Ann Mamma Thai kitchen by 張秀玲

營業中

休息中

🇭🇰肥ne&肥兔岀巡😺🐰今次肥ne 同肥兔小編再次嚟到荃灣😆去咗一間獲得幾好評價嘅新式秦國菜餐廳- Ann Mamma Thai kitchen by 張秀玲👀首先地理位置方面，佢唔喺荃灣平時集中嘅旺區；相反佢位於比較遠少少嘅曹公坊…而附近其實好近南豐紗廠@themillshk @themillshk_promtion 所以食完嘅朋友仔們可以去嗰度逛逛😽😽😽而就咁睇門面, 肥ne 感覺似西餐廳多個泰國餐廳😹到店內 - 佢分咗兩層，下面嗰層比較光；上面嗰層比較暗，但兩層嘅坐位都坐得舒服，而且裝修好啱畀人用嚟打卡呀ne 😽😽😽📸👍🏻適逢佢有午餐提供，所以肥ne同肥兔小編order咗😋🐈泰式豬頸肉飯 ($78)🐈泰式無骨滷水豬手飯 ($88)🐈👍🏻蝦餅 (加配小食 $28)🐈椰汁芒果糯米飯 (加配甜品 $25)🐈👍🏻青檸梳打 (跟餐 唔洗錢)🐈👍🏻粉紅番石榴特飲 (跟餐 餐飲+$18 升級)食完之後岀去食唔到其他嘢，因為啲嘢好大份😹食物質素(🐈x6最高)：🐈🐈🐈🐈🐈$性價比(🐈x6最高) ：🐈🐈🐈🐈

我經常都會同張秀玲食飯，講緊喺荃灣既泰國菜Ann Mamma Thai Kitchen😄價錢唔貴又好食，不過大家記得嚟之前一定要book位呀！🍴食物🍴1️⃣大蝦炒金邊粉$118： 份量好多，炒得乾身又唔會過火，味道酸酸甜甜好開胃😋大蝦有4隻，夠爽口，碟旁仲有花生碎同青檸，混合埋一齊咁好食！2️⃣海南雞（半隻$108）：肉夠嫩滑有雞味，連雞皮食竟然唔會覺得有肥膩咁🤭點上辣醬及黑豉油更惹味～3️⃣泰式小食拼盤$99: 朋友本身話唔叫蝦餅，但係佢一擺落口就話好好食😆講真又真係好香脆，同埋啲蝦肉好彈牙👍🏻春卷入邊包住係蔬菜🥬一咬落去脆卜卜既聲不得了🤭仲有四件泰國雞棗，少少油但係可以接受嘅，腐皮包住個雞肉幾好食！4️⃣西柚梳打$28：咁熱嘅天氣梗係要飲番杯梳打，加埋西柚甜甜地非常解渴！

荃灣區有好多唔同菜式既餐廳，唯獨喜歡Ann Mamma Thai kitchen by 張秀玲既泰國餐。鋪頭就係香車街街市傍，荃灣港鐵站行十分鐘就到!😎門面既裝修其實唔似一間泰國餐館，唔講以為係食西餐，但入到去就真係"沙華D 卡"!  🇹🇭我哋7點左右去到，等左一陣先入得座。餐廳環境唔算大，座位比較緊貼，但都算坐得舒服。生菜🥬肉碎包(豬肉) - 份量相當大碟，香濃惹味的肉碎，肥瘦適中，帶有少少微辣!! 生菜新鮮大塊，咬落脆卜卜, 非常開胃的頭盤!木瓜絲軟殼蟹沙律 -  軟殼蟹🦀炸得香口! 再配上酸甜的木瓜絲，可減膩的感覺!即叫即炸，非常新鮮，炸粉好薄，所以口感好脆口。份量都幾多，❤好抵食。大力推介椰子開心果沙冰 - 椰子味🥥香濃，唔似人做椰子味道，帶有開心果果肉，兩者非常合配而且解渴，這個是我夏天喜愛之一的飲品!香芒糯米飯 - 這間的特色是與班蘭葉一同煮沸，令糯米飯帶有班蘭葉的味道而且軟熟；搭配新鮮芒果🥭，淋上甜滋滋的椰奶，真是愛不釋手!

突然想食泰國野去開依頭就見到依間餐廳個門面好靚就一於試下😁😁6點幾就已經爆晒場非常勁都唔少款式我基本上去親食泰菜都食魚🐟🐟🐟🐠🐠本身係愛魚之人好滑！好好食！出面啲魚有時會好鞋同霉但依到條魚真係好好食依條係烤魚金邊粉 大大碟！！好食都估唔到柚子沙律可以咁大碟😍開頭仲擔心唔夠食蝦餅x墨魚餅2樣都好彈牙同熱即整既墨魚餅唔係到到有好味道！下次可以再encore好多特飲叫左杯開心果椰汁沙冰比較清淡無添加最尾叫左個芒果糯米飯完場糯米飯好好食芒果同出面啲餐廳食到既唔一樣唔知咩品種呢😃2個人食 埋單大約5百幾😊

因為這次體驗第一次寫食評，食物很好吃，比九龍城泰國菜更高質，同朋友慶祝生日，提早半個月訂座，訂位嘅時候問清楚營業時間到9:30我地都喺時間内離開，唔知係咪阻礙到員工收工.20:50 last order嘅時候我哋仲點緊甜品同嘢食，有員工當面撕爛落單嘅紙就行開咗，我比較建議大家去食午餐（因為冇試過可能唔會出現呢個情況）一行6人消費$2000，但有點無奈，如果平日去建議預留生蝦,椰菜苗，原條烤魚很不愉快的經歷😞有待改善

貴為剛獲openrice 荃灣區優秀熱店之選，隨即過嚟食番個晚飯。餐廳入面嘅裝修好靚好有氣氛，裝修時尚，有點小清新既感覺。其新派泰國菜更令人垂涎三尺😇。泰式燒豬頸肉 ($80)呢碟豬頸肉煎到好香口，有肉汁，個邊有少少焦脆爽口。點埋醬汁，食落酸酸地。份量十分充足😋。黃咖哩～牛腩🐮 ($96)配烤薄餅($52)黃咖哩整體來講有濃郁椰香又唔辣，牛腩又炆得夠淋，又有薯仔同洋蔥等，岩配薄餅一齊食一流。泰式炒飯炒飯粒粒分明，味道濃郁，配有豬頸肉，碎蛋，非常惹味！🤤總括而言，令人放鬆既好地方，味道一流，價錢合理。難怪客似雲來。

咁多年冇飛，心思思想食泰國菜，見呢度評價不錯果然佢做出水準以外嘅菜式，佢都係有提供普通泰國餐廳嘅菜式，例如芒果糯米飯，炸蝦餅芒果糯米飯嘅芒果大大粒，都有足夠嘅椰汁陪每一啖糯米飯，佢嘅糯米飯都軟硬適中唔會話特別難，係我鍾意嘅嗰種口感以佢嘅炸蝦都不錯，外脆內軟都有煙人打壓，中配埋泰國醬汁簡直一流仲有佢嘅越南卷（唔知係咪咁）就算我唔食越南卷都會覺得佢呢個好食忍唔住食多舊總括言之呢一間都可以值得一試，係不錯的

今晚過左荃灣ikea買家具小物, 買完就睇下附近有咩食, 見到E間泰國菜咁多人食就緊係要試下啦! 餐廳環境幾大, 坐得幾舒服, 食物選擇幾多🌟西瓜沙冰🍉🥤夏天熱辣辣就緊係要整番杯西瓜沙冰消消暑, 涼浸浸超爽超舒服!🌟小食拼盤拼盤有2件蝦餅, 2件春卷, 4件泰國雞棗, 全部都足料足量勁大件, 炸得好香口🌟炒芥蘭🥬炒芥蘭好惹味, 爽脆無渣🌟香葉肉碎豬肉飯🐷🍚肉碎豬肉飯超大碟, 兩個人食都得, 肉碎辣辣地超惹味

之前經過門口俾佢裝修吸引左，點知撞正落場時間，唯有擇日再黎過，今次同要求多多既呀媽食，原本未行到餐廳佢已經話行咁遠，點知最後佢邊食邊話可以呀…可以呀…我揀咗最愛既泰國菜青木瓜沙律😍，$68烤雞青木瓜沙律配白飯，起身第一餐，唔洗飯都已經飽，沙律份量比平時其他餐廳既一份多，烤雞味道同口感都好好要求多多既呀媽自己揀咗$88酸辣豬肉湯麵，湯底濃郁舒服，唔會好味精湯包既味道，配料都好多我地另外加左$25 泰式鳳爪同$28炸蝦餅，小食都好用心，蝦餅已經入左呀媽必點既名單，好彈牙同鮮味

身為荃灣人，每次經過香車街街市都比呢一間餐廳吸引住，唔睇招牌以為有一高級西餐廳係街市對面，今次入去食先知原來佢係一間泰式🇹🇭餐廳。先講服務態度，男知客🙋🏻‍♂️對客人嘅態度真係可以媲美酒店級、聲線溫柔☺️、見出面有客人會主動開門、更會提醒每一位客人小心門前梯級。我舉手問過三次關於Menu上嘅嘢，分別嚟咗兩次唔同嘅侍應，兩位侍應都好細心咁解釋我問嘅問題，其中一位侍應更推介左一杯好好飲嘅特飲🍹。進入正題講食物啦，食物由落Oder 10分鐘內到。叫咗兩樣野泰式無骨滷水豬手同埋大蝦炒金邊粉🍤，最後叫多咗杯侍應推介嘅荔枝特飲👍🏻👍🏻豬手一上碟就比個份量嚇親，足夠3個人食嘅，好香滷水，食落去比較甜，豬手上面層脂肪搭上入口即化嘅豬手肉，啖啖都係肉，簡直係食肉獸嘅天堂！如果呢一個豬手係配飯的話，我可能可以食得落三碗飯！炒金邊粉份量都夠三四個人食，聞落去有好香嘅椰香味，就咁望表面已經有五六隻大蝦，十分足料，Pad Thai撈起上嚟一啲都唔會醬住醬住，撈埋側面啲花生碎口感會有所提升。講埋最後杯特飲，原來荔枝同香茅可以配搭得咁完美，清新得來又帶荔枝香，想飲完一啖又一啖，不過飲前記得搞混杯嘢飲，如果唔係飲到最後會

剛剛同老公去荃灣行街街，行到肚餓，即刻上open rice 搵泰國菜，見到呢間好評如潮，唯有去見識下。環境方面：門口整得幾靚，入到去好文青feel，雖然地方唔算大，勝在同一般泰國餐廳好唔同，而且地方乾淨😍服務方面：職員哥仔好機靈，見我成枱都係嘢食，即刻將隔離枱嘅隔板拎開，俾我放嘢食👍食物方面：冬蔭公湯，必試，勁好飲，唔辣又濃郁。👍豆醬炒通菜，味道唔太鹹，菜又唔會太淋，唔錯。小食拼盤有2塊蝦餅(好鮮，厚肉)。👍春卷，正常雞棗，好似雞卷切粒咁，ok沙爹串，2豬2雞，大串，又入味，要試👍炒金邊粉，記得落少少青擰汁，同撈均啲爆蒜花生，越食越好味👍泰式奶茶少甜，唔錯。總結：2個人食得晒咁多嘢，唔係因為食曬，而係因為好味，捧住個肚走。埋單576，雖然唔算平，但勝在質素，唔怪得好評如潮！

在朋友的介紹下，來到了位於荃灣的一間泰國菜餐廳吃晚飯。這間餐廳雖然不是位處於大型商場內，也不是在人流非常多的街道，但食客依舊是絡繹不絕，當晚6:30已經全場滿座，沒有預約的話，幾乎沒有walk in。先上菜的是蝦餅和墨魚餅雙拼，選用食材絕不馬虎，蝦膠新鮮，外皮炸至金黃香脆，口感相當彈牙，不用點其它醬汁都非常入味。但更令我有驚喜的是這間店的墨魚餅，味道和其它餐廳的大不相同，廚師用九層塔打成汁料加入墨魚膠之中，炸成香脆可口的墨魚餅，入口充滿香草氣息，實在是齒頰留香。豬肉、雞肉串燒雙併，豬肉相當厚切，用竹籤串成一串，然後用炭燒至焦香，入口炭烤香氣，肉汁飽滿，非常美味。雞肉串燒同樣炭香撲鼻，肉質鮮嫩，配上特製的沙嗲醬汁，相當惹味。黃咖哩牛腩，配料有洋蔥薯仔，牛腩份量頗多，咖哩味道充滿椰汁香氣，由於是黃咖喱的關係，味道不太辛辣，非常容易入口。牛腩肉質相當軟腍，而且煮得入味。蒜蓉包，一共有六塊，口感相當香脆，充滿蒜蓉和牛油香氣。搭配上咖喱汁一同進食，蒜蓉包吸收了香濃的咖喱味道，更是將美味提升至另一層次。椰子開心果沙冰，炎炎夏日，正好來一杯消暑的特飲。這杯沙冰用以椰子和開心果攪拌而成，入口味道香甜，

好似好耐冇食過泰國菜咁好鬼掛住 次次見到其他人食隔住Mon都流晒口水🤤呢間平日夜晚都好爆 就知唔錯超好彩咁啱仲有兩個位 唔駛等環境屬於文青打卡風但要打卡就要揀人少啲嘅時候去啦😝小食拼盤 $99 🙆🏿‍♀️2件蝦餅、2件春卷、4件泰國雞棗雖然蝦餅得半邊 但係冇揸流攤超紮實 咬落去亦都好彈牙 加埋鮮蝦味無得頂 好想encore😋春卷幾特別 入邊全部都係蔬菜外面脆卜卜 入邊軟淋淋 口感幾好又可以減低罪惡咁😆其實本應未聽過雞棗係咩 但大約都估到包左類似腐皮卷嘅皮 咬落去啖啖肉都係好好味🤤青咖哩牛腩 $96 🙆🏿‍♀️佢嘅咖哩係比較浠嗰款 但個味都幾出青咖哩配咗啲椰汁 我覺得完全唔辣食唔得辣嘅都可以試主角牛腩都唔少 而且煮到超淋啲肉亦好嫩 仲要有啲有少少肥膏半肥瘦永遠都係邪惡又好味😀而且我哋幾欣賞佢又蘿蔔又瓜又豆又西蘭花又椰菜花🥦好均衡飲食 完全唔使補多碟菜都ok菠蘿炒飯 $96 🙆🏿‍♀️泰國菜最經典嘅炒飯🍍上到枱香噴噴 大大碟 連啲蝦都大大隻🦐仲有大量肉鬆同腰果做配搭大人細路都絕對啱👨‍👩‍👧‍👦一開始個碗淨咗啲咖哩汁 我哋撈嚟食食到最尾反而略鹹之後就咁食 不得不讚佢粒粒金黃色嘅飯充滿黃薑味💛食到

上次唔記得帶電話無得嘟安心出行就係想去呢度食泰國菜！今日終於食返啦🤭呢間張秀玲都真係好食又抵食喎！🔸泰式燒豬頸肉飯(💰78)(8.5/10)呢個真係眼前一亮！燒豬頸肉超香，外脆內軟，仲有個秘製醬汁，呢個醬汁另個豬頸肉同白飯提升咗好多！個分數係俾個醬汁嘅！🔸泰式香葉肉片濕炒河粉(💰88)(7.5/10)都係一個有鑊氣嘅濕炒河。都幾多蔬菜，我鐘意蔬菜！🔸泰式柚子沙律(+💰28)(7.5/10)幾開胃嘅柚子沙律，酸酸甜甜少少辣。仲有幾隻蝦添！🔸椰汁芒果糯米飯(+💰25)(8/10)呢個真係好味，佢個飯係綠色嘅，係斑蘭味嘅飯，配椰汁一流。可惜嘅係佢嘅芒果唔夠熟唔夠甜。如果揀啲靚啲嘅芒果，分數更高。🔸芒果百香果沙冰(+💰18)(6.5/10)賣相幾靚，但沒有特別，唔洗特別加錢飲都得🔸泰式奶茶(跟餐)(6.5/10)都無乜特別。性價比黎講，呢間張秀玲都幾高，而且食物賣相都幾靚，份量都足夠。抵食！不過呢度只收現金，我平時好少帶錢出街😞好辛苦拆咗幾封利是先夠錢俾😂😂Overall評分: 7.5/10

📍Ann Mamma Thai Kitchen by 張秀玲 #AnnMammaThaiKitchenBy張秀玲 #MFJ荃灣 #MFJ泰國菜人均消費: HK83繼續發掘荃灣美食之旅！今次帶大家到香車街街市旁的一間泰式餐廳，餐廳風格超有文青風，環境簡單舒服！午餐價格比附近餐廳稍為高一點，但聽說評價頗高！新開張午餐還可以減$5！⭐️泰式咖哩蝦炒河粉🍝$83泰式炒河見過很多，但用咖喱炒的確少見！一上菜就覺得很像星洲炒米/炒貴刁😂 份量超級大！河粉炒得超乾身，淡淡的咖喱香吃起來挺好味！味道的確有點像炒貴刁，但還有淡淡的胡椒香味！蝦不算太多，味道都不錯！份量大得可以兩人share 🙈午餐包一杯飲品，點了泰式奶茶少甜，茶味很香，不過還是有少許甜雖然比附近餐廳稍為貴一點，但的確有點驚喜！其他人點的菜式亦都十分吸引，下次可以再試其他！#mfoodjournal #instagfood #foodstagram #hkfoodstagram #foodie #hkfoodie #foodblogger #hkfoodblogger #foodblog #hkfoodblog #thaicuis