Ann Mamma Thai kitchen by 張秀玲

最近去咗荃灣曹公坊一間泰國小店——，地舖位置唔算大，環境比較狹窄，樓底又矮，坐得唔算太舒服，但一入去見到佢哋用咗好多綠色植物做裝飾，感覺幾清新，氣氛都唔錯，係嗰種街坊feel但又有少少泰式風情，唔會太浮誇，幾貼地。講返食物，今次試咗幾款菜式，最驚喜竟然係！🔥🐟 泰國炸魚皮：辣得過癮，香脆到停唔到口！一上枱已經聞到香味，炸得超級脆，唔油膩，入口即化嗰種脆感真係好正！雖然佢有啲辣，但係唔係死辣，係有層次嗰種，辣完仲有啲香料味喺口腔度回甘，食完一塊又一塊，完全停唔到手！如果你本身鍾意食辣又鍾意香脆小食，呢個真係必試！我自己食完仲想打包返屋企睇戲配住食，夠晒爽！🍲 冬蔭公湯：足料大盤，酸辣平衡，蝦膏香濃！呢個湯有誠意，佢入面有好多菇菇🍄，仲有幾隻超大蝦，蝦頭仲有蝦膏，啖啖鮮味！湯底酸辣味好平衡，唔會太酸又唔會太辣，仲帶有啲香料嘅清新味，飲落去唔會膩。呢個冬蔭公湯真係有驚喜，感覺好似喺泰國街邊食到嗰種地道味。🐔 海南雞半隻 & 🦐 泰式生蝦：正常發揮海南雞半隻就比較普通，雞肉唔算特別嫩，但都唔差，配醬都ok。泰式生蝦方面，味道正常，冇太大驚喜，但新鮮度都夠，唔會有腥味，算係合格之作。🍗 沙嗲雞：醬汁好味，雞肉嫩滑沙嗲雞都唔錯，雞肉唔乾，醬汁係重點，濃郁但唔會太甜，有花生香但唔會太膩，拌飯一流。雖然唔係話超驚喜，但係係穩陣之選，值得一試。🏠 環境小結：地方唔大，但有心思講真，地方真係唔大，坐得比較逼，樓底矮有少少壓迫感，但佢哋用咗好多綠色植物做裝飾，令成間舖唔會太侷促，有種小清新感覺。唔係打卡型餐廳，但係有種街坊溫馨感，適合同朋友輕鬆食餐飯。…查看更多

大大話話幫襯咗呢間餐廳幾年食過不下50-60次呢一年越整越差，明明樓上2樓大把位又係都要責人搭枱問入嚟個阿嬸唔介意我坐喺度有冇問我介唔介意明明我之前幫襯咗咁多次，冇一次要我搭枱而家又會突然變咗咁樣處理，變咗茶餐廳咁啲樓面後生仔又唔見晒，換晒第二批阿姐叫個黃咖喱牛腩飯，由幾年前食到而家好中肯，料係足嘅，俾得夠多牛腩但個汁越整越稀，已經冇以前咁濃味杯奶茶又係，有咁多冰質咁多冰落去其實係咪轉左換埋個廚？🤷‍♂️🤷‍♂️…查看更多

貼錢買難受😵‍💫情願自己煮都唔會幫襯以前食過一次，今次過荃灣，就打電話預約book 晚餐。好嘗試講比聽電話嘅員工聽，預約幾多點，留位人姓名，同幾多位。佢語氣非常晦氣，淨係得7:30，個半鐘走。跟住我留電話俾佢，重複咗兩次電話號碼，佢完完全聽完冇回應，就大聲呼喝，好大聲講 係咪即係打嚟呢個電話啊？咁係咪即係打嚟呢個電話啊？係咪啊？我答完佢，我再請問佢，點解你要用呢種態度去講嘢？其實我只係簡單嘅預約一餐飯。我想請問返先生你其實貴姓呢？ 跟住佢唔出聲唔答我。佢支支吾吾，首先講自己姓陳再講自己姓馮。請問我可唔可以同你公司嘅經理/老闆傾傾？佢話冇呢個人，唔喺度。講完呢一個電話之後，我決定取消預約。好不容易約到啲朋友一齊食飯，點解要令到大家唔開心同受氣呢？基本嘅禮貌同尊重都完全冇，咁點解要俾錢食一餐飯做人哋嘅出氣袋呢？荃灣咁多餐廳，都唔少好食㗎，點解要咁受氣？好少出劣評，尤其是冇食到嗰間餐廳，但係都因為受咗好大嘅冤屈要上嚟寫個post。呢個已經跌咗入我黑名單嘅餐廳。…查看更多

🥢泰式無骨滷水豬手 $118一上台哇咗出嚟 份量夠多 絕對對得住個價錢豬手夠冧夠入味 推薦😋🥢沙嗲雞肉豬肉串 $75串燒真係超級差 係我係香港食過最差嘅泰式串燒又鞋又韌又唔夠味 簡直係浪費食物🥢泰式蟹肉炒飯 $148賣相一般 但味道不錯原本味道都夠 但加埋魚露會更加野味份量夠兩個人食 蟹肉量都多出菜超快 order完五分鐘就出晒所以d餸都唔係幾夠熱極懷疑係預製菜…查看更多

呢間泰國菜平時都係我同朋友既飯堂有時lunch time 唔知想食咩 最後都會過黎張秀玲食Lunch time 既set Menu 選擇都有好幾款兩個星期左右 亦會轉一次餐單所以有啲款式，每次見到出現都會特別興奮咁多款菜式入邊，其實我最鍾意嘅就係佢哋嘅「泰式香葉肉碎飯」泰式肉碎，份量極多 超級非常惹味喺飯面上邊加隻流心蛋，真係岩岩好不過食唔到辣嘅朋友，記得小辣真係令你停唔到口！除此之外，佢哋嘅「泰式無骨滷水豬手飯」 亦都好吸引！份量十足，擺盤好澎湃，豬手一層一層咁鋪係飯面上，滿滿嘅骨膠原豬手皮雖然好邪惡但配上泰式酸辣醬汁真係非常惹味，令人一嚿接一嚿咁食真係值得支持既餐廳午餐真係每一款都好有份量 性價比好高…查看更多

係嚟過呢度食嘅，今日再嚟，諗住有好嘢食啦，侍應叫我等，好心咁一張枱冇乜所謂啦，但佢個樣真係好衰囉，趕我走咁嘅feel，老闆你諗諗佢啦。查實啲嘢食真係OK嘅，但係今時今日咁嘅服務態度，我覺得唔應該咁樣俾人西面囉。…查看更多

泰式串燒兩豬兩雞： 雞串正常，豬串又鹹又鞋🤒颯颯。泰式炸蝦餅四件； 外面層皮韌到擦子膠🫤裏面蝦肉又少，味道冇蝦味👎泰式炒椰菜苗： 蒜蓉味不夠，辣椒碎得兩粒 😒 菜份量比起以前縮小許多但價錢冇減🤬泰式蟹肉炒飯； 味道正常但份量又係畀以前縮小😒本人一向都是這間泰國餐館忠實粉絲，因為 在荃灣泰國餐館食物份量和味道來說都是數一數二， 其實唔介意佢食物加價，但唔好喺份量及味道度 水準下降囉😒 咁等於雙重加價冇分別， 啲嘢仲要難食咗 不特止向侍應反映佢都係無動於衷 😒。…查看更多

餐廳係簡約木調裝潢，以大量原木元素打造出簡約的用餐空間，好似置身曼谷巷弄小店，泰有風味。 晚餐時段keep住有人龍排隊，好彩等候時間不算太長。🦐泰式Yum粟米蝦沙律原隻新鮮大蝦，搭配甜粟米粒，紫洋蔥絲同腰果，加上酸辣醬汁同鹹鮮魚露，層次豐富。🥩招牌燒牛肩胛肉肉質比預期柔嫩，粉嫩色澤，秘製醬汁似泰式海鮮醬，份量超級慷慨。🦐手打蝦餅真材實料之作！外面脆口，內裡啖啖彈牙蝦肉。🦀咖喱蟹肉飯黃咖喱溫潤帶椰香，而且充滿蛋香。蟹肉分量足而且大大粒又鮮甜，仲加入左好多蔬菜平衡油膩。🥤泰式奶茶茶膽超濃郁，口感好順滑，超好飲👍🏻🥤泰式綠奶茶比傳統泰奶多左份清新綠茶香。🌟全晚感覺好熱鬧，猶如置身熱鬧泰國街頭一樣。…查看更多

26/3/2025📍Ann Mamma Thai Kitchen又係食泰國菜啦 果邊聚集咗好多睇落好正嘅餐廳 呢間係其中之一平日夜晚嚟 好彩唔洗排隊 座位幾闊落 唔會好逼 裝修有啲文青風 幾乾淨舒服⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨大蝦炒金邊粉（$118）一如既往地好食 今次醒水冇撈埋啲辣椒碎 唔洗辣到噴火 酸酸甜甜真係好好食😋而家啲蝦真係好大又彈牙 相當唔錯✨香葉肉碎飯（$96）肉碎混咗好多辣椒、豆角一齊炒 所以都幾辣下 香葉味都重嘅 鐘意呢隻味嘅可以嗌😁其實都唔可以叫肉碎 應該叫肉粒 因為佢一啲都唔細粒😂 好似食緊一口牛咁 炒到好香口好有油香同飯一齊食係一流 不過太辣肉同飯嘅比例接近1:1 係超大份！我哋都食唔晒啲飯😂✨炒泰國椰菜苗（$96）椰菜苗幾爽口 不過無咩味 份量好少⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯最後埋單$341（連加一）所有野都幾好食 不過要食得辣先好挑戰佢推薦指數🌟：4/5📍荃灣曹公坊11號地舖…查看更多

原本我都極少出post，食完之後一肚氣，見到有其他人都講過啲侍應態度差，決定講下咩事。我地一家大細6個人去食，正常有禮貌問下有冇6人位，第一句已經好冇禮貌話「冇wor」，咁原本都已經想唔食，不過我地有老人家行動不便，咁岩又有一批人走左，我就照問下會唔會有2張3-4人枱可以拍埋坐，點知換黎一句「你睇到有冇呀？」，仲要好似俾我聽到佢細細聲講左痴線，我真係火都黎，好地地想正常食餐飯都要受你氣係咩玩法？補充返，佢地話9:30關門，我地係8:32分左右問佢地有冇位嘅，佢地啲樣已經係黑哂面口咁，好似俾緊面色你睇阻佢地收工咁，大佬我地唔係9點先入黎，我地都識做準時食完走人，唔係好明點解要睇你地面色，搬凳又大力，餐牌又飛落枱，大家聽完仲想受住氣咁食野就去啦（有一個黑黑地帶眼鏡後生仔例外，全程都好好禮貌）。我只係講事實，完全係必要無目的性地去批評一間餐廳…查看更多

朋友在葵興那邊上班，而我許久沒到過荃灣搵食，所以就相約朋友在荃灣晚飯啊。搜尋這一區有什麼泰國菜好吃，就發現了這家Ann Mamma Thai kitchen by 張秀玲，有趣在於餐廳名直接用上人名全名。意想不到這家不在大商場內的餐廳，離地鐵站也有點步行距離，但平日的晚飯時段，店內都是滿座狀態。沙嗲4串，分別是2串雞及2串豬，沒有牛。串燒醃得夠入味，烤至外層微焦，而肉質不會乾身。沙嗲醬味道香濃，蘸醬汁來吃，串燒更為惹味。青咖喱牛腩，亦可選配雞、魚或雜菜，青咖喱好大盤，用料十足。用上許多蔬菜，有豆角、泰國茄子、椰菜花、紅蘿蔔，所有食材盡吸青咖喱香氣。牛腩的份量也不少，炆煮得夠軟稔。咖喱微辣，而味道又不會過於濃烈。烤薄餅細細塊，份量不算多，微暖酥脆，好適合蘸咖喱汁來吃。椰汁芒果糯米飯，糯米飯口感軟糯，充滿椰漿香氣，糯米飯又加入了斑蘭，令香氣層次遞增。可惜芒果不是當造，味道不夠香甜。椰子開心果沙冰，賣相吸睛，滿滿的一大杯沙冰，灑上許多開心果仁。淡淡的椰子香中夾雜開心果香氣，喝完整杯沙冰也不會覺得膩滯，適合配搭濃味食物。由小食、主食、甜品，以至飲品，味道都令我和朋友感滿意，難怪地理位置不算最方便也有那麼多的捧場客。而且這一餐飯也好抵食，兩個女生吃到飽飽，人均才$200。…查看更多

在荃灣返工了一段時間，都經常幫襯此餐廳，性價比高，所以適逢星期六放假來開荃灣特登帶母親來幫襯。我們12點多少少入到來，叫了兩個餐，之後叫侍應給我們兩杯水，首先來了海南雞飯，不過比我平時的份量少，這個都不是重點，有時或者偶有失手，之後我叫侍應給我們兩隻碗，可以同媽媽share,可能我帶著口罩講，侍應又拎了兩杯水給我，我都有禮貌回應他我是要兩隻碗，那侍應放低兩隻碗後，隨即講左句下次講大聲d啦，呢啲咁嘅侍應算係俾說話人聽嗎？佢自己聽錯咪再拎過囉，聽唔到都可以問過，我唔知咩叫為之細聲，咩叫為之大聲wor 老細，我唔知你聽力去到邊，又或者係咪未清耳屎，所以聽唔清，我食餐飯都唔想話返人，費事佢係我碟餸加料。到我們埋單後離開時，我媽跟我說個侍應好衰，佢道門好重好難開，有個侍應來幫手，但係係佢側邊好唔耐煩咁唉左一聲，其實你做得咁悔氣你可以唔做架，再者，唉咩q姐，間餐廳咁耐都唔改善下道門，仲要唉，好心搵人整下度門啦，唔好話我媽70幾歲開道門唔夠力啦，我壯年都要用力拉開啦，d後生仔侍應咁對長者，呢啲咁嘅服務態度，怪不得香港飲食生意每放愈下！香港飲食業真的比呢種服務態度拖累。…查看更多

呢間由幾年前我係荃灣返工開始就一直不斷encore到而家，今日親戚難得係紐西蘭返來，一於帶佢地來試下🫶🏻（雖然我覺得紐西蘭嘅野好食啲，但係佢地今餐食完都大讚高質🤩）/🍢沙嗲雞肉/豬肉串（4串）$75/沙嗲醬係我心目中算中上水準。串燒肉質夠嫩，食落鹹香感十足，齒頰留香🙂‍↕️🍖/🥓泰式燒豬頸肉$80/豬頸肉真係一個邪惡嘅「好東西」～皮香肉嫩，完全0鞋口，點埋個汁簡直停唔到口🫢/🦀炸軟殼蟹（2隻）$97/呢個我無試😂題外話-如果想有啲醬汁配埋一齊熱辣辣咁食，可以試係叫軟殼蟹咖喱🍛佢地聲稱一炸好就放落個咖喱汁度然後上菜🤩/🫔泰式炸素春卷（4件）$65/🌱脆得來唔會食到成口油，包住嘅蔬菜依然係帶juicy，係高水準之作👀/🥗大蝦柚子沙律$108/好似夾來夾去都係柚子，幾開胃，唔澀🦐/🍗海南雞半隻$108/⭐️必點⭐️海南雞又滑又嫩，點黑醬油之後簡直「𠽌」一聲係「游」左入口，仲要無骨🤤🤤/🥘青咖喱雜菜$96/🌱呢個我都無試…查看更多

荃灣呢間泰國菜餐廳真係小清新，裝潢好多綠色植物，令人感覺好舒服。樓高兩層，間唔中都要排隊，建議最好預約先得。之前夜晚食過，覺得小食不錯，今次揾嚟午餐更加抵食，而且假日都有得食。最推介係佢嘅燒雞扒青木瓜沙律，雞扒厚切又多汁，燒得恰到好處，外皮香脆，加埋青木瓜沙律爽口開胃，醬料香濃惹味。另外試咗泰式船麵，配料好充足，豬肉肉丸、牛肉、炸豬皮應有盡有，不過湯底稍微辣，怕辣嘅朋友就要小心啦。餐飲仲可以免費轉泰式奶茶，茶味濃郁奶味香滑，又大杯，可以選擇走冰添…查看更多

每次食過都返尋味，好姊妹聚會其中一位冇食過，每次都帶唔到位，今日好好彩竟然有位，去到已經座無虛席好彩有訂位。嚟到必食大頭蝦冬陰功，湯底甜酸辣剛好，仲有四隻超多高大頭蝦加上一些雜菇超好飲。極力推薦炸墨魚餅，每次嚟到必點菜式之一，粒粒墨魚，加上墨魚蓉攪勻再加入香茅同班蘭葉味道好特別，而且非常彈牙姊妹們個個食完都話好正。平時我哋食開都係生菜肉鬆包，這間有創新泰式豬頸肉生菜包，爽彈的豬頸肉加上泰式香料同炒，然後用生菜包住食口感陳是非常豐富。泰式豬手，呢間都整得非常出色軟腍入味，可以隨意點些泰式辣醬同食，有畫龍點睛的效果。仲有一碟黃咖喱雞，加入咗椰漿的咖喱醬非常香濃微辣，配上蒜蓉包同吃，簡直絕配。加上一支泰國啤酒或椰青沙冰。令到我們這餐甜上加甜完美相聚。…查看更多