影片
更多
2024-07-25
313 瀏覽
英式中菜之《1908bc British Chinese》英式中菜既餐廳，職員餐廳介紹由英籍華人主理，1908意思係英國第一間既中菜館，而年份係1908年(我都未出世XD)，所以餐名起名叫《1908bc British Chinese》，十分有意思，餐廳裝修高雅時尚，空間感十足，而且設有VIP房，私隱度十足，更設有酒吧區，而餐廳主打英式中餐既fusion菜，Emperor Tasting Menu $680 / per personChefs Platter：芝麻蝦多士 / 脆皮素春卷 / 田園沙律前菜沙律幾好味，個sauce係主廚自已調較，味道帶少少酸，容易入口。芝麻蝦多士都幾大件，入口香脆有芝麻味，蝦肉幾爽口。脆皮素春卷入口唔油膩，炸得好脆口，個sauce酸酸甜甜地有好開胃。Chefs Soup：鮮蟹肉粟米羹個湯好多蟹肉，質地唔算太杰，味道入口好甜既粟米味。Chefs Buns：香酥鴨掛包感覺似台灣既刈包，鴨肉一絲絲，包入裡少少醬汁，入口味道香濃。Main Courses：脆皮燒牛肋骨配咖啡汁 + $98牛肋骨有驚喜，外皮香脆，肉質嫩而鬆軟，牛肉味濃，咖啡汁係英國入口既咖啡，經過特
英式中菜既餐廳，職員餐廳介紹由英籍華人主理，1908意思係英國第一間既中菜館，而年份係1908年(我都未出世XD)，所以餐名起名叫《1908bc British Chinese》，十分有意思，餐廳裝修高雅時尚，空間感十足，而且設有VIP房，私隱度十足，更設有酒吧區，而餐廳主打英式中餐既fusion菜，
Emperor Tasting Menu $680 / per person
Chefs Platter：芝麻蝦多士 / 脆皮素春卷 / 田園沙律
前菜沙律幾好味，個sauce係主廚自已調較，味道帶少少酸，容易入口。
芝麻蝦多士都幾大件，入口香脆有芝麻味，蝦肉幾爽口。
脆皮素春卷入口唔油膩，炸得好脆口，個sauce酸酸甜甜地有好開胃。
Chefs Soup：鮮蟹肉粟米羹
個湯好多蟹肉，質地唔算太杰，味道入口好甜既粟米味。
Chefs Buns：香酥鴨掛包
感覺似台灣既刈包，鴨肉一絲絲，包入裡少少醬汁，入口味道香濃。
Main Courses：脆皮燒牛肋骨配咖啡汁 + $98
牛肋骨有驚喜，外皮香脆，肉質嫩而鬆軟，牛肉味濃，咖啡汁係英國入口既咖啡，經過特制既配方，唔算好辣容易入口，配上牛肋骨一齊食，味道好夾。
令味道更提升。特別的脆皮牛肋肉!!牛肉濃郁，口感軟熟有脂香，香脆外皮，增添口感~
Main Courses：有甜豆蘆筍炒三鮮 + $98
三鮮有大蝦、帶子、魷魚，十分新鮮，大蝦肉質彈牙，配菜甜豆、蘆筍、三色椒炒得好入味。
英式煙肉粟米粒炒蛋飯：
Main Courses配有炒飯，入口飯粒分明，而且煙肉塊同粟米，增加左飯既口感。
Chefs Dessert：有朱古力榛子蛋糕 / 檸檬慕絲蛋糕
朱古力榛子蛋糕面上有開心果同杏仁碎，慕絲入口幼滑，入口稍甜。
檸檬慕絲蛋糕味道帶酸，正好中和左朱古力榛子蛋糕既甜，個人比較中意檸檬慕絲蛋糕。
Cocktail：The One with the Strawberry
Gin、Amaretto、Vnilla、Strawberry調制以成，果香味濃，酒味不重，易入口。
Mocktails：Blueberry Seltzer
同樣容易入口，好濃藍梅味。
總結，餐廳環境有氣氛，Emperor Tasting Menu每人有7道菜，份量足夠！
張貼
