大前日(26-4-2024 Fri）運輸又客氣地請我哋食喺呢喥買嘅蛋撻， 打開睇，係酥皮撻，邊位有少少焦， size適中，拎上手仍然熱嘅， 食落，味道唔太甜，蛋味唔太出但滑溜， 酥皮酥脆但牛油味亦唔濃，食咗成個都唔覺膩，冇咁重罪惡感。 味道係1.5分 上次食評係2023年8月14日刊登嘅呢篇:https://www.openrice.com/zh/hongkong/review/%E5%86%87%E6%A8%99%E6%BA%96-e4935774

因女同事CC俾咗呢間嘅優惠劵我，於是同老公20-4-2024（Sat），嚟呢間買定啲， 嚟到後同老公揀買邊樣先，我哋先用買止咳化痰嘅枇杷膏買一送一嘅劵。 睇咗食用日期後，我哋翌日（21-4-2024 Sun）晚，食完飯就食， 一個有300g，撕開睇顏色唔係太深， 味道都唔太濃，食落口感好滑， 味道係少少甘，唔難入口，不過落糖漿都係好味啲。 詳細評分係味道有5分，其他都係3分，笑臉。 題外話: 原來我未食過海天堂嘅產品，而枇杷膏更加係未食過。

21-4-2024(Sun)晏晝，同老公由紅磡同尖沙咀返荃灣後，佢要食啲嘢，食邊間？佢話吉野家或麥當勞，我原本想食唯一嘅韭菜餅，不過佢唔夠香，而且我都唔肚餓，咁就老公去麥當勞啦。 我哋去到啱啱好有位，老公自己買嘢食，佢買咗$29.00嘅六件麥樂雞餐，要芥末醬，薯條轉咗粟米，再用$11.00買酥皮朱古力批。 都等咗幾耐下先至有齊， 我先食麥樂雞，麥樂雞係受潮腍晒，同我喺 12-4-2024（Fri）晚石圍角分店食嘅一樣，好差，唔通o家係麥樂雞嘅新標準？而芥末醬都幾好食。 0.5分 粟米就冇乜味， 我就自己挑啲芥末醬嚟食，就有啲味。 3分 最後食酥皮朱古力批，反而係有驚喜，雖然佢唔太熱，但酥皮脆，入面嘅朱古力漿都唔算太甜，好味。 5分 服務: 我哋坐近門口位，所以聽到職員嗌no.,但喺石圍角嗰間我完全聽唔到職員嗌no.，睇電子顯示屏亦都唔會跳no.，感覺呢間叫做好過石圍角啲。

21-4-2024（Sun）全港電影日，有幸用$30.00買到喺呢喥睇早場嘅“血滴姬”，由於都叫做早早地，老公又覺得我自己食嘅早餐份量唔多會肚餓，於是我哋喺呢個小食部買熱狗食，嚟到睇到一條熱狗要$45.00， 一人套餐有熱狗加爆谷同一杯汽水都只係$50.00，冇理由唔揀套餐，於是買咗。 入咗場坐低至慢慢攪，打開熱狗睇都好長吓， 我哋自己唧醬， 我先食，好鹹，但個熱狗包就又乾又淡，唔好食。 0.5分 爆谷呢？ 見佢有兩種，一種白雪雪，一種有焦糖，我問老公店員有冇問你要邊隻味？佢答冇。 我食落，係鹹鹹甜甜，呢個係焦糖味，佢仍暖同脆口，呢個好味，而且份量唔少。 5分 而汽水係百事，正常啦，不過唔大杯，以咁多食物份量嚟講，莫講話兩個人，就算一個人都唔夠飲。 最後返到屋企，我度吓個熱狗盒，有成20cm長，當咁熱狗係17cm長啦。 抵食係2.5分

20-4-2024(Sat)晏晝，同老公喺呢喥用劵攞定啲湯包，我哋攞4包先，而呢一刻所有湯每包都各值$60.00，我哋嗰晚先飲花膠響螺煲竹絲雞湯同麥冬雪梨沙參玉竹響螺湯。 老公嘅花膠響螺煲竹絲雞湯係冇渣，我嘅麥冬雪梨沙參玉竹響螺湯就有。 我嘅湯匙沾到花膠響螺煲竹絲雞湯，試吓先，味道淡淡。 而我嘅麥冬雪梨沙參玉竹響螺湯呢？呢個味道明顯甜啲，雪梨亦未變酸，好味。 其實啲劵最高可換值$65.00嘅湯.

上次食評係2024年3月8日刊登嘅呢篇:https://www.openrice.com/zh/hongkong/review/blue-%E6%BD%AE%E6%B5%81%E8%88%88%E5%86%87%E6%B8%A3-e5341201

前日（20-4-2024 Sat）朝同老公食早餐，食邊間？我哋求其去呢間食，入到去都仍有位，坐低後睇menu， 見到有自選早餐，我$42.00嘅蒜香雞扒沙茶牛肉通粉飲熱檸水，老公要$36.00沙爹牛肉腸仔公仔麵，都係熱檸水。 冇耐，一杯熱檸水到嚟，然後就係我嘅蒜香雞扒沙茶牛肉通粉。 先食沙茶牛肉， 牛肉好嫩滑沙茶醬感覺比沙嗲溫和 冇咁辣幾好食;蒜香雞扒係煎脆過，不過浸咗喺湯喥所以冇咁脆，味道亦啱啱好，好味;通粉口感正常，但份量少，食完晒之後啲湯都可以飲，係幾溫和幾好味。 5分 熱檸水 就正常冇問題。 4分 老公嘅嘢食就等得幾耐至到齊， 而我睇返menu，其實佢嗰個唔係沙爹牛肉都係沙茶牛肉，咁我都食下一舊，果然都係沙茶牛肉，而腸仔就唔係廚師牌嗰隻鹹嘅腸仔，反而呢個冇咁鹹，但味道有少少怪，而口感亦都係腍啲，但老公竟然話鍾意食呢隻腸仔。 抵食係2.7分 上次食評係2024年3月13日刊登嘅呢篇:https://www.openrice.com/zh/hongkong/review/%E8%A6%81%E5%87%BA%E5%8A%B5%E8%87%AA%E6%95%91-e5349230

20-4-2024（Sat）晏晝，同老公去荃灣買嘢兼要食tea，首先喺享樂買咗開心果布甸菠蘿酥後，就嚟老公指定要食嘅呢間，首先佢自己用$54.00買咗個墨魚餅湯烏冬，加$14.00要沙律同凍檸水。 之後由於我搵位時見到有人食薯條，於是都叫佢買份薯條，佢就拎張menu嚟畀我揀， 我就揀咗$38.00章魚燒拼薯條凍檸茶。 買完兩個都等咗一段時間先至有齊， 老公cut開溫泉蛋，見到個蛋黃好橙， 我都食咗半個流心蛋先，味道濃郁。 然後我就食我嗰份下午茶， 章魚燒有五粒，口感係正常嘅軟腍腍， 亦食到章魚粒，老公食都話好食。 4.5分 而薯條呢？ 睇見份量唔多，但炸得好靚，佢係脆卜卜亦唔太鹹，好味。 5分 凍檸水係甜中帶澀，OK嘅。 3分 之後食埋老公嘅墨魚餅湯烏冬， 呢個都正正常常，湯底就唔係太濃亦唔係太鹹;而沙律係麻醬沙律，都係屬於正常。 3分 抵食係2.25分 上次食評係2022年6月11日刊登嘅呢篇:https://www.openrice.com/zh/hongkong/review/yeah-%E5%94%94%E5%B7%AE-e4416331

大前日（20-4-2024 Sat) 晏晝同老公行荃灣買嘢，我哋經過呢邊，於是又入去買呢篇食評https://www.openrice.com/zh/hongkong/review/%E3%80%90new-%E3%80%91%E9%96%8B%E5%BF%83%E6%9E%9C%E5%B8%83%E7%94%B8%E8%8F%A0%E8%98%BF%E9%85%A5-%E4%BA%AB%E6%A8%82%E7%83%98%E7%84%99ly-bakery-e5411648介紹嘅開心果布甸菠蘿酥食，睇到呢度有唔同味嘅布甸菠蘿酥， 有焦糖布丁菠蘿酥有大甲芋泥大福菠蘿酥，我都係決定要$32.00嘅開心果布甸菠蘿酥，俾錢時，店員提醒要呢日食咗佢。 我哋去到附近商場坐低影完相食， 個開心果布甸真係好滑，蛋味亦算濃，開心果味就真係薄咗，菠蘿酥皮開始腍，雖然成個係甜品，但唔太甜，啱啱好，係好舒服嘅甜品，老公都讚好味，正。 如果一個人食，唔share重爽。 點解呢間嘢出品嘅嘢咁好食？真係過份。 味道係 4.5分，抵食係2.7分 上次食評係2024年2月25日刊登嘅呢篇 :https://www.openrice.com/zh/hongkong/review/yeah-%E5%A4%B1%E6%8E%A7-e5317148

前日(19-4-2024 Fri）放工後諗食咩嘢,記起新開嘅呢間有飯,有糯米雞食,於是走嚟睇吓,睇到有撈麵同少量點心,由於唔係好餓,就要每樣$10.00嘅6粒燒賣,2個粉粿同2個牛肉球.

老闆會問我要唔要辣椒油?我答唔要.
拎到返屋企食得,先食燒賣,口感唔錯,甚至有少少彈牙.
5分

牛肉球牛味係有,口感亦係比茶樓食到嘅扎實唔係鬆軟嗰隻.4.3分至於粉粿,澄麵皮煙韌,本身味道都辣,應該係五香嘅辣,好彩唔要辣油,而佢嘅餡料都爽口嘅.
4.3分

而佢嘅豉油係甜豉油,同呢幾樣嘢食都幾夾.

4-4-2024 (Thur)清明節晏晝,同老公返到荃灣食完吔咩嗲吔嘢事無所 (https://www.openrice.com/zh/hongkong/r-%E5%90%94%E5%92%A9%E5%97%B2-%E5%90%94%E5%98%A2%E4%BA%8B%E7%84%A1%E6%89%80-%E8%8D%83%E7%81%A3-%E6%B8%AF%E5%BC%8F-%E7%94%9C%E5%93%81-%E7%B3%96%E6%B0%B4-r821682,食評係2024年4月6日刊登嘅呢篇:https://www.openrice.com/zh/hongkong/review/yeah-%E5%8A%A0%E5%92%97%E5%83%B9-e5396505)後,老公仍想飲杯嘢,於是行去荃新天地嗰邊,但嗰邊都冇咩啱飲,我記起1月尾曾經有一日,我同老公,亞姨即慶買嘢打邊爐,喺呢喥買咗水餃後截返買糖水,覺得唔錯,於是嚟呢喥再買.嚟到後見到仍有$25.00一杯嘅芋頭西米露,都重有其他嘅,不過我始終都係揀返呢個,買完去附近坐低飲,佢未夠凍,味道好淡,西米太腍冇咬口,我飲剩半杯拎返屋企雪.

到夜晚食完飯我至拎出嚟飲,見到芋頭都幾大舊,食同飲落都係味道唔夠,唔夠甜亦冇椰汁香味,今次差好多.

味道係0.5分, 抵食係 1.5 分