候都熱辣辣。相信都係啱啱新鮮焗起，最緊要就係，蒜蓉包的蒜香十分重要。呢度做得到。

依間餐廳名連住個人名好特別，響GOOGLE都搵唔到張秀玲係邊個，我估係老閭娘既大名，就咁望落去睇唔出餐廳係主打泰國菜。餐廳以熱帶樹林風格為主，坐位同餐具都好花心思，加上空間感大，比人好清新既感覺。🥘 黃咖喱雞肉 $96咖哩味道香甜，比較水狀，有椰漿點綴，但椰汁味並唔濃。冇平時個啲辣味，比較易入口。而配料驚喜地多，雞肉大大塊又嫩滑，加上薯仔同洋蔥，非常香口。🍛 泰式菠蘿炒飯 $96本身以為會配個菠蘿上菜，炒飯炒至金香色，份量都算大份，以堅果、提子乾同肉鬆做配料，非常香口，配埋黃咖喱就岩岩好。🍹 西柚梳打 $28配以西柚片同果肉，冰涼消暑，粉紅色，打卡一流。

一個九龍人為咩要走到舞雷公咁遠食泰國菜？係泰好食？係泰掛住？····係～～泰～～～得～～～閒～～～呀🙂❐ 黃咖哩牛腩配白飯 ❙ $78咖哩偏椰香辣度低，唔係我鍾意既口味😔唔愛辣既朋友仔應該岩晒，牛腩好稔又夠多，仲有好多洋蔥同薯仔，咖哩餸飯無得頂。❐ 泰式燒豬頸肉飯 ❙ $78豬頸肉真係好肥仔，但又好鬼好味🤭大大片有成八九片，爽口充滿油脂仲燒到少少燶邊，未至於極出色，不過都止到癮🤩❐ 蝦餅 ❙ 跟餐+$28 熱焫焫呀😋夠彈牙味道唔錯。❐ 泰式柚子沙津 ❙ 跟餐+$28 堅抵食，廿幾蚊好大份又足料😳酸酸咪咪夠開胃。❐ 串燒 ❙ 跟餐+$28 一豬一雞，除左硬就是乾🫠❐ 椰汁芒果糯米飯 ❙ 跟餐+$25又係抵得過份！一個女仔拳頭咁大既糯米飯，椰味重後勁有啲過甜，唔share搞唔掂🤯❐ 椰子開心果沙冰 ❙ $48有椰香但零開心果味🤭只可以講透心涼啦飲完。❐ 蝶豆花蜂蜜茶跟餐唔洗加錢，蝶豆花本身無咩味，只係取其色😗有少少似涼粉咁，麻麻地👎🏻

夾左好耐時間 終於可以再黎到呢間好難約既泰國菜烤豬頸肉呢到豬頸肉真係每次黎老必食，火喉控制好好，又爽又彈牙，真係好想encore青木瓜軟殼蟹沙律沙律份量大，味道酸辣，但不會辣到食唔到。軟殼蟹有一隻完整，炸得香口剛剛好！黃咖哩雞咖哩椰香味超濃，醬汁味道好濃，但佢就唔算好辣，所以仲特登叫左薄餅黎配，點曬D咖哩汁芒果熱情果沙冰呢個沙冰每次黎都好想飲！因為佢超大杯，而且佢用左新鮮生果，超fresh 超好味！！

冇得去泰國旅行，所以食住泰國嘢頂住檔先，於是我就搵咗朋友同我一齊去食呢間冇食好耐嘅泰國餐廳。叫了碟雙拼～泰式蝦餅、泰式炸墨魚餅各兩件我超愛這間墨魚餅，個人覺得呢塊墨魚餅獨特之處就係佢用了香茅在其中，出面食墨魚餅好少會加香茅，加咗即刻味道層次唔同晒，惹味好多。蝦餅加咗麵包糠去炸，外皮酥脆，內裹還有些醬汁，咬落彈牙好正。兩款都熱辣辣，脆卜卜，各有千秋！泰式燒豬頸肉～豬頸肉燒到外皮微脆但係又不失肉汁，加埋上面鋪了些炸蒜，再點上秘製醬汁同食，真係好食到停唔到口。海南雞～呢間啲海南雞真係好出色，金黃色嘅雞皮加埋嫩滑嘅雞肉，不點任何醬汁，可以食到原汁原味的雞香味，點少許醬汁就充滿海南雞嘅風味。菠蘿炒飯平時我自己一個食次次都係叫泰式金邊粉，唔會嗌菠蘿炒飯，但係今日朋友提議食菠蘿炒飯，就決定試吓。呢個炒飯超出預期，飯上面有啲肉鬆，炒飯有三色豆，菠蘿粒，同埋蕃茄。不過佢啲配料都唔係重點，佢個飯係炒得好好食，粒粒分明，每一啖飯都充滿香料嘅味道，好惹味。青檸梳打食濃味嘅食物最啱就係飲一杯汽水，嗌咗杯青靈梳打。夏天熱辣辣飲啲凍冰冰嘅嘢就係特別爽，青檸味好清新餐廳有兩層，我哋被安排咗上面嗰層。成間餐廳用咗好多綠

🐥海南雞半隻🐥啲雞滑到好似雞蛋咁，有好有雞味，食落都幾新鮮💯。 🍍菠蘿炒飯🍚落咗香料去炒個飯，食起嚟好香，炒飯了包括三色豆🌽，菠蘿🍍同埋蝦🦐(唯一缺點係哈有雪藏味)，上面仲有啲肉鬆同埋車厘茄🍅。份量都算幾大碟，又好味，食飽飽好滿足😋。🇹🇭 泰式燒豬頸肉🐷豬頸肉醃都好入味，炸到焦香，但係啲肉又唔會乾爭爭👍。🇹🇭 泰式蝦餅(2件)x泰式炸墨魚餅(2件)($75)🦐餐牌上面泰式蝦餅(4件/$75)同埋泰式炸墨魚餅(4件/$75)係分開兩個item。跟住我哋問咗侍應可唔可以每樣兩件，佢話可以👌，於是我哋就兩樣都試吓。雖然兩個都係炸餅，都好好食，不過我覺得炸墨魚餅令我驚喜🤩，佢彈牙之餘亦都好香香茅味，好特別，而蝦餅係冇香茅味，不過都係咁彈牙😵。🍹青檸梳打🍋凍冰冰，青檸味，好清新😃

椰汁雞湯 -$78 濃味酸酸地撈飯食 有雞肉同草菇一齊食 當湯就濃左啲青咖哩雜菜飯 -$68（好似）咖哩甜甜地有辣味 菜有幾款 係個汁稀左少少但係個味係夠加配小食鳳爪 -$2x 一般串燒 -$2x 一般 飲品（套餐包埋）泰式咖啡 同 青檸紅茶兩杯少冰 都幾大杯 青檸落左成粒總結幾好食 足料 去食可以叫少飯少甜少冰

今晚又跟朋友到荃灣晚餐，在openrice見到這間好評如潮的泰國餐廳一直都想試，我們約八點左右到達餐廳，仍然座無虛席，要稍等位約五分鐘才有位入座。餐廳表現實在喜出望外，比預期中更要好食，不論環境、服務、食物質素及分量都非常高質，絕對值得推薦。小食拼盤(春卷，炸蝦餅，泰國雞棗)性價比高，100元不用有三款小食，炸春卷裏邊包了各種豐富的蔬菜絲，外皮仍然保持薄身脆口；泰國雞棗就比較少見，雞肉碎混入粉絲，做成象棋大小般，一口一粒很方便；最出色的就一定是炸蝦餅，蝦餅大大件，裏邊釀有滿滿蝦肉，非常彈牙可口，外皮炸得香脆，啖啖肉非常滋味。大蝦炒金邊粉分量多，四人分享亦足夠，炒金邊粉的配料亦豐富，蝦肉尺寸頗大隻，而且爽口彈牙不霉身，再加上花生碎及青檸汁，青檸的酸甜亦能帶起海鮮鮮味，河粉亦炒得濕度適中，不會過份油膩或太乾身，我跟友人對這道主食都讚不絕口。芒果糯米飯青綠色的糯米飯煙韌可口，望落醒神，椰漿絕不吝嗇非常足料，加上芒果清甜，不帶酸味，三者配合度非常高，是一道非常高質素的甜品。眼見每一台客人都有點這款作飯後甜品。Citrus Fruit Punch可以選擇有酒精及不含酒精，Fruit Punch用